Hlimkhawpui 2017: July 2017

Sunday, 30 July 2017

Vawkhniahzawn thla Ni 29, 2017, Issue No. 30

PAGE - 1

TUALCHHUNG :

Boral : Tv. H. Lalremruata S/o Tlanglawmi Damvea Section a mi chu July ni 28, 2017 (Zirtawpni) zing dar 6:45 khan Lungphuchawl avangin an chenna inah a boral a, hemi ni vek hian Thlanmual-I ah vuiliam a ni.

Damlo : Pu J.Zothansanga, Saichhuma Sec. a mi chu pumna avangin July ni 25, 2017 (Thawhlehni) khan B.N.Hospital-ah admit a ni.

##    Pi Lalengliani W/o Pu Rokamlova, Kapdaia Sec. a mi chu B.N. Hospital-ah a rilphir zai niin July ni 27, 2017 khan a lo chhuak leh ta.

##    Pu J. Lal\anpuia H/o Zodinmawii, Buala Sec. a mi chu Apollo Spectra Hospital, Mumbai ah July ni 26, 2017 (Nilaini) khan a lei zai niin enkawl chhunzawm mek a ni.

##    Lalnunhlui D/o Rokamlova Vawmphunga Sec. a mi chu thinlian leh zunkawng \halo avangin July ni 27, 2017 khan State Referral Hospital Falkawn-ah Admit a ni.

##    Pi Lalnunthari W/o R. Dingliana Kapdaia Sec. a mi chu rannung seh avangin July ni 28, 2017 khan Durtlang Hospital ah admit a ni.

##    Lalrammawia S/o PB Lalrammuana Damvea Sec. a mi chu thawhah avanga hun engemaw chen Greenwood Hospital a enkawl a nih hnuin inlamah enkawl chhunzawm mek a ni.

##    Pu Lalkunga H/o Nubawihi Saichhuma Sec. a mi chu July ni 26, 2017 khan a kal a lungte awm avangin incheck up in Shillong lamah an liam thla.

Nâu nei thar : Pu Vanlalenpuia leh Pi Lalmuanawmi te nupa, Kapdaia Sec. a mite chuan an fa 4-na atan naute mipa duhawm tak an nei thar.

Vehbur khawn : Branch YMA in tuilian leh ruahsur avanga vengchhunga vehbur a khawn ah khan Damvea Section ah ` 1,350 luh belh in ti hian avaiin ` 49,200 khawn hmuh a ni.

#######################################

Tun \um Issue chu Malsawmkimi, Kan News Editor Damz-a nau Birthday kan lawm a, an arsa min hlui, tuihnai tawk kan ei a, kan tlai e.

HEADLINE :

Branch YMA Exe. Committee thuchhuak

    July ni 27, 2017 zan khan Pu R. Lalngheta te inah Branch Exe. Committee vawi 8-na neih a ni a, thurel pawimawh tlangpui te:-

1. Lalsavunga Park chu tlawhtu an tamin chetsualna a thlen leh zauh \hin avangin a tlawhtu te chu ruihhlo leh lirthei khalh chungchangah kan him tlan zawk nan hemi chungchangah hian OB ten ruahmanna lo siam se tih a ni.

2. Ramchhunga tuilian leh leimin tuar te tana vengchhunga vehbur khawn ` 49,200 chu a hma thei ang ber in CYMA ah chhunluh thuai tur a tih a ni.

3.Committee hmasain Krismas dawn a Lalsavunga Park chei chung chang Committee leh ah ngaihtuah nise a tih chu harsatna tamtak a awm thei dawn a hriat a nih avangin chei loh mai nise, veng dang rawn chei tum an awm a nih pawhin Department lamah chei lo tura ngen nise tih a ni.

4. Vengchhunga Zonun Ze mawi inzirtirna chungchangah hetiang hian ruahmnna siam a ni:
a) Social neih chung chang -
Tleirawl/rawlthar (kum 13-19) inkar te pual a Programme siam nise -
    A hun   :   August ni 18, 2017 (Zirtawpni)
           Dar 7:00pm
    A hmun    :   YMA Hall
    Hruaitu    :   Pu Lalhmuchhuaka, President
    Hunserh   :   Nl. Zochuanpuii
    Paper Present   : Pu R. Lalngheta
           Asst. Secy. CYMA
    Items   :   Tv. C. Zosangzuala BS ,
           Tv. Rosangzuala SCS
    Guest Artists   :    Nl. Lalhmangaihzuali,
           Samuel Chhangte
    Group Item   :   Section tin a\angin (13-19 Yrs) .
Hemi zan hian eitur tuihnai tak sem nise tih a ni bawk.
b) Thuziak tar chung chang: Chhungtin tan tar tura thuziak buatsaih nise, a hma lama hemi chungchanga mawhphur tura ruat te kutah dah leh a ni a, thuziak hi zawrhchhuah tlak leh mawihnai taka buatsaih nise tih a ni.

5. Pem lehkha : a) V. Zalianthanga te chhungkua Aizawl venglai a mite hnen a\angin pem lehkha hmuh a ni a, pawm a ni. Pi Zothanpari Saichhuma Sec. te in an luah a ni.
b) Lalrinkima Chaltlang a\anga pem lehkha chu hmuh niin pawmsak a ni bawk. Amah hi Damvea section ah a awm a ni.
c) Lalremsanga Electric veng, Lunglei hnen a\angin Testimonial hmuh niin pawm sak a ni.
(Phek lina ah chhunzawmna........)

PAGE - 2

EDITORIAL :

           CHHUNGKAW HLIM NAN
    Ziaktu pakhat chuan, “Kan pian chhuahna chhungkua aiin kan din tur chhungkua a pawimawh zawk. Pathian thiltum bulpui ber leh vawrtawp ber chu, a thil siam zawng zawng te fel taka an awm theihna tura chhungkaw din hi a ni.” a ti a, a dik hle mai. Chhungkaw \ha leh chhungkaw hlim din tur chuan eng hi nge pawimawh ta ang le??
    Mizote hi mahni chhungkaw dinhmun phu lohva inchei leh lan mawi tum kan ni mai em aw ka ti \hin. Mamawh em em lem loh nawmchenna lam (luxury) hian kan rilru hi a luah nasa hle niin a lang. Hausa zawkte dinhmun thlirin anmahni tluk a inlantir kan tumna hian lemchang nunah min hruai luta, chhungkuain a tuar thei hle a ni.
    Kan chhungkaw boruak a nawm loh chuan naupang lamin khawi hmunah emaw nawmna an zawng ngei ngei dawn a ni. Chutah chuan tawn \ha lo tak tak pawh an va tawng thei, nu leh pa hmuh phak loh chinah chuan fel taka invawn reng chu a harsat chin a thleng ngei ngei dawn a ni. Pawn lama hlimna aia nuam leh hlimawm inchhungkhurah kan siam theih chuan chin dan \ha lo leh nun sual hi inchhungkhura kan chhar a nih hlawm si loh avangin chung lakah chuan kan him tlang thei dawn a ni.
    Khawvel inher danglam zelah hian nu leh pa khawvel leh naupang khawvel a inang lova, tuina zawng pawh a inang hek lo. Chuvangin an tui zawng hriatpui tumin zir peih ila, kawng dika hruai thei turin \anlak i tum thar leh teh ang u. Inchhungkhura hlimna an hmuh theih nan siam \hat ngai kan siam \hat hi tih makmawh a ni ta e. Chutiang a nih loh chuan mahni khawvel hran theuhah khawsain tumah inkawmngeih hlei thei si lovin chhungkaw khat ni lovin in khata cheng ho satliah maiah kan chhuak palh ang e.

KAN THEN TAK

H.Lalremruata (Kum 39)
    Tv. H. Lalremruata hi Pu Chalchhunga (L) leh Pi Tlanglawmi-te fa-11 zinga a 10- na niin October 15, 1978 khan a lo piang a. An unau hi mipa 10 leh hmeichia 1 an ni.
    Saihlupuii (L), Samtlang nen inneiin fa pahnih Ngurthansangi (Kum 13) leh Lalvenhima (Kum7) an nei.
    A nupui hian July 12, 2010 khan a lo boralsan tawh a. Tunah hian Inpui nghakin a nu leh a fate nen an khawsa a ni.
    Amah hi mi themthiam tak a ni a. Electronic lam hi a tuina niin eizawn nan hmangin TV, Fridge, Computer etc. siamin Hlimen-ah dawrte hawngin eizawn nan a hmang mek a ni.
    Tin, mi nunnem leh zaidam leh mi hlim thei tak a ni a. |hiante zingah pawh fiamthu thawh thiam tak mai a ni. Mi thil phal tak a ni a, engmah hi ui a nei lo a ni ber mai.
    A hnathawhna leh thil dang avangin khawtlang leh Kohhran lamah a hmel a lang tam thei lo hle mai a. Mak tak maiin tuna a nat atang chiah hian chhungkuaah Pathian hmangaihna lo lang thar zualin TV-a Pathian fakna leh sermon hmangin a inawmtlei \hin a. Tunlai YMA Hall-a Crusade neihnaah pawh kalin Pathianah a lawm hle mai a. Hengte avang hian a unaute ngei pawhin, “Natnate pawh hi Pathian malsawmna a nih hi mawle,” tiin an sawi hial a ni!
    July 10, 2017 a\angin a insawisel tan a. July 17, 2017 a\angin a taksa a chau \an zel a, thawhahin a tlakbuak bawk a. Chutihrualin, piantirh atanga lung \ha lo a niin chhungkaw harsatna avangin phai lam panpui thei lovin; chu a lung \ha lo chu a thihni thleng hian a natna a ni ta a ni.
    Pathian khawngaihnaa zarah vawiin thleng hian a chhungte hian a lung lam \ha lo hi a sawi kan hre ngai lo a. Amaherawhchu, a dam loh takah chuan July 25, 2017 (Thawhlehni) zing karah Dr. Rosangliana panpui a niin lung lam \ha lo a ni tih bawk chu lo sawi lehin lung lam doctor pan turin thurawn pek a nih angin doctor pan tura inruahman mek a ni a.
    July 28, 2017 (Zirtawpni) zingkar dar 5:00 velah pawh a nu nen zing thingpui in dunin a mu leh a. |ha taka mu zal tura ngaih a nih laiin zing dar 6:45 vela a fanu zing rawn tho chuan a pa mu lai chu a duk vek a ni tih a pi bulah a rawn sawi a. An han enchian chuan a mar pawh lo awm tawh lovin chatuan ram min lo pansan ta a ni.

Zonun Ze mawi
1. Pathianin hnam atan ‘ MIZO’ nihna min pe a, humhalh a venghim turin theihna i nei.
2. Mizo nun ze mawi chu ‘ Sem sem dam dam , ei bil thi thi a ni.
3. |anpuina dawngtu nih aiin midang \anpui tu nih tum zawk rawh.
4. Mizote incheina \ha ber chu hawihhawmna leh tlawmngaihna hi a ni.
5. Incheina hi pawimawh hle mah se; zahawmna leh nihna min petu a ni lo.
6. I thawhchhuah mil tawkin nung ngam la, mahni neih baka khawsak tlansan ang che.
7. Zoram par vul nan thing leh mau, nungcha te i humhalh ang u.
8. A ban phak a \anpui ngai awm tlanchhiatsantu chuan pawnfen feng rawh se.
9. Mi thatchhia an dingchang ngai lo.
10. Rinawmna leh dikna hloh khawpin eng thilah mah inhnuk lut suh.
11. Ruihhlo ngawlvei ch a damlai reng pawhin mitthi ruang a ni reng tawh.
12. Aia upa te zahthiamin, an thute awihin zawm fo rawh, p pute ro thil hlu a ni.

PAGE - 3

HRIATTIRNA :

HVC HRIATTIRNA LEH NGENNA
    August 2017 a\angin Hlimen Volleyball Club ten ADVA First Division Tournament kan khel dawn a. Practise nana kan hman \hin Mualzawl ah 3:00 Pm - 6:00 Pm chhungin motor dah hnawk lo turin veng chhung mipuite kan in ngenin kan inhriattir e.

    Sd/- Secretary
    Hlimen Volleyball Club

HRIATTIRNA
    District Council hun laia huan ram pass/permit pek te P.Patta a let (Convert) tura hriattirna chu vawi engemawzat thu chhuah a lo ni tawh \hin a, amaherawhchu, vawiin thlengin District hun laia huan ram pass/permit pek te P.Patta a la let (Convert) lo an awm tih hriat a ni a, The Mizo District (Agriculture Land) Rules 1971 hmangin District Pass /Permit nei a kawl reng reng te chuan an awmna District D.C (Revenue) Office ah he hriattirna chhuah a\anga ni 60 (sawmruk) chhungin an pass/permit copy, P. Patta a let tura dilna thehlut tura hriattir an ni.
    Huntiam chhunga dilna siam lo te chu an Pass/ permit Cancel emaw nunglo (Invalid) anga ngaih nghal a ni ang.

    Sd/- C. Lalpeksanga, Director
    Land Revenue & Settlement
    Mizoram : Aizawl
(He hriattirna hi July ni 13, 2017 ah tihchhuah a ni e.)

Hriattirna
1. Tuihawk luankawr / Side drain -a tui luang ti khaihlak zawngin bungrua dah khap tlat a ni.
2. Kawng ti chep zawngin kawng Black Top, kawng sir, a thlang leh chhakah eng bungrua mah dah phal a ni lo.
3. Kawng chhuat (Black Top) ah Rod, lung etc., chhut phal a ni lo.
4. Heng hriattirna/ngenna dodal tlat te chu :
    (i) Warning pek an ni ang.
    (ii) Warning pek tawh, thu zawm duh lo te chu an bungrua laksak (Seize) a ni ang.
    Sd/- David Sapzova
    Executive Engineer,
    PWD.Aizawl Road South Division, Aizawl.

Khawlaia ui vak chhuak leh an ek i hmuh fo hian i rilru ah enge lo lang \hin le?
Local Council leh Branch YMA in Ran khuahkhirhna chung changa hriattirna/thuchhuah a siam hian nang leh i chhungte ah nghawng a nei em?
Dan leh thupek zawm hi khua leh tui \ha nihna a ni si a.

LAWRKHAWM :

UPHC Report
    July ni 15-28, 2017 chunga UPHC Report :
    OPD    -    200    Naupai enzat    -    5
    Naupiang zat   -   nil   Dressing   -    52
    Emergency    -    12    Inpatient    -    nil
    Minor Surgery    -    2
    July ni 27 & 28 July khan Doctor Training avangin OPD khara ni.

Survey nei
    July ni 26, 2017 khan AMC a\angin kan vengah Household Survey an rawn nei a, Surveyor te hi in sa thar te bakah ennawn ngai te ennawnin an lo kal a ni.

HYAC lawm hle
    Pi Lily Zonunmawii te chhungkua Kapdaia Sec. a mite chuan Hlimen Youth Adventure Club ten \angkai taka an hman atan sumfai \hahnem tak a pe a, an chungah HYAC te an lawm tak zet a ni.

Crusade nei mek
    Agape Gospel Rhema Team chuan July ni 24, 2017 a\ang khan zantin Hlimen YMA Hall-ah Crusade an nei a, Crusade chhimtu an \hahnem thei hle. Ruahman ang chuan he Crusade hi July ni 29, 2017 (Inrinni) zanah a \iak ang. Tarlan tawh angin Crusade thupui-ah Saltlang chhuah zalenna tih hman niin Speaker chu C. Lallianthanga (Thangte-a) a ni.

Hlimen a Kum 80 chin chunglam awm mek te
    Tun dinhmun ah hian Hlimen mi, Hlimen a awm mek; kum 80 chin chunglam hi mi 31 kan awm mek niin hriat a ni a, tih dikloh leh tihhmaih palh a awm chuan a hre zawk ten Editorial Board ah hriattir theih nise a lawmawm ngawt ang. Kum 80 chin te hi kum 1937 leh a hma lama piang te an ni a, chung mite chu (YMA Section zulzuiin, tin, an kum upat dan indawt a dah a ni lo) :-
Buala Section :
    1) Pu Zakiamlova.    2) Pu Vanlalchhunga.
    3) Pi Lalngeni
Damvea Section :
    1) Pi Sangkhumi   2) Upa Thansanga
    3) Pu Thangkama   4) Pu Lallianbuka
    5) Pu Vungdailova   6) Pi Neihchhungi
    7) Pi Lungtiawii   8) Pu R. Hranga
    9) Pu Chalngaiha   10) Pu Nikhuma
    11) Pi Tlangmawii   12) Pu Lalbela
    13) Pu Chalhliri
Kapdaia Section:
    Pi Zamawii
Lalsavunga Section:
    1) Pi Lalvenpuii   2) Pi Lali
    3) Pi Nuchhungi
Saichhuma Section:
    1) Pu Hlimkunga   2) Pu Vanrothanga
    3) Pi Thangkungi   4) Pu H. Chalthanga
    5) Pi Zachhungi   6) Pi Biakdangi
    7) Zoramthangi
Vawmphunga Section:
    1) Pi Darneihthangi   2) Pu Lallianchhungpuia
    3) Thanghnuaii   4) Pi Laltawni
Kumin ah kum 80 chunglam mi 2 in mual min liam san tawh a ni.

PAGE - 4

KEIMAHNI :

Hlimkhawpui Budget
    Hlimkhawpui May & June 2017 thla Budget pe tla tawh te:
1.   Kapdaia Sec.   2. Vawmphunga Sec.
3.    Damvea Sec.   4. Saichhuma Sec.
5.   Buala Sec.

Lalsavunga Park Duty tur te
July ni 30, 2017 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David Vanlalhuma 6. Pu Zolianchhunga 7. Pu Lalbiaksanga. 8. Tv. Lalromawia.

August ni 6, 2017 (Pathianni) 1. Pu Lalrinmawia. 2.   Tv. R. Lalrindika 3. Pu Vanlaltluanga 4. Pu Zoramhmangaiha 5. Pu Laldawngliana 6. Pu Biaknghinglova. 7. Tv. Lalpekthanga (KD) 8. Pu Jerome Lalduhbika (BS) 9. Tv. Lalnunsiama (BS)

August ni 13, 2017 (Pathianni) 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Zonunsanga. 7. Pu Lalrinchhana. 8. Pu Andrew Lalrinchhana.
    Duty tur ruatna siam a ni lova, hei hi ruatna a ngaih tur a ni.

Advertisement....

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Komode Block leh pipe fitting pawh kan ti thei bawk e. Rate chu inbiakremna ang a ni ang.
(6-1)   VL-a, Ph.No : 9402344486

R.D. SEPTIC TANK service
    Septic Tank khat paihfai, commode block, pipe line \halo, soak pit thar siam leh a hlui repairing pawh kan ti thei reng a kan sulhnu a felfai a, senior leh rintlak kan ni e, kan rate a tlawm bawk.
    RDA, Ph: 9436199884,
(6-1)   9612510887

Mahmingi Tyres Works
    I motor ke avanga harsatan i tawh loh nan Retreat leh resole kan tihsak thei reng a che u. Min han pan ve teh u.

    In \hian,
    Pi Lalhmunpuii W/o Lalkunga (L)
(3-1)   Saichhuma Section. Thlanmual veng.

Hmanraw |haduh tan
    Hmanraw hriam \ha, nalh leh tlo duh tan pan theih reng ka ni e.

    - Vanlalzawna S/o Thantluanga (L)
(1-1)   Lalsavunga Section. Ph No : 9862119556

( Phekhma chhunzawmna..........)
6.Central YMA a\anga lehkha: a) Tuilian leh leimin avanga chhiattawk te puala vehbur khawn chhuah te rualkhai leh mumal zawk a sem anih theih nana ruahmanna Central YMA in a siam chu hmuh a ni.
b) Faina kawnga Central YMA leh PHED \angdunin ruahmanna an siam chu hmuh niin Branch Secretary te kutah dah a ni.
c) Branch YMA chanchinbu \ha thlan chung changa lehkha hmuh chu Hlimkhawpui Editorial te kutah dah a ni.
d) YMA Gen. Conference vawi 71-an chung chang :
i) Nomination : Kan Branch a\angin Central YMA OB atan Pu R. Lalngheta hi Nominate leh nise tih a ni.
ii) Kumpuan : “ Ram leh hnam humhalh’ tih chu Kum puan atan rawt nise.
iii) Member boral sun tur an awm a nih chuan Branch Secretary in lo bawhzui se tih a ni.
e) Branch YMA Record chung chang : Branch YMA tin ten an khua/ Veng din dan \obul, hmingput chhan History leh khua leh veng a\anga mi hming\ha leh chhuanawm te Central YMA Record a vawn \hat atana theh luh tur tih chu Secretary ten lo bawhzui se tih a ni.
7. C. Lalthlamuana Jt. Director hnen a\angin Lalsavunga Park a Gate entry a\anga an chan tur percent an hmuhna lehkha chu hmuh a ni.
8. Khurpui Kawng Welfare Committee a\angin Welfare an in din thu leh an hmalak tum dan te hmuh a ni.
9. Hlimen Volleyball Club ten Lalsavunga park a Pathianni duty an rawn dilna chu remchang lo angaih a ni a, a remchang anga \anpui zawk mai nise, tin, kumin chhung atan chuan pawl dang te pawh in an rawn dil a nih pawhin remtih loh nise tih a ni.
10. Pu Lalrinmawia leh Pu Lalroliana te YMA Life Member nih an dilna chu dawn a ni a, Central YMA ah dilpui nise tih a ni.

Aizawl Open-ah
Aizawl Open Badminton Championship, Kulikawn Indoor Stadium a khelh mekah Pu Lalmuanawma leh a Partner chu 35+ Mens Double ah final an lut a, tin, Men Double Final ah Tv. Zarzokima leh a Partner chu final an lut bawk. Ruahman ang chuan Final hi July ni 29, 2017 (Inrinni) hian khelh a ni ang.

Hringnun........

A tel lova kan nun theih miah lohna thil pakhat chu beiseina hi a ni.
America rama lung natna lam specialist doctor pakhat chuan, “Beiseina hi damdawi dang zawng zawng aia ka hman \angkai zawk a ni a, engkim deuhthaw hi a tidam thei a ni,” a ti a. Doctor dang pakhat chuan, “Beisei tur nei lo khawpa mi i siam chuan a kuangah perek pakhat i kilh belhah inngai rawh,” a ti bawk.

Saturday, 22 July 2017

Vawkhniahzawn thla Ni 22, 2017, Issue No 29

PAGE - 1

TUALCHHUNG :

Boral : Pu Thanghmingliana H/o Zoramthangi (L) chu July ni 18, 2017 zing dar 6 khan Cancer natna avangin a chenna inah a boral a, hemi ni vek hian thlanmual-I ah vuiliam a ni.

Damlo : Pi Chhun\huami, Saichhuma Sec. a mi chu taksa chaklohna hrang hrang avangin State Referral Hospital, Falkawn-ah July ni 19, 2017 (Nilaini) khan Admit a ni.

##    Pu Thangkama H/o Pi Mami, Damvea Sec. a mi chu taksa chaklohna avangin July ni 19, 2017 (Nilaini) khan Kulikawn Civil Hospital-ah Admit a ni.

##    Nl. Vanlalnghaki D/o R. Lalhmachhuana (L) Vawmphunga Sec. a mi chu rannung seh avanginJuly ni 18, 2017 Kulikawn Civil Hospital ah enkawl mek a ni.

##    Pu C. Rozama Buala Sec. a mi chu July ni 17, 2017 khan Tata Memorial Hospital Mumbai-ah zai a ni a, he damdawi inah hian enkawl zui mek a ni.

##    Lallawmawma S/o Lawmtluanga Damvea Sec. a mi chu July ni 15, 2017 aizawl Hospital-ah a Tonsil zai a ni a, hun engemaw chen enkawl a nih hnuin tunah inlamah enkawl zui mek a ni.

##    Pi Hmingthanmawii W/o Lalhmingliana Damvea Sec. a mi chu zunkawng \halo avangin July ni 19, 2017 khan Civil Hospital, Kulikawnah Admit a ni.

##    Pu Lalthianghlima H/o Lalzawni Buala Sec. a mi chu Downtown Hospital, Guwahati ah Admit a ni a, he chanchinbu buatsaih lai hian Investigation tih mek niin thu kan dawng.

Khiangawi : Lalremruati D/o Biakthanga Saichhuma Sec. a mi chu Hlima |awizo khua a mi tawnah July ni 21, 2017 (Zirtawpni) khan khiangawiin a liam.

Zirchhianna nei: July ni 21, 2017 (Zirtawpni) khan Hlimen Vengthlang chuanhnuai a leichetna hmun chu Geology & Mining lama mithiam ten an rawn zir chianga, Local Council member ten an lo \awiawm. Helai hmuna lei chet dan hi hlauhawm tak a ni lo niin mithiam te chuan an sawi niin thu kan dawng.

HEADLINE :

CENTRAL YMA CAMPING HLAWHTLING TAK NEIH A NI    July ni 11 - 20, 2017 chhung khan Central YMA chuan zû avanga buaite tan Agape Camping Centre, Durtlangah Camping a buatsaih a, Speaker atan Pu R.Lalramliana Gospel Thunder team leh Pu R. Zaihmingthanga, Gospel Thunder Team te hman niin Deputy Speaker-ah Pu Lalawia, Gospel Thunder Team hman a ni bawk.
    He Camping \anpui nan hian sum fai ` 7,43,430 dawn a ni a, hemi bakah hian chawhmeh leh ei tur hrang hrang; Group leh Branch YMA, kohhran, mimal leh chhungkua, Local Council leh Home Minister a\angin dawn a ni bawk.
    Tin, Camping Committee puipate bakah Security, Mess, Medical, light & Sound leh Sanitation ah mawhphur tur te inruat a ni a. Durtlang Branch, Durtlang North Branch leh Bawngkawn Branch ten Security hna an inthawhchhawk a, Leitan Bial Presby. kohhran hmeichhia te chu |awng\ai khawla hman an ni. Camping chhung hian ram hruaitu leh kohhran hruaitu tam tak a hmunah kalin an \awiawm \hin a ni.
    July ni 20, 2017 (Ningani) khan Camp chhuah ni Programme leh inthlahna hun an hmang a, he hun hi Camping Committee Chairman Pu Lalrochuanga Pachuau Fin. Secy. CYMA chuan a kaihruai a, Tv. Lalhmachhuana, Gen. Secy. CYMA chuan thuchah \ha tak a sawi a, mimal zai thiam tak takte zai ngaihthlak a ni bawk.
    July ni 20, 2017 (Ningani) zan a\angin Zarkawt Presby. Kohhran Biakin-ah Camping Follow-up Programme hman \an nghal a ni a, hemi zan inkhawm hi Upa Lalrochuanga Pachuau, Fin. Secy. CYMA in a kaihruai a, Pu Lalramliana, Speaker, Gospel Thunder Team hnen a\angin Pathian thuchah ngaihthlak a ni a, July ni 21, 2017 zan inkhawm hi Upa Lalthanzama, Zarkawt in a kaihruai a, Pu R. Zaihmingthanga, Speaker, Gospel Thunder Team hnen a\angin Pathian thuchah ngaihthlak a ni. Ruahman lawk angin July ni 22, 2017 zan inkhawm chu Upa Lalhmuchhuaka, CEC in a kaihruai ang a, Pu Lalramliana, Speaker, Gospel Thunder Team hnen a\angin Pathian thuchah ngaihthlak a ni ang. Tin, July ni 23, 2017 (Pathianni) zan inkhawm hi Rev. C.Ronghinga, Chairman Zarkawt Kohhran in a kaihruai ang a, Pu Lalramliana, Speaker, Gospel Thunder Team hnen a\angin Pathian thuchah ngaihthlak a ni ang.
    He Campingah hian mipa 242 leh hmeichhia 10 an lut a, Issue hmasa lama tarlan tawh angin kan Branch a\ang pawhin mi 9 an lut a, piantharna changin an rawn hlim haw hle niin thu kan dawng.

PAGE - 2

EDITORIAL :

            DAN LEH THUPEK
    India ram hi dan ngah ber ram kan ni a. Kan danpui (Constitution) ah hian zawm sen loh; khua leh tuite tana ham\hatna tur a tlar del dul mai a ni. Hei bakah hian sakhaw hrang hrang vuantu ten kan lehkhabu thianghlimah dan leh dun kan zawm tur; mihring te tana \ha ber ber tarlan a ni bawk.
    Hetiang taka dan ngah ram kan ni hi a sawt vak lo nge ni; dan zawm \hat lamah kan hlawhchham angreng hle. Dan pawh hi \ha hle mah se; a zawmtu turin engahmah a ngaih loh chuan awmzia a nei thui lo \hin hle a ni. Kan ram hruaitu (Legislator) te dan siam emaw, dan kengkawhtu te emaw ai pawha pawimawh zawk chu a zawmtu tur ‘KEIMAHNI’ \heuh hi kan ni awm e. Dan leh thupek hlawhtlin leh hlawhtlin loh chungchangah mimal tin ten mawh kan phur lian hle a ni.
    Keini vengah pawh vengchhung mite tana kan \hatna tur VC/LC ten dan an lo siam tawh \hin a. A theih ang anga puanzar leh a hlawhtlin theih nana hmalak a ni chung pawhin awmzia a nei hlei thei \hin lo a nih hi. Dan zawm \hat lamah heti tak maia kan veng kan hlawhchham mai hi tû mawh nge ni ta ang le...Dan leh thupek kengkawhtute nge mimal tin..?
    Aizawl pawn lam khaw pakhatah chuan an khawlaiah ui leh âr hmuh tur a awm hauh lo mai a, ‘hetiang hian engtinge in tih theih’ tiin ka zawt a, min chhan dan chuan ka rilru a khawih hle, “VC ten Mike ah an puang a, kan zawm mai” an ti. Hetiang hi engvangin nge kan nih ve theih loh ? Hlimen-ah hian misual tak tak hlir kan awmkhawm pawh a ni chuang bik si lova. A pawimawh ber chu mimal tinte dan zawm \hat kawngah kan pianthar a ngai a ni.
    Kan tu leh fate seilenna atana veng kan neihchhuan kan HLIMKHAWPUI hi a chhiat a \hatah tuna mite hian mawh kan phur a ni tih hrerengin hawh u.. kan khawtlang tan hian pheilai i vawr ang u hmiang.

KAN THEN TAK

Thanghmingliana (Kum 73)
    Pu Thanghmingliana hi April 21, 1944 khan Pu Laldailova (L) leh Pi Thangrumi (L)-te inkarah an unau zinga a 12 na ni turin a lo piang a. An unau hi mipa 8 leh hmeichhia 6 an ni.
    Kum 1983 khan Pi Zoramthangi nen inneiin fa pali (4) an nei a, Pu Thanghmingliana hian tu pahnih a nei bawk.
    Pu Thanghmingliana hi mi zaidam leh thil phal, \henrual kawm thiam leh mi ngainat hlawh tak a ni a. A tu leh fate pawh a duat thiam hle. Pawl leh khawtlangah a phak ang tawkin a inhmang \hin . A nupui hian kum 2009 khan a lo boralsan tawh a. Tin, a fapa Lalliankima hian kum 2001 khan a lo boralsan tawh bawk.
    A phak ang tawk tawka khawtlangah inhmangin Hlimen Branch YMA-ah Vice President-te lo ni tawhin, Hlimen Games & Sport Association-ahte President a lo ni tawh bawk. President a nih lai hian Mizoram pum huap Hockey Champion a lo nihpui tawh bawk a ni. A kumte a lo upat hnu hian MUP, Hlimen Unit lamah inhmang zuiin a thihni thleng hian MUP. Hlimen Unit member rinawm tak a ni.
    Nikum 2016 June thla a\ang khan a insawisel \an a. August thlaah check up a ni a. A taksate khawl hmanga enfel vek a nih hnuin chuap Cancer a ni tih hmuhchhuah a ni a. Theih ang anga enkawl a ni a. A natna hian kiansan tak tak tawh lovin zawi zawiin a hriselna a tlahniam zel a. Hetiang natna hi tuar mah se, Pathianah lawmna a neih tlat avangin amah pawhin a tuar thiam hle a, chu chu a chhungte lawmna leh thlamuanna pawh a ni.
    Theih ang anga in lama enkawl a ni a. A natna chu lo zual zel mah se, zual thut leh tawrh hrehawm khawp tuar lovin July 18, 2017 (Thawhlehni) zing dar 6:00 khan min lo kalsan ta a ni.

Saltang chhuah zalenna Crusde
    June ni 8, 2017 a lo rel tawh angin Agape Gospel Rhema Team chuan July ni 24- 29, 2017 chhung hian zantin Hlimen YMA-ah Crusade a buatsaih dawn a, sikul naupang exam awm loh lai ber ni a hriat avangin he hun hi ruat a ni. Exam lai an lo awm pawhin pawn lama bengchheng awm lo tura siam a ni ang.
Programme tlangpui pawh hetiang hian ruahman a ni-
    Thupui    :    Saltlang chhuah zalenna
    Speaker   :   C. Lallianthanga (Thangte-a)
    Chairman   :
    July ni 24, 2017, 8 :30Pm   :   Upa PC Lalramdina, IKK Hlimen
    July ni 25, 2017, 8:30Pm   :   Upa Lalengliana, Presby. Hlimen
    July ni 26, 2017, 8 :30Pm   :   T/Upa Vanlalmalsawma,
           IKK Hlimen
    July ni 27, 2017, 8:30Pm   :   Upa J. Zothansanga, IKK. Hlimen
    July ni 28, 2017, 8 :30Pm   :   Upa Laltinkhuma, BCM Hlimen
    July ni 29, 2017, 8:30Pm   :   Upa Sangzarliana,                        Vengthar Presby. Hlimen.
    Councelling duh tan inkhawmban apiangin \hutfual tur a ni a, mamawh dan a zirin chhunlamah pawh hun awm thei tura beisei a ni.
    Inkhawm apiangin thawhlawm bawm dawh a ni anga, inkhawm inthlahrun phah nan erawh hman loh tur a ni.
    A tawp zanah thingpui ruai tui tak buatsaih a ni ang.
    Ringtu nun kawnga saltanna/harsatna nei te lo kal tura sawm vek kan ni e.
    Sd/- Ro\huama, Chairman, Crusade Committee.

PAGE - 3

HRIATTIRNA :

City Bus chuan man
    Hlimen - Kulikawn City Bus chuan man (Rate) ` 15 hman mek chu thu leh awm hma chu ` 10/- (ten) a hman tawh tur a ni.

    Sd/- Secretary, ACBOA

Electoral Roll chung chang
    Tun thla, July ni 1-31, 2017 chhung hian kum 18-21 inkar Electoral Roll a la in ziaklut lo zawng zawng inziakluh runpui (Special Drive) neih tur a ni a, Jan. ni 1, 2017 a kum 18 tling thar te chu Electoral Roll ah hian ziak luh theih an ni ang.
    Electoral Roll a in ziaklut thar tur te chuan Passport size thlalak pakhat, Birth Certificate xerox leh Proof of Place of Residence atan heng - Ration Card, Bank Pass Book, Driving License, Adhaar Card etc. Xerox copy thil tel tur a ni.

    Sd/- C. Zothanliana   Sd/- Lallawmzuala
    Hlimen -I, BLO   Hlimen-II, BLO.

Health Clinic hriattirna
    Tarlan \hin tawh anga hmeichhia pasal nei lai zawng zawng (Fa nei thei tawh lo tura insiam te tello in) kum 15-49 inkar ten ham\hatna dawnna turah bank kal tlang vek a pek a nih tawh dawn avangin Sub Centre ah July ni 20, 2017 hmain in ziah luh fel vek tur a tih chu karleh lam thleng hun hawn belh a ni e. Heng te hi ken tel tur a ni ang -
1. Adhaar Card.    2.Mahni Account.
3. Nu in Account a neih loh chuan pasalte Account emaw, pasal ten an neih loh chuan chhungkua a mi a remchang apiang.

- Health Staff, Hlimen Clinic.

Branch YMA Exe. Committee
    Karleh , July ni 25, 2017 (Thawhlehni) zan dar 7:00 khian Pu R. Lalngheta te in-ah Branch YMA Exe. Committee neih tur a ni a, Kohna hi sem tho tur a ni a, kohna hmu lo palh kan awm chuan hei hi kohna puitlinga ngaih tur a ni e.
Sd/- Secretary

Bengchheng hle
    Kan thudawnna in a sawi danin tunlai hian zan lamah |helretkawnah midangte tana ninawm khawpa bengchheng an awm \hin a, tun hnuah chuan helai hmuna chetla \hin te pawh midangte tana harsatna siam zawng leh ninawn/bengchheng lo turin kan in ngen a ni. Hetianga midangte tana harsatna siam khawp a che kan awm a, report a awm chuan a \ul anga hmalak a ni ang.

############################################

Ui leh âr chhuah khapna thupek a awm reng chunga i ran i khuahkhirh loh hian i mizia i pho lang a ni. Kan khawtlang a lo thianghlim zawk nan dan leh thupek i ngaipawimawh ang u.

LAWRKHAWM :

Vehbur khawn zawh ni ta
    Kumin ruahsur nasa avanga Zoram chhunga tuilian leh leimin avanga chhiattawk te pual a kan Branch YMA pawhin chhungtinte hnena vehbur a khawn chu zawh a ni ta a, hetiang hi a luh dan a ni:-
    Buala Sec.   -   `   10,240   Damvea Sec.   -   `   12,100
    Kapdaia Sec.   -   `   10,380   Lalsavunga Sec.   -   `   1,800
    Saichhuma Sec   -   `   8,880   Vawmphunga Sec.   -   `   3,850
    Total   -   `   47,250
    Vanduaithlak takin kan veng pawh hi chhiatna nasa tak tawk tawh, rampum huapa mite \anpuina dawng tawh kan ni a, tun dinhmuna midangte tana \anpuina petu zawk kan ni thei hi thil lawmawm tak a ni. Kan chhiattawh tawhna hre renga tun\um vehbur khawn ah pawh chhungkaw \henkhat ten a sangbi teh meuh meuh a pe kan awm thei te hi a ropui tak zet a ni.

Welfare din
    Hlimen Khurpui kawng lama cheng chhungkaw 20 zet chuan an kawng chhe lutuk siam\hat a nih theih nan July ni 2, 2017 (Pathianni) khan Welfare an in din a, hetiang hian hruaitu an in siam :-
    Chairman   :   Pi L. T Muani Fanai
    Vice Chairman   :   Pu Robuanga
    Secretary   :   Pu MS Dawngliana
    Treasurer   :   Pu V. Than\huama
    Fin. Secy   :   Pu Lalruatkima
    Heng bakah hian Committee Member leh Adviser te ruat bawk an ni.
    Welfare dinchhan hi kawngchhe lutuk, intih palh hlauhawm khawp a tuihawkin nasa taka a hreuh chhiat tawh avanga chhanchhuah a nih theih nan te, Chhiatni/\hatni tawh changa veng chhung mai ni lo; veng danga chhungkhat laina mai bakah \henrual \ha ten an rawn tlawh a veng tana mualpho thlak lutuk a kawng chhia te hi siam\hat ve thuai a nih theih nan bakah kawng neih a nih theih na tura Compound/huan ram nei tu ten ram a \ul anga kawng siam \hat anih theih nana sahthlak (an phal) inpekna rang taka bawhzui a nih theih nan te a ni.
    An hmalakna hrang hrang a finchhuah a a \ul anga phungbawm turin khawtlang mipui bakah Local Council, YMA, MHIP etc. \anpui fo an duh thu an sawi bawk.

Lawmthu sawina
    July ni 16, 2017 a kan fapa Zion Ramthianghlima Park-a a chetsualna chungchangah Hlimen Branch YMA te chungah kan lawm hle a, in tha leh zung senga min bawihsawm hi Pathian in a let tam tak in a rulh ngei che u kan ringa, Hlimen Branch YMA te chungah Pathian hmingin lawmthu kan sawi tak meuh meuh a ni.
- A nu leh pa, MS Dawngliana leh Helen Vanlalmawii
Chanmari :Aizawl

Follow -Up hun hmang
    CYMA buatsaih a Agape Camping Centre a Gospel Camping neih chu July ni 20, 2017 (Ningani) khan a \iak ta a, Follow-up hi Zarkawt Presby. Kohhran Biakin ah neih niin July ni 23, 2017 (Pathianni) zan thleng neih a ni ang. He Camping a kan Branch a\anga lut te \awiawm hian kan Branch Exe. Committee te pawh in Follow-Up hi an chhim \hin a ni. A duh apiang tan chhim theih a ni bawk.

PAGE - 4

KEIMAHNI :

Hlimkhawpui Budget
    Hlimkhawpui May & June 2017 thla Budget pe tla tawh te:
1.   Kapdaia Sec.   2. Vawmphunga Sec.
3.    Damvea Sec.   4. Saichhuma Sec.
5.   Buala Sec.

YMA in râl
    July ni 20, 2017 zan khan Branch YMA chuan Pu Thanghmingliana Saichhuma Sec. a mi ralna hun a hmang a, a ralna pawisa tling khawm ` 10,440 chu a chhungte hnenah hlan a ni.
    Pu Thanghmingliana chhungte hian a \ul apianga Branch YMA in a hman atan puan an hlan let bawk.

Chhiatni Report
    Pu Thanghmingliana puala buhfai leh pawisa khawn khawm dan leh thlanlaih dan ziaka hmuh theih chin :-
Section   Chhung   Pawisa   Buhfai   Thlan lai
       kua
    Buala                   127   1,120   144   25

    Damvea              116   1,050   123   20
    Kapdaia                 83   730      96   13
    Lalsavunga           36   340        32   13
    Saichhuma   63   570        69   12
    Vawmphunga      54   470        62   8
    Total                     479   4280   526   91
    Saichhuma Sec. hi chhiattawk Section an ni.

Chhiatni inkaihhruaina
Ralna bawm dawh thu : Inralna bawm kan dawh hi ruang thlak zan atanga dawh thin tur a ni.

Y.M.A. zan : Ruang tlaivarpui a nihin, tlaivarpui zan atanga zanthum chhung hi YMA zan a ni ang a; tlaivarpui loh a nih chuan, ruang thlak zan atanga zanthum chhung hi YMA zan a ni ang. Tan hun hi nipui laiin dar 7:30 p.m., thlasik ah dar 6:30 p.m. a ni ang a. Tin, Biak In bul hnai a nih chuan, tan hun hi nipui laiin dar 8:00, thlasik-ah dar 7:30 a ni thung ang. Tan atanga darkar khat chhung hun hi hman thin a ni ang.
- Chhiatni inkaihhruaina 2017, Hlimen Branch YMA. No 19 & 21.

Lalsavunga Park Duty tur te
July ni 23, 2017 (Pathianni) : 1. Pu Lalroliana. 2. Pu. R. Lalbiakmawia 3. Pu Vanlalliana 4. Pu K. Lalremruata 5. Pu Lalthantluanga. 6. Pu Lalnunhlimpuia (DV) 7. Pu Lawmtluanga (DV) 8. Tv. Lalchhanhima (DV).

August ni 6, 2017 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David vanlalhuma 6. Pu Zolianchhunga 7. Pu Lalbiaksanga. 8. Tv. Lalromawia.

August ni 13, 2017 (Pathianni) : 1. Pu Lalrinmawia. 2. Tv. R. Lalrindika 3. Pu Vanlaltluanga 4. Pu Zoramhmangaiha 5. Pu Laldawngliana 6. Pu Biaknghinglova. 7. Tv. Lalpekthanga (KD) 8. Pu Jerome Lalduhbika (BS) 9. Tv. Lalnunsiama (BS)
Duty tur ruatna siam a ni lova, hei hi ruatna a ngaih tur a ni.

Lawrkhawm chhunzawmna......
J.E. dah thar
PHE, Chhimphei Section, Hlimen-a Junior Engineer thawk lai mek chu Office hmunpui lamah sawn niin a aiawh tur hian David Lalthansanga chu dah thar a ni a, July ni 17, 2017 (Thawh\anni) khan a hna thar hi a rawn zawm a ni.

Central YMA hmalakna
17.7.2017 : Tun hnaia Mizoram chhunga ruah sur leh leimin vanga chhiatna tawkte \anpui nan a hnuaia tarlan ang hian Central YMA chuan pawisa leh buhfai a dawng -
1) Mizo Professional Footbal Association - ` 1,18,462.00
2) Young Paite Association, Churachandpur, Manipur - ` 1,53,120.00 leh Buhfai 183 Bags
3) Mandalay Mizo Association - ` 20,000.00
Heng thilpekte hi Central YMA Committee Room-ah Central YMA OB ten an dawng.

17.7.2017 : Central YMA-in Zu avanga harsatna tawkte puala Agape Camping Centre-a Gospel Camping a buatsaih chu Pu R. Lalzirliana, Exice Minister leh Pu Ngurchungnunga Sailo, Commissioner, Excise & Narotics Deptt. ten an tlawh a, Camping \anpui nan ` 5,00,000.00 an hlan a, Central YMA OB leh CEC ten an lo dawngsawng.
19.7.2017 : PWD buatsaihin E-in-C Conference Hall-ah Workshop on Road Fund neih a ni a, Dr. Malsawmliana CEC a tel.

19.7.2017 : Ailawng Branch YMA-in Rising Day vawi 71-na an lawm a, Pu Lalbiakzuala President peh Pu R. Lalduhawma CEC ten an hmanpui.

20.7.2017 : Hakha Rescue Committee, Myanmar a\angin mi 11 te chu Mizoramah an lo kal a, Hakha leh Thantlang mipui ten Mizoram a leimin leh tuilian avanga harsatna tawkte \anpui nan pawisa an thawhkhawm ` 15,02,960.00 chu Central YMA-in a tuartute hnena an hlan leh turin Central YMA hruaitute hnenah an hlan.

20.7.2017 : Central YMA-in Zu vanga harsatna tawkte puala Gospel Camping a buatsaih chu an chhuak a, Zanah Zarkawt Presbyterian Kohhran Biakin ah Follow Up Programme hman a ni a, Campers mi 252 te chu hlim takin an chhuak a ni.

Advertisement.....

Hringnun.....

Sual hi lui nen a in-ang khawp mai. Lui pawh hi a hnarah chuan tlem tein a luang ri her her a, a tawpah chuan tuifinriat fawn hlauhawm takah a chang mai thin a ni.

Saturday, 15 July 2017

Vawkhniahzawn thla Ni 15, 2017, Issue No 28

PAGE - 1

TUALCHHUNG :

Damlo : Pu Lal\anpuia H/o Zodinmawii chu taksa lam \hatlohna avangin Mumbai-ah in check-Up in an thang mek.

##    Pi Donny Lalthanpari W/o Biakropuia, Saichhuma Sec. a mi chu July ni 12, 2017 (Nilaini) khan State Referral Hospital-ah a kala lungte awm zai a ni.

##    Pi Lalruatpuii W/o Mark Lalhmingmawia, Damvea Sec. a mi chu kal vûng avangin Bethani Hospital, Kawltheihuan-ah enkawl mek a ni.

##    Lalhmangaihsanga S/o Abusale-a, Saichhuma Sec. a mi chu July ni 10, 2017 (Thawh\anni) khan Civil Hospital-ah a ban ruh tliak zai a ni a, tunah in lama enkawl chhunzawm mek a ni.

##    Pi Sangzuali W/o Lalrimawia (L) Lalsavunga Sec. a mi chu luak, kaw\halo leh khawsik avangin Doctor te rawn niin inlamah enkawl mek a ni.

Khiangawi : Lalramhluni D/o Lalramenga, Buala Sec. a mi chu Lalhriatkima, Chaltlang a mi tawnah July ni 14, 2017 (Zirtawpni) khan khiangawiin a liam ta.

Nei thar : Local Council chuan AMC a\angin Solar Power Pack an lei thar. He Solar Power Pack hi Subsidy in ` 7400 a lei a ni a, A power pek chhuah leh khawlkhawm theih zat hi a pui tham hle. A fit thiam ten an fit hun hunah hman theih a peih a ni ang. Local Council chuan Curent awm loh chang a emergency ah khawtlang mamawh, a bikin information mike ah pawh hman theih turin ruahmanna an siam niiin thu kan dawng.

In zirtirna hun hmang : Forest Department hmalakna in Hlimen High School naupang te chu Lalsavungah park ah hruai an ni a, thing leh mau te leh mihring te boruak \ha kan inpek tawn dan leh nungchha te thlengin kan in mamawh vek a ni tih Park fankual pahin in zirtirna an nei.

Bawlhhlawh bawm sem : Tunkar chho khan Local Council chuan SIPMIU a\anga an hmuh bawlhhlawh \awih thei leh \awih thei lo paihna tur bawm a hring leh a pawl chu veng chhunga sawrkar hmun ah leh zirna in ah te an sem.

HEADLINE :

ZONUN ZEMAWI
-R. Lalngheta, Asst. Secretary, Central YMA.
(Paper Present - Zonun zemawi Seminar, 27th, June, 2017)
Chhunzawmna.....
3. Rinawmna : Rinawmna hi mi tupawhin kan mamawh a ni a, mimal leh pawl zahawmna vawngtu pawimawh ber kan ti thei hial awm e. Chuvangin ‘ni chu ni, ni lo chu ni lo’ ti thei zel tura YMA te kan inbuatsaih chhunzawm zel a pawimawh hle mai. Kut tling lova sum lak luhte, hlemhletna te hi Mizo nun nen a inhmeh lova, heng lakah te hian kan insumin kan invawng tlat tur a ni. Kut tling lova sum tam tak neih hi ropuina leh zahawmna a ni lo, rinawmna leh dikna hian kan nun a tihlimin, zahawmna min neih tir zawk ani tih hriain, rinawmna hi i vawng zel ang u. Tunlaiah mi rinawm, mahni thawhchhuah bak neih duh lo kan la awm tlatte hi a ropui a, heng mite hian fak leh chawimawi an phu a, infak leh inchawimawi te hi kan uar deuh deuh a \ul hlein ka hria. Thil bo chhar, media lama atanga a neitu zawn thawm kan hre \hinte hi a ropui a, kan Zonun Zemawi ti par vultu leh tihlutu a ni. Rinawmna tel lo chuan khawsakho leh nunho hrim hrim pawh hi a nuam lova, chuvangin, rinawmna hi vawng tlat turin kan insawm tak zet a ni.

4. Taihmakna leh Intodelh : Hahdam leh hahchawlhte hi mi tute pawhin kan thlahlel theuh a, hahchawl leh hahdam tur erawh chuan 'Hah' hmasak phawt a ngai tih erawh kan hriat a ngai. Hah miah lova chawlh ve ringawt hi chu hahchawl ni lovin, awm mai mai an ni zawk. Midangte neih ban duak duak lova, intodelh turin tumruhna leh chhelna nen taima taka hna kan thawh a \ul a ni. Mi \henkhat chu retheih chhuanlama chapo tak hi a awm theih a, rethei tlat khawpa thatchhia kan nih loh nan YMA member ten \an kan lak a ngai. Eiruk a in ropui tak sate kan ngaihsan loh rualin, thatchhiat avanga in leh lo din thei lo khawpa retheite an ngaihsan awm chuang lo. Rethei tlak khawpa thatchhia kan nih loh nan YMA member ten tan kan lak a ngai a ni. Intodelhna hian inremchemna a keng tel tlat a, mahni thawhchhuah phu lova nun leh khawsak phei hi chu thil zahthlak leh tlawm thlak a ni. Mizo nun zemawi tak chu taihmak leh intodelh hi a ni.

5. Aia upa zah : Mizo nuna mawi leh hlu tak chu aia upa zah hi a ni. He nun mawi tak hi kan la chhawm nung zel em tih hi kan inenfiahna ni fo se a duhawm hle mai. Pi pute nunah chuan aia upate tirh hi hnial ngai lovah ngaih a ni \hin. Ruai \hehnaah pawh upa ten an bar hma chuan naupang zawk ten an bar khalh ngai lo. A huhova thil tihnaah aia upa zawkte naupang zawk ten an duh sakin an zahthiam hle \hin. Hnathawhna kawngah pawh a harsa leh hrehawm lai chuh te, ei leh in a midangte kenthiam te hi Mizo nun zemawi tak a ni. Bus chuannaah te upa zawk \hutna ken chinte hi a Mizo em em a ni. Tunhma chuan val upa te zahna leh thuawihna a nasa hle. Mizawn inchuh changte hian Valupa ten "a tawk tawh e" an tih chuan tuman tihluih an tum ngai lo. Vawiinah hian aia upa thu zawm nachang hre lo kan tam ta niin a lang. Kawt laia insual buai \helh pawh kan chak ta meuh lo chu a nih hi. Hetiang zela kan awm loh nan YMA lam atanga nasa leh zuala \an kan lak hi a ngaiin ka hria.
Phek 2 na-ah chhunzawm a ni...

PAGE - 2

EDITORIAL :

            MI Ã
    Mi ã han tih hian pian phunga kim lo leh mi huihphâi, mi pangngai ang pha lote hi kan rilru-ah a lo lut nghal mai awm e. Mahse, kawng danga âtna nei silo; mahni tana \ha leh \ha lo pawh hre lo leh thil tihin lukhawng leh nghawng a neih dan tur chhut peih miah lo leh ngaihtuah tum lo mi ã hi an awm ve leh a. Chungte chu sawi ka tum zawk chu an ni.
    Vantlang thil mahni ta a ni tih hre duh lova; kutthak hnawih nana hmanga tihchhiat/ruk chingte hi mi ã te zingah a langsar pawl tak an ni awm e. Heng mite hian mimal, chhungkua leh khawtlang tana thil pawi tur ngaihtuah duh miah lovin vantlang thil pawimawh hrang hrang an khawih chingpen a, khawtlangin kan tuar a, heng mi ã te avang hian kan khawtlang hmel a bal \hin a nih hi.
    Nungcha leh ramngaw humhalh nachang hre lo leh hetiang ti duh miah lova mahni chauh \anghma hai mi ã an awm bawk. Nungchate pawimawh zia leh kan tana ramngaw hlut zia chu sawi ngai lovin kan hre tlang awm e. Mahse heng mi ã te hian a pawimawh zia pawh ngaihtuah duh lovin nungchate suat rem zawng leh ramngaw tichereu zawngin kan tal hiar \hin zawng a nih hi. A pawi \hin khawp mai.
    Heng mi ã te át dan hi kan sawi kim seng lovang. He thil pawi tak hi a ã ve lote hian kan vei a ngai a, engtiangin nge hma kan lak ang tih hi kan ngaihtuah a pawimawh khawp mai. Heng mite hi Electric Shock hmanga tihharh chi an ni lova, an thil tih pawizia leh sim a \ul zia hrilh a, thiam taka zilhhauna pek chi an ni mai thei. Chuti chung pawha harh thei lova an ring tikhawng tlat te chu dan anga hremna pek chi an ni ngei ang.

Phekhma chhunzawmna......
Kan rual u te chuan fehkawng a ke a an kalnaah upa zawk leh tar chak lote an hmuhin zah takin an phurte an chhawk \hin. Tun dinhmunah hian ke a kan kalin emaw motor a kan kalin emaw, aia upate zahna kan lantir ngai em tih hi kan inzawhna ni se, kan ti ngai lo a nih chuan tih thar atan a duhawm hlein ka hria. Aia upate zahthiamin, an thute awihin zawm fo rawh tih kan sawi \hinte hi a takin nunpui leh ta ila a va \ha dawn em. Kan Zonun Zemawi tak aia upa zahna hi \hangthar te nuna par vul tir zual zel tur hian \an kan lak a \ul tak zet a ni.

6. Induhsak tawnna : Kan pi pute nuna mawi leh duhawm tak chu induhsak tawnna hi a ni. Sem sem dam dam, ei bil thi thi tih tawngkam mawi tak hi a takin an lo nun chhuah pui a, an thil neih te inhlan tawnin, thlai thar an neih pawh inthartem \hin an ni. |henawmte bai insuahte hi an uar hle. Hei hian an nunah \henawm khawveng induhsak tawnna nasa tak an nei tih a ti lang chiang hle awm e. Mahni chhungkua chauha ei bikte, neih bikte hi nuam an ti lova, a Mizo lo a ni tih an tilang chiang hlein ka hria. Vawiinah chuan keimah ka din chhuaha ka neih dawn phawt chuan, \henawm khawvengte chuan nei ve lo mah se pawi tih lohna a lian sawt hle niin a lang. Mi \henkhat ten an sawi \hin angin, kan bang a inhnaih tual tual a, kan rilru erawh a inhlat tual tual an lo tih hi thil dik a ni thei mai angem! Mahni \henawmte pawh hre mang lote hi a awm theih hial ta em ni le. Kan pi pu ten induhsak tawn taka an nun an lo hman \hin ang hian, vawiinah pawh hian induhsak tawnna nun hi uar leh thei ta ila chuan kan ram hi a va nuam dawn em. Hemi kawngah hian YMA ten \an kan lak hi a \ul hlein ka hria.

Tlang kawmna : Zonun Zemawi tam tak kan pi pu ten an lo hman thin chu famkim lo takin kan han tarlang ta a, heng a\angte hian \hahnemngaihna thar kan neih a, \an kan lak a ngai hlein ka hria. Aia upa zahte, tlawmngaihnate, rinawmna kawngah te hian a bik takin \an la thar ta ila, kan ram chu tun ai hian a nawm ngei ka ring tlat a ni. Hla siamtuin "Harhna rawn thlen ang che, keimahah hian thawk \an rawh" a tih ang hian keimahniah bul \an ta ila, keimahni zing atang hian aia upa zah zir thar leh ila, tlawmngaihna leh rinawmnate pawh zir thar leh ila, a duhawm hle mai. Central YMA, Sub-Hqrs. YMA, Group YMA leh Branch YMA hruaitute ngei pawh hian keimahni chhungah ngei hian Zonun Zemawi kan sawi tlemte a\ang hian in en let ila, kan lo tih ngai tawh lem lohte a awm a nih pawhin, tih thar leh ni thei se ka duh tak zet a ni. Keimahni ngeiin bul kan \an phawt chuan hma kan sawn ngei ka ring tlat a ni. Mizote hi zirtir nuam leh thuawih thei tak kan niin ka hria. Chuvangin, hruaitu ten bul kan \an phawt chuan member ten min zui ngei ang. Tumkhat Meeting-a kan kalnaah Sawrkar Department-te \an lak ngaih thu leh dik taka tih a \ul thute kan sawihonaah Officer pakhat tawngka vawiin thlenga ka benga la ri nawn fo chu "YMA te pawh hi in inen a ngai ve tho, in dik vek bik lo a nia" tih a sawi hi a ni. Kan thil\ha tih tam tak karah thil pahnih khat kan tihsual hian kan pawl a ti hmaimawk thei tih hi i hre reng ang u. YMA tih chu a dik a ni, mitinin an tih theih nan dik chu dik, dik lo chu dik lo ni mai se, \hahnemngaih luat leh veng hming\hat leh mawi kan duh luat vanga YMA Tournament-a mahni veng dik tak ni lo kan la telh \hinte pawh hi Zonun Zemawi chu a ang lo deuhin ka hria. Kan chhungkhat lainate kan duhsak luat a, thil dik hlel deuh tih sak mai kan hreh lohnate pawh hi paih bo ngam ila a duhawm khawp mai. Zonun mawi hloh \hak khawpa Polictics tuinu a kan inchiah \hinte pawh hi YMA tan chuan a \ul ber loin ka hria. Mi pamham leh duhamte kawng dika hruaitu tur ber ten, kan tih loh tur niawm tak kan tih \hin hian kan Zonun Zemawi a ti chhe \hin a ni. Chuvangin, kan Zonun Zemawi hi mawi taka a lo parvul zel theih nan, hawh u, ka YMA pui duh tak te u, YMA takin kan puanven i sawi chhing ang u hmiang.
YMA vul zel rawh se.

PAGE - 3

HRIATTIRNA :

Crusade nei dawn
    July ni 24 - 29, 2017 chhung hian Hlimen YMA Hall-ah Crusade neih a ni dawn a, In khawm ban dar 8:00 ah neih \hin tum a ni.
    Speaker :C.Lallianthanga ( Thangtea )        Agape Gospel Rhema Team
    Pathian thlarau a tuihalna nei a duh apiang tan he Crusade hi chhim theih a ni ang.

City Bus chuan man
    Hlimen - Kulikawn City Bus chuan man (Rate) ` 15 hman mek chu thu leh awm hma chu ` 10/- (ten) a hman tawh tur a ni.

    Sd/- Secretary, ACBOA

Electoral roll chung chang
    Tun thla, July ni 1-31, 2017 chhung hian kum 18-21 inkar Electoral Roll a la in ziaklut lo zawng zawng inziakluh runpui (Special Drive) neih tur a ni a, Jan. ni 1, 2017 a kum 18 tling thar te chu Electoral Roll ah hian ziak luh theih an ni ang.
    Electoral Roll a in ziaklut thar tur te chuan Passport size thlalak pakhat, Birth Certificate xerox leh Proof of Place of Residence atan heng - Ration Card, Bank Pass Book, Driving License, Adhaar Card etc. Xerox copy thil tel tur a ni.

    Sd/- C. Zothanliana   Sd/- Lallawmzuala
    Hlimen -I, BLO   Hlimen-II, BLO.

Health Clinic hriattirna
    Hmeichhia pasal nei lai zawng zawng (Fa nei thei tawh lo tura insiam te tello in) kum 15-49 inkar ten ham\hatna kan dawnna turah bank kal tlang vek a pek kan nih tawh dawn avangin heng thil pawimawh kan rawn tarlan te kengin Sub Centre ah July ni 20, 2017 hmain in ziah luh fel vek tur a ni e:-
1. Adhaar Card.    2.Mahni Account.
3. Nu in Account a neih loh chuan pasalte Account emaw, pasal ten an neih loh chuan chhungkua a mi a remchang apiang.
4. Nu kum 15-49 inkar zawng zawng te fa nei tawh lo tura kan insiam a nih loh chuan ka upa tawh, fa ka pai thei tawh chuanglo tia mahni ngaihdan siam a ngaihthah mai lo in Sorkarin ti tura min tih ang te thuawih taka hlen chhuak \heuh turin kan inngen a, mahni ngei kal tur a ni e.

- Health Staff, Hlimen Clinic

Local Council hriattirna
    Adhaar Card engemaw zat a lo thlen belh a, Local Council Office ah Office hunchhungin a lam theih e.

Sd/- Lalhmingliana, Chairman. LC

Vehbur khawn
    Tarlan \hin tawh angin CYMA ruahman na angin tuilian leh leimin avanga Zoram chhunga chhiattawk te pualin kan Branch YMA pawhin vengchungah vehbur a mek zel a, chhiattawk tawh veng leh nasa taka \anpuina dawng tawh kan nih angin tlawmngai a lo pe zel turin kan in ngen e.

LAWRKHAWM :

Lalsavunga Park Duty tur te
July ni 16, 2017 (Pathianni) : Damvea Section.
July ni 23, 2017 (Pathianni) : 1. Pu Lalroliana. 2. Pu. R. Lalbiakmawia 3. Pu Vanlalliana 4. Pu K. Lalremruata 5. Pu Lalthantluanga. 6. Pu Lalnunhlimpuia (DV) 7. Pu Lawmtluanga (DV) 8. Tv. Lalchhanhima (DV).
August ni 6, 2017 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David vanlalhuma 6. Pu Zolianchhunga 7. Pu Lalbiaksanga. 8. Tv. Lalromawia.
    Duty tur ruatna siam a ni lova, hei hi ruatna a ngaih tur a ni.

Hlimen Volley Ball Club lawmthu sawi na
    Hlimen Volley Ball Club te chu Mipa Jersey leina tur ` 10,000 laiin Pi Nuzawni Dam Veng in min sponsor a, TPI Quary in kan player lak tur hlawh min tumsak dawn bawk avangin an hnenah lawmthu kan sawi tak meuh meuh a ni.
Sd/- Secretary, HVC

Passed thar
    Lalnunsiami D/o Lalzarliana, Buala Sec. a mi chuan HSSLC First Division-ah a passed thar.
    Zirna a hlawhtling tak tak kan nei chho zel a, a lawmawm hle mai. Vengchhunga zirlai te hi kan khawtlang hmel leh ram nghahfak te kan ni a, kan zirna zawn \heuh ah nasa zawkin \an i la zel ang u.

Medal hawn
    11th Mizoram Open Taekwondo Poomsae Championship khelh zawh takah kan veng a\angin Lalfakzuala S/o Lalhmingmawia, Saichhuma Sec. a mi leh Lianthangpuii D/o Lalhmangaiha, Kapdaia Sec. a mi te chuan individual, pair leh Group-ah Gold Medal an rawn la.

UPHC REPORT
    July ni 1-14, 2017 chhunga Hlimen UPHC report hetiang hi a ni :-
Naupai enzat    - 13   Naupiang zat - 2
Emergency       - 22   Dressing         - 29
Inpatient            -   6   OPD             - 126
    July ni 17, 2017 (Thawh\anni) a\ang hian OPD hawn leh a ni ang. Tin, World Population denchhenin Copper-T a dah theih bawk e.

HYAC
    Hlimen Adventure Club tih chu remchan zawkna avangin Hlimen Youth Adventure Club ti a thlak a ni a, HYAC chuan kumin July thla ral hma hian a duh apiang tan member ni duh te tan a dilna hun an hawng leh mek . Member ni duh chuan Club hruaitu te hnenah in hriattir mai tur a ni.
    Tin, Pi Lalhmunpuii te chhungkua chuan an Pa, Pu Lalkunga (L) hriatreng nan Hlimen Youth Adventure Club ah thilpek \ha tak an pe a, an chungah HYAC te an lawm hle.
    Tun thla, July ni 29, hian kan veng ramri te fang kualin Treking neih an tum a, tin, HYAC te hian Hlimen Map rintlak tak siam an tum bawk niin thu kan dawng bawk.

PAGE - 4

KEIMAHNI :

Hlimkhawpui Budget
    Hlimkhawpui May & June 2017 thla Budget pe tla tawh te:
1.   Kapdaia Sec.   2. Vawmphunga Sec.
3.    Damvea Sec.   4. Saichhuma Sec.
5.   Buala Sec.

Gospel Camping
    CYMA in July ni 11- 20, 2017 chhunga Agape Camping Centre, Durtlang a Camping a buatsaihah mi 261 an lut a, heng zinga 11 te hi hmeichhia an ni. July ni 21 - 23, 2017 chhung hian Zarkawt Presby. Biak inah Follow Programme hman tur a ni ang. He Camping-ah hian kan Branch a\ang pawhin heng mite hi an lut ve a ni :- (1) Tv.Rochhunga, BS (2) Tv. Lalrinhlua, BS (3) Tv. Lalmuanpuia, BS (4) Tv.Lalchhuanpuia, BS (5) Tv. Lalbiaktluanga, SCS (6) Tv. Zorammuana, SCS (7) Tv. Zoramthanga, SCS (8) Pu Hmingthantluanga, SCS (9) Pu Bradly Lalchhanchhuaha, SCS.

Kuang siam hnatlang
    July ni 15, 2017 (Inrinni) hian Branch Exe. Committee member te chuan YMA Hall-ah kuang siam hnatlang an nei a, he chanchinbu buatsaih lai hian hnatlang dan kimchang hriat a ni lo.

Joint Meeting nei
    July ni 14, 2017(Zirtawpni) zan khan YMA Hall-ah Section OB leh Branch Committee Member Joint meeting neih a ni a. He hunah hian Local Council a\angin Chairman leh member pakhatin an telpui a ni.
    Joint meeting ah hian ui khuahkhirh chungchang sawihona zau taka neih a ni a, hetiang hian ruahmanna siam a ni -

1.    Local Council leh Brnach OB te joint Meeting a ui khuahkhirh chung changa ruahmanna siam hi Section tin ten tihhlawhtling tura theihtawp a hmalak nise, a \ul anga Section Committee te pawhin ruahmanna te siam nise.

2.    Ui nghawngawrh/ Number pek a nih theih nan hma lo la turin hetiang hian mawhphurtu ruat a ni:-
Convener   -    Pu H. Ralkapthanga Secy. BYMA
Members   -    Pu C. Lalhmingthanga (LCM), Pu Lalhmingmawia (LCM), Tv. Lalpekthanga (KD), Pu Andrew C. Lalrinchhana (SCS), Pu Lalbiaksanga (SCS), Pu Lawmtluanga (DV), Pu Malsawmtluanga (LSV), Tv. Joseph Zodinliana (BS), Tv. Lalrinliana(VP).
3.    Ui khuahkhirh kawnga Local Council leh Branch OB te thuchhuak leh Branch Exe. Committee leh Section OB te thurel pawimawh te lehkha siam a, chhungtin ah pek nise.

4.    July ni 15, 2017 (Inrinni) zingkarah Local Council Office a\angin Ui khawlai a chhuak vai a thawhchhuah nise.

5.    Section tin a ui nei leh ui awm zat Section hruaitu ten Record lo siam nise, tin, ui neitu te pawhin Section hruaitu te hnenah an ui neih zat lo hriattir tura tih a ni.

CHHIARTUTE NGAIHDAN :

## Ruah a tla duh hle mai a, kan \henawm khawveng, khawtlang tana harsatna siam lo thei ang ber a tui paih a va \ha em. Ranvulhtu te pawh fimkhur deuh a \ul viau mai.
- Josh-a Pa

Keimahni chhunzawmna.....

Central YMA hmalakna
11.7.2017 : Accountant General Conference Hall-ah State Audit Advisory Board meeting neih a ni a, Pu Vanlalruata, Vice President a tel.
11.7.2017 : CEC - PHED Zone - II Pisa-ah Central YMA leh PHED Sanitation Co-Ordination Committee meeting neih a ni a, Tv. Lalhmachhuana, Gen. Secretary, Pu J. Lalsailova, Treasurer leh Pu Lalrinmawia CEC te an tel.
11.7.2017 : Commissioner, Commerce & Industries Deptt. Pisa-ah Arunachal Pradesh leh Nagaland-in Trading Regulation an hman dan a hmuna zirchian chungchangah meeting neih a ni a, Pu Lalbiakzuala, President, Tv. Lalhmachhuana, Gen. Secretary leh Pu Jeffrey L. Fanai CEC te an tel.
12.7.2017 : Keitum Branch YMA-in Platinum Jubilee an lawm a, Tv. Lalhmachhuana, Gen. Secretary, Pu Vanlalfela CEC, Pu M.S. Ralte CEC leh Pu John Kima CEC ten an hmanpui.
12.7.2017 : Ngentiang Branch YMA-in Rising Day lawmna programme an hmang a, Pu R. Lalngheta, Asst. Secretary, Pu Peter Chhakchhuak CEC leh Tv. Zochhuana CEC ten an hmanpui.
13.7.2017 : District Session Judge Pisa-ah Mizoram Victim of Crime Compensation chungchang meeting neih a ni a, Pu J. Lalsailova, Treasurer a tel.
13.7.2017 : Dt. 7.7.2017-a Tlawng luia tlahlum Sailutthanga (K-45) Sairang Dinthar ruang chu Mizo danin ni 7 chhung zawn a ni a, a ruang hi hmuh a nih loh avangin a nawlpuia zawn chu tihtawp ani a, a ruang zawn chhung hian Central YMA hruaitute leh Disaster Response Force bakah Central YMA ruahmannain Branch te a ruang zawngin an chhuak thin.

Advertisement....

#################################

I ui leh âr in khawlaia ek an hnutchhiah hian bawlhhlawh an hnutchhiah a ni satliah lova; tenawm leh rimchhia, natna hrik kaidarhtu a ni tel bawk a sin.
Kan veng a lo thianghlim zawk nan kan ran te khuahkhirhin khawlai a ektir i ching lo ang u.

Saturday, 8 July 2017

Vawkhniahzawn thla Ni 8, 2017, Issue No. 27

PAGE - 1

TUALCHHUNG :

Damlo : Pu Lalkunga H/o Pi Nubawihi, Saichhuma Sec. a mi chu kal (kidney) lam \halo avangin July ni 2, 2017 (Pathianni) khan NEIGHRIMS Hospital, Shillong panpui a ni.

##    Pu Hmingthantluanga H/o Lalbiakhlui (Ateii), Saichhuma Sec. a mi chu taksa lam chaklohna avangin State Referral Hospital, Falkawn-ah enkawl mek a ni.

Nâu nei thar : Pu John Zolianthanga leh Pi Liansangpuii te nupa, Saichhuma Sec. a mite chuan an fa 4 na atan July ni 1, 2017 (Inrinni) khan BN Hospital, Kulikawn-ah fapa duhawm tak an nei thar. naute hi a hriselna a \hat tawk loh deuh avangin damdawi in lamah hian enkawl chhunzawm a ni.

##    Pu Zorinsanga leh Pi Lalremruati te nupa, Damvea Sec. a mite chuan an fahmingkoh atan July ni 4, 2017 (Thawhlehni) khan Aizawl Hospital-ah fanu duhawm tak an nei thar.

##    Pu Johny Lalhruaizela leh Pi Lal\hazuali te nupa, Vawmphunga Sec. a mite chuan an fa pahnihna atan July ni 7, 2017 (Zirtawpni) khan Aizawl Hospital-ah fanu duhawm tak an nei thar.

HAC in training nei : July ni 1, 2017 (Inrinni) khan Hlimen Adventure Club te chuan Hlimen tlang; Zophei leh a chheh vel ah hawikhawthawn pahin Trainning an nei a, he hunah hian Reppeling (Hruia uaithlak) , Jumering (Hrui hmanga uai chhoh) leh Cross Bridge te practice in trainning an nei a. Tin, hrui suih dan pawimawh tak tak te an zir bawk.
    Training hi Tv. Lal\hafamkima’n a pe a, a ni hi Sport & Youth Services(SYS) a thawk a ni. Training pe tu leh SYS chungah HAC an lawm hle niin thu kan dawng.
    Tin, HAC te hian an dincham vawikhatna pual leh furpui zawh hnuah Programme lian tham buatsaih leh an tum niin thu kan dawng bawk.

Pem thar : Pu Chawnsanga te chhungkua ITI veng a awm \hin te chuan kan vengah pem dilin an dilna hi Branch YMA chuan a pawmsak a, Pu Lalhmingthanga te inhnuai, Buala Sec. ah an awm a ni.

A duh apiang tan : Karleh, July ni 9, 2017 Pathianni chawhma leh chawhnuah Kohhran hrang hrang te intelkhawm \halai “ Mana Worship and Fellowship” ten Hlimen Corps ah rawngbawlna an rawn nei dawn a, an rawngbawlna rawn chhim turin a duh apiang te an sawm a ni.

HEADLINE :

ZONUN ZEMAWI
-R. Lalngheta, Asst. Secretary, Central YMA.
(Paper Present - Zonun zemawi Seminar, 27th, June, 2017)

Hnam tinte hian hnamzia leh nunphung kan nei \heuh a, chungte chu khawvel hmasawnna leh changkanna vangin zawi zawiin a lo danglam \hin a ni. Chutiangin keini Mizote pawh hmasawnna avangin loh theih lohin hnamdangte nen kan inchenpawlh a lo \ul ta a. Chuvangin kan hnam zemawi leh nunphung \ha a boral loh nan a hmalak leh inzirtir hi YMA tih awm tak reng a ni. Vawiinah hian kan hnam nun zemawi tak tlawmngaihna, rinawmna, taihmakna leh intodelhna, aia upa zahna te hian eng ang chiah in nge hmun a la chan tih hi i ngaihtuah thar leh \heuh teh ang u.

1. Tlawmngaihna : A tlukpui \awngkam hnam dangin an neih ve loh khawpa ril leh mawi an ti \hin. Tlawmngaihna hi a zia a zawih avang hian langsar viau lo mahse, kan hnam tana pawimawh leh vawn nun reng ngai a nih avangin kan inzir chhoh zel a pawimawh tak zet a ni. Chhiat tawh, rikrum leh hnatlanga midang te kan zirtir chhoh zel a ngai a. Amaherawhchu, tlawmngaihna hi midangte nek chep khawpa hman emaw, mahni eizawnna ti\huanawp khawpa vahbosan erawh chu a \ha ber lo ang. Chuvangin, hun awl remchang insiam thiam zawnga midangte \anpui hi tunlai dinhmuna tlawmngaihna chu a ni ber mai awm e. Pawl leh midang tana tangkai hi mi tu pawhin kan tihtur a ni a. Phut let neia tlawmngaih erawh kan tih loh tur a ni. Tun dinhmunah hian, hmanlaia tlawmngai chawimawina Nopui an indawm tir ang khan inchawimawi hi uar leh ta ila, a sawt ang em tih hi ngaihtuah tham a awmin ka hria.

2. Chhiatni thatni : Mizote hi chhiatni \hatnia inkungkaih \ha "Close Knit Society" kan ni a. A bikin chhiat tawh nikhuaa lusun chhungkua te thlamuan leh chhawmdawl hi mi tupawhin kan mawhphurhna a ni. Hemi kawngah hian YMA te chu mipui mimirin mawhphur tura min beisei te kan nih angin, mi tlawmngaite zarah chhawm nun chhoh zel a la ni a. Hetih lai hian veng \henkhatah chhiatni \hatni a tel ve ngai lo, mawhphurhnaah pawh ngai lem lo kan lo pun chhoh tak zel avangin, hemi kawngah hian kan infuih thar a lo \ul ta a ni. Thlan laih, khawhar in riah, kuang siam leh khawhar lenpui te hi Mizo tawh phawt chuan kan mawhphurhna a ni tih hriain, tih nachang hre ve lo te chu an tih ve theihna tur a inzirtir hi YMA ten kan tih tur a ni. Amaherawhchu, heng hunah hian zirlaite hi an zirlai bahlah khawpa phut erawh a \ul ber lo mai thei. Tun dinhmunah khawhar in riah leh thlan laih a ngai lo ta nual mai, engpawh nise he thil hi sawisel emaw, fak emaw ka tum hran lo. Kan hun tawn leh khawsak dan in a ken pakhat ve ni maiah ka ngai. Tun hma chuan khawhar in riak ten thingphurh, tuichawi leh thil \ul dangte khawhar chhungte an tih sak \hin, tun din hmunah chuan a bikin Aizawlah chuan, heng thilte hi kan khawsak changkanna avangte pawhin a lo \ul ta lovah ngai ila, amaherawhchu, hemi lam ni lo thil tam tak tih tur kan nei a ni tih hre rengin tan kan lak deuh deuh a \ul khawp mai. A bik takin mitthi lumenna a kal ngai lo \halai a awm theih, chhiattawh hi chhung tin a thleng thei a ni tih hriain taihmak kan chhuah a \ul hle mai. Pathianin zan hi kan hahchawlhna tura min pek a ni a, tumah tlaivar ngeih kan awm lo, a \ulna avang leh Mizote hi chhiat tawh a intawiawm \hin hnam kan nih avang zawkin, kan tih tur a ni tih hi hre thar leh ila a duhawm hle mai.
Remchang hmasa-ah chhunzawm a ni ang...

PAGE - 2

EDITORIAL :

            HMANLAI LEH TUNLAI
    Ram leh hnam \hang zelah hian hnam angte, mimal angte pawhin thil chi hrang hrang inthlakthleng kan tawng \hin a. Hetiang hunah hian kum upa zawk leh rual û zawkte hian \hangtharte hi kan millo fo \hin. Kan mizo thawnthu ah pawh \hangthar nun ning |hasiama kan nei a, hei hian mizote hnam zia a tarlang chiang ang reng viau mai. Sakhua leh hnam nunphung hrim hrimah pawh thil inthlakthleng hi a awm tur reng a ni. Sap hovin ‘Culture’ an tih hi zawi zawia insiam puitling chho, tihdan \ha zawk leh remchang zawk dap chhoh avanga hnamin nunphung a siamrem chhoh a ni.
    Kan khawtlang pawh hi han thlir ta ila, tunhma kum 20/30 kalta a tihdan leh tun hun a danglam zia chu kan hre fe hlawmin a rinawm. Hmanlai a tihdan \ha tih vang ngawta \hangthar tihdan thlauhthlak kan tum a nih chuan a fel lo hle ang. Tunlai \halaite nunah pawh sawisel tur tam tak a awm rualin rual û zawk ten sawisel tur kan ngah lutuk deuh niin a lang. A bikin \halaite lawm em em - computer, mobile phone, internet etc. te \halaite nunah a tla na hle. Heng thilte hi rual û zawk ten kan khawih ve loh avanga \halai ten an khawih nasat ngai thei lova sawisel chiam chiamte pawh hi a fuh ber lo mai thei, awmzia pawh a awm thui vak lo ang, a hunlai a ni tlat. Hetih rual hian \halaite pawhin a hun leh hmun kan thliar thiam a pawimawh hle.
    Tin, heng bakah hian Kohhran inrelbawl dan leh Pathian kan fak dan chung changah te, tlawmngai pawl inkhaihhruai danahte, khawtlang hruaitu ten khawtlang an kaihhruai danahte tunlai hun mil zela kan kal a ngai a, chumi mil zela kal tur chuan mitin kan insiamrem (adjust) a ngai a ni. Changkanna in a rawn kentel tam tak; hmanlai a awm ngai lote hian kan kalphung hi a thlakthleng dawrh lo thei lova, hemi hre reng chung hian kan khawtlangah hmasawnna lo thleng zel tur pawh hi i lo hmuak chho zel teh ang u.

ZIAKTUTE HUANG :

JOINT OPERATION TIHTAWP LAILAWK A NI

: H.Ralkapthanga, Secretary

    Kumpuan thupui kha RAM LEH HNAM HUMHALH a nih mek laiin, a nawlpuiin kan bengkhawn lem loh lamah hian kan ram leh hnam dam khawchhuah nan thenfai ngai te, dodal ngai te, siam\hat ngai te a lo awm thei reng mai dawn a lo ni a. Chuta tana chak zawka hma la tur chuan YMA Branch hrang hrang te intel khawmin JOINT OPERATION vuah a ni.
    Heng hmalakna ah te hian, tha thlah lova, 'hram hram' leh 'fan fan' hmanga chet loh phei chuan a ngaihna hian a tlin mawlh ta \hin lova; chutiang hunah chuan, "|anrual hi chakna a ni" tih dikzia leh kan mamawh zia a lo lang ta \hin a ni.
    Chutiang taka hmalakna a kal mek lai chuan, hnathawh dan kalhmang thlirlet leh ko thlak te a ngaih chang a awmin, thawktu te pawh in thlit fim lehzual \ul chang te a awm thei a; YMA kalsiam changrel suallo tura han inbunthlit te pawh a mawh lo a nia. Chuti taka kan Zawlkhawpuia insuihkhawm heng: Bethlehem, Bethlehem Vengthlang, College Veng, ITI Veng, Falkland leh Chite YMA Branch \angrual chuan, an thawhhona sakhming atan SAMKHUIH JOINT OPERATION tih an invuah a nih kha. Tin, Dawrpui, Electric Veng, Zarkawt, Chhinga Veng leh Sarawn Veng YMA \angrual ten YMA JOINT DUTY an inti a. Chutah Zonuam, Luangmual, Gov't. Complex, Chawlhhmun, Tuivamit, Central Jail Veng, Sakawrtuichhun, Tanhril, Tanhril Vengthar YMA Branch \angrual ten TUITHUM JOINT OPERATION tih hming chawiin an lo thawk leh mawlh mawlh a. Keini Aizawl chhim lama awm branch 15 \angrual ten AIZAWL SOUTH JOINT OPERATION tih hming vuahin heng Tlangnuam, Tlangnuam Vengthar, Tlangnuam West, Kulikawn, Saikhamakawn, Tuikhuahtlang, Salem, YMA Mission Veng, Damveng, Venghnuai, Thakthing, Mission Vengthlang, Model Veng, Mission Veng, Hlimen leh Melthum te chu a \ulna apiangah an lo feh chhuak reng bawk a ni.
    Heng Aizawl khawpui chhunga ruihhlo leh sual dona kawnga Joint Operation hrang hrang te ke pen dan hi Central YMA hotute chuan ennawn leh siam\hat \ul nia hriain, Tahrik Ni 4/7/2017 (Thawhlehni) zan khan Joint Operation chhunga Branch tin O.B. te ko khawmin Central YMA Hall-ah CYMA hruaitute nen inrawnkhawmna neih a ni a; kan Branch aiawhin Pu Lalrinmawia, Treasurer leh Pu Lalroliana, Fin. Secy. te nen kan pathumin kan va thawk chhuak ve a; tah chuan, YMA JOINT OPERATION HI CHAWLH LAILAWK NI SE, mahni Branch huam chhungah tha thlah lova, ruihhlo leh sual dona kawngah theih tawpa \an lak ni se tiin thutlukna siam a ni ta a ni.

Advertisement...

ETV - LPS SUBSCRIBER-TE
HRIATTIRNA LEH NGENNA
    Tun thla July thla hian Fee Double June & July thla Fee arualin ` 500/- pek tur a ni a, August thla a\ang erawh chuan ` 250/- in, a hma a kan khawn \hin dang ang tho khan kan khawn chhunzawm ang, a awm zia chu Pre Paid angin a kal thung tawh ang .
    Fee hi tun thla a\ang hian ni 10 chhungin in tinah khawn chhuah hman tum a ni a, hemi chhunga pek loh chuan STB Deactivate(Tih thih/entheih loh a siam) a ni zel tawh ang
    July thla a\ang hian Subscriber pakhat tan a hmunpui-ah ` 152.50/-(GST) chhunluh tur a ni a, NODE leh AMPLIFIER kan dahna ten hei hi lo pe ngei turin kan ngen che u a ni. Kan hlawh ve tur chu kan chân (khawn lo) ang.
    Heng kan tarlante hi hriat thiamloh kan nei a nih chuan Phone in inzawhfiah zel theih a ni e.
             Contact :      9863364343 / 9436156033/96122 48356,
                     94025 87479/ 98625 37502

PAGE - 3

HRIATTIRNA :

M.H.I.P. ngenna
    Hlimen Branch MHIP te chuan chhiat tawk (mitthi) awm a kuang chunga pangpar dah tur an siam chu a thlawnin hman theih a ni a, chhiat tawk chhung ten sum senso a tlem zawk nan hmang \hin ila a \ha awm e. Amaherawhchu, MHIP te pangpar khawisa hi tidanglam lovin hman zawhah a kawltu hnenah kan lakchhuah laia a awm angin dah leh turin hruaitu ten min ngen a ni.

LOCAL COUNCIL HRIATTIRNA
    Vengchhunga bawlhhlawh paih Motor Pikup chu karkhatah vawihnih a tlan tawh dawn a, Pikup in bawlhhlawh a lakkhawmna hmunah bawlhhlawh dahkhawm lovin motor lo kal ni ah chauh bawlhhlawh hi paih tur a inrinlawk vek tur a ni. Tin, Public Contribution (Bawlhhlawh paihna fee) hi tun aia pe \ha turin kan inhriattir a, Fee hi kan pe \ha lo a nih chuan kan bawlhhlawh paih danin a tuar thei tih i hre nawn leh ang u.

Sd/- Lalhmingliana, Chairman. LC

Local Council leh Branch YMA thuchhuak
    July ni 7, 2017 (Zirtawpni) zingkar khan Hlimen Local Council leh Branch YMA OB te chuan ui khuahkhirh chung changah Joint Meeting kan nei a, hemi chung changah hian nasa zawka thawhho zel tum a ni. He Meeting a thurel/thuchhuak chu ahnuai tarlan hi a ni e :-
    Ui vulhtute hriat tur leh zawm tur :
1. Ui khawlai a chhuak (A neitu in khawlai a a kaihchhuah nilo) reng reng chu ui chuang anga ngaih tur niin, man theih a ni ang. Tin, pawn lama ui chhuakin tawhsual (Accident) a tawk palh a nih chuan a neituin a sawi buai thei lovang.
2. Ui chhuak chu a duh apiang man theih a ni anga, ui mantute chuan Local Council-ah a rang thei ang bera inhriattir tur a ni.
3. Ui chhuak man chu a neituin man a nih a\anga darkar 24 ralhmain cheng 500 in a khul chhuak thei anga, a khul lo a nih chuan ui chungah engpawh thleng se a neituin a sawibuai thei lovang.
4. He dan hi July ni 8, 2017 a\anga ahman \an tur a ni ang.
5. Khawlaia ui kaichhuak te pawhin ui an ektirin polythene in felfai takin an thiar ngei tur a ni.
6. Kan khawtlang a lo thianghlim zawk nan hei hi mipui ten zawm \heuh turin Local Council leh Branch YMA chuan a ngen a ni.

Sd/- Lalhmingliana        Sd/- Lalhmuchhuaka
   Chairman, L.C       President, Branch YMA

Huntiam hnai zel
    Mizoram sawrkarin lirthei nei si, a dahna hmun (Garage) neilo te tan Garage siamna hun a tiam chu ni 140 vel chauh a awm ta a, lirthei nei ten harsatna lian zawk kan tawh loh nan hun tiam chhung ngei a lirthei dahna hi nei hman vek thei ila a \ha hle mai.

LAWRKHAWM :

Lalsavunga Park Duty tur te
July ni 9, 2017 (Pathianni) : Lalsavunga Section.
July ni 16, 2017 (Pathianni) : Damvea Section.

HAC hruaitu thar
    Hlimen Adventure Club chuan July ni 6, 2017 khan Local Council Office ah kum 2017-2018 thlanna an nei a, heng mite hi thlanchhuah an ni:-
    Leader   :   Pu J. Vanlalbiakdika
    Asst. Leader   :   Pu Andrew Lalrinchhana
    Secretary   :   Tv. Zonunsanga
    Asst. Secretary   :   Tv. Zonunkima
    Treasurer   :   Nl R. Zonunmawii
    Fin. Secretary   :   Tv. Lalhmuakliana.
    Pu Lalhmingliana, Adviser HAC leh Pu J. Zothanpuia Adviser HAC ten an inthlanpui a ni.

MHIP Day hmang
    Hlimen Branch MHIP te chuan MHIP Day vawi 43-na, July ni 6, 2017 chu vengchhung a kawngpui dung tihfai hnatlang neiin hun an hmang.
    He faina hnatlangah hian Member engemaw zat an thawk chhuak a. Tlailamah arsawhchiar tuihnai tak an pir ho bawk.

Chhiat tawh achunga lawmthu
    Kan pa Lalrinkima’n min boralsan chung changah leh a damloh/nat hunchhunga khawtlang leh kohhran te min lainatna leh khawngaihna avanga \awng\aipuina ah te leh tha leh zung sum leh pai tam tak in senna-ah lawmthu kan sawi e. YMA ten a ruang lak/hawpui chung changahte leh a \ul ang zawng zawng min buaipuina-ah kan lawm em em a, chhun leh zan lamah te min thlamuan tura in rawn kal mai bakah ralna sum tam tak min pe lehzel te kha kan va lawm em!! Kan chunga in \hatna hi engtikah mah kan rul seng dawn lo che u a, Pathianin a let tam takin rul che u rawh se tih hi kan \awng\aina a ni e.

In khawngaihna dawngtu,
Anupui Kawlkhumi leh a chhungte
    Hlimen, Vengthlang

Chhiat tawk te tan vehbur khawn
    Zoram chhunga chhiattawk te pualin CYMA in Branch tina vehbur khawn nise a tih angin kan vengah pawh vehbur hi khawn mek zel a ni a, a khawntu te lo kal rual a \anpuina pawisa lo pe thei turin chhungtinte Branch YMA chuan min ngen a ni.

UPHC thuchhuak
    July ni 10, 2017 (Thawh\anni) hi PMSMA hman hun a ni leh dawn ta a, naupai thla 4 chunglam in entir leh theih a ni ang.
    July ni 11-15, 2017 chhung hian Doctorin chawlh a lak dawn avangin OPD khar a ni ang.

Zunin siam mek
    Local Council te chuan AMC a\anga sum an hmuh in Saichhuma Section area, kawrpui bulah vantlang zunin an siam mek a, he hna hi AMC in Property Tax a lakkhawm a\anga vantlang tana chhawrnaawm taka a hman tur tih nana Local Council tinte hnena a pek chhuah a\anga hmuh a ni niin thu kan dawng.

PAGE - 4

KEIMAHNI :

Hlimkhawpui Budget
    Hlimkhawpui May & June 2017 thla Budget pe tla tawh te:
1.   Kapdaia Sec.   2. Vawmphunga Sec.
3.    Damvea Sec.

Chhiatni Report
    Pu Lalrinkima puala buhfai leh pawisa khawn khawm dan, thlanlaih dan leh tlaivar ziaka hmuh theih chin :-
Section   Chhung   Pawisa   Buhfai   Thlan lai
          kua
    Buala              106      900       121   15
Damvea             124   1,200   129   13
    Kapdaia          120   1,170   126   7
    Lalsavunga   26   250   26      3
    Saichhuma      112   1,020   119    7
    Vawmphunga   54      690   77   10
    Total                  543   5070   598   55
    Buala Sec. hi chhiattawk Section an ni.

YMA in râl
    July ni 4, 2017 zan khan Branch YMA chuan Pu Lalrinkima, Buala Sec. a mi ralna hun a hmang a, a ralna pawisa tling khawm ` 7,550 chu a chhungte hnenah hlan a ni. Pu Lalrinkima chhungte hian a \ul apianga Branch YMA in a hman atan puan an hlan let bawk.

Zu avanga buai te camping
    CYMA chuan zu avanga buaite pualin July ni 11- 20, 2017 chhungin Agape Camping centre, Durtlang-ah Camping a buatsaih dawn a, Speaker ah Evan. Lalramliana (Ramte-a), Gospel Thunder team hman a ni ang. Zu avanga buaite a duh apiang te tan luh theih a ni a, a lut duh te chu Branch hruaitu te hnenah in hriattir mai tur a ni e.

Lawrkhawm chhunzawmna......

BADMINTON PLAYER TE HRIATTIRNA
    Hlimen Indoor Stadium a inkhel thin zawng zawng ten Hall Fee pek vek tur a ni a, Puitling tan ` 50/- naupang tan ` 20/- a ni ang. Fee pe lo te tan Hall ah hian inkhel a rem lo ang. Tin, Player in khel thin ten Inkhel hun bik siamah chauh inkhel thin tur a ni a. Chokidar Pi Zirthansangi (Maziri) hnenah chabi hi lama dah leh thlap thin tur a ni. Tin, Fee hi Chokidar in a lo khawn hunah lo pek thin tur a ni.
Inkhel hun :   Zing   -   6:00 Am -10:00 Am
       Tlai   -    2:00 Pm - 7:30 Pm
(Inkhel hun siamah lo hi chuan Hall hawn phal a nilo.)

Sd/-Secretary, HBC Hlimen

HVC Lucky Ticket chu vawr a ni ta
    July 1, 2017(Inrinni) tlai dar 4.00 ah Hlimen Volleyball Club Lucky Ticket chu vawr a ni, A mantute :-
1st prize   : Biakthanga Venglai. 192
2nd prize :John vanlalpeka High School veng. 303
3rd prize   : Malsawmzuala Damveng. 220
    Consolation prize - Zosangliani damveng. 72. Vanlalchenpuii vengchhak. 533, Zodinsangi Venglai. 26
    Tlawmngaia ticket dawrtute chungah hruaitu ten lawmthu an sawi.

CHHIARTUTE NGAIHDAN :

## Venglai a\anga Khurpui pan thlakna kawng hnawk thei em em hi a chhan pakhat lian tak chu ar in a thai hnawk fo \hin vang niin ka lo hria a, kan ran vulhte hi mi tana harsatna thlen thei a ni tih hria a, khuahkhirh a, mumal tak a enkawl hi kan tih tur a ni tih i hre thar teh ang u. A changkan lo thlak em mai.

- Kawng hnawk ninga

KAN |HEN TAK

LALRINKIMA KUM 45 :Pu Lalrinkima hi Pu Kamlova leh Pi Ralliani te fa 5 na ni turin May ni 15, 1972 khan a lo piang a, an unau hi hmeichhia 4 leh mipa 7 an ni.
    Pu Lalrinkima hi mi ngawichawi tak leh mi pawisawi hlau tak mi a ni a, tin, a phak ang tawkin YMA leh K|P ah te a inhmang ve hle \hin a ni. K|P khawmpui a kalte hi nuam a ti thei hle \hin a, , Sunday School te pawh ngaipawimawh hlein kaikim lawmman te pawh a lo dawng tawh \hin a ni.
    Kawlkhumi nen hian nupa hlim thei tak niin fa pathum - Rochuangkimi, Lalhruaizela leh Lalhriatrenga te an nei a ni.
    May thla tir lam khan a âwm ruh na tiin a insawisel \hin a, Kulikawn Hospital-ah inentirin damdawi te an lo chawh a, mahse a \hatpui theih loh avangin Doctor dang te rawn a ni a. Amaherawhchu, ziaawm lam a pan theih meuh loh avangin June ni 19, 2017 khan State Referral Hospital, Falkawn panpui niin hetah hian pumah leh chuapa tuitling a ni tih hriat a ni a, Doctor te tan pawh enkawl thiam harsa tak a ni a, he natna hi Doctor te chuan Septicemia tiin an sawi. A natna hian zual lam pan hret hretin July ni 2, 2017 a\ang khan a na zual a, a tuk June ni 3, 2017 zing lam dar 12:20 a lo thlen chuan a natna chu tuar chhuak zo lovin mual min liamsan ta a ni.

Advertisement....