Saturday, 12 August 2017

Thitin thla Ni 12,2017, Issue No. 32

PAGE - 1
TUALCHHUNG :
Boral :  Pi Ralliani H/o Kamlova (L) kum 75, Buala Sec. a mi chu Sodium hniam  avangin Aug. ni 5, 2017 (Inrinni) khan a boral. A ruang hi a unaupa Pu R. Vanlalsawma te in Vawmphunga Sec. ah lak niin lumen pui a ni a, a tukah Thlanmual-I ah vuiliam a ni.

Damlo :  Tv. Lalchhandama S/o Lalthlamuana Kapdaia Sec. a mi chu Aug. ni 9, 2017 khan Greenwood Hospital-ah a khup an zai a, enkawl chhunzawm mek a ni.


##    Pi Lalkrospari W/o Zolianchhunga, Vawmphunga Sec. a mi chu hmeichhe lam \hatlohna avangin Aug. ni 1, 2017 khan State Referral Hospital, Falkawn-ah zai a ni a, tunah in lamah enkawl chhunzawm mek a ni.

##    Pi Rosangi W/o Khumtira, Lalsavunga Sec. a mi chu Aug. ni 1, 2017 khan State Referral Hospital, Falkawn-ah zai a ni a, tunah in lamah enkawl chhunzawm mek a ni.

##    Vanlalhriatpuia leh Vanlalrintluangi, Vanlalhmuaka fate, Kapdaia Sec. a mite chu Pneumonia avangin State Referral Hospital, Falkawn ah enkawl mek an ni.

##    Thangdailova S/o Zohmingthanga chu   Kulikawn Civil Hospital-ah enkawl mek a ni.

Main Switch thar :  Vengpui lam chawmtu Tranformer main Switch a chhiat avanga  eng kan hmuh \hat theih loh avangin Aug. ni 10, 2017 khan Local Council te chu P&E Dept. Site Office Thakthingah kalin kan veng harsatna sawiin chawpchilh a kan mamawh Main Switch (630 ampere) an va dil chhuak a, hemi ni vek hian thawktu ten an vuah fel nghal a, eng pek pawh a mumal leh ta a ni.
    Bialtu JE Pu Zote-a chungah leh thawktu te chungah Local Council te an lawm hle niin thu kan dawng bawk. Tin, Bialtu JE hian Kapdaia Section area a LT line ban \ha lo thlak na atan ban 2 a pe dawn niin thu kan dawng bawk.

Kawng siam zo ta :  |helretkawn to Pu Chungnunga in inkar kawng chu Bialtu Councillor Er. Thansanga hmalakna in RCC in chhun a ni a, he hna hi MNF Unit ten an thawk a, a sei zawng hi 70 mtrs vel niin a zau zawng hi 9fts vel niin thu kan dawng.

HEADLINE :
HLIMEN QUARRY CHIM CHAMPHA KUM 25 NA
 
    Kum 1992 August 9, Pathianni zing dar 4:00 a Mizorama Chhiatna rapthlak ber mai HLIMEN QUARRY CHIM kha kan la hre \heuh awm e.  Kumin hi a cham vawi 25-na a lo ni ta reng mai.
    Aug. ni 9, 1992 (Pathianni) zing dar 4:00 ah chuan Quarry lung tohlawt leh inphah zui mai chuan a hnuaia chhungkaw engemawzat luah lai In chu a rawn chhilh ta rup mai a ni. Hlimen Quarry chim thu hi zing lamah AIR, Aizawl Station ah puan tir nghal niin BBC pawhin a puang. Hlimen chhehvel khua te leh Aizawl khawpui chhung \halai rual chu chhanchhuahna thawk turin a hmun an pan nghal zut zut mai a ni.
    Aug. ni 9, 1992 khawvar hlim a\angin chhanchhuah hna thawh nghal a ni a. Ruang zawn hna hi Hna hautak tak a nih avangin nitin ngawrh taka thawh a ni. Aug. ni 9, 1992 ah hian Mizo ruang 6 lak chhuah a ni a. Hemi ni zing dar 7:00 vel hian lung a tlak leh avangin insasengna ah mi 17 zetin hliam an tuar a ni.
    He hmuna Mizo khawsa te leh Hnamdang khawsa te hi fel fai taka chhut chhuah an ni a. Mizo thi hi 16 an ni a. An ruang hmuh kim vek a ni. Hnamdang thi 54 zingah 23 ruang hmuh a ni a, 31 te erawh hmuh zawh an ni ta lo. Hnamdang 54 zet hi an thawhpuiten report an pek dan a\anga chhut a ni. Tichuan he quarry chima nunna chan chu 70 chiah an ni ta a ni. Mizo dan angin ni 7 chhung ruang zawn hna hi thawh a ni a, Aug. ni 15,1992 ah tihtawp a ni.
    Nitin ruang zawn hna thawh a nih angin Thlanmualah phum zel an ni a. Mizo leh Hnamdang Kristian te chu Pastor leh Pro Pastor ten an vui liam zel a ni.
    Ruang zawng hnatlang leh \awiawmtute hi theih ang anga chhinchhiah an ni a. Quarry chim Ni erawh chuan chhinchhiah sen a ni lo.
    Mizo thite zingah hian nupa tuak 2 an awm a. Chhungkaw khat atanga thi 5 lai awmna chhungkaw khat awmin 3 thihna chhungkaw 2 an awm a. 1 thihna chhungkaw khat an awm bawk. Quarry chim hian In 16 a tihchhiat bakah Stone Crusher 5 leh Air Compressor 4 a tichhe bawk a ni.
    Pawl leh mimal bakah Sawrkar a\angin Tanpuina chi hrang hrang a lut a. Hliam tuar leh Mitthi chhungte theih ang anga chhawmdawl nan leh pawimawh hrang hrangah hman a ni a. Mizoram Sawrkar kaltlangin Central Sawrkar pawhin Mitthi chhungte zangnadawmna a rawn pe a ni.
    He Chhiat tawha ruang zawn hna hi India Independence Day, Aug 15 nen a innan chhoh avangin Aizawlah ah chuan he Ni pual hian intihhlimna lam hawi engmah programme siam a ni lo.
(He thu hi “Zoram chhiatna rapthlak ber kum 1992 Hlimen Quarry chim mi 70 thihna” tih lehkhabu Rinngaia Colney ziak a\anga lakchhuah kaihtawi a ni.)

PAGE - 2
EDITORIAL :
         INLAWMPUI THIAM
    Mizote hi inlenpawh leh inkawm ngeih tak hnam kan ni \hin a. Chhiatni \hatni ah inlenpui a intawrhpuiin lawmte kan inlawmpui liam liam \hin a ni. Mi chutiang chu in\henawm khawven thu hla ah pawh a nuamin Mizo nih man hi a awm hliah hliah \hin.
    Mithiam te chuan midangte lawmna kan lawmpui hian an lawmna a letin  kan tipung thei a, an lungngaihna kan \awmpui hian an lungngaihna zatve kan lak kiam sak thei a ni an ti.  Mahni pawh hi lo inen ta ila; kan lungchhiatna min \awmpui em em a; min hriatthiampuitu chu engtikah mah kan theihnghilh thei ngai lova, chutiang chiah chuan kan hlawhtlinna leh kan lawmna a min lo lawmpui viautu chu kan ngainep ngai hek lo.
    Kan khawtlang hi han inen bik ta ila, eizawnna, zirna, infiamna etc. a mi hlawhtlingte hi kan ensang em em lova, kan en hniam chuang hek lo. Engah mah inngai hlawm lem lovin kan inpel mai mai niin a lang. Hei hi thil \ha a ni chiah em tih hi inchhut nawn fo ang u.
    Mihring tupawh hian fak hi kan lawm em em vek a, zirlai \ha taka hlawhtling chu fak leh chawimawi avangin a \ang mar pât reng thei a. Infiammi lah fak leh chawimawi thiam chuan a tlin loh tur nia lang pawh a tih theih phah thei a ni. Chutiang chiah chuan thil tihna kawng hrang hrangah fak phute faka; chawimawi phute kan inchawimawi hian kan kang awk awk \hin tih hi kan hriat a \ha hle ang. “Chumi chu Hlimen mi a ni” tia an sawi hunah pawh a chhe lam aia a \ha lama miin min hriat hi thil nuam tak a ni si a.

ZIAKTUTE HUANG :
HLIMEN QUARRY CHIM CHAMPHA - 25 NA
- N.Siamliana
Hlimen Vengchhak


    Hlimen Quarry Chim kum 25-na a lo ni ta reng mai (9th Aug 1992 - 9th Aug 2017). Rilru-ah a lo thleng thar thut a. A hnuaia hla hi han chhiar teh.

1.    Hlimkhawpui zingtian min thotu chu,
    Lirpui nghing leh khawpui ri ianga thinlai \hawngtu,
    Saisen teta tualchaina lungpherpui,
    Suar ang a chim zo ta - a rapthlak kan ti!

        Hringnun duhaisam chu "Dam rei maw"?
        Lianchhung rual leng sum tam an hmuhna;
        Vanduai sawm tamin nun kan chan ta,
        Sorkarpui hian engtin ngai ang maw?

2.    Suanglungpui nunrawng i hrang lua e,
    I hnuaiah Chunnu leh zua an hraichawi laite nen,
    A ngaiten muangten zan mu an chhing si;
    Kar lova piallei thuahriatah I zalh le!

3.    |anpuitu ngaiin kan van ruai a,
    Zawlkhawpui leh Zoram khawvel kan thang chhuak e,
    |anpuitu |halai sang tam pung khawmin;
    Thlaphang lungngai min rawn hnem zo ngei mai.

4.    Kan lawmthu kan sawi thiam lo Lalpa,
    Malsawm tinreng neitu I ni kan ngai ber che;
    Thih dawn lova lainattu zawng zawng te,
    Malsawmna tinrengin Nangin vur ang che.

    He ka hla phuah hi Quarry chima thi tate lungphun, Y.M.A Hall kawta mi, Mizoram Chief Minister Pu Lalthanhawlan a hawn niin Pi Lalsangzuali Sailo (L) khan min sak sak a. Quarry hi khawlai a nih avangin Sorkarin ti tawp se kan duh si a. Mi \henkhatin "Hla phuah teh" min tih avangin kan phuah ve a ni. A original copy ka hmuh mai loh avangin a kum 25 - na lai a lo ni ta bawk nen rilrua a lan thar angin kan ziak leh a ni a. A original ang a ni tawh lo awm hial e. He thu mawi tak hi han chhiar teh.
CONDOLENCE
    We sadly mown for the untimely demise of the sixty six persons who lost their lives in a Tragic Landslide at Hlimen Quarry in the cruel morning of 9th Aug' 92 mournfully we condole the victims and their families. May God Lord keep the bereaved families with his peace which passes all understanding and the souls of the victims rest in peace.
    Aizawl Theological College Aizawl Magazine Vol-14th 1992 - 1993 in min tuarpuina thu ziak a ni khi. A lunglen thlak khawp mai! 

ADVERTISEMENT.....
F.K. SEPTIC TANK service
    Septic Tank khat paihfai,   soak pit hlui leh a thar kan siam theiin, pipe fiting, commoth block kan thawk thei reng e. Motor kan nei a, kan rate a tlawm.
    Rate - Inbiak remna
    Regn. No.: MSR 524 of 15.07.13
     F.K.A
    Ph: 8258058563
(10-1)    9615920739
 
PAGE - 3
HRIATTIRNA :
A thlawna Computer zirna
    CYMA hnuaia a thlawna Computer zirna (Office Assistant Course, 3 months) 17th Batch hawn a ni leh dawn a, a hnuaia tarlan ang hian Office hun chhungin CYMA Office ah dilna Form a lak theih e. Diltu ten mahni awmna veng Branch YMA recommend na lehkha thil tel tur a ni e.
Dil thei chin : HSLC & above.
Application Form lak theih hunchhung : Ni 9-17, Aug, 2017
Last date of Application : Ni 17. Aug. 2017
Interview hun : Ni 19, Aug, 2017 Dar 11: 00 am.

    Sd/- Lalhmachhuana
    General Secretary, CYMA

Electric Line chung chang
    Electric line Clearance hi a pawimawh em em a, LT line hi a thawktute sawi danin  thingzar in 1.5 mts vel talin a hlat tur a ni a, load rit vanga main switch hi chhe thei tho ni mah se, thingzarin a sik emaw a vua emaw a nih chuan main switch hian a tuar leh ngei dawn a, chuvangin, kan in leh a vel leh huan a electric line khawih pawi pha thing leh mau a awm a nih chuan a tuartu vek kan nih avangin ui lo ngam \heuh ila a \ha hle ang. Tin, Dept. lam te pawhin veng hlawm \hen (YMA Section wise) a line clearance nei thei turin min beisei hle bawk a ni.

P/S-I hriattirna
    Govt. Primary School-I Hlimen Compound chhungah leh Bathroom chhungah leh Varandah ah mei te chhem \hin in awm a, chu mai ni loin, ek te in la hnutchhiah zui a. Hei hi zirna school zah lohna a ni a, hetiang hi thleng tawh lo se a \ha khawp mai. Hetiang thil a thlen leh chuan in chungah Action lak a ni tawh ang. Veng ti\awp tu ah tumah \an i tum lo ang u.

    Sd/- Headmaster
    Govt. P/S-I, Hlimen

ADVERTISEMENT :
R.D. SEPTIC TANK service
    Septic Tank khat paihfai,  commode block, pipe line \halo, soak pit thar siam leh a hlui repairing pawh kan ti thei reng a kan sulhnu a felfai a, senior leh rintlak kan ni e, kan rate a tlawm bawk.
     RDA,  Ph: 9436199884,
(6-3)    9612510887

mahmingi tyres works
    I motor ke avanga harsatna i tawh loh nan Retreat leh resole kan tihsak thei reng a che u. Min han pan ve teh u.

    In \hian,
    Pi Lalhmunpuii W/o Lalkunga (L)
(3-3)    Saichhuma Section. Thlanmual veng

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Komode Block leh pipe fitting pawh kan ti thei bawk e. Rate chu inbiakremna ang a ni ang.
(6-3)    VL-a,  Ph.No : 9402344486

LAWRKHAWM :
YMA in râl
    Aug. ni 7, 2018 zan khan  Branch YMA chuan Pi Ralliani  ralna hun a hmang a, a ralna pawisa tling khawm ` 7,540 chu a chhungte hnenah hlan a ni.
    Pi Ralliani chhungte hian a \ul apianga Branch YMA in a hman atan puan 2 pe an hlan let bawk.

UPHC Report
    August ni 5-11, 2017 chhunga UPHC Hlimen pan dan hetiang hi a ni :-
OPD    -   155, Naupai enzat   -  10, Emergency      -  12    Dressing  -  26, Inpatient  -  4
    Aug. ni 16, 2017 hian Urban Local Bodies (ULB's), MAS leh Staff meeting neih ani dawn avangin OPD khar ani ang a, Aug. ni 18 hian Doctor in training a neih dawn avangin OPD khar a ni bawk ang.

MNF lawmthu
    AMC hnuaia hna - Const. of Rigid Pavement, A mount ` 3,03,000 - |helretkawn to Pu Chungnunga in chu Hlimen MNF Unit ten Aug. ni 1-7, 2017 chhung khan thawh a ni a, he hna thawh a nih theih nana sum min ngaihtuah saktu Bialtu Councillor Er. Thansanga chungah lawmthu kan sawi a. Tin, helai kawng \ha taka a kal theih nan hian thlan engemaw zat siksawi/ tihdanglam a ni a, thlan neitu ten harsatna engmah siam lova an thlan te siamrem min phalsak avangin kan lawm hle bawk a ni. Tin, a hmun hma te min enpui a, ruahmanna fel tak min siam sak tu Branch YMA hruaitute chungah pawh Hlimen MNF Unit chuan thinlung takin lawmthu kan sawi bawk e.
    Sd/- Joshua Zotea
    President, MNF Unit, Hlimen

Hlimen Volleyball Club
    Aizawl District Volleyball Season Opening khelh mekah Hlimen Volleyball Club te chuan Quarter Final-ah an khingpui Dinthar chu hnehin Semi Final an lut. Aug. ni 12, 2017 (Inrinni) hian Semifinal-ah Armed Veng South nen an inhmachhawn dawn a, he thu buatsaih lai hian an dinhmun kimchang hriat hman a ni lo a ni.

Chhiatni Report
    Pi Ralliani puala buhfai leh pawisa khawn khawm dan, thlanlaih dan leh tlaivar ziaka hmuh theih chin :-
Section               Chhung
kua    Pawisa    Buhfai    Thlanlai   
                       
Buala                         128           1,100         153          13            
Damvea                      97              940          100            6    
Kapdaia                    126           1,150         134            8           
Lalsavunga                40               400          40            6            
Saichhuma                91               830          95          12    
Vawmphunga            53               530          58            2  
    Total                     535            4,950         580        47  
      Vawmphunga Section hi chhiattawk Section a ni.

PAGE - 4
KEIMAHNI :
Hlimkhawpui Budget
    Hlimkhawpui  May & June 2017  thla Budget  pe tla tawh te:
1.    Kapdaia Sec.    2. Vawmphunga Sec.
3.     Damvea Sec.    4. Saichhuma Sec.
5.    Buala Sec.    6. Lalsavunga Sec.
    Kapdaia Sec., Saichhuma Sec., leh Vawmphunga Sec. ten July & August thla Budget an tlak ta bawk.

Lalsavunga Park Duty tur te
August ni 13, 2017 (Pathianni) 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Zonunsanga. 7. Pu Lalrinchhana. 8. Pu Andrew Lalrinchhana.
August ni 20, 2017 (Pathianni) 1. Pu Lalhmuchhuaka. 2. Pu H. Ralkapthanga. 3. Pu Lalhmingliana. 4. Pu Lalremmawia. 5. Pu F. Zosangzuala. 6. Pu N. Zoliansanga. 7. Tv. Lalkhawmawia.  8. Tv. Lalnunmawia.

Kapdaia Section
    Aug. ni 10, 2017 khan Section O.B. ten Zosangliana, Khawhnai khua inti hnen a\angin No.4 chhinsen 17 leh a hralhna pawisa ` 2,500 chu manin a pawisa hi a chhungte damdawi in a awm mekte hnenah hlan niin a damdawi hi halral nghal a ni.
    Aug. ni 15, 2017 ralhmain ui vulh zawng zawng ten Section hruaitute hnenah mahni ui vulh zat nen in report tur a ni a, in report lo chu ui chuanga ngaih tur a ni.
    Branch YMA in Tleirawl kum 13 - 19 inkar tana  Zonun zemawi inzirtirna hun Aug. ni 18, 2017 (Zirtawpni) zana a buatsaih turah Section chhunga hetiang rual awmte chu Central Workshop kawtah dar 6:30-ah kim tur a ni a, kalna tur Section in a ngaihtuah ang.

Buala Section
    Mi harsa te pual Charity Ride neih tum a ni a, hemi pual a \anpuina thilpek pe duh kan awm chuan engtik lai pawhin hruaitu te hnenah a pek theih reng e.

Zonun ze mawi
     A hnuaia hun leh hmunah hian tleirawl/rawlthar (kum 13-19) inkar te pual a Zonun ze mawi in zirtirna Programme siam a ni a, heng tiang ang rual te chu kal vek tur a ni e :-
    A hun    :    August ni 18, 2017 (Zirtawpni)
            Dar 7:00pm
    A hmun     :    YMA Hall
    Hruaitu     :    Pu Lalhmuchhuaka, President
    Hunserh    :    Nl. Zochuanpuii
     Paper Present    : Pu R. Lalngheta
            Asst. Secy. CYMA
    Items    :    Tv. C. Zosangzuala BS ,
            Tv. Rosangzuala  SCS
    Guest Artists    :     Nl. Lalhmangaihzuali,
            Samuel Chhangte
    Group Item    :    Section tin a\angin (13-19 Yrs).             Hemi zan hian eitur tuihnai tak siam a ni bawk ang.
    Section hruaitu te pawh mahni area a hetiang rual te sawmkhawm turin kan in hriattir bawk e.

KAN THEN TAK
 
Ralliani (Kum 75) chanchin tlangpui


    Pi Ralliani hi Pu Saphlira (L) leh Pi Zaluti (L)-te inkarah kum 1942 khan Sumsuih khuaah a lo piang a. An unau  mipa 4 leh hmeichhia 7 niin a palina a ni a.     Amah hi zaidam leh numnem, \awng tam lo tak a ni a. A phak tawka Kohhran lamah pawh a theih ang tawka inhmang ve \hin a ni a, Pathian chawimawia lamte hi a tuipuiin a ti nasa ve hle \hin a ni. Mi taima tak a ni a, mi inthlahrung mi leh inkiltawih \hin tak a ni.
    Kum 1965 khan an chhungkua hi Hlimen-ah an pemlut a. Hlimen-a an luh hma hian a ni hi chuan pasal a nei tawh a. Fa 3 an neih hnuin an in\hen ta hlauh a.
    Kum 1972 -ah Lalkamlova, Hlimen nen inneiin fa 5 an nei a.  A pasal Lalkamlova’n kum 1986-a a thihsan hnu hian a rilru hi a kal ding \hin em em a. A nunphung pangngai hi nasa takin a hloh chho va. A u leh nau, tu leh fate hnenah te awm kualin a hun tam zawk a hmang a. Taksa chak lohna hrang hrangin a tlakbuak ve reng bawk \hin.
    Kumin kumtir lam a\ang phei chuan a nunphung nasa takin a hloh tawh a. Thla kal ta July, 2017 thla phei chuan a chak lo zual ta viau va. August 1, 2017 (Thawhlehni) khan B.N. Hospital-ah admit a ni a. Investigation hrang hrangte tih a nih hnuin Sodium tlachham a ni tih hriat a ni a. Doctor te’n a taksa tih chak leh nan theih tawp an chhuah reng chungin a chak lohna chu lo zual zelin August 5, 2017 (Zirtawpni) chawhma dar 10:30 khan min lo peih loh san ta a ni.

ADVERTISEMENT.....
In sakna hmanraw |ha
    Tunlai a insakna hmawnraw \ha ber ber - Brickolite AAC Block, Cement, Balu, Sykha Cement englai pawn kan kawl e. Min rawn pan ve teh. Home Deliver pawh kan ti thei e.
    Z.D. BUILD
    Hlimen Damveng
(4-1)    Ph. 8974533566

Favang Film Show
    A hun : 19.8.2017 Zan Dar 8:00 Pm
    A hmun : Hlimen YMA HALL
    Ticket : ` 50/- chauh a ni e. Khawngaih taka kan Film min hlutpuia min en sak \heuh turin vengchhung mipui zawng zawngte kan sawm vek che u a ni. A changtute pawh an rawn kal dawn e.
    Sd/-C.LALCHHUANTHANGA
(1-1)    DIRECTOR FAVANG FILM

No comments:

Post a Comment