Hlimkhawpui 2017: September 2017

Saturday, 30 September 2017

Mimkut thla Ni 30, 2017, Issue No. 39

PAGE - 1

TUALCHHUNG :

Boral : Pu Lallawmkima H/o Lalhnehpuii, Saichhuma Sec. a mi chu Sept. ni 24, 2017 (Pathianni) chawhnu lam khan Lungphuchawlin a boral. A ruang hi lumen niin a tuk Sept. ni 25, 2017 (Thawh\anni) khan vuiliam a ni.

Damlo : Pu Zairemmawia S/o Pu R.Vanlalsawma, Vawmphunga Sec. a mi chu pum lam \halo (Pancreatitis) avangin UPHC, Hlimen-a enkawl a nih hnuin Civil hospital ah Refer leh niin enkawl mek a ni.

##    Pu Chhuanvawra H/o Melody Kapdaia Sec. a mi chu a chuap a tui a awm avangin doctor te rawn chungin inlamah enkawl mek a ni.

Tuak thar : Isaac Lalremruata S/o Evan. Lalduhawma, Lalsavunga Sec. a mi leh Vanlaldiki Chawngthu, Maubawk a mite chuan Sept. ni 30, 2017 (Zirtawpni) khan damchhung a nupa ni turin ‘tiam tlat e’ an ti.

Faina beihpui hnatlang : Sept.ni 30, 2017 (Inrinni) hian Local Council leh Branch YMA lo rel tawh angin nilenga vengchhung tifaia hnatlang neih a ni a, he chanchinbu buatsaih lai hian hnatlan dan kimchang hriat hman a ni lo.

Quarter final ah vanduai : Mizoram Volleyball Association buatsaih Inter Village Tournament khelh mek ah Hlimen Local Council team    (mipa leh hmeichhia) te chuan Quarter final thleng ve ve in Mipa team chu Maubawk team lakah 3-1 an vanduai a, hmeichhe team te hi Dawrpui vengthar lakah 3-1 bawkin an vanduai leh hlauh a ni.
    He Tournament hi R. Deng\huama Indoor Stadium a khelh niin Sept. 25- 30, 2017 chhunga khelh tur a ni a, Quarter final ah hian Mipa team te hian nikhat ah vawihnih an khel a ni.

Notice Board ah : Local Council Office hmalamah Notice Board dah thar a ni a, sawrkar/ LC thuchhuak pawimawh tar \hin a ni ang.

Crusade nei mek: Sept. ni 27, 2017 a\anga khan Damveng Presbyterian Kohhran chuan Rev. C. Lianhmingthanga ruaiin ‘ Kristian chhungkaw Crusade’ an hmanga, tun Pathianni zan thleng a awh ang.

HEADLINE :

BRANCH Y.M.A. EXE. COMMITTEE NEIH A NI

    Sept. ni 29, 2017 (Zirtawpni) zan khan YMA Hall-ah Branch YMA Exe. Committee vawi-10 na neih a ni a, thurel tlangpui te :-

1. Kuang siam chungchang : Oct. ni 7, 2017 (Inrinni) ah Branch Committee ten kuang siam hnatlang neih nise, Mistiri tlawmngai thei awm te sawm tel bawk tur a ni.

2. Sikpui Kut : Committee hmasa lamin Committee leh hun a ngaihtuah atan a dah Sikpui Kut chu hman ngei Committee chuan \ha a ti a, Branch OB ten ruahmanna an lo siam ang.

3. YMA General Conference : Kumin Oct. ni 17-19, 2017 a Champhai Zotlang a YMA General Conference neih tur ah kal man atan mipakhat in ` 100 thawh nise tih a ni.

4. Lucky Ticket siam dilna : Section Jubilee lawmna tur leh Property tih changtlun nana Saichhuma Section in Lucky Ticket siam an dilna chu remtihsak an ni.

5. ASJO ruihhlo halna a telpui tur a sawmna : Aizawl South Joint Operation in Sept. ni 30, 2017 dar 2 PM a Silaimual a ruihhlo halna a telpui tur a sawmna dawn chu a thei thei in telpui nise tih a ni.

6. GIG Motors Taekwondo Fight League Oct. ni 4-27, 2017 chhunga neih tur ah Chalkunga Memorial Taekwondo Club \anpui nan ` 3,000 pek ve nise Committee chuan a ti.

7. Venglai leh |helretkawn lam ten khawtlang information an hriat ve theih nan a\ul anga hmalak nise tih a ni a, O.B ten mawh an lo phur ang.

8. Rokunga Award : Rokunga Memorial Society a\angin Rokunga Award siam a nih thu leh a dawng thei awm - mi tlawmngai, huaisen, taima, rinawm, tuarchhel leh thuhnuairawlh kan Branch-ah an awm chuan he Society-ah thehluh theih a nih thu dawn a ni a, kan Branch huamchhung ah hetiang mi an awm chuan Committee Member ten Secretary hnenah thehluh a Committee-in ngaihtuah leh tur a ni.

9. Chhiatni Fund sum a\angin Branch YMA in a mamawh Grinder lei nise tih a ni.
    Hemi zan Committee ah hian Branch sum, chhiatni fund sum leh Property report ngaihthlak a ni.

PAGE - 2

EDITORIAL :

Aia upa zah
    Mizote hi aia upa zah hnam kan ni \hin. Inchhungkhurah leh khawtlangah aia upate an zah thiamin Khawtlang nun a nuam em em \hin a ni. Changkannain khawvel a chiah a,thiamna a lo sang a, hmanlai boruak leh tunlai boruak chu awihawmlo khawpin a lo danglam ta. Hmanlai chuan kum upa lam chauhin tawnhriat an ngah a, "Kel chal upat a upa" te thu kha thu fing tak a ni \hin. Tunlai ah chuan Naupang te tein,thiamna sang tak tak an nei ta. An hriatna a zauvin, Sorkar leh Khawtlang kaihruaitu an lo ni ta a, Naupangtê tê pawh ‘Ka Pu’, ‘Ka Pi’ tih an lo ngai ta, hei hian aia upate finkhalh avanga upate ngaihhniamna a hring a, hei hi thilpawi tak a ni.
    Aia upate zah hi engtin nge kan in zirtir thar leh anga, kan nunah engtin nge hmun a khuar leh theih ang tih hi ngaihtuah thiam a har tawh hle. |hangthar nuna tuh thar leh hi thil huphurhawm tak a ni a, mahse theihloh erawh chu a ni lo ang.
    Aia upate zahawmna, changkanna avanga humhim thei lo an nih chuan Hnam zahawm kan ni ngai lovang. Hemi kawngah hian kan inzirtir uar ta lo hlein a lang. Kan Inchhungkhur a\anga \anin, School ah te, Sunday School ah te leh puipunna-ahte , uar zawka inzirtir thar a \ul a ni. Aia upa zahna hian chhungkua,khawtlang leh ram a ti nuam a, chumi tihlawhtling turin Upa zawkte hi \hangtharte zah tlakin kan awm em? tih erawh inen \hin a pawimawh ang..
    Nu leh paten \an la thar ila, kan fate an aia upa zah nachang hre tura zilh hi kan tihtur a ni tih hre nawn in, kohdan tur inhrilh hriat a hun tawh hle. Kan aia u te zahna chang hriat hi a Kristian a, kan ram leh hnam humhalhna kawng a thil tih ngei ngei tur zing ami a ni tih i hre nawn ang u.

KAN THEN TAK

Lallawmkima chanchin tlangpui
    Pu Lallawmkima hi Pu Vanlalliana (L) leh Pi Chhun\huami-te inkarah December 27, 1974 khan a lo piang a. An unau hi hmeichhia 2 leh mipa 4 an ni.
    Lallawmkima hi a naupan lai pawha ngawichawi leh fel tak, taima tak a ni a. Unau zinga naupang ber a nih avang hian a u-teho pawh hian an duat \hinin an ngaina hle a ni.
    Zirna lamah hian a kal thui vak lo va, Pawl 5 thleng kalin kut hna thawkin a \ul \ul thawk kualin a nupui fanau, chhungkaw tan a theih tawp a chhuah ve a ni. March 24, 2000 khan Lalhnehpuii nen inneiin chhungkaw hlim tak an ni a. Fa hmeichhe 1 leh mipa 3 an nei a ni.
    Amah hi thian ngaina leh kawm thiam tak, ram chhuah nuam ti em em mi a ni a. Thiante zingah leh an ram chhuahnaah pawh mi tlawmngai thei tak a ni.
    September 23, 2017 (Inrinni) khan a \hianpa nen len deng turin Serlui lam panin tlai lam dar 2:30 vel khan phur takin an chhuak a. Zankhuain len an deng a, sangha pawh \hahnem tak an man a. A tuk September 24, 2017 (Pathianni) zing dar 7:00 velah In lam pana an lo haw chu kawng lakah a chauh deuh avangin a \hianpa chu an sangha mante a uih hman a hlauhthawn avangin kalsan mai turin a ti a, ngaihtuahawma a hriat loh avangin a thianpa pawh hian a rawn kalsan ta mai a ni.
    Chawhnu dar 1:00-ah pawh In lam a lo la thlen loh avangin a nupui Pi Lalhnehpuii chu amah ngaihvenin a chhuak a. Phunchawngzawl-a Pu Chalkunga huan lu kawngpuiah chuan dar 2:30 vel chuan a zuk hmu a. Hetia a zuk hmuh hian mihring a lo chang zo tawh lo a ni.

Advertisement.....

F.K. SEPTIC TANK Service
    Septic Tank khat paihfai,   soak pit hlui leh a thar kan siam theiin, pipe fiting, commode block kan thawk thei reng e. Motor kan nei a, kan rate a tlawm.
    Rate - Inbiak remna
    Regn. No.: MSR 524 of 15.07.13

    F.K.A
(10-8)   Ph: 8258058563, 9615920739

HAUHNAR MOBILE
MOBILE REPAIRING CENTRE
    Hauhnar Mobile Repairing Centre-ah hian Hardware leh Software engtik lai pawhin kan siam thei reng e. Tin, Mobile Accessories (Charger, USB, Temper Glass, Phone Cover etc..) tlawm te in kan zuar tel bawk e.
    Mission Veng, City Computer Centre Opposite, Mawi Mawi Tailoring bulah kan awm e.

(2-2)   Ph: 8730980027, 8256989187

GIG motors
Authorised Maruti Suzuki Dealer
    Maruti Motor chi hrang hrang i kawtkaiah lei mai theih turiin kan chhawpchhuahsak ta che.
    Hrechiang duh tan :   Ph. 0389-2306272
               TL Mob. 9856257730
(5-1)               DSE Mob. 9774931611

PAGE - 3

HRIATTIRNA :

Sawmna leh ngenna
    Oct. ni 3, 2017 (Thawhlehni) zan dar 7:00-ah hian Hlimen YMA Hall-ah Cement Works lama tuimi zawng zawngte kalkhawm tura sawm leh ngen kan ni e. Hlimen khaw chhunga eizawn nana cement hna hmangtu zawng zawngte; mizo tawh phawt chu kal/tel turin kan sawm e. Hemi zan hian pawl din dan tur leh hruaitu tur chungchang leh hlawhbi te pawh ngaihuah nghal a ni ang.
    Sd/- Lalrinliana   Sd/-Lallawmzuala
    Hlimen   Hlimen

LAWRKHAWM :

MUP Day chung chang
    Kumin MUP Day Oct. ni 1 chu Pathianni a nih avangin a tuk Oct. ni 2, 2017 (Thawh\anni) hian Hlimen MUP te chuan YMA Hall-ah lawmna hun hman tur a ni. Programme hi chawhma dar 11:00-ah \an tur a ni a, Hlimen MUP Member zawng zawng kim taka tel vek turin kan insawmin kan inhriattir a ni e.
    Sd/- Secretary, MUP Hlimen Unit
Chhiatni Report
    Pu Lallawmkima puala buhfai leh pawisa khawn khawm dan, thlanlaih dan leh tlaivar zat ziaka hmuh theih chin :-
Section   Chhungkua    Pawisa   Buhfai   Thlankua    Tlaivar

   Buala                         128            1,020        142           26      20

Damvea 128 1,210 137 4 11
Kapdaia 119 1,040 129 7 10

Lalsavunga 39 400 42 6 1

Saichhuma 110 1,030 120 8 12

Vawmphunga                61   530      66              6              4
    Total                        585         5,230          636   57            58
    Saichhuma Section hi chhiattawk Section an ni.

UPHC Report
    Sept. ni 23 - 29, 2017 chhunga UPHC Hlimen pan dan hetiang hi a ni :-
OPD   -   129   Fever Case   -   39
Naupai enzat   -   -   Emergency   -   7   Dressing   -   11   Inpatient   -   1
Refer   -   -   Minor Surgery   -   -
Naupiang zat   -   -   Khaw\halo   -   7
Hritlang   -   33   BP Sang   -   4
Zunthlum   -   -   Kum 6 hnuailam enzat - 41
    UPHC a in entir tur ten zing dar 10 Am -11 Am chhungin inentirna card lak tur a ni a, card lak man hi ` 10 a ni e.

Chhiat tawh achunga lawmthu
    Kan pa Lallawmkima’n Sept. ni 24, 2017 a min boralsan chung changah lawmthu sawi tur kan ngah hle mai. Harsatna kan tawk a ni tih hria a YMA \halai ten chhiat tawhna lam pana rang tak maia ruang min buaipuina-ah te, a ruang min phurh hawsaktu motor neitute chungah te, mai bakah \halai rual YMA Member kan in khata min tlaivarpui tute chungahte, a tuk a thlan mawi tak leh thuk \ha tak mai; kan duhna hmun takah min laihsak a, zan lam nise kan khawhar hlau a min lenpui mai pawh duh tawk lova amah ralna sum tam tak min hlante kha a ropui kan tiin kan lawm tak zet zet a ni.
    Kohhran ho min \awng\aipuina leh YMA Member te, khawtlang nu leh pate min hmangaihna leh lainatnate kan tana in tha leh zung, sum leh pai in sen zawng zawngte hi damchhung pawha rulh sen zawh rual a ni lo, Pathianin a let tam takin malsawmna in vur che u rawh se tih hi kan lawmthu sawina leh kan \awng\aina a ni e.
    In khawngaihna dawngtu
    Lalhnehpuii te chhungkua
    Hlimen, venglai

PAGE - 4

KEIMAHNI :

Hlimkhawpui Budget
    Hlimkhawpui July & Aug. 2017 thla Budget pe tla tawh te:
1.   Kapdaia Sec.   2. Saichhuma Sec.
3.    Vawmphunga Sec.   4. Lalsavunga Sec.
5. Damvea Sec.   6. Buala Sec.
    Tin, Kapdaia section ten September & October thla Budget an tlak ta bawk.

YMA in râl
    Sept. ni 26, 2017 zan khan Branch YMA chuan Pu Lallawmkima ralna hun a hmang a, a ralna pawisa tling khawm ` 8,020 chu a chhungte hnenah hlan a ni.
    Pu Lallawmkima chhungte hian a \ul apianga Branch YMA in a hman atan puan 2 an hlan let bawk.

Lalsavunga Park Duty tur te
Oct. ni 1, 2017 (Pathianni) 1. Pu Lalhmuchhuaka. 2. Pu H. Ralkapthanga. 3. Pu Lalhmingliana. 4. Pu Lalremmawia. 5. Pu F. Zosangzuala. 6. Pu N. Zoliansanga. 7. Tv. Lalkhawmawia. 8. Tv. Lalnunmawia.

Oct. ni 8, 2017 (Pathianni) : 1. Pu Lalroliana. 2.   Pu R. Lalbiakmawia   3. Pu Vanlalliana 4.   Pu K. Lalremruata 5. Pu Lalthantluanga. 6. Pu Lalnunhlimpuia (DV) 7. Pu Lawmtluanga (DV) 8. Tv. Lalchhanhima (DV).

Oct. ni 15, 2017 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David Vanlalhuma 6.Pu Zolianchhunga 7. Pu Lalbiaksanga. 8. Tv. Lalromawia. 9. Pu B. Lalbiakmawia

YMA Gen. Conference
    YMA Gen. Conference vawi 71-na Oct. ni 17-19, 2017 chhunga Champhai Zotlang a neih tur ah Member kal tur te September thla chhungin OB te hnenah in report tur a ni. Conference kal nan hian Branch hruaitute chuan Bus an ngaituah fel tawh a ni.
    YMA General Conference a member kal tur ten kal lam haw lam man tur `100 in rin tur a ni a, tin, ruihhlo timi te chu ruihhlo laka insum turin hruaituten min ngen a ni.

Kapdaia Section
1. Section Jubilee lawmna a tel tur te chu ` 150 nen September thla ralhmain Tv. Lalchhantluanga hnenah in Report tur a ni e.
2. Sept. ni 29, 2017 zana Section sumtuakna min siamsak tu Pu Lalnuntluanga te chhungkaw chungah lawmthu kan sawi rualin member thawkchhuak te chungah lawmthu kan sawi bawk e.
3. October thla tir hian chhungtinte hnena Jubilee pual a Section bungrua tihchangtlunna tur kha Section O.B ten an rawn khawn dawn a, tlawmngai a lo thawh\heuh turin kan ngen a che u.

#############################

Garage neih nan ni 61 chiah hun i nei ta. Lirthei nei siin Garage i la nei lo a nih chuan inbuatsaih \an rawh le.

##############################

Lawrkhawm chhunzawmna....
TAEKWONDO FIGHT LEAGUE KHEL |AN DAWN TA
    Taekwondo Fight League 2017 chu Oct. ni 4, 2017 zan a\angin Electric Veng YMA Hall-ah khelh \an a ni dawn ta. Sept. ni 28, 2017 (Ningani) zan khan Jersey tlangzarhna hun leh Tie-Draw hun hman a ni a, hemi zan hian Fight League khel tur Club 6 te awmna veng YMA President tin ten Jersey hi an tlang zarh a, thusawina hun tawi pek bawk an ni. Tin, Tie-Draw a Club number hi Club tin awmna veng Local Council Chairman ten an pawt bawk a, CMTC Jersey hi Hlimen Branch YMA President Pu Lalhmuchhuaka’n tlangzarhin thu tawi sawina hun a hmang bawk a, tin, Tie-Draw-ah Club number hi Pu Lalhmingliana, Hlimen Local Council Chairman in a pawt bawk a ni.
    CMTC ten Fight League an khelh hun tur :-
Dt. 4.10.17 (Nilaini) 8:15 Pm   CMTC Vs Kolasib
Dt. 7.10.17 (Inrinni) 9:45 Pm   CMTC Vs Electric Veng
Dt. 11.10.17 (Nilaini) 8:15 Pm
    CMTC Vs Ramhlun Sporting Club
Dt. 14.10.17 (Inrinni) 9:45 Pm   CMTC Vs Armed Veng
Dt. 18.10.17 (Nilaini) 8:15 Pm   CMTC Vs Chawnpui
    Semi Final hi Oct. ni 21, 2017 ah khelh tur a ni a, Final hi Oct. ni 26, 2017 ah khelh tur a ni ang. Tin, Fight League hi LPS ten live in an pe chhuak dawn bawk a ni.

CYMA HMALAKNA
23.9.2017 :   College Veng Branch YMA ten Tlawmngaihna inzirtir thar lehna hun an hmang a, Pu R. Lalngheta, Asst. Secretary paper buatsaih zirho a ni a, Pu Z. Dengthansanga CEC-in a tawiawm.
23.9.2017 :   YMA General Conference thlenna tur Champhai Zotlang panna Aizawl to Tuirial inkar kawng siamthat dan a hmuna enin PWD hotute leh CYMA aiawh an kal.
25.9.2017 :   Disaster Management & Rehabilitation Director Office-ah Shelter House chungchang meeting neih a ni a, Pu J. Lalsailova, Treasurer a tel.
25.9.2017 :   Speaker, Mizoram Assembly Office-ah meeting neih a ni a, Tv. Lalhmachhuana, Gen. Secretary, Pu J. Lalsailova, Treasurer leh Pu K. Lalthanmawia CEC an tel.
25.9.2017 :   PHED CE Pu C. Lalremsiama Office-ah Central YMA leh PHED thawhhona chungchang sawihovin meeting neih a ni.
26.9.2017 :   Tuivai Group YMA-in Vanbawngah Disaster Management Training an hmang a, Central YMA Disaster Response Team ten zirtirna an pe.
27.9.2017 :   Tourist Complex, Berawtlangah Tourism Awareness Campaign chungchangah Central YMA leh Tourism Deptt. ten thawhhona thuthlung an ziak .
28.9.2017 :   Hillgates Weekly News Paper buatsaihin Aijal Club Reception Hall-ah Mizoram Education Watch & Envision Programme hman a ni a, CYMA aiawh tel a ni,.
28.9.2017 :   District Development Coordination & Monitoring Committee (DISHA) Secretariat Conference Hall-ah neih a ni a, Pu J. Lalsailova Treasurer a tel.

Saturday, 23 September 2017

Mimkut thla Ni 23, 2017, Issue No. 38

PAGE - 1

TUALCHHUNG :

Damlo : Pi Romawii W/o Dengsailova, Saichhuma Sec. a mi chu Sept. ni 21, 2017 (Ningani) khan Civil Hospital-ah a kaihza zai a ni a, enkawl chhunzawm mek a ni.

##    Lalhruaizela S/o Malsawmtluanga, Lalsavunga Sec. a mi chu Pneumonia leh Typhoid avangin Sept. ni 18, 2017 (Thawh\anni) khan State Referral Hospital, Falkawnah admit niin Sept. ni 21, 2017 (Ningani) khan a lo chhuak leh ta.

##    Lalmuanpuii C/o Nikhuma Damvea Sec. a mi chu taksa chaklohna avangin durtlang Hospital ah enkawl mek a ni.

##    Lalngilneii D/o Lalenkawla, Lalsavunga Sec. a mi chu lung lam \halo avangin State Referral Hospital, Falkawn-ah enkawl a ni.

##    Pi Lalchawii W/o Zaliana(L), Vawmphunga Sec. a mi chu a tluk palhna lamah a keruh a titliak palh a, damdawi in lam panpui niin investigation tih a ni a, tunah in lamah enkawl chhunzawm mek a ni.

##    Ramengmawia S/o C.Lalengzauva Damvea Sec. a mi chu rannung seh leh malaria PV avangin hun engemaw chen Durtlang Hospital ah enkawl a ni a, Sept. ni 21, 2017 khan a lo chhuak leh ta.

UPHC thuchhuah : Thlatin chawlhkar 2-na Inrinni leh Sorkar chawlh-ah OPD khar \hin a ni anga, a bak chu OPD hawn \hin a ni ang. Tin, zing dar 10:00 - 11:00 chhungin OPD Card lak \hin tur a ni.
    Tin, UPHC Hlimen a inentir nilo hmundanga inentir te tan treatment hi a thlawnin an tihsak thei tawh dawn lova, hengte hian rate siam a ni a ,mipuiten lo hriatsak tawh turin an inngen.
    Injection : (1) IM ah ` 30 (2) IV ah ` 50 (3) Venflon ah ` 100

HEADLINE :

BRANCH Y.M.A. LEH LOCAL COUNCIL JOINT MEETING NEIH A NI

    Sept. ni 22, 2017 (Zirtawpni) zingkar khan Hlimen Branch YMA Office Bearer leh Hlimen Local Council te chuan ui khuahkhirh leh faina kawnga hmalak chung changah Joint meeting an nei. Hemi huna thurel tlangpui chu ahnuai a tarlan hi a ni e :-
1. Ui nghawngawrh chungchang:   Local Council leh Branch YMA in Ui khuahkhirh chung changah hian Sub-Committee dina hmalak nise tia a lo rel tawh angin Sub - Committee hmalakna chu Pu H. Ralkapthanga Convener hnen atangin Report ngaihnawm tak ngaihthlak a ni a, tuna veng chhunga ui neih dan chu hetiang a ni -
    Section                     Chhungkaw    Ui awm zat
          ui vulh zat
    Buala                            41      65
    Damvea                       35                     55
    Kapdaia                       35                    65
    Lalsavunga                 17    27
    Saichhuma                 26                     44
    Vawmphunga             25      46
    Total                         170                  302
    Tin, ui nghawngawrh hi Sub-Committee-in section tin ten Color hran neih nise a lo tih chu pawmpui niin ui nghawngawrh chu Section Color anga kalpui nise tih a ni. Hemi atan a sum senso hi Local Council leh Branch YMA te intum sem mai nise tih a ni. Tin, Ui nghawngawrh hi 350 tal siam nise tih a ni bawk.
    Ui nghawngawrh hi October 2017 chunga peih fel hman vek a, vengchhunga ui zawng zawng ten hemi thla chunga an awrh hman vek tura hmalak nise, hemi chung chang ah hian Sub-Committee a ranglamin hma lo la in a tul ang te lo bawhzui zel se tih a ni a, tin, Ui nei si, ui nghawngawrh siamsa tlan duh lo te chu an chungah Action lak ngei nise, hemi chungchang ah hian Local council in hma lo la se tih a ni. Ui khuahkhirh chung changah hian a\ul a nih chuan meeting koh leh mai nise tih a ni bawk.

2. Faina chungchang:
    Veng chhungin faina kawnga hma kan sawn zel theih nan hmalak dan tur te ngun taka ngaihtuah a ni a, hetiang hian ruahmanna siam a ni-
a)   Vantlang hnatlang hi Sept. ni 30, 2017 (Inrinni) hian koh nise. Intin atangin mi pakhat tal thawhchhuah vek tur a ni a, hnatlang hman lo te chu Rs. 100 inhlih theih a ni anga , Tin, hnatlang bawk si lo, in hlip bawk si lo chu Rs 200 a run an ni anga. Runna pe duhlote chuan Local Council recomment eng chi mah an beisei thei lovang.
b)    Hmalakna hmasa atan chhungtinte hnenah mahni in leh a vel te tifai tura ngenna siam nise. Kawngpui kama bungraw dahhnawk te pawh senghawi tura hriattirna chhuah nise.-Phek 2 na-ah chhunzawm a ni...

PAGE - 2

EDITORIAL :

HMEL THLAK NGAI TLAWMNGAIHNA
    Kan tunlai hun hi han thlir ta ila, sa kaptu aiin a humhalhtu nih a ropui tawh zawk a, ruang hmuh veleha bawisawm nghal mai lova, police leh mithiam zawkte kuta dahtu pawh mi fing an nih tawh zawk a ni. Khawhar in riak tur ngah vêng nih ai chuan, phai rama zirna in \ha a zirlai ngah veng nih a ropui tawh zawk a, thlan lai taima aiin hun awl nei hman lo khawpa eizawnna leh hnathawhna a mi inpe leh taima kan ngaisang tawh zawk. Khawhar ina thingpui lum taima aiin ruihtheih thila fihlim ten fak an hlawh tawh zawk a ni. Chuvangin, tlawmngaihna kan thlirna mit kan thlak a ngai tawh a, hmanlai anga kalpui tum tlat a fuh tawh lo niin a lang.
    Thel mam eih pawh tum lovin pî pûte huna tlawmngaihna ngai ngai kha kaihthawh leh kan tum a, tarmit hlui vuah chungin mi kan han thlir a; tlawmngai lo, mizo nun pawh hre lo kan hmu ta \euh a. Tlawmngaihna a chuai ta, zonunmawiin mual a liam ta kan ti mai \hin. Mobile Phone awm tawh hnua love letter kher hmanga nula chhai tumte pawh a a’n theih dawn dawn awm e.
    Zirna lama theihtawp chhuah kawngah te, mi rethei leh \anpui ngai ngaihsak kawngah te, nawhchizuar leh ruihhlo ngaiten nun kawng pangngai an zawh theih nana beihna kawngah te, eiru lova hna rinawm leh taima taka thawhna kawngah te tlawmngaihna hi kan teh a hun ta a ni mai lo maw??? Tuna kan eizawnna, kan khawsakphung leh kan ngaihtuahnate mila tlawmngaihna hi kan hrilhfiah a; kan thlir loh chuan tlawmngai kan hmu lo tial tial ang.

Phekhma chhunzawmna........
c). Hnatlang hi Section Wise a kalpui nise, Section tin ten mahni Section huamchhung \heuhah hnatlang neih nise tih a ni.
    Incharge hetiangin siam a ni -
Buala   Section: Pu J. Vanlalbiakdika, Pu Lalhmuchhuaka, Section huamchhunga    Exe. Committee member, Sec. OB.
Damvea Section:   Pu Lalhmingliana, Pu Robuanga, Section huamchhunga Exe. Committee member, Sec. OB.
Kapdaia Section :Tv. C. Lalhmingthanga, Pu Lalhmingmawia, Pu Lalroliana, Section huamchhunga Exe. Committee member, Sec. OB.
Lalsavunga Section   :   Pi Lalhmingthangi, Pu Lalrinamwia, Section huamchhunga Exe. Committee member, Sec. OB.
Saichhuma Section   :   Pu J. Zothanpuia, Pi Tlangkhumi, Tv. R. Lalawmpuia, Section huamchhunga Exe. Committee member, Sec. OB.
Vawmphunga Section :   Pu Vanlalhruaia, Pu H. Ralkapthanga, Section huamchhunga Exe. Committee member, Sec. OB.
    Heng Section tina Incharge tura ruat te hian a \ul angin an area-ah ruahmanna an siam ang.
    Hemi bakah thil \ul danga awm anih chuan Local Council ten mawh lo phur se tih a ni bawk.

Advertisement...

F.K. SEPTIC TANK service
    Septic Tank khat paihfai,   soak pit hlui leh a thar kan siam theiin, pipe fiting, commode block kan thawk thei reng e. Motor kan nei a, kan rate a tlawm.
    Rate - Inbiak remna
    Regn. No.: MSR 524 of 15.07.13

    F.K.A
(10-7)   Ph: 8258058563, 9615920739

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-3)   VL-a, Ph.No : 9402344486, 9615266170

HAUHNAR MOBILE MOBILE REPAIRING CENTRE
    Hauhnar Mobile Repairing Centre-ah hian Hardware leh Software engtik lai pawhin kan siam thei reng e. Tin, Mobile Accessories (Charger, USB, Temper Glass, Phone Cover etc..) tlawm te in kan zuar tel bawk e.
    Mission Veng, City Computer Centre Opposite, Mawi Mawi Tailoring bulah kan awm e.

(2-1)   Ph: 8730980027, 8256989187

Min rawn pan ve teh
    Pi Nuzawni Building, Damveng -ah Southern Electronics dawr chu hawn chhunzawm zel a ni a, i T.V a chhia em? I electornic khawl a chhia em? Tlawm takin kan lo siam ang che. I bungraw chhe siam ngai chu kan lam sak thei che a, siam\hat a nih hnuah i inah kan rawn dah leh thlap thei reng bawk e.

Prop : Siampuia   Mb : 9863457800

PAGE - 3

HRIATTIRNA :

Electoral Roll Summary Revision
1. Summary Revision neih hunchhung hi Sept. ni 15 to Oct. ni 13, 2017 a ni.
2. Electoral Roll a inthunlut thar turte chu January ni 1, 2018-ah kum 18 a tling tawh tur a ni. January ni 1, 2008 hmalam a piang, roll-ah an inthunlut thei ang.
3. Electoral Roll a lut thar turte chuan Birth Certificate Xerox copy 1, passport size thlalak 1 leh residencial proof (Ration Card Xerox copy) thil tel tur a ni.
4.In transfer turte chuan electoral roll a an chuan na phek xerox copy an thil tel tur a ni a, EPIC (Voter ID) xerox copy pawh thiltel tur a ni.
5. Electoral Roll a siam\hat tur neite chuan kan siam\hat duh lai sawifiahtu tur (supported document) xerox copy leh passport size thlalak 1 thil tel tur a ni.
6. Roll a\anga inpaih duh tan pawh a inpaih theih e.
    Hriat fiah loh nei chuan a hnuai a phone number-ah hian zawhfiah theih a ni e.
    Sd/- C.Zothanliana   Sd/- Lallawmzuala
    BLO, Hlimen-I   BLO, Hlimen-II
    9436198110   8974243438

LOCAL COUNCIL HRIATTIRNA
    Sawrkar thuchhuak angin lirthei dahna Garage neih huna tiam chu a ral hnai ta a, Vengchhunga Garage neilo ten huntiam chhunga nei vek hman turin kan inhriattir a. Hun tiam a ral hnuah chuan sawrkar thuchhuak bawhzuiin Local Council pawhin chak taka hma laka tum a ni tih kan inhriattir bawk e.
    Tin, faina kawngah chhungtinten \an la zual deuh deuhin kan in leh a vel te fai taka enkawl turin kan in ngen a, tin, kawngpui leh vantlang tana hnawksak a bungraw dahhnawk te chuan action lak a ngaih hmaa insenghawi turin kan in hriattir nghal bawk e.
Sd/- Lalhmingliana, Chairman. LC

Bo chhar
    Pawisa chhar a ni a, a neitu chuan pawisa zat leh a awmdan chiang taka sawiin Pu N. Zonunmawia Saichhuma Sec. a mi hnenah lam theih a ni e.

In luah tur nei te hriat tur
    Local Council leh Branch YMA thu ding lai angin veng chhunga inluah tur nei ten vengdang mi in kan in an luah dawn a nih chuan an luah luh hma ngeiin khawtlang hruaitute hrilh hriat hmasak ngei tur a ni.
    Tin, kan inluahtu tur te chu an rawn pem luh ruala pem lehkha show tur an neih theih nan hrilhhriat lawk \hin tur a ni.
    Hei hi kan khawtlang then thianghlimna kawng atana hmalakna a ni a, inluah tur nei te chuan zawm \heuh turin kan in ngen e.

    Sd/- Lalhmingliana.              Sd/- Lalhmuchhuaka.
    Chairman,Local Council.           President, YMA.

LAWRKHAWM :

UPHC Report
    Sept. ni 16 - 22, 2017 chhunga UPHC Hlimen pan dan hetiang hi a ni :-
OPD   -   160   Fever Case   -   25
Naupai enzat   -   2   Emergency   -   8   Dressing   -   7   Inpatient   -   Nil
Refer   -   4   Minor Surgery   -   Nil
Naupiang zat   -   Nil   Khaw\halo   -   2
Hritlang   -   44   BP Sang   -   5
Zunthlum   -   6   Kum 6 hnuailam enzat - 46
    Sept. ni 20, 2017 khan MAS training neih anih avangin OPD khar a ni a,mipuite hriatthiamna an ngen e.        Tin, In jection leh venflon vuah man hi TNAI dan kan zawm ve chauh a, chuvangin Rate siam a ni a, chubakah Private/ Sawrkar damdawiin dangah pawh kan inentir a nih loh chuan chawi vek \hin a ni. Hei hian UPHC a rawn inentir leh refer chu a huam lo a ni. Tin, UPHC chungchanga zawhfiah duh nei leh complain tur nei te tana lehkha thlak theih turin UPHC Varandah ah Complain Box dah a ni a, kan bawhzui thei reng bawk e.
- UPHC Staff

Catch Them Boys, Great Football For Hlimen
    Football zirtur inziak lut te Sept. ni 25 (Thawh\anni) tlai dar 3:00 a\ang hian coaching class kal \an tawh tur a ni a,sport dress kimchang nen field-ah kim \hap tur a ni e. Coach Sir Manunga leh Sir Machhuana ten coaching class min lakpui \hin dawn a ni. Tlai lam dar 3-4 inkarah class kal \hin tur a ni. Field hmang \hin te pawh he mi hun chhung chu lo ti buai lo turin kan in ngen in kan in hriattir e. Tin, naupang la in ziaklut duh tan pawh Hming pum, pa hming, kum zat leh Section hming sawiin Sir-te bulah hian registration fee ` 20 kengin a la in ziah luh theih zel e. Jersey suit mawi tak kan dawng vek dawn a ni. Monthly fee ` 100 chauh a ni rih e.

Lui tui tur a hrai
    Khua a tui hul chho \an a, lui kal mite chu tûr a lui dungte hrai lo turin kan in hriattir a, tilui kan awm a nih chuan na taka action lak a nih tur thu khawtlang hruaitute hnen a\angin dawn a ni.
    Kan chhehvel a lui tui te hi kan ei leh in atan kan hman; kan tuilakna a nih tawh avangin tûr a lui hrai hi a pawi thuiin ram leh hnam hmelma nihna a ni tih i hria ang u. Tûra lui hrai hria kan awm a nih chuan a ranglama khawtlang hruaitute hrilh hriat ran \hin tur a ni.

High School Games ah che |ha
    Sept. ni 19- 21, 2017 chhunga Aizawl District High School Games neih zawh takah Hlimen High School a\angin heng mite hian individual ah medal an la :-
Lalremsiama S/o Lalmuanpuia (KD) - Long Jump ah Gold Medal leh Discuss Throw ah Bronze Medal
Laldinsanga S/o Muanawmi (KD) - Triple Jump-ah Silver Medal.
    Tin, mipa Volleyball team te chu Semi Final thlengin a vanduai zawk ah an \ang hlauh thung. Hlimen mipa Volleyball team a\ang hian District aiawh tur mi 2 thlan chhuah niin thu kan dawng bawk.

PAGE - 4

KEIMAHNI :

Hlimkhawpui Budget
    Hlimkhawpui July & Aug. 2017 thla Budget pe tla tawh te:
1.   Kapdaia Sec.   2. Saichhuma Sec.
3.    Vawmphunga Sec.   4. Lalsavunga Sec.
5. Damvea Sec.

Branch Committee hriattirna
    A hnuai a hun leh hmun ruatah hian Branch Exe. Committee pawimawh koh a ni a, Committee member te kan in hriattir a ni e -
    A hun   :   Sept. ni 26, 2017.(Thawhlehni)                    7:30 Pm
    A hmun   :   YMA hall
    Committee tura hriattirna hmu lo palh kan awm a nih pawhin hei hi kohna puitlinga ngaih tur a ni e.

Lalsavunga Park Duty tur te
Sept. ni 24, 2017 (Pathianni) : 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Zonunsanga. 7. Pu Lalrinchhana. 8. Pu Andrew Lalrinchhana.

Oct. ni 1, 2017 (Pathianni) 1. Pu Lalhmuchhuaka. 2. Pu H. Ralkapthanga. 3. Pu Lalhmingliana. 4. Pu Lalremmawia. 5. Pu F. Zosangzuala. 6. Pu N. Zoliansanga. 7. Tv. Lalkhawmawia. 8. Tv. Lalnunmawia.

Oct. ni 8, 2017 (Pathianni) : 1. Pu Lalroliana. 2.   Pu R. Lalbiakmawia   3. Pu Vanlalliana 4.   Pu K. Lalremruata 5. Pu Lalthantluanga. 6. Pu Lalnunhlimpuia (DV) 7. Pu Lawmtluanga (DV) 8. Tv. Lalchhanhima (DV).

Thlanmual samfai hnatlang neih a ni
    Sept. ni 16, 2017 (Inrinni) zingkar khan Branch YMA in ruahmanna a lo siam tawh angin Thlanmual -I & II samfai hnatlang neih a ni a, member mi 200 vel an thawkchhuak a, tarlan tawh angin Thlanmual-II hi incharge a ruat te leh Kapdaia Section ten an samfai a, Section dang zawngin Thlanmual-I an samfai a ni. Hnatlanga thawkchhuak zawng zawng te chungah hruaitute an lawm hle.

YMA Gen. Conference
    YMA Gen. Conference vawi 71-na Oct. ni 17-19, 2017 chhunga Champhai Zotlang a neih tur ah Member kal tur te September thla chhungin OB te hnenah in report tur a ni. Conference kal nan hian Branch hruaitute chuan Bus an ngaituah dawn a ni.
    YMA General Conference a member kal tur te chu ruihhlo laka insum turin hruaituten min ngen a ni.

Morgue VAN & Bus Driver duh tan
    Central YMA Morgue Van/ Bus khalhtu tur mi 2 mamawh ani a, a dil duh chuan plain paper ahziakin September 2017 ralhmain Central YMA Office ah thehluh theih a ni a, hrechiang duh chuan hruaitute a zawhfiah theih e.

Lawrkhawm chhunzawmna....
Central YMA hmalakna
16.9.2017 :   YMA General Conference thlengtu tur Champhai Zotlang kawng siamthat dan tur a hmuna enfiah turin Engineer-in-Chief, PWD, Pu R. Lalngheta, Asst. Secretary leh CEC 2 an kal.
18.9.2017 :   Engineer-in-Chief, PHED Pisa-ah Central YMA leh PHED te Tuihna humhalh chungchangah thawhhona thuthlung 2017-2021 atan ziah thar a ni a, Central YMA aiawhin Pu Lalbiakzuala President-in a sign a, Pu R. Lalngheta, Asst. Secretary bakah CEC 8 ten an \awiawm.
19.9.2017 :   Arunachal Pradesh-in Trading Regulation an kalpui dan zirchiang turin Mizoram Sawrkar aiawhte leh Pu Vanlalruata Vice President leh Pu Lalrochuanga Pachuau, Fin. Secretary te Arunachal Pradesh-ah an kal.
19.9.2017 :   UN Development Programme hnuaia National Resources Management Consultant Dr. Andras Darabant-in Central YMA Office a rawn tlawh a, Pu Lalbiakzuala, President leh Tv. Lalhmachhuana, Gen. Secretary-in an lo kawm a, Ramngaw humhalh chungchang an sawipui.
20.9.2017 :   Chief Minister Office Conference Room-ah MSACS Governing Board meeting neih a ni a, Pu J. Lalsailova, Treasurer a tel.
20.9.2017 :   Home Minister Pisa-ah YMA General Conference thlengtu tur Champhai panna kawng siamthat dan tur chungchangah meeting neih a ni a, Tv. Lalhmachhuana, Gen. Secretary leh Pu R. Lalngheta Asst. Secretary an tel.
20.9.2017 :   Mizoram leh Assam ramri chungchang sawiin Joint Committee on Innerline Reserve Forest hotute Central YMA Office-ah an lo leng a, Pu Lalbiakzuala, President-in a lo dawngsawng.
21.9.2017 :   BSF Asst. Commandant Central YMA Office-ah a lo leng a, Pu J. Lalsailova, Treasurer-in a lo dawngsawng.

Minister of State ah
    Bialtu MLA, Pu K.S. Thanga chu Mizoram sawrkar chuan Minister of State ah a hlang kai a, he thu buatsaih lai hian a portfolio tur erawh hriat ala nilo.

Advertisement.......

Online Application
1 .          SCHOLARSHIP (tribal and minority) - ` 100
2.          PAN CARD - ` 200
3.          AADHAAR CORECTION/DOWNLOAD - ` 50
4.          ONLINE JOB ENGPAWH KAN TI THEI KAN
             APPLY SAK THEI - ` 150
    Online application chauh lo pawh..website design leh website kan develop sak thei a, chu mai bak ah Android app kan siam sak thei e mamawh dan a zirin, Website ah PHP hmang in data kan dah thatsak thei e..
    TUITION FOR CLASS 1 TO 10 ALL SUBJECT (ABIK TAK IN MATHEMATICS LEH ENGLISH ) AH HARSAT NA NEI TAN KAN AWM RENG E....
Tuition fee : Inbiak rem dan ani ang
    DEAD PRODUCT FACILITY
    8794013536 (Samuela) 8729918257 (Duata)

Saturday, 16 September 2017

Mimkut thla Ni 16, 2017, Issue No. 37

PAGE - 1

TUALCHHUNG :

Damlo : Pi Biakveli W/o R.Lalhmingliana(L), Saichhuma Sec. a mi chu Sept. ni 8, 2017 khan BP sang avangin State Referral Hospital, Falkawn-ah admit a ni.

##    V.L.Remruatfela S/o Zolianchhunga, Vawmphunga Sec. a mi chu taksa lam harsatna avangin BN Hospital-ah hun engemaw chen enkawl a nih hnuin a lo chhuak leh ta.

##    Pu Lalkunga H/o Pi Nubawihi, Saichhuma Sec. a mi chu kal (kidney) lam \halo avangin NEIGRIHMS Hospital, Shillong panpui a ni.

Senior Deptt. khawmpui : Presbyterian Kohhran Hlimen Pastor Bial Senior Deptt. khawmpui chu Sept. ni 17, 2017 (Pathianni) hmang hian Melthum Presby. Kohhranah hman a ni dawn. Bial huamchhunga kohhran 5 Senior Deptt. zirlai ten he khawmpui hi an hmang dawn a ni.

Fight League atan inbuatsaih : Taekwondo Fight League Oct ni 4, 2017 a\anga LPS Studio a khelh turah Chalkunga Memorial Taekwondo Club te pawh an tel dawn a, hemi atan hian inbuatsaihna ngawrh taka kalpuiin tunlai hian Pu Lalhmingmawia te Inah Camp neiin Parctice-na hmun atan Central Workshop an hmang. CMTC te hi nikum lama Fight League-ah pawh khan an lo tel tawh a, pathumna dinhmun an lo hauh tawh a ni. Thla thar maia Fight League an khelh turah hian vengchhung mipuite pawhin \awngtaina-ah te kan hriat a, an khelh hunah pawh kan \awiawm \hat a pawimawh hle awm e.

Thlanmual sam hnatlang : Sept. ni 16, 2017 (Inrinni) zingkar khan Branch YMA chuan thlanmual -I leh II samfai hnatlang a kovin Section tin a\angin hnatlang thawkchhuak an \hahnem hle.

Electric Duty : Hlimen a Electric Duty pakhat zawk chu hmundang sawn a nih tak avangin a aiah hian Pu H.Zothansiama chu Deptt. lam chuan an rawn dah ta.
    Tin, Electric Duty te Leihlawn hi a hmangtu ten dahna hmun ngai; Local Council Office bulah dah leh ziah turin Duty ten an ngen a ni.

HEADLINE :

CENTRAL CO-ORDINATION COMMITTEE (CCC) MEETING VAWI 84-NA neih a ni

    Sept. ni 13, 2017 (Nilaini) khan Central YMA Hall-ah YMA Central Coordination Committee neih a ni a, Central YMA O.B. 6, CEC 48, Sub.Hqrs aiawh 19, Group aiawh 61, leh Aizawl City Branch aiawh 76, an vaiin mi 210 an kal a ni.
    Meeting hi Pu Lalbiakzuala, President-in a kaihruai a, Pu V.L Biakthanga, Vice President, Manipur Group YMA-in Pathian hnen a \awng\aina a neih hnuin Tv. Lalhmachhuana, General Secretary hnen atangin Report ngaihthlak a ni.

THUREL :
2017 YMA General Conference Agenda thlitfim :
I. YMA KHAWIH :
1.   Mizo lengkhawm khawhar hla kan neihte hi thangthar ten a thluk kan hriat reng theihna turin Solfa a a thluk dan dah a nih theih nan Central YMA-in hma la rawh se.
2.   Hlo tûr leh rannung thahna hlo kan hman dan hi fimkhur tak leh a nihna tur ang taka hman a nih theih nan a \ul anga hmalak ni se.
3.   Ruihhlo ngaite chhanchhuahna tur Rehabilitation Centre \ha leh changtlung tak neih a nih theih nan Central YMA-in hma la rawh se.
4.   Mizoram chhunga Central leh State Institution hrang hrang awmah hian Mizo ten Seat tam zawk kan chan theih nan Central YMA-in hma la rawh se.
5.   Mizoram hmun hrang hranga inkalpawhna kan neihte hi tun aia \ha leh changtlung zawka siam a nih theih nan Central YMA-in hma la rawh se.

II.   SAWRKAR KHAWIH :
1.   Tun aia kan lo intodelh theih zawk nan thingtlang a\anga thlai tharte Aizawl khawchhunga zawrhna tur Sawrkar-in ngaihtuah rawh se.
2.   Mizoram leh Bangladesh ramri khauh taka venhim a nih theih nan Sawrkar ngen ni rawh se.
3.   Dan lo anga din, Chakma Autonomous District Council (CADC) hi Dan anga \hiah a nih theih nan Central YMA-in hma la rawh se.
    YMA General Conference kal tlang kher lova CEC bawhzui tura dahte :
1.   YMA Letter Head inang tlang kan hman theih nan Central YMA-in hma la rawh se
2.   YMA member inchhiarna a dik zawk theih nan, YMA member Branch pakhat aia tamah inziahluh tawh loh ni se.
Phek 2 na-ah chhunzawm a ni

PAGE - 2

EDITORIAL :

RORELTU TE HI
    Abraham Lincoln chuan Democracy ram hi mipuiin a siam, mipuite tana siam leh mipui sorkar a ni tih a sawi a. Kan Pathian thu pawhin a a lo sawi, ‘Roreltu thu thu a awm tur....’ tih nen pawh a inang thei viau awm e.
    Keini ramah pawh MP, MLA, Local Council etc.. kan thlang \hin a, heng kan thlanchhuahte hi kan chunga rorel tur an ni lova, kan tana rorel tur an ni tih hi mipui ten kan hriat a pawimawh khawp mai.
    MLA emaw, MP emaw, tualchhunga roreltu Local Council te emaw hi an hunchhung a mipui duh loh zawnga khawsa leh mipui mit tlung lo chu awlsam takin mipui rorelna hma-ah thiam loh changin paihthlak an ni mai \hin tih pawh ka hre \heuh awm e. Chuvangin roreltu dik tak chu keimahni; mipuite kan ni tih hria ila a \ha ang. Mipui ten kan rorel danah hian kan tihfuh leh tihfuh loh chu kan thu a ni.
    Mi thiam leh thil chik mite chuan kan tana roreltu tur hi kan phu tawk leh kan mil tawk zel kan nei a ni an ti \hin. Hei hi a dik khawp mai, mi \ha/fel tamna ram/khawtlang chuan roreltu \ha tak an thlangchhuak chawk reng a ni. Chutiang bawkin Pathian ngaihsak lo ram/khawtlang chuan roreltu \ha an nei ngai lovang.
    Roreltute thu zawm hi kan mawhphurhna a ni a, kan biak kan Pathian pawhin chu chu a phut tlat a ni. Keini aia rethei an ni emaw, khawvel thiamna thila hnuaihnung zawk emaw, keini aia chaklo zawk emaw pawh ni sela roreltute hi kan zaha kan ngaihpawimawh hian keimahni kan inchawimawi zawk tihna a ni. Chuti ni lova roreltu hnuaichhiah ching leh zahlo taka khawsa mi chu a dingchhuak ngai lovang.

Phekhma chhunzawmna........
3.   Chakma Issue chungchang hi CEC ten uluk takin lo rel se.
4.   2018 MLA inthlan lo awm turah hian inthlanna felfai tak a awm theih nan Central YMA-in hma la rawh se.
5.   YMA Day-a chhiar chhuah turin Central YMA President-in Day pual chibai bukna leh thuchah nei \hin rawh se.
6.   Mizo hmeichhia tuna la damte zingah Mizo fa ngei 8 (pariat) hring chinte Central YMA-in chawimawina nei rawh se.
7   Mizoram leilungfa dik tak Birth Certificate nei lo ten awlsam zawka an neih theih nan Central YMA-in hma la rawh se.
8.   Mizoram thing leh mau, State pawna dan lova kalchhuak/tawlh chhuak \hin tihtawp a nih theih nan CYMA-in hma la rawh se.
9.   Mizoram Sawrkar hnuaia Deptt. hrang hrangin lehkha pawimawh/hriattirna an chhuah \hin hi Mizo\awngin a tam thei ang ber chhuah \hin ni rawh se.
10.   Mizoram Sawrkar hian kut hnathawktute thlai thar hi min lei sak rawh se.
11.   Mizorama eitur chi hrang hrang kan lak luh Sangha, thlai leh a dangte hi thianghlim tak leh dik taka lakluh a nih theih nan Sawrkar-in hma la rawh se.
12.   Driving License hnamdang pek chhuah danah leh Mizoram chhunga hnamdangten an hman danah Sorkar-in uluk leh khauh zawkin hma la rawh se.

III.   KUMPUAN RAWTNA :   Kum 2018 Kumpuan atan heng a hnuai a mite hi chhawpchhuah a ni.
1. Ram leh Hnam Humhalh    2. Zirna Uar
3. Ruihhlo Do

IV.   BUDGET :   Central YMA Budget 2017-2018 Pu J. Lalsailova, Treasurer hnen a\angin ngaithlak a ni a, zawhfiah ngaite inzawtin a \ul anga siam\hain General Conference 2017-ah rawn pharh tura tih a ni.

V.   2017 YMA General Conference 17-19.10.2017 Detailed Programme Committee a\angin General Conference Programme tlangpui tur ngaihthlak a ni.

VI.   2017 YMA General Conference 17-19.10.2017 Champhai Zotlanga neih tur, thlengtu tur Organising Committee Chairman Pu H. Laltuliana hnen atangin an inbuatsaihna tlangpui ngaithlak a ni.
    Meeting hi Bethlehem Vengthlang Branch YMA ten zanriah ann buatsaih sak bakah Ushering an thawhsak a, tlai 3:30 hian Pu Lalrochuanga Pachuau, Finance Secretary-in Pathian hnena tawngtaiin a \in.

PAGE - 3

HRIATTIRNA :

Hriattirna
    Sorkar laipui thuchhuak angin June ni 1, 2017 hma a Aadhaar card nei tawh zawng zawngte chuan November ni 30, 2017 ral hma ngeiin an Bank Account nena thlunzawm turin Bank-ah thehluh \heuh tur a ni.
    June ni 1, 2017 hma a Aadhaar Card nei tawh, December ni 31, 2017 thlenga Bank a la thehlut lote chu an thehluh hma chuan Account a\angin an pawisa lakchhuah theih a ni tawh lovang.
    Bank Account hawng thar duhte chuan Aadhaar Card chauh hman tawh tur a ni.
Issued by State Bank of India,
Lead Bank Office, Aizawl

PHED hriattirna
    Kum chanve a lo ral leh ta a, Public Point a\anga tui la ten FEE pek a hun leh tawh avangin September thla chhungin Chhimphei Site Office-ah July - December Public Point Fee ` 200 pek vek tur a ni a, card hlui ken vek tur a ni ang.
    Sd/- Sectional Officer, PHED
    Chhimphei Section

BÔ zawnna
    Sept. ni 11, 2017 tlai lam khan motor chabi bawr (Scooty & Alto) chu Kulikawn-ah ka tibo a, lo chhar in awm chuan khawngaih takin a hnuai a number tarlan hian min hriattir ula kan lawm hle ang.
    Sangpuii, Thakthing Veng
    Ph. 9862360616, 8730975431

Catch Them Boys, Great Football For Hlimen
    GSA Hlimen chuan Rawlthar kum 11 -16 inkar tan GSA Field Hlimenah Football zirna a hawng dawn. Tournament pawh buatsaih vat tum a ni. A kal duh turte chu September ni 15, 2017 ral hmain Secretary Tv Lalmuanpuia hnenah ` 20 kengin in report tur a ni. Zing leh tlaiah practice \hin tur a ni. Coach \ha takin a enkawl anga, Monthly Fee hi ` 100 a ni ang. Player te hi Jersey pek vek an ni bawk ang.

Sd/- Gen Secretary, GSA Hlimen.

LAWRKHAWM :

UPHC Report
    Sept. ni 8 - 15, 2017 chhunga UPHC Hlimen pan dan hetiang hi a ni :-
OPD   -   169   Fever Case   -   25
Naupai enzat   -   16          Emergency   -   7

Dressing   -   17                    Inpatient   -   Nil
Refer   -   22                  Minor Surgery   -   Nil
Naupiang zat   -   Nil      Khaw/halo   -   12
Hritlang   -   20                  BP Sang   -   12
Zunthlum   -   6   Kum 6 hnuailam enzat - 46
    Sept. ni 8, 2017 khan PMSMA Day hman niin naupai 13 an inetir.
    Thlatin chawlhkar 2-na Inrinni leh Sorkar chawlh-ah OPD khar \hin a ni anga, a bak chu OPD hawn \hin a ni ang. Tin, zing dar 10:00 - 11:00 chhungin OPD Card lak \hin tur a ni.
    Tin, UPHC Hlimen a inentir nilo hmundanga inentir te tan treatment hi a thlawnin an tihsak thei tawh dawn lova, hengte hian rate siam a ni a ,mipuiten lo hriatsak tawh turin an inngen.
    Injection :
(1) IM ah ` 30 (2) IV ah ` 50 (3) Venflon ah ` 100

Khawmpui hmang
    Sept. ni 10, 2017 (Pathianni) hmang khan Hlimen veng chhunga kohhran \henkhat ten naupang Sunday School khawmpui an hmang. Presbyterian Kohhran Hlimen Pastor Bial naupangin Bial chhung kohhran hrang hrang-ah khawmpui an hmang a. Isua Krista Kohhran Aizawl ‘E’ Bial naupang khawmpui pawh Hlimen-ah neih niin UPC (NEI) te chuan Tlangnuam-ah naupang khawmpui hi an hmang a ni.

Volleyball Tournament-ah tel dawn
    Sept. ni 25 - 30 chhunga Inter Village/Local Council Volleyball Tournament, R.Deng\huama Indoor Stadium Mualpui a neih turah Hlimen Local Council Team chu tel ve ngei an tum a, hemi atan hian Hlimen Volleyball Club te chuan inbuatsaihna an kalpui chho mek niin thu kan dawng. Mipa team 1 leh hmeichhe Team 1 tel tum a ni.

Advertisement...

Min rawn pan ve teh
Pi Nuzawni Building, Damveng -ah Southern Electronics dawr chu hawn chhunzawm zel a ni a, i T.V a chhia em? I electornic khawl a chhia em? Tlawm takin kan lo siam ang che. I bungraw chhe siam ngai chu kan lam sak thei che a, siam\hat a nih hnuah i inah kan rawn dah leh thlap thei reng bawk e.

Prop : Siampuia Mb : 9863457800

PAGE - 4

KEIMAHNI :

Hlimkhawpui Budget
    Hlimkhawpui July & Aug. 2017 thla Budget pe tla tawh te:
1.   Kapdaia Sec.   2. Saichhuma Sec.
3.    Vawmphunga Sec.   4. Lalsavunga Sec.
5. Damvea Sec.

Lalsavunga Park Duty tur te
Sept. ni 17 2017 (Pathianni) : 1. Pu Lalrinmawia. 2.   Tv. R. Lalrindika 3. Pu Vanlaltluanga 4. Pu Zoramhmangaiha 5. Pu Laldawngliana 6. Pu Biaknghinglova. 7. Tv. Lalpekthanga (KD) 8. Pu Jerome Lalduhbika (BS) 9. Tv. Lalnunsiama (BS)

Sept. ni 24, 2017 (Pathianni) : 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Zonunsanga. 7. Pu Lalrinchhana. 8. Pu Andrew Lalrinchhana.

Oct. ni 1, 2017 (Pathianni) 1. Pu Lalhmuchhuaka. 2. Pu H. Ralkapthanga. 3. Pu Lalhmingliana. 4. Pu Lalremmawia. 5. Pu F. Zosangzuala. 6. Pu N. Zoliansanga. 7. Tv. Lalkhawmawia. 8. Tv. Lalnunmawia.

Buala Section
    Sept. ni 9, 2017 (Inrinni) chhuna bankhur laia hnatlanga thawkchhuak zawng zawngte leh Sept. ni 11, 2017 (Thawh\anni) zana Cubic thiar a hnatlang zawng zawngte chungah hruaitute chuan lawmthu an sawi a. Inhlawhna siamsaktu Pu Robuanga te chhungkaw chhungah lawmthu an sawi tak meuh meuh bawk a ni.
    Tin, Sept. ni 10, 2017 (Pathianni) khan veng chhungah charity ride neih a ni a, chhungkaw 5 hnenah \anpuina pawisa fai pek an ni a, chhungkaw 1 buhfai bag pek tel a ni bawk. hemi atana pawisa thawhtu Section Committee Member zawng zawngte chungah leh Committee Member nilo, tlawmngai a pawisa rawn thawhtute chungah leh buhfai rawn thawhtute chungah Section YMA hruaitu ten lawmthu an sawi tak meuh meuh a ni.

YMA Gen. Conference
    YMA Gen. Conference vawi 71-na Oct. ni 17-19, 2017 chhunga Champhai Zotlang a neih tur ah Member kal tur te September thla chhungin OB te hnenah in report tur a ni. Conference kal nan hian Branch hruaitute chuan Bus pakhat hman an tum a ni.

Hall tihfai hnatlang
    Sept. ni 12, 2017 (Thawhlehni) zan khan Branch YMA Committee Member te chuan YMA Hall rawng hnawih thar tur chu ziatfaiin hnatlang an nei a, Sept. ni 15, 2017 (Zirtawpni) zan khan hnatlan chhunzawm leh a ni.

CCC Meeting-ah
    Sept. ni 13, 2017 a CCC Meeting neih-ah kan Branch aiawhin Pu Lalroliana, Fin. Secretary chu a tel.

Lawrkhawm chhunzawmna....
Central YMA hmalakna
8.9.2017 : Minister, Higher & Technical Education Pisa-ah Chakma chungchang meeting neih a ni a, Pu Lalbiakzuala President, Pu R. Lalngheta Asst. Secretary leh Pu Lalrochuanga Pachuau Fin. Secretary an tel.
12.9.2017 :   YMA General Conference thlengtu tur Champhai Zotlang panna kawng siamthat tur chungchangah Engineer-in-Chief, PWD chu Central YMA hruaituten a Pisa-ah an hmu a, Pu Lalbiakzuala President, Pu R. Lalngheta Asst. Secretary, Pu Vanlalfela CEC, Pu R.L. Zomawia CEC leh Pu R. Lalduhawma CEC te an tel.
12.9.2017 :   MUP Pisa-ah MPF Board Executive Meeting neih a ni a, Pu Vanlalruata, Vice President a tel.
12.9.2017 :   Mizorama tuilian leh leimin tuarte tanpuina tur Shillong South Branch YMA-in an thawhkhawm ` 1,03,500/- chu Central YMA hruaitute hnenah an rawn hlan.
13.9.2017 :   Central YMA Hall-ah Central Co-Ordination Committee neih a ni.

Kum 60 chunglam
    Kan vengchhung a kum 60 chunglam Section tina awm zat hriattheih chin chu hetiang hi a ni e :
1. Buala Sec. - 62   2. Damvea Sec. - 57
3. Kapdaia Sec. - 47   6. Lalsavunga Sec. - 12
4. Saichhuma Sec. - 56   5. Vawmphunga Sec. - 54

Advertisement...

Online Application
1 .SCHOLARSHIP (tribal and minority) - ` 100
2.PAN CARD - ` 200
3.AADHAAR CORECTION/DOWNLOAD - ` 50
4.ONLINE JOB ENGPAWH KAN TI THEI KAN
   APPLY SAK THEI - ` 150
    Online application chauh lo pawh..website design leh website kan develop sak thei a, chu mai bak ah Android app kan siam sak thei e mamawh dan a zirin, Website ah PHP hmang in data kan dah thatsak thei e..
TUITION FOR CLASS 1 TO 10 ALL SUBJECT ( ABIK TAK IN MATHEMATICS LEH ENGLISH ) AH HARSAT NA NEI TAN KAN AWM RENG E....
Tuition fee : Inbiak rem dan ani ang
    DEAD PRODUCT FACILITY
    8794013536 (Samuela)
    8729918257 (Duata)

#########################################

Garage neih nan ni 75 chiah hun i nei ta. Lirthei nei siin Garage i la nei lo a nih chuan inbuatsaih \an rawh le.

Saturday, 9 September 2017

Mimkut thla Ni 9, 2017, Issue No. 36

PAGE - 1

TUALCHHUNG :

Boral : Pu Lalnunzira Hmar (Lâna) H/o Elizabeth Zoramthangi Damvea Sec. a mi chu Sept. ni 4, 2017 (Thawh\anni) zan dar 10:45 khan Lungphuchawl avangin a boral. A ruang hi lumen niin a tuk Sept. ni 5, 2017 (Thawhlehni) khan vuiliam a ni.

Nâu nei thar : Pu Lalbiaksanga Leh Pi Lalrinpuii te nupa Saichhuma Sec. a mite chuan Sept. ni 2, 2017 (Inrinni) khan Civil Hospital-ah an fa pahnihna atan hmeichhia duhawm tak an nei thar.

YP Hall hawng : Sept. ni 2, 2017 (Inrinni) chawhnu dar 1:00 khan Salvation Army Hlimen   Corps chuan Young People (YP) Hall an hawng.
    YP Hall hi Capt. K.Rohlupuia DYS Central South Division in a hawng a tlai lamah ruai kilho nghal a ni.
    YP Hall hi April ni 26, 2014 khan sak \an a ni a, a sak nan hian cheng nuai 3 vel an hmang ral a ni.

Naupang khawmpui : Sept. ni 10, 2017 (Pathianni) khan Presbyterian Kohhran, Hlimen Pastor Bial Naupang Sunday Sikul khawmpui chu Bial chhung kohhran hrang hrangah neih a ni dawn, hetiangin :- Beginner Deptt. - Saikhamakawn Kohhran-ah, Primary Deptt. - Hlimen Damveng Kohhranah, Junior Deptt. - Hlimen Vengthar Kohhranah, Inter.&Sacrament Deptt. - Hlimen Kohhran-ah.
    Tin, tun Pathianni hmang vek hian Isua Krista Kohhran Aizawl ‘E’ Bial Naupang Pathianni Sikul khawmpui pawh Hlimen-ah neih a ni dawn bawk a ni.

Anganwadi naupang kokhawm : Sept. ni 7, 2017 (Nilaini) khan Social Welfare Deptt. a Anaganwadi lam enkawltu leh hotute Hlimen ah rawn kalin Anganwadi naupang leh nu te kokhawmin YMA Hall-ah hun an hmang.

Kawng tla bal : Tun fur ruahtui nasa avangin |helretkawn a\anga vengthlang chuanhnuai panna (Pu Hrangkhuma in bula) bawlhhlawh paih \hinna hmun chu a min a, kawng a tla bal nasa a, tin a piah lawka Balcony chu ruahsur nasa in a hreuh bawk a. Hengte avang hian he kawnga kal tan kawng a chep tawh avangin chetsual palh a hlauhawm hle a, kawng kalte fimkhur a pawimawh hle.

HEADLINE :

Hlimen Branch Y.M.A. Office Bearer Meeting thuchhuak
    Sept. ni 4, 2017 (Thawh\anni) zan khan Hlimen Branch YMA Office Bearer Meeting neih a ni a. Hemi huna an thurel tlangpui chu a hnuai a tarlan hi a ni e.
1.    Oct. ni 27, 2017 (Zirtawpni) dar 11:00 Am ah Kapdaia Sec. ten Section Silver Jubilee lawmna Palai Picnic Spot, Sihhmui a neih an tumah Branch O.B. te telpui tura an sawmna leh thusawina hun hmang tura OB te an ngenna chu remtihpui an niin thusawi turin Pu H.Ralkapthanga, Secretary ruat a ni.

2.    CCC Meeting Sept. ni 13, 2017 (Nilaini) Dar 10:30Am a Central YMA Hall, Tuikhuahtlang a neih turah Branch aiawh a tel turin Pu Lalroliana, Fin.Secretary ruat a ni.

3.   Kapdaia Sec. ten Information Mike an hman mek a \hat tawk loh avanga bialtu MLA hnena a thar dilpui tura Branch an ngenna lehkha an thehluh chu remtihsak an ni a. A bawhzui kawngah erawh chuan Section hruaitu ten theihtawp lo chhuah tura tih an ni. Pu Robuanga leh Pu Lalroliana te mawh lo phur tel tura tih an ni.

4.   YMA Hall chhung rawng hnawih theih tura tihfai/ziah fai hnatlang Branch Committee Member ten Sept. 12, 2017 (Thawhlehni) zanah neih nise tih a ni.

##########################################

CENTRAL YMA HMALAKNA
2.9.2017 : STAM buatsaihin Synod Conference Centre-ah School Timing chungchanga inrawnkhawmna neih a ni a, Pu Vanlalfela CEC leh Pu K. Lalthanmawia CEC te an tel.
4.9.2017 : Citizen (Amendment) Bill, 2016 duh lohna Joint Memorandum (NGO & All Political Party) Delhi-a thehlutin NGO aiawhte an kal a, Central YMA aiawhin Pu Lalbiakzuala, President leh Pu J. Lalsailova, Treasurer te an kal. An ni hian Tuikuk chungchangh Chief Election Commission an hmu nghal bawk.
5.9.2017 : General Conference inbuatsaihna chungchangah Chief Engineer (Highway) chu Office Bearers ten an kawm a, Champhai kawng a hnathwh dan tur chungchang an sawihova, Champhai kawng siam tur hi a hmuna a huhova enfiah tura rel a ni.

PAGE - 2

EDITORIAL :

HRINGNUN
    Khawvela thlaler hrehawm berte zingah Atacama chu hmun rô ber pakhat a ni a, mihringte hriat theih chinah vawi khat mah ruah la tlak lohna laite pawh a awm a ni. Sahara te, Thar thlaler te pawh hetiang bawka hmun rô; zing a\anga tlai thlenga ni êng chauh lanna hmun a ni. Ni êng chauh lo chu thil danglam engmah han puakchhuah tur a awm lo a ni.
    Mihring nun pawh hi hlim leh lawmna chauhin a hmuah; lungngaihna leh lawm lohna ten a chim ngai loh chu thlaler anga nelawm loh a ni tih kan hriat a \ha ang. Kan tum leh duh ber chu hlim leh lawm a ni a. Amaherawhchu, chutiang ringawt chuan nung chho ta ila; kan \hian te, chhungte leh bula midang tan chuan nelawm loh tak, hriat thiam har tak kan lo ni mai dawn a ni.
    Tin, hlimna leh lawmna chauh kan beisei lai hian mahni hmasialna chauh kan lo nei thei bawk a. Han inngaihtuah chian chuan kan thil duh neih kan tumna kawng hi keimahni hmasialna mai a nih chuan insiam\hat ngaihna kan nei thuk hle dawn tihna a ni. Chuvangin mihring nunkawng hi chhut mite leh mi thil chikmite chuan thil chi hrang hrang a tawk chauha inlumlet a thei lo a nih pawhin kan chan \heuhah lungawi tumna kan neih a pawimawh hle a ni an ti.
    Burma ramah chuan hnim chi khat, lei chârah a awm pawhin mawi taka par, tui luang laia a awm pawhin a parmawina \hulh chuang silo a awm e an ti a. Hei hi mihring nun kaihhruaina \ha tak a ni awm e. Harsatna leh lawmna kan chunga a thlen pawhin nunphung mawi taka kan parchhuah reng hi min siamtu Pathian duhdan a nih hmel a. Chuvangin, kan tum leh tum loh anga thil a kal pawhin kan nun hi mawi takin parchhuak zel mawlh rawh se.

ZIAKTUTE HUANG :

ENGNGE PAWIMAWH ZAWK
-Jason-a Pû
    Mitin mai hian mahni inhmuh dante, mahni ni a inhriat dante kan nei \heuh mai a, chumi hmang chuan kan nunna hi a kal velin thil kan ti \hin. Mahni tawk \heuhah \ha intihna te, fel leh fing intihna leh rem hre ber niin kan inngai \hám vek a, mahni induhtawkna in kan khat liam hlawm ni berin a lang e. Hausa ber leh rethei ber, zirna lama sang tak leh hniam ber thlengin tuman mi ã tihte, mi sual tihte, mãwl lutuk tihte chu kan duh lo tlang hle. Mi fak leh chawimawi/ngaihsan nihte hi kan duhin kan chak zawng tak a ni vekin a rinawm.
    Mahni kan inhmuh leh kan inhriat dan hi chuan miten min hmuin min ngai ta se chuan khawtlang leh chhungtin nun hi a va nuam dawn em. Mahse chutiang chu a ni lo tih a lanchian em em na chu YMA ten khawtlang nun siam\hat tih kum puan atan rampum huap a puan a ngai tlat mai hi a ni.
    Fel leh tha, fing leh bengvar, kohhran leh khawtlang tana \hahnem ngai, \henawmte tan pawha mi \angkai ni a inhriain ngaih \ha fe a i awm lai khan nitin leh tuktin a min hmu a min hrechiang tu ten :-
1)   Chawlhni leh kohhran hunpui neih lai chauh a Kristian a, a hnu lama pawisak nei lo,
2)   |awngkam chauha khawtlang hmangaihtu,
3)   Rinawmna pawimawh zia thu sawi thei hle si a, a ruk/mi hmuh loh a pawisak nei miah si lo,
4)   Sakhaw mi tha tak anga lang, ruihhlo hnar phal si lo,
5)   Mirethei zawkte hmangaih awm taka insawi si, an chan ai hlep ruk hreh miah lo,
6)   Pathian pawh hlau lo, setana pawh hlau lo
angin min hmuin min ngai mai zawk. Chuvangin nangma inhmuh dan/hriat dan nge pawimawh i veng/thenawm te leh midang hmuhdan che??
    Pathian thu a kan hmuh dan chu, Lal Isuan a zirtirte hnenah miten an hmuh dan leh an ngaihdan a zawt, “Miten tunge a ni min tih” tiin.
    Chuvangin nangmah i inhmuh leh hriat dan nge pawimawh miten an hmuh leh hriat dan che??

Advertisement....

F.K. SEPTIC TANK service
    Septic Tank khat paihfai,   soak pit hlui leh a thar kan siam theiin, pipe fiting, commoth block kan thawk thei reng e. Motor kan nei a, kan rate a tlawm.
    Rate - Inbiak remna
    Regn. No.: MSR 524 of 15.07.13
    F.K.A Ph: 8258058563
(10-5)   9615920739

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Komode Block leh pipe fitting pawh kan ti thei bawk e. Rate chu inbiakremna ang a ni ang.
(6-1)   VL-a, Ph.No : 9402344486

PAGE - 3

HRIATTIRNA :

Thlanmual sam hnatlang
    Sept. ni 16, 2017 (Inrinni) zingkar hian Thlanmual sam hnatlang neih tur a ni a, thlanmual-II hi Kapdaia Section ten an lo sam ang a, Branch Committee a\angin heng mite hi kal turin ruat an ni- Pu Lalhmuchhuaka, Pu Lalhmingliana, Pu R. Lalbiakmawia, Pu Vanlalliana.
    Thlanmual-I sam turin heng Section te hi ruat an ni- Buala, Damvea, Saichhuma, Vawmphunga leh Lalsavunga.
    Tin, thlanmual sam hnatlangneih hma hian chhungtin te mahni chhungte thlan lo tifaiin chhianchhiahna awm lo chu chhinchhiah na lo siam/tar vek tur a ni.

Catch Them Boys, Great Football For Hlimen
    GSA Hlimen chuan Rawlthar kum 11 -16 inkar tan GSA Field Hlimenah Football zirna a dawng dawn. Tournament pawh buatsaih vat tum a ni. Akal duh turte chu September ni 15, 2017 ral hmain Secretary Tv Lalmuanpuia hnenah ` 20 kengin in report tur a ni. “Zing leh tlaiah practice \hin tur a ni. Coach \ha takin a enkawl anga, Monthly Fee hi ` 100 a ni ang.
Sd/- Lalmuanpuia, Gen Secretary, GSA Hlimen.

Hriattirna
    Pu Vanlalena s/o Buanga (L), Zemabawk hian a LSC No. AZL-1712 of 1997 of S.Hlimen hi office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 ral hma ngeiin a hnuaia address ziakah hian hriattir tur a ni. Hetianga LSC pek chhuah leh a lo nih chuan LSC hmasa chu cancelled nghal a ni ang.
    Sd/- Director
    Land Revenue & Settlement
    Mizoram : Aizawl

Advertisement....

LAWRKHAWM :

Chhiatni Report
    Pu Lalnunzira Hmar puala buhfai leh pawisa khawn khawm dan, thlanlaih dan leh tlaivar zat ziaka hmuh theih chin :-
Section         Chhungkua    Pawisa    Buhfai   Thlanlai    Tlaivar

Buala                 127          1,050        147          27          3

Damvea 118 1,130 125 2 17

Kapdaia 119 1,140 131 6 13

Lalsavunga 37 330 37 2 -

Saichhuma         112      1,010        127           4        1
Vawmphunga      37         320         40            5   -
    Total      550        4,980        607          46       34
    Damvea Section hi chhiattawk Section an ni.

UPHC Report
    Sept. ni 2-7, 2017 chhunga UPHC Hlimen pan dan hetiang hi a ni :-
OPD   -   64   Fever Case   -   Nil
Naupai enzat   -   3   Emergency   -   4   Dressing   -   5   Inpatient   -   Nil
Refer   -   6   Minor Surgery   -   Nil
Naupiang zat   -   Nil
Sept. ni 6, 2017 khan Kayakalp avangin OPD khar a ni.

Chhiat tawh a chunga lawmthu sawina
    Kan pa Lalnunzira Hmar in Sept. ni 4, 2017 zana nat lawkna pawh awm lova min boralsan achungah hian vengchhung nu leh pa leh YMA Member nula leh tlangval, \henrual \hate in lamah leh damdawi in thlenga amah lainat a min buaipuitute chungah lawmthu kan sawi a. Tin, zankhua maia min lenpuitu leh a vuina huna tha leh zung senga min tawrhpuitu zawng zawngte chungah thinlung takin lawmthu kan sawi tak meuh meuh a ni.
-A nupui Elizabeth Zoramthangi
leh a fate, Damvea Sec.

HLIMEN FOOTBALL LEAGUE HRIATTIRNA
    Hlimen Football League 2017 chu Dt 2 October 2017 a\angin khelh \an tur a ruahman a ni a, he League ah hian team 8 awmin Saikhamakawn, Mel 3, Samtlang, Lungleng 1 leh N Lungleng te bakah Hlimen a\angin team pathum (3) awm tur in a ruahman a,Football Club ten team khat thawh in Team hnih dang hi a duh apiang tan Team insiam theih a ni a,Dt 14 September 2017 ral hma in team neih tum te chu Secretary Tv Lalmuanpuia hnenah in hriattir tur a ni,team tel tum te hi pahnih aia tam in report an awm anih chuan League Organising Committee in a rel ang. Thil \ul dang chu la in hriattir leh tur a ni. He League hi Inrinni leh Sorkar chawlh a khelh \hin tur a ni.
    Sd/- Secretary GSA & Organising Committee

PAGE - 4

KEIMAHNI :

Hlimkhawpui Budget
    Hlimkhawpui July & Aug. 2017 thla Budget pe tla tawh te:
1.   Kapdaia Sec.   2. Saichhuma Sec.
3.    Vawmphunga Sec.   4. Lalsavunga Sec.
5. Damvea Sec.

YMA in râl
    Sept. ni 6, 2017 zan khan Branch YMA chuan Pu Lalnunzira Hmar ralna hun a hmang a, a ralna pawisa tling khawm ` 6,950 chu a chhungte hnenah hlan a ni.
    Pu Lalnunzira Hmar chhungte hian a \ul apianga Branch YMA in a hman atan puan an hlan let bawk.

Lalsavunga Park Duty tur te
Sept. ni 10, 2017 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David Vanlalhuma 6.Pu Zolianchhunga 7. Pu Lalbiaksanga. 8. Tv. Lalromawia. 9. Tv. Zonunkima

Sept. ni 17 2017 (Pathianni) : 1. Pu Lalrinmawia. 2.   Tv. R. Lalrindika 3. Pu Vanlaltluanga 4. Pu Zoramhmangaiha 5. Pu Laldawngliana 6. Pu Biaknghinglova. 7. Tv. Lalpekthanga (KD) 8. Pu Jerome Lalduhbika (BS) 9. Tv. Lalnunsiama (BS)

Sept. ni 24, 2017 (Pathianni) : 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Zonunsanga. 7. Pu Lalrinchhana. 8. Pu Andrew Lalrinchhana.

YMA Gen. Conference
    YMA Gen. Conference vawi 71-na Oct. ni 17-19, 2017 chhunga Champhai Zotlang a neih tur ah Member kal tur te September thla chhungin OB te hnenah in report tur a ni. Conference kal nan hian Branch hruaitute chuan Bus pakhat hman an tum a ni.

Buala Section
    Sept. ni 7, 2017 (Zirtawpni) zan khan Buala Sec. te chuan ban khur laiin sumtuak hnatlang an nei a, hnatlang a thawkchhuakte chungah leh inhlawhna siamsaktu Pu Robuanga te chhungkaw chungah lawmthu an sawi.

Advertisement......

Online Application
1.   Scholarship (Minority) Fresh & Renewal (Umbrella Tribal kan la apply thei lo)
    Fresh - ` 100
    Renewal - ` 60
2.   PAN CARD - ` 250
3.   adhaar Correction and
    Aadhaar Download - ` 50
4.   Online Job Apply - ` 100
    Online Application hrang hrang bakah Sikul Admission Online in kan apply sak thei e.
    Dead Product Facilities
    Ph. 8794013536, 8729918257

Free Training
    UD & PA Deptt. : DAY-NULM, Mizoram leh Indus Edutrain Pvt. Ltd. chuan kum 18 a\anga 35 inkarte tan Free Training a hawng leh ta.
    1. Beauty Therapist
    2. Sampling Tailoring
Application Form lak chhuah theihna : Mawii Puan\huina Dawr, Venglai

BÔ ZAWNNA
    Pi Lianthangpuii W/o N.Zoliansanga (Amama), Saichhuma Sec. a mi chuan an in leh Pres. Biak in inkarah Bracelet (Gold) a ti bo a, a lo hmu chuan pe leh hram turin a ngen a ni, mitvar man a awm ang.

KAN |HEN TAK

LALNUNZIRA HMAR CHANCHIN TLANGPUI
    Pu Lalnunzira Hmar hi Pu Lalnunnema(L) leh Pi Ramthangi te fa tlum ber ni turin October ni 3, 1982-ah a lo piang a. An unau hi 7 an ni a, hmeichhia 2 leh mipa 5 an ni.
    Pu Lalnunzira Hmar hi naupang fel leh duhawm tak mai leh harhvang tak a ni \hin a, lehkha thiam thei tak mai leh nu leh pa thu awih theih tak a ni. |henrual kawm thiam leh \hian siam thiam tak mai; \hiante tana mi inphal tak mi a ni.
    Pawl 8 thleng lehkha a zir a, infiamna lam ngaina tak mai a ni a, zirna lam aia a ngaih pawimawh zawk avangin a zirlai chawlhsanin infiamna lamah a kal ta zawk a ni. Football hi a tuina a ni a, veng aiawhte pawhin vawi tam tak a lo fehchhuak tawh \hin a ni. Tin, zai ngaina tak mai a ni a, Section YMA intihsiakna-ah pawh lawmman 1-na te pawh a lo dawng tawh a ni. Tin, YMA Function-ah te zai \hinin LPS Youth Icon-ah te hial pawh a lo tel ve tawh a ni.
    Kum 2003 khan Elizabeth Zoramthangi nen inneiin fa pakhat - Esther Vanlalchhanchhuahi an nei a. Tin, a tunu Grace Lalhmingmawii an enkawl mek bawk a ni.
    Khawtlang lamah pawh a phak ang tawkin a inhmang ve \hin a, Section YMA Committee Member-ah pawh hun engemaw chen a awm ve a ni. A phak ang tawkin Pathianah hlim leh lawmna te pawh a lo chang ve tawh a, nimahsela chhungkaw lam harsatna avang leh a nuna sual hnathawh avangin khawtlang leh kohhran a a rawngbawl vena te pawh chhunzawm thei lovin a awm a ni.
    Sept. ni 4, 2017 (Thawh\anni) ah insawiselna pawh nei lovin dam takin a tho a, hna thawkin nileng a hunte pawh hmangin, a hnathawh ban hnu tlai lamah \hutthlenga a muzal chu zan dar 8:00 thleng pawha a la thawh loh avangin a chhungte ngaih\halo chuan kaihthawh an tum a, a harh theih tak loh avangin Urban Primary Health Centre panpui a ni a, chuta \angin Alpha Hospital-ah kalpui lehnghal a ni a, Doctor leh Nurse ten theih tawp an chhuah chung pawhin zan dar 10:45 ah chatuan ram min pansan ta a ni.