Nikir thla Ni 24, 2017, Issue No 25

PAGE - 1

TUALCHHUNG :

Damlo :  Nl. Lalremruati D/o Pu Biakthanga, Saichhuma Sec. a mi chu kal (kidney) lam \halo avangin June ni 22, 2017 khan BN Hospital, Kulikawn-ah Admit a ni.

##    Pu Lalrinkima H/o Kawlkhumi Buala Sec. a mi chu State Referral Hospital, Falkawn-ah enkawl mek a ni.

##    Vanlalruati D/o Lalrintluanga, Saichhuma Sec. a mi chu June ni 21, 2017(Nilaini) zan khan pum lam \halo avangin Kulikawn Civil Hospital-ah admit a ni.

Camping nei :  The Salvation Army te chuan Chhandamna Camping an buatsaih a, Inrinni hian Camp hi an chhuak ang. He Camping ah hian Pu Zoliankunga chu Speaker atan hman a ni.
    He Camping ah hian mi 25 lut in mi 21 te Camp hi tluanin Pathian-ah harh tharna duhawm tak an chang vek niin thu kan dawng.

Trainning nei dawn :  Kan thudawnna in a tarlan danin Hlimen Adventure Club te chuan kar leh inrinni, July ni 1, 2017 khian Zophei-ah Adventure Technic leh skill hrang hrang te zirin trainning an nei dawn.
    Hlimen Adventure Club a member ni thar duh tan te chuan Club hruaitu te hnenah a in report in Member a nih  theih reng bawk niin thu kan dawng bawk.

Kawng siam beisei : Bialtu MLA Pu KS Thanga hmalakna in Hlimen - Melthum kawng chhe tawh tak hi PWD Road ‘S’ Division in siam tura ruahman a ni a, Fur lai niin Working Season a ni lo a, khua a tui hul ve leh siam turin ruahman a ni. Siam thuai beisei a nih thu EE hnen a\anga dawn a ni.

Thingphun : Govt. Middle School -I & II, Hlimen te chuan an school Compound leh a chheh velah thing engemawzat an phun thar a, tin, Hlimen Presbyterian English School pawhin Quarry chim area bul, tlangah thing an phun thar bawk.

Day lawmpuina pe:YMA Day hman zawh takah lawmpuina pawisa Local Council te leh NGO hrang hrang ten an pek bakah Hlimen Congress Unit te chuan ` 1,000 Branch YMA an pe bawk. Hruaitu ten lawmthu an sawi.

HEADLINE :

 CENTRAL YMA THUCHHUAK

    Tun hnaia Mizoram a ruahsur avanga chhiat tawhna hrang hrangah nunna chan engemawzat an awm hi Central YMA chuan pawi a tiin, thihna tawk chhungkuate a tuarpui takzet a. Tin, in leh lo chân chhungkua 650 chuang bakah, huan thlai leh eizawnna engemawzat chân an awm hi pawi a tiin a tuarpui tak zet bawk a ni. Mizoram chhunga khuarel chhiatna tuartu zawng zawngte chhawmdawl tur leh theih ang anga \anpui ve turin Central YMA chuan Mizo mipuite a ngen a ni.
    Ni 19.6.2017 zana Central YMA Executive Committee meeting chuan Branch YMA kaihhruanain chhung tinah vehbur (A sum faiin) khawn ni se a ti a. Thahnemngai taka mahni remchan ang ang lo thawh ve turin chhung tinte a ngen a ni.
    Tin, Mizoram chhung leh pawna pawl hrang hrangte pawh mahni remchan ang tawk tawka chhiattawkte \anpui tura hma la ve turin a ngen bawk a, chhiattawkte puala \anpuina pe duh chuan Central YMA Rural Bank Account No. 97003624845 (Khatla Branch)-ah hian July 31, 2017 thleng thehluh theih a ni ang.

    Sd/- LALHMACHHUANA
    General Secretary
    Central YMA

CYMA in Education Campaign hun hmang
    Central YMA bultumin June ni 19, 2017 khan a hnuaia tarlanah hian Education Campaign neih a ni.
    a) J.L. Higher Secondary School-ah
    b) Chaltlang Higher Secondary School-ah
    c) Central Higher Secondary School-ah
    June ni 20, 2017 khan K.M. Higher Secondary School-ah Dr. Malsawmliana CEC hovin Education Campaign neih a ni.
    June ni 21, 2017 khan a hnuaia tarlanah hian Education Campaign neih a ni.
    a) Mamawii Higher Secondary School-ah
    b) Govt. Mizo Higher Secondary School-ah
    c) Govt. Republic Higher Secondary School-ah
    June ni 22, 2017 khan a hnuaia tarlan ang hian Education Campaign neih a ni.
    a) Durtlang Higher Secondary School-ah
    b) Republic Higher Secondary School-ah
    d) Zemabawk Higher Secondary School-ah

PAGE -2

EDITORIAL :

HLIMNA
    Hlimna duha kan zawn dan hi a inang lo hle. A \hen chuan hlimna hi khawvel takin kan zawng a, khawvel kan chen a ni. Zû leh ruihtheihthil hmangin kan zawng a. Kan zawn ber hlimna chuan min kiansan telh telh si! Kan hlimna hi midang hlimna ah a innghat a, midang te hnenah hlimna thlen ila, keini pawh kan hlim ve mai dawn a lo ni. Hei hi alawm Mihring damchhan chu. Hei tho hi ani lawmni; nang pawhin i zawn chu?
    Nun hlimna kawng hi eng emaw zat a awm thei ang. Mipat hmeichhiatna lamah te, sum leh pai lama hausakna te, hriselna te, larna te, hmel\hatnate hi kan hriatlar pawl tak a ni. Sakhaw tarmit a\anga kan thlir chuan Krista a nunthar neitute hi mi hlim ber a tih theih bawk awm e.
    Mi tam tak kan hlim theih lohna hi chu kan duham a; kan neih tawkah kan  lungawi lova; midang neih kan hmuhin kan awt a; a nih loh vek leh mahni hma kan sial lutuk a, midang ngaihtuah lo lekin kan khawsa \hin . Hetiang chung hi chuan Nun Kawng\ha chu kan zawh hleithei lova, hlimna tak kan nei thei hauh lovang. In leh lo ram thu-ah te, sum leh pai thu-ah te, silhfen te thleng hian neih belh zel kan duh a, tawk tih reng kan nei thei lo. Mi \anpui pawh duh ve thin mah ila, lo let leh tur thlir chung lo chuan harsa tih chang kan nei fo mai.
    Thil pekchhuah reng reng Pathian hnenah a ni emaw, rawngbawlna peng dang emaw, \anpui ngaite hnenah a ni emaw, lokir leh hi a awm tih a chiang em em a ni. Pe chhuak thin te hi an tlachham ngai lova, tlakchham a hnehin pek tur an nei zel zawk a ni. Harsa zawk leh mirethei zawkte khawngaiha \anpui \hin te phei chuan Pathian an puktir \hin zu nia. 

ZIAKTUTE HUANG :

Hnung lama achha, hma lama are
-Hruaitluanga Pa

    He thupui hmang hian kum 2013 khan Editorial ka lo siam tawh a, tun \umah hian kan Editor in Article han nei leh teh ti a min sawm derna chu zahawm ka ti a, tihhlawhtlin \hain ka hria a, ka han chhunzawm leh ngawt mai a ni.
    He thupui hi vai \awng ni mah se mitinin mahni \awng ang hrim a kan lo hmelhriat ti ila a sual awm love. Mi tupawh hnung lam a\ang a thlir a hmel\hat hmel tak leh zahawm hmel tak ni ngei tura rin; mahse, han belhchian a, a hma lam han en a eng teh lua ni leh silote fiamthu a sawi nan ‘hnung lama achha, hma lama are’ tia sawi a ni \hin.
    Vawiin tun hun ah pawh hian nula tlangval zingah te, pavalai zingah te pawh hian hnung lama achha, hma lama are tih tur hi kan kat nuk tawh lo maw? Kan incheina - thuamhnaw leh hawiher han thlir mai chuan kawplai nei nge zawnglai hriat hran loh khawpin kan changkan hmel tawh hlawm si a. Mahse, khawtlangin chhiat a tawh pawha hre reng si a chetchhuah nachang hre lo; kan thupui hnung lama achha, hma lama are tih chi kan tam hle tawh lo maw!! Chung zingah chuan kan chhungte an tel ve palh em?
    Ram leh hnamin hma sawn zelin ke a pen mup mup a, kan khawsak dan leh incheina leh hawiher tinrengah pawh kum 10 kalta chhung mai pawhin awih harsa khawpin hma kan sawn ta. E.... sawi sen a ni lo. Kan inchei dan ringawt pawh hi sawi tur a tam hle mai. Mahse, \henawm khawveng ten chhiat an tawh a chet chhuah nachang hre lo, chu mai pawh ni lovin mi chhiat tawh laia hna thawka chhuah nul nul pawh zak miah lo kan khawtlangah hian engzat tak awm tawh ang imaw!!
    He kan thupui hnung lama achha, hma lama are tih hi kan khawtlangin a neih tlem hun hun chu khawtlang nuam leh changkang kan nih hun tur a ni mai si a. Chutiang dinhmun a Hlimen hi a din zel theih nan nang leh kei hian mawh kan phur nasa hle a ni tih hria ila hnung lama achha, hma lama are tih Hlimen mipui ten kan hlawh loh nan i infuih thar sauh sauh ang u.

Hringnun......

##       I nungchang \hat loh kha i thil tawn \hat loh vang a ni ngawt love, i hmel lan danah darthlalang pawhin mawh a phur hek lo.

##    Hmangaihna tel lo pawhin a pek theih a, nimahsela thil pek tel lova hmangaihna lantir chu a theih loh reng reng.

##    Thawhlawm bawma thawhlawm kan thlak hian Pathian hnenah kan pe a ni lova, A ta kan kawlsak chuan kan kut a chhuahsan tihna mai a ni.

PAGE - 3

HRIATTIRNA :

Hriattirna
1. Tuihawk luankawr / Side drain -a tui luang ti khaihlak zawngin  bungrua dah khap tlat a ni.
2. Kawng ti chep zawngin kawng Black Top, kawng sir, a thlang leh chhakah eng bungrua mah dah phal a ni lo.
3. Kawng chhuat (Black Top) ah Rod, lung etc., chhut phal a ni lo.
4. Heng hriattirna/ngenna dodal tlat te chu :
    (i) Warning pek an ni ang.
    (ii) Warning pek tawh, thu zawm duh lo te chu an bungrua laksak (Seize) a ni ang.
    Sd/- (David Sapzova) Executive Engineer,
    PWD.Aizawl Road South Division, Aizawl.

Local Council hriattirna
    Karleh thawh\anni, June ni 26, 2017 a\ang khian Quarry ah lung lak khap tlat a ni tih kan in hriattir a, lo la laklawh te pawh in thawh\anni ralhma ngei a, in seng fel vek turin kan in hriattir e.
    Tin, Ration Card a Adhaar Card number la thun lo te tan a thunluhna tur Form Local Council ah lak theih a ni a, Form fill up hnuah mahni Retailer te hnenah thehluh leh tur a ni. Hei hi Adhaar Card nei zawng zawng ten ngaih pawimawh tur a ni e.
Sd/- Lalhmingliana, Chairman. LC

MUP hriattirna
    Tar Pension la leh Social Welfare Department a tarmit leh siamna diltu zawng zawng ten Adhaar Card No. MUP Secretary hnenah hriattir tur a ni e.

Health Clinic hriattirna
    RSBY leh APL te tan karleh chhung Health Care Scheme dilna hun hawn leh a ni a, a dil duh te chuan huntiam chhung ngei a dilna theh luh tur a ni tih mipui te kan inhriattir e.

Vehbur khawn dawn
    Kumin fur ruahtui avanga Zoram hmun hrang hranga chhiatna thleng chung changah chhawmdawlna atan Central YMA chuan veng tin, Branch tin ah vehbur - Pawisa fai khawn nise a ti a, kan vengah pawh Branch YMA Committee in a khawn dan tur a ruahman anga, chhungtinte mahni remchang ang pawisa lo thawh \heuh tur a ngen kan ni e. Myanmar lama Mizo te pawhin vehbur hi an khawn mek a ni.

Quarry Owner Assn. hriattirna
    Quarry Owner Assosiation-in Boulder leh Rora rate an siam hi khawl neitu lamin an zawm a, Boulder neitu lamte pawhin rate a rualkhai zawk theih nan tiin a zawm a, hetiang hian rate siam a ni tih kan in hriattir e : -
1. Rora Cubic Metre 1    -    `    1,600
2. Boulder Cubic Metre 1    -    `    600/ ` 700

Bo chhar
    YMA Day zan khan YMA Hall-ah Nihliap ( Fawng kawm) theih nghilh in awm a, a neitu chuan Tv. R. Lalrindika Property Secy. hnenah lam theih a ni e.

LAWRKHAWM :

lalsavunga park duty tur te
June ni 25, 2017 (Pathianni) :  Vawmphunga Section.
July ni 2, 2017 (Pathianni) :  Saichhuma Section.
July ni 9, 2017 (Pathianni) :  Lalsavunga Section.
July ni 16, 2017 (Pathianni) :  Damvea Section.

Hlimen Congress Unit hruaitute
    Thla thum chhung atana unit 1 adhoc OB te:-
    President    -    Lal\anpuia
    V.President    -    Lalbiakvela
    Treasurer    -    F.Laltlanmawia
    Secretary    -    R. Lalchhandama
    Fin. Secretary    -    Lalsangkima
    Jt. Secretaries    -    Vanlalvena,P.C.Zosangliana, Lalneihtluanga, Lalhruaitluanga, Vanlalliana,  Laltlankima, Zarzoliana, Pachhunga
    Advisers    -    Laikunga,Lalsangbera            Lalparmawia, Rothangliana.
    Unit 2 adhoc OB te:-
    President    -    Lalremmawia
    V.President    -    F.Zosangzuala
    Treasurer    -    Ramhmingthanga
    Secretary    -    Lalmuanawma
    Fin.secretary    -    Lalbiakmawia
    Jt. Secretaries.    -    Lungmuanzova, K.Lalremruata,             Zorema, Lalremtluanga, Lalrinsanga, Lalrinawma,             Lalrinsanga H/S, Hmingthanzama,
    Adviser     -    Zohmingthanga

MPF hruaitute
    Kum 2017-2019 chhunga MPF, Hlimen Local Forum hruaitute :-
    Chairman    :    Upa Rinngaia, Hlimen Presby.
    Vice Chairman    :    Upa Lalrinawma, Damveng Presby.
    Secretary    :    Pu J.K Lalengzauva, Damveng Presby.
    Jt. Secretaries    :    Upa Sangzarliana, Vengthar Presby.
            Tv. R. Lalawmpuia, Branch YMA
    Treasurer    :    T.Upa Lalengmawia, Hlimen Presby.
    Fin. Secy.    :    Pu H. Ralkapthanga, Branch YMA

Advertisement.......

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Komode Block leh pipe fitting pawh kan ti thei bawk e. Rate chu inbiakremna ang a ni ang.

(6-3)    VL-a,  Ph.No : 9402344486

A mamawh te tan
    Gas Stove thuk lian nikhat leh zankhat atan ` 100 in hawh tur kan nei e.
    Tin, vawk, ui, ar etc. rawhna chi kan nei bawk. Vawikhat hawh man ` 100 a ni a, i mamawh hunah rawn hawh ve ta che.
    Tin, Gas Part chi hrang hrang - Regulator, Burnner, Pipe, Handle, etc. Agent rate in kan zuar bawk e.
(1-1)    Pu Rozuala, Hlimen Venglai. 

PAGE - 4

KEIMAHNI :

Hlimkhawpui Budget
    Hlimkhawpui  March & April 2017  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    4. Lalsavunga Sec.
4. Vawmphunga Sec.    6. Buala Sec.
    Kapdaia Sec. ten May leh June thla Budget an rawn  tlak leh ta bawk.

Kapdaia Section
    Pu Lalbiakvela Buala Sec. a mi chuan an Ration chan ai Sec YMA ah bag khat mi harsa pual a tan min rawn pe a,Sec hruaitu te chuan min pek ang ngei in Sec huam chhunga miharsa kan hriat chu pe in Pu.Lalbiakvela chungah lawmthu kan sawi mawlh mawlh a,ani hian Sec. Silver Jubbilee lawm hunah pawh Buhfai min tum sak dawn ni in kan hria a, lawmthu kan sawi lawk a ni e.

Branch Committee hnatlang
    June ni 24, 2017 (Inrinni) hian Lalsavunga Park a Duty Post (Main Gate bula mi) siam\hat/sak \hat hnatlang neiin Branch YMA Exe. Committee member ten nileng hnatlang an nei a, Duty Post hi a chung rangva leh a Skirting siam tur a ruahman a ni a, he chanchinbu buatsaih lai hian hnathawh dan kimchang hriat hman a ni lo.

Inter Branch Football
    T| Royte Inter Branch YMA Football Champion 2017 chu  Ramhlun ‘S’ Branch YMA an ni.
    June ni 23, 2017 tlailam dar 3:30 khan Final hi khelh niin Ramhlun ‘S’ Branch leh Chanmari Branch ten Lammual-ah an khel a, 1-0 in Ramhlun ‘S’ hi an chak ta a ni.

Lawmman hrang hrang te:-
    Champion    -    `    1,00,000+ Trophy & Certificate
    Runner Up    -    ` 50,000 + Trophy & Certificate
    Fair Play    -    ITI Branch, ` 10,000
    Best Player    -    Zohmingliana Ralte, Ramhlun ‘S’, ` 2,500 + Trophy & Certificate
    Top Scorer    -    PC Lalhriatpuia, Chaltlang, ` 2500 + Trophy & Certificate
    Semi Finalist    -    ` 10,000 ve ve
    Quarter finalist    -    ` 5,000 \heuh


Circular Manager ruat  thar
    Hlimkhawpui Chanchin Circular Manager Tv. Lalruatfela chuan a hna thawhna lam avanga a chelh chhunzawm theih tak loh avangin Hlimkhawpui Editorial Board Meeting June ni 22, 2017 (Ningani) zana neih chuan Pu K.Lalremruata, Branch Exe. Committee Member chu ruat thar a ni.
    Tin, hemi zana EB Meeting chuan CYMA Press Committee in chanchinbu hertir (print) nana CYMA press pan ve tura min ngenna chu ngaihtuahin July thla a\ang hian CYMA press-ah her tir (print) tawh nise a ti bawk.    

Lawrkhawm chhunzawmna.....
UPHC Report
    June ni 17-23, 2017 chunga UPHC Report :
    OPD     -     39     Naupai enzat     -     1
     Naupiang zat    -    1     Dressing    -     25
    Emergency     -     22     Inpatient     -     3
    Minor Surgery     -     3

    June ni 19, 2017 khan N.Lungleng ah Dentist Doctor F.Lalfamkima ruaiin Free Clinic neih a ni a, June ni 21, 2017 ah Lungleng-I ah Ortho Doctor Robert Lalfakzuala ruaiin Free Clinic neih a ni bawk.Tin, July 4, 2017 hian Samtlang ah Eye Doctor Lalhuthangi ruaiin Free Clinic neih leh tum a ni.
    Emergency chungchangah UPHC Hlimen ah hian engtiklai pawhin Ph.no 8729823319 ah biak theih reng a ni a, Complain duh nei tan pawh Complaint box dah a ni tawh bawk e.

Medal lawmna nei
    June ni 24, 2017(Inrinni) chawhnu dar 2:00 hian Lianthangpuii D/o Lalhmangaiha Kapdaia Sec. in Bhutan International Taekwondo Championship a Gold Medal 2 laia lak lawmna chu an chenna inah neih a ni.
      Local Council leh NGO hruaitu hrang hrang chu sawm an nih angin an kal a, hemi ni hian Lalsavunga Park-ah Branch YMA Exe. Committee chin hnatlang koh a lo nih tawh avangin Pu Pu Robuanga leh Pu Zolianchhunga te chu Branch YMA aiawh a he hun pawimawh taka kal tur a ruat an ni. Tlailamah ruai an kilho nghal.
    Branch YMA chuan Lianthangpuii Medal lak lawmpui nan ` 1,000 a hlan bawk.

Gas sem hun hriattirna
    Sub- Committee of the Consumer Advisory on LPG in thutlukna a lo siam tawh angin June ni 19, 2017 a\anga Online Refill Booking of LPG hman \an a nih avangin kan vengah pawh M/S Vanbuangi Gas Agency  pawhin Nilaini leh Inrinni-ah Gas a lo sem tawh \hin dawn a ni tih kan in hriattir e.
    Kan vengah hian Damveng-ah - 2, Venglaiah 2, vengthlangah 1, vengchhakah 1 leh Quarry ah 2 awmin avaiin Gas Distribution Point 8 a awm niin tarlan a ni bawk.

Chhiat tawh a chunga lawmthu
    Kan nau Lalremzuala (Lama) June ni 17, 2017 a min boralsan chung changah leh a tuk June ni 18, 2017 a amah thlahna huna khawtlang nu leh pa leh \halai ten min hmangaiha min tawrhpui ziate kan hmuhin lawmthu kan sawi lo thei lova. Kan chunga in \hatna leh in mi hmangaihna zawng zawngte keini chhungkuain kan rul seng dawn lo, Pathianin a let tam takin rul che u rawh se tih hi kan duhsakna che u leh kan \awng\aina a ni.
    In khawngaihna dawngtu
    Upa Sangliana te Unau
    Hlimen Vengthlang.

Nikir thla Ni 17, 2017, Issue No 24

PAGE - 1

TUALCHHUNG :

Damlo :  Tv. Andy Zosangliana S/o Lalsangbera Buala Sec. a mi chu taksa chak lohna avangin State Referral Hospital, Falkawnah hun engemaw chen enkawl niin June ni 16, 2017 (Zirtawpni) khan a lo chhuak leh ta.

##    Pu Lalrinkima H/o Kawlkhumi Buala Sec. a mi chu taksa chaklohna hrang hrangin a tlakbuak avangin inlamah enkawl mek a ni.

Ruahtui khawlkhawm  :  Tunhnai ruah sur avanga tlawng tuilian khan PHED tui sem a ti khaihlak avanga harsatna kan tawrh nep theih nan ruahtui khawl khawm \hat a pawimawh hle awm e.

Chhiatna tenau thleng  :  Tunhnai ruahsur nasa khan kan vengchhungah chhiatna lian tham a thlen hriat a ni lo a, amaherawhchu, hmun \henkhatah erawh leimin leh leikhi chat a awm. Pu Lalropuia H/o Mapiani Vawmphunga Sec. te kawmthlang leh Pi Lalengmawii Saichhuma Sec. a mi te kawmthlang ah lei a min a, tin, \helretkawn panna kawng chhak, Pu Lalngaihzuala kawmthlang lungrem tlem a chim bawk. Heng bakah hian kawngpui chhaklam leh hmun \henkhatah leimin tenau tlem a zawng a awm bawk.
    Tin, vengthlang chuanhnuai, Pu Vanmawia te in piah kawngchhuat chu khi chatin  tlemin lei a tla hniam a, he lei khi chat hi a thlang lamah awm thla zelin Pu Lalthanpuia (Mathana) te in ban bul thlengin a khi in Pu Vanlalsawma te in pawh a va hnaih hle bawk. Helai hmun hi lei tlak hniam fo tawh na hmun a ni a, a hrechiang deuh te chuan minpui kum atanga hetiang a awm \hin hi niin an sawi.

Thlanmual sam hnatlang nei  :  June ni 10, 2017 (Inrinni) zingkar khan Thlanmual-I samfai leh kawng rih fai hnatlang neih a ni a, YMA member thawkchhuak an \ha hle a, mi 200 chuang an thawkchhuak a ni.

Mi bo zawng :  June ni 14, 2017 (Nilaini) khan Samtlang mi bo, Tv. Ramdinzauva zawngin kan Branch member mi 60 chuang zet an thawkchhuak a, kan Branch a\anga thawkchhuak te zingah hian Rev. Vanlalvena chu kum upa ber ni a hriat a ni a, a fakawm hle.
    Kan Branch hian Hlimen ram, Serlui dung an tuam a ni. Mibo hi he chanchinbu buatsaih lai thleng hian hmuh a la ni lo. 

HEADLINE :

YMA Day ropui taka hman ni
    YMA Day vawi 83 leh YMA dincham vawi 82 na chu Hlimen Branch YMA pawhin hun rei tak a\ang tawha hman dan tur a ruahman angin ropui taka hman a ni.
    YMA Day zingkar hian Section YMA tinah faina lam kawnga hnatlang neih niin Section tinah hian hnatlang an \ha hle a ni. Tin hemi ni zingkar hian Hlimen Branch YMA chuan State Referral Hospital, Falkawn a damlo te ei atan artui chhumhmin sa Box 3 a pe bawk a ni.
    Day chhun lamah mizo hnam infiamna  hrang hrang hmangin Section te an inel a, YMA member bakah YMA chhang infiamna pawh buatsaih a ni.
    Zan lamah YMA Hall-ah Function hlawkthlak leh hlimawm tak hman a ni. Zan programme hi Pu Robuanga, Vice President in a kaihruai a, Pu Lalhruaizela, Leader SAY in hunserh a hmang. Tin, hemi zan hian Branch YMA Secretary report bakah Section tin Secretary a\angin report ngaihthlak a ni.
    Hlimkhawpui chanchinbu enkawltu ten hemi zan a  kalkhawm nula; mizo hnam inthuam a inthuamte a\angin Day Lady thlanna hun an hmang a, heng mite hi an thlang chhuak :-
  Day Lady - Nl. R.Lalruatfeli C/o Lalsiamliani (SCS)
 Runner Up - Nl. Lawmsangkimi D/o Vanlalrawna (LSV)
 Runner Up - Nl. Judy Lalbiaknungi D/o Lalsangluri (DV)
    Pu Lalhmuchhuaka President hnen a\angin kumpuan thupui “Ram leh hnam humhalh” hmangin thuchah ngaihnawm tak ngaihthlak a ni a, hemi hnu hian kum 2017 a HSLC leh HSSLC passed te hnenah lawmpuina thil pek; bialtu MLA Pu K.S.Thanga buatsaih chu sem a ni a. Tin, Bhutan International Taekwondo Championship a kan veng mi Gold Medalist-te hnenah Branch YMA, Local Council leh G&SA te chuan lawmpuina thilpek an pe bawk. Tin, Tv. Zoramthanga, Ph.D (Statistics) hmu thar hnenah Branch YMA leh Local Council te chuan lawmpuina thilpek an hlan bawk a ni.
    Section hrang hrangte chhun lama inelna result puan niin lawmman sem nghal a ni bawk. Infiamna hrang hranga Section tinte dinhmun hetiang hi a ni :-
    Section                 Gold    Silver    Bronze    Total
1.    Saichhuma         3            3              4            10
2.    Damvea              3            3              1              7
3.    Buala                   2           2              2              6
3.    Lalsavunga         2           2              2              6
4.    Kapdaia               -            -               2              2
4.    Vawmphunga      -          `-                1              1
    Hemi zan hian zai thiam tak tak - Tv. Lalhriatpuia, Nl. Zothanpuii, Tv. Rosangzuala leh Pu Laltleipuia te hnen a\angin zai mawi tak ngaihthlak a ni.

PAGE - 2

EDITORIAL :

THIAN THA
    Hlimna leh harsatna hi mihring nun a in thlen chhawk reng a ni a, tumah kan hlim reng thei lova, tumah lungngai a kun reng kan awm ngai hek lo. Buaina leh harsatna ruam a kan awm lai leh dinhmun \ha leh duhawm a kan din lai hian \hian \hate an hlu hle \hin.
    |hian \ha kan tih te nen a kan in\hian \hat nachhan hi tam tak a awm thei ang. Sum leh pai vang te, hnathawh in an vang te, duhzawng in an vang te pawh a ni thei a. Mahse, hetiang in \hian \hatna  hi chu a ral leh duh khawp mai. |hian \ha tak tak erawh chu harsatna kar a\angin a lo parchhuak \hin a, \hian \ha chuan kan \ahna atan koki min dawhsak \hin. Chutiang \hian awm theihna chhan bulpui ber leh in nghahna lungphum chu rinawmna a ni.
    |hian rinawm lo chuan ama hlawkna tur a nih chuan  thihna hial pawh kan chungah thleng dawn mah se a beng  a chhu chhet tlat a, a tana \ha tur a nih phawt chuan a sahuai kal ngut ngut \hin. |hian \ha erawh chuan \hiante \anpui an ngaihna zawnah a phak tawk leh theih ang tawk chhuah turin a inpeih reng a, tin, a \hian chu a fellohna kawngah a rukin a zilh a, midang hnenah erawh a fak thung \hin.
    Nula in tlangval tam tak zinga hmangaih bik a nei ang hian \hian bul nghet tak pakhat tal chu kan nei ngei tur a ni. Kan \hian \ha te hi kan pûrchawkna chauh an ni lova, min tizahawmtu leh unau tluk a kan tana Pathian min pek a lo ni.
    Khawvelah hian min hmangaihtu te tluk a hlu an awm lova, min hmangaihtu te bulah chuan chetsual a awm thei lova, kan chhiat lai ber pawhin \anpui kan ngaihna zawnah thla an zar reng a, lawmna leh hlimna kan chan chang pawhin keini ai maha lawm zawkin an lang \hin. Chutiang mi chu  |hian |ha an ni chiang khawp mai. Nang, i \hian te tan eng ang \hian nge i nih ve le?

YMA Day a Section hrang hrangte inelna result

1.    VOLLEYBALL (Mipa) :
    Gold    Buala Section
    Silver    Lalsavunga Section
    Bronze    Damvea Section
    Bronze    Vawmphunga Section
   
2.    VOLLEYBALL (Hmeichhia) :
    Gold    Damvea Section
    Silver    Buala Section
    Bronze    Kapdaia Section
    Bronze    Saichhuma Section
   
3.    INHRUIPAWH (Mipa) :
    Gold    Saichhuma Section
    Silver    Buala Section
    Bronze    Lalsavunga Section
   
4.    INHRUIPAWH (Hmeichhia) :
    Gold    Damvea Section
    Silver    Saichhuma Section
    Bronze    Buala Section
   
5.    INSUKNAWR(Palian) :
    Gold    C.Vanlalmawia (SCS)
    Silver    P.C.Lalremruata (SCS)
    Bronze    David Lalramchhana (KD)
   
6.    INSUKNAWR(Patê) :
    Gold    Joel-a (BS)
    Silver    Laldinpuia (DV)
    Bronze    John Vanlalpeka (LSV)
   
7.    KALCHHET KAL:
    Gold    Samson Lalrinfela (LSV)
    Silver    Lalrampara (LSV)
    Bronze    Zonunkima (SCS)
   
8    LUNGDEN (Mipa):
    Gold    Lalrampara (LSV)
    Silver    Zonunkima (SCS)
    Bronze    C.Vanlalmawia (SCS)
   
9    LUNGDEN (Hmeichhia):
    Gold    Lalbiakdiki (DV)
    Silver    Lallawmzuali (DV)
    Bronze    Laldinpuii (SCS)
   
10.    KAWI INKAH SIAK:
    Gold    Saichhuma Section
    Silver    Damvea Section
    Bronze    Buala Section

YMA CHHANG INFIAMNA :
1.    Sakuhuilut:
    1st    Damvea Section
    2nd    Buala Section
    3rd    Saichhuma Section
   
2.    Sangharngullawn:
    1st    Lalpekkima (DV)
    2nd    Lalchharthara (KD)
    3rd    Ramdinsanga (BS)
    3rd    Lalrinsanga (KD)

PAGE - 3

HRIATTIRNA :

Local Council hriattirna
    Fur khua kan tawng chho tak tak ta a, hmun hrang hrangah chhiatna a thleng chho nasa hle mai. Keini veng erawh chhiatna lian tham lakah kan la him zel a, a lawmawm hle mai. Hetih lai hian mitin ten fimkhur kan chhuah tlan a pawimawh tak zet a ni. Tuidawn vuah lo te pawhin vuah thar thei ila, kan tuichhe paihna mumal lo te pawh mumal zawk a siam ni thei se, kan ranvulh zun leh ek thli te pawh mumal zawk a sawngbawl ni se; heng laka kan fimkhur tawk loh avang hian chhiatna lian tham tawk thei kan ni tih i hre thar ang u.
Sd/- Lalhmingliana, Chairman. LC

 Hriattirna
1. Tuihawk luankawr / Side drain -a tui luang ti khaihlak zawngin  bungrua dah khap tlat a ni.
2. Kawng ti chep zawngin kawng Black Top, kawng sir, a thlang leh chhakah eng bungrua mah dah phal a ni lo.
3. Kawng chhuat (Black Top) ah Rod, lung etc., chhut phal a ni lo.
4. Heng hriattirna/ngenna dodal tlat te chu :
    (i) Warning pek an ni ang.
    (ii) Warning pek tawh, thu zawm duh lo te chu an bungrua laksak (Seize) a ni ang.
    Sd/- (David Sapzova)
    Executive Engineer, PWD.
    Aizawl Road South Division, Aizawl.

T.B chung chang
1. T.B, Doctor in entir tumte chuan Health Sub Centre ah khak bur ( Sputum Cup) pahnih la in, zan mut dawn leh zing thawh hlim khak ken nghal tur a ni. Khak lak dawnin fai taka kam \huah \hin tur a ni.
2. T.B natna lo vei tawh tan lehkha pawimawh neih ang ang ken \hin tur a ni.
3. In entir theihna hmun te- (Aizawl Area)
    i)     DTC, Falkawn
    ii)     Kulikawn Hospital
    iii)     Aizawl Kulikawn
    iv)     Synod hospital, Durtlang
“Chawlhkar 2 emaw a aia rei khuh, tlai lam khawsik, awmchhungna, khak thi, rihna tla hniam, chaw ei tui lo, zana thlanfimin a bual - heng te a i in sawisel anih chuan T.B vang a ni thei. Doctor rawn thuai ang che.”

Branch yma hriattirna
Vengchhungah chhiattawk/ mitthi kan awm hian a \ul anga hman turin YMA bungrua hrang hrang te chhawpa hman \hin a ni a, a bik takin Sound System hi dimdawi taka enkawl \hin turin kan in ngen a, a theih hram chuan Branch YMA Exe. Committee in a lo rel tawh angin YMA hun a ral tawh chuan dah lut hram turin kan in ngen a ni.
    Tin, \hutthleng hi chhiattawk/mitthi in leh \henawm te inah hian pahnih khat hi dah let loh hmuh tur a awm ta zeuh zeuh mai a, hei pawh hi ngai pawimawh turin kan in ngen e.

LAWRKHAWM :

Lalsavunga Park Duty tur te
June ni 18, 2017 (Pathianni) 1. Pu Lalhmuchhuaka. 2. Pu H. Ralkapthanga. 3. Pu Lalhmingliana. 4. Pu Lalremmawia. 5. Pu F. Zosangzuala. 6. Pu N. Zoliansanga. 7. Tv. Lalkhawmawia.  8. Tv. Lalnunmawia.
June ni 25, 2017 (Pathianni) :  Vawmphunga Section.
July ni 2, 2017 (Pathianni) :  Saichhuma Section.
July ni 9, 2017 (Pathianni) :  Lalsavunga Section.
July ni 16, 2017 (Pathianni) :  Damvea Section.

Enfiah
    June ni 16, 2017 (Zirtawpni) chawhma lam khan Vengthlang chuanhnuai kawng leh a thlang leikhi chat chu Bialtu Councillor Pu C. Thansanga’n a hmunah kal in lei chet dan a enfiah. Pu Thansanga hi Pu Vanlalhruaia V. Chairman LC., Tv. C. Lalhmingthanga Mem. LC leh Pu J. Zothanpuia Mem. LC ten \awiawmin hmalak dan tur te an thlir ho. Tin, Disaster Management & Rehabilitation lama min bialtu, Zonal Officer  Pu Lalramliana a lo kal tel bawk.
    An enfiah hnu hian sawrkarah Report theh luh a a\ul anga hmalak chho tur a ruahman  niin thu kan dawng.

Branch YMA lawmthu sawina
    YMA Day lawmna hun hlawhtling tak kan hman zawh takah Branch YMA chuan lawmthu sawina tur tam tak kan nei a. Volleyball intihsiakna hlawhtling tak kan neih theih nana Minsiter hnena Volleyball 2 leh Net \ha tak mai min diksak a, min hmuhsaktu Pu Lalramchuana chungah kan lawm tak zet zet a. Tin, Item hrang hrang Incharge te, Section hruaitute leh Member YMA Day hmangtu zawng zawngte chungah lawmthu kan sawi bawk a. Local Council, MHIP leh MUP ten Day lawmna min hmanpui bakah  Day lawmna pualin pawisa min pek avangin kan lawm tak zet a ni. Kan Day lawmna a hlawhtlin nana sum leh pai, tha leh zung seng zawng zawngte chungah Hlimen Branch YMA hmingin lawmthu kan sawi nawn leh e.

    Sd/- Secretary,Hlimen Branch YMA

UPHC REPORT
    June ni 10 -16, 2017 chhunga UPHC Hlimen report hetiang hi a ni :-
1. OPD    -    44    2. Naupai enzat    -    2
3. Naupiang zat    -    Nil    4. In-Patient    -    Nil    5. Dressing    -    24    6. Emergency    -    12
    June ni 9, 2017 a Ultrasound tih tura ruahman tawh chu Dr. Kimteii a hman leh loh avangin \hulh a ni a, mipuite hriatthiamna an ngen.
    June ni 19 leh ni 21, 2017 hian N.Lungleng leh Lungleng-I ah Doctor Specialist ruaiin Free Clinic neih an tum a, hemi chhung hian OPD an hawng mumal hman dawn lova, mipuite hriatthiamna an ngen a ni.

ADVERTISEMENT.....

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Komode Block leh pipe fitting pawh kan ti thei bawk e. Rate chu inbiakremna ang a ni ang.

(6-2)    VL-a,  Ph.No : 9402344486

PAGE - 4

KEIMAHNI :

Hlimkhawpui Budget
    Hlimkhawpui  March & April 2017  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    4. Lalsavunga Sec.
4. Vawmphunga Sec.    6. Buala Sec.
    Kapdaia Sec. ten May leh June thla Budget an rawn  tlak leh ta bawk.

Kumpuan hawng
    June ni 14, 2017 zan khan Pu R. Lalngheta Asst. Secy. CYMA chuan N. Lungleng-ah kumpuan a hawng.
    He kumpuan hawnnaah hian Pu Ngheta hi kan Branch a\angin Pu Lalrinmawia, Pu Lalremmawia, Pu Lalrinchhana, Pu K. Lalremruata, Pu Biaknghinglova, Nl. Zochuanpuii leh Nl. Lallawmkimi ten an \awiawm a ni.

Central YMA hmalakna
12.6.2017 : Mizoram tlawha lo zin, Union Home Minister Rajnath Singh chu Central YMA hruaituten an kawm a, Bawng talh khap duh lohna lehkha an pek bakah Tuikuk chungchang, Assam leh Mizoram ramri chungchang, Myanmar leh Mizoram inlaichinna chungchang, Citizenship Amendment Act chungchangte an sawipui a, Pu C.Vanlalsanga CEC-in a \awiawm.

14.6.2017 : Chief Secretary Conference Room-ah State Level Streering Committee on Green India Mission meeting neih a ni a, Pu R. Lalngheta, Asst. Secretary a tel.

14.6.2017 : Mizoram chhung hmun hrang hrangah nasa taka ruah a sur avangin chhiatna a thleng a, Aizawl khawpui chhung hmun thenkhatah chhiatna a thlen dante a hmuna kalchilha hnatlang thingpui inna hlanin Pu R. Lalngheta, Asst. Secretary, Pu Lalhruaitluanga CEC, Tv. Zochhuana CEC, Pu V.L. Chhuanga CEC, Pu R.L. Zomawia CEC, Pu Vanlalfela CEC, Pu Lalthlamuana CEC, Pu C. Vanlalsanga CEC leh Pu Malsawmkima CEC te an kal.

15.6.2017 : Mizoram chhung leh ram pawn YMA dinna-ahte YMA Day vawi 82-na hman a ni a. YMA Day hmanpui tura sawmna kan dawn angin Central YMA hruaituten hmun 26-ah an hmanpui. Mizoram pawna Mizo Welfare 11, Shillong Group YMA, Silchar Branch YMA leh |awngtai Bethel Camping Centre, Chawnpui te hnenah YMA Day \anpuina ` 2,30,000/- hlan an ni. DDK, LPS, ZONET leh AIR-ah te Pu Lalbiakzuala, President-in thuchah a sawi bawk.

********************************************************

    2017 Hlimen Branch YMA Day lady - Lalruatfeli pi, Pi Lalsiamliani’n arsa tuihnai tak min hlui a, kan lawm hle mai. Kan puar e.

********************************************************

YMA Day
Thlalak huang 

 Day Lady Top 3 (L-R)
Judy Lalbiaknungi (Runner Up), R.Lalruatfeli (Day Lady), Lawmsangkimi (Runner Up)

 YMA Day zingkarah State Referral Hospital Falkawn a damlo te ei atan artui chhumhmin pek an ni.

 Overall Champion Saichhuma Sec. Leader hnenah lawmman hlan a ni

Nikir thla Ni 10, 2017, Issue No 23

PAGE - 1

TUALCHHUNG :

Boral :  Pu Lalkunga (K-54)  H/o Lalhmunpuii Saichhuma Sec. a mi chu June ni 5, 2017 (Thawh\anni) khan thin \ha lo avangin a boral a, a ruang hi tlaivarpui niin a tukah thlanmual ah vuiliam a ni.

Damlo :  Pu Lalthianghlima H/o Lalzawni, Buala Sec. a mi chu taksa lam chaklohna avangin  June ni 8, 2017 (Ningani) khan State Referral Hospital, Falkawn panpui niin admit a ni.

Tuak thar :  Lalremruata S/o P. Hmingthansiama Buala Sec. a mi leh Lalnunkimi Tlangnuam te chuan June ni 8, 2017 (Ningani) khan dam chhunga nupa ni turin ‘tiam tlat e’ an ti.

Cl-X& XII pass :  Baby Zodinsangi D/o Lalhruaitluanga Damvea Sec. chuan HSLC chu 2nd Div. ah a pass a, tin, Zomuanpuii D/o Zonuntluanga Saichhuma Sec. a mi pawhin HSSLC chu 2nd Div. ah a pass bawk.

Camping buatsaih dawn :  The Salvation Army, Hlimen Corps te chuan June ni 19, 2017(Thawh\anni) tlai dar 3:00 a\angin camping an buatsaih dawn a, luh ni tlai a\ang hian Camp na hmunah chaw ei nghal tur a ni ang. Thlarau a tuihal apiang a luh theih a, Pu Zoliankunga chu Speaker ah hman a ni ang.

Nawr tlang leh nghal :  June ni 3, 2017 khan Venglai a\anga Quarry chim tawntirh kual lai kawngko chhaklam pang chu a min a, hemi ni vek hian nawr tlang leh nghal a ni.

Thing\iak phun:  June ni 7 & 8, 2017 khan Quarry chim area kawngpui kam, kawng thlang  leh kawng chhak lamah thing\iak 800 vel Local Council ten an phun thar.

UPHC thuchhuak:  June ni 9, 2017 ah hian aduh apiang tan ` 200 chawiin UPHC Hlimenah Dr. Kimteii lokalin ultrasound a tih theih dawn a, ti duh chuan June ni 13 leh 14 ah UPHC duty apiang hnenah ` 200 dah lawk a hming ziahtir theih a ni ang. Phone erawh pawm a ni lovang. Tin,inziah lawk tir si pawisa pawh dahlawk a rokhawlhna avanga entir leh hmanlo kan awm anih pawhin June ni 21 a\angin UPHC ah bawk pawisa hi laklet theih a ni ang.Ultrasound result hi a\ul dan angin doctor a entir theih nghal bawk ang. Ultrasound hi Private ah ` 700/750 an ti tawh a ni.

HEADLINE :

YMA DAY ROPUI TAKA HMAN A NI DAWN
    Hlimen Branch YMA Exe. Committee in a lo rel tawh angin kumin YMA Day chu ropui taka hman a ni dawn a, chhun leh zan lamah hun hman tur a ni a, Section tin ten YMA Day (June ni 15, 2017) zingkarah YMA Day pualin mahni Section \heuhah faina hnatlang neih tura tih a ni. Tin, YMA Day pualin thlanmual tihfai leh kawng siam\hat hnatlang neih tur a  rel a ni bawk a, YMA Day pual vek hian Falkawn Referral Hospital-ah damlo te tan ei tur (artui emaw) sem nise tih a ni. Tin, Programme pawh hetiang hian duan a ni :-

Chhunlam Programme :-
     A hun    :    June ni 15, 2017, 9:30 am
    A hmun    :    Mualzawl.
    Item hmasa atan - Insuknawr (Pa te leh Pa lian )leh Insangharngullawn & Sakuhuilut (YMA Chhangpual) te hi a rual a tihtur a ni ang a, Item dangte chu a remchang angin tihchhunzawm a ni ang.
    Tin, Sakuhuilut hi hun hman rei zawng (Timing) la in a indawt a tihtur a ruahman a ni.
    Chhun lamah theitui sem a ni ang a, buaipui turin Branch Committee nula te ruat an ni.

Zanlam Programme :-
    |an hun    :     7 : 00 Pm
    A hmun    :    YMA Hall.
    Hruaitu    :     Pu Robuanga.
    Hunserh    :    Pu Lalhruaizela, Leader, S.A.Y.
    Report    :    (a) Section tin a\angin.
            (b) Branch Secretary.
    Thusawi    :    Pu Lalhmuchhuaka, CEC, CYMA
    Lawmpuina    :    (a) HSLC & HSSLC 2017 a pass te
            (b) Tv. Zoramthanga Ph. D
    Lawmman sem    :    Section inelna
    Solo    :    (a) Pu Laltleipuia (BS)
            (b) Tv. Lalhriatpuia (VP)
            (c) Nl. Lalruatdiki (DV)
            (d) Tv. Rosangzuala (SCS)
    Zanlam hunah hian Frooty sem a ni ang. Tin, chhun leh zan hunah te hian Local Council, MHIP leh MUP te sawm nise tih a ni. Hemi zan hian Local Council chuan Bhutan International Taekwondo Championship a Hlimen khua leh tui Gold medal la tu leh leh Tv. R. Zoramthanga, Ph. D hmu thar te hnenah lawmpuina thuziak (Citation) hlanna an nei bawk ang.
    Branch YMA chuan YMA Day hmangtu zawng zawng te chu Mizo hnam thuam a mahni neih ang ang a inchei/inthuam turin min ngen a, tin, Kum 2017 YMA Day Lady pawh Hlimkhawpui chanchinbu buatsaihtu ten an huaihawt ang a, Top 3 thlanchhuah an ni ang a, lawmpuina leh hma\hatna engeng eawm pawh a awm dawn ni a .

PAGE - 2

EDITORIAL :

    INCHEI
    Mizo te hi inchei uar tak kan ni a, kan neih ang ang, kan neih bakte pawhin kan inchei \hin niin a lang. Kan hnam a retheih a; kan la hnufual ngaihtuah hian incheina lamah kan sang filawr hle a ni.
    Incheina lamah hian rilru thar kan pek a, kan ngaihtuah chian a ngai viau mai. Thuamhnaw \ha leh man to tak tak; kan chhungkaw inrelbawlna pawhin a tawrh phah theih hialna tur lei kan ching em? Kan chhungkaw khawsak mil tawkin kan inchei em tihte hi mahni \heuh i inchhut fo \hin ang u.
    Kan thuamhnaw te hi man tlawmin nalh vak lo pawh nise; thianghlim, fai leh mar \ha tak a nih phawt chuan a \ha a ni mai. Mitinin duh duh dana inchei theihna ‘right’ chu kan nei ngei mai a, amaherawhchu, ‘its my life’ ti zawnga kan la a, uchuak taka kan inchei a nih chuan hnung lama miten min nuih mai ang.
    Mizote hian Dress Mode mumal tak kan nei hran lem lova. Duh duh danin kan inchei hlawm a, hetih lai hian kan inchei danah kan mizia thui tak a lang a ni tih hriat a \ha ang, Chuvangin, a hun leh hmun a zira inchei dan kan hriat a pawimawh tak zet zet a ni. Thianghlim leh felfai tak, uchuak si lova kan inchei hian kan lo mawi ber mai.

KAN THEN TAK TE :
Lalkunga Kum 54:

 
    Pu Lalkunga hi May ni 16, 1963 khan Pu Thangzuala (L) leh Pi Biakchhungi (L) te fa 10 zinga  a fa parukna ni turin a lo piang a, an unau hi hmeichhia 5 leh mipa 5 an ni.
    Kum 1985 ah Pi Lalhmunpuii nen an innei a, fa mipa 2 leh tunu 1 a nei.
    Pu Lalkunga hi \henrual kawm thiam leh zaidam tak a ni a. A taimain hna pawh a thiam a, Office lamah pawh hotute rinrawl ber a ni \hin. Tin, mi thilphal tak leh mite thilpek nuamti mi a ni a, mi chhiatni \hatni ah pawh a phak tawkah chuan a ngaipawimawh hle \hin. Primary a\anga High School a kal thlengin nungchang \ha lawmman te pawh a lo la ve tawh a ni.
    Kum 1989 ah PHE Deptt. ah J.E. in a lut a, hmun hrang hrang - Laipuitlang Div., Kolasib, Kawnpui, Tlungvelah te a thawk kual a, kum 2013 khan Aizawl ah lo let lehin a pension thlengin a thawk ta a ni.
    Kohhran leh khawtlangah pawh a phak ang tawk tawk a inhmang vein Hlimen Branch K|P ah Secretary, Naupang Sunday Sikul Secretary leh zirtirtu hnate a lo chelh tawh a ni. Tin, Hlimen MZP ah Secretary hna a lo chelh tawh bawk.
    Kum 2008 a\angin insawiselna a nei \an a, heta \ang hian damdawi in ah pawh a lut zauh zauh a, Pathian zarah a \ha chhuak ve leh \hin a. Kum 2015 a\ang khan a natna hian kiam lam aiin zual lam a pan ta zel a,a thin leh a kal \hat loh avangin zai turin hmunpui lam (Shillong) ah kalpui a ni a, a taksa a chak \hat tawk loh avangin a zai hun hi sawn a ni a. In lamah enkawl tura tih a nih angin an lo haw chho hrih a, amaherawhchu zai hun ni 19.6.2017 thlen hma 4.6.2017 (Pathianni) khan a khawsik a reh theih loh avangin Aizawl Hospital panpui a ni a, zual lam a pan zel a, a tuk 5.6.2017 zing dar 4:00 ah ICU ah dahluh a ni a, hniam lam pan hret hret zelin Doctor ten theihtawp chhuaha Ventilator hmanga an enkawl chungin chawhnu dar 2 :55 khan min lo kal san ta a ni.

J. Vanlalkima 47:
    J. Vanlalkima hi Pu Zazawna (L) leh Pi Sangchhungi (L) te fa 6 zinga a naupang ber dawttu niin Sept. ni 13, 1970 khan Khawrihnim khuaah a pianga, an unau hi hmeichhia 2 leh mipa 4 an ni.
    Lalkrawschhuangi nen inneiin fa hmeichhia 2 an nei. A nupui hian kum 2012 khan a boralsan tawh a ni. Pu J. Vanlalkima hian High School thleng Khawrihnim-ah a kal a, rualkawm thiam leh \hiante tihlimtu ber a ni \hin. Khawrihnim lamah hian Section YMA -ah hruaitu hun rei tak lo ni tawh in G&SA ah pawh hruaitu kumhlun tak a ni \hin. Infiamna lamah pawh chhuanawm khawpin a thiam a, kum 1992 Aizawl Football Club lar vanglai pawhin Player pawimawh tak a lo ni tawh a, TBL Football Club ah pawh Player rinrawl ber a ni \hin. Football mai ni loin Volleyball pawh thiam tak a ni. Tin, Music lamah pawh a tui hle a, Beat Contest -ah pawh Guiter perh in a lo tel tawh \hin bawk.
    Kum 2007 khan eizawnna avangin a û, Pi Lalfeli W/o Rualkhuma te belin a remchang ang ang thawkin Hlimen ah an awm \an a, a nupuiin a boralsan a\ang hian a fanu Zothanpuii nen an khawsa dun a, June ni 1, 2017 khan thihna kut vawt tak chuan manin a lei hringnun a lo her liam ta a ni. 

PAGE - 3

HRIATTIRNA :

Local Council hriattirna
    Quarry chim area ah thing \iak engemaw zah phun a ni a, heng thingphun thar te hi dimdawi thiam turin kan in hriattir a. Tin, a awmna Section YMA te pawh a \ul anga a humhalh hna thawk turin kan in sawm bawk e.

Sd/- Lalhmingliana, Chairman. LC.

In luah tur nei te hriat tur
    Local Council leh Branch YMA thu ding lai angin veng chhunga inluah tur nei ten vengdang mi in kan in an luah dawn a nih chuan an luah luh hma ngeiin khawtlang hruaitute hrilh hriat hmasak ngei tur a ni.
    Tin, kan inluahtu tur te chu an rawn pem luh ruala pem lehkha show tur an neih theih nan hrilhhriat lawk \hin tur a ni.
    Hei hi kan  khawtlang then thianghlimna kawng atana hmalakna a ni a, inluah tur nei te chuan zawm \heuh turin kan in ngen e.

        Sd/- Lalhmingliana.             Sd/- Lalhmuchhuaka.
    Chairman,Local Council.             President, YMA.

Births & Deaths hriattirna
1. Vengchhung mahni in a nau piang leh thi an awmin an chhungten Births & Deaths Registrar-  Pu Zonuntluanga hnenah kalin an in report ngei ngei tur a ni.
2. Thih / pian a\anga ni 21 chhunga in register chu a Free a tihsak tur a ni.
3. Ni 22- 30 chhunga in report chauh an nih chuan Late fee ` 100+10 chawi ngei ngei a ngai.
4. Ni 30 hnulam chu vengchhungah a tih theih tawh loh, Office ah kal a ngai a, tlai dan a zirin      ` 1000 thleng chawi a ngai.
5. Nau piang / Mitthi / innei an awmin laina, \hiante leh \henawm ten in bengvar pui a, in report vat tur a in hrilh \heuh i tum ang u.
6. Innei te chu Pi Lalengmawii hnenah in Register tur a ni e.
7. Report dawnin hming ziah dan dik tak, nu leh pa hming chian hmasak a, UID an neih chuan a 3 in ken tel nise.
    Sd/- Zonuntluanga
    Registrar, Births & Deaths Hlimen

HLIMEN F.C. hriattirna
    Hlimen Football Club ten an Lucky Ticket siam June ni 10, 2017 a vawr tura an tih chu June ni 24, 2017(Inrinni) ah vawr zawk tur a ni a, mipuite an inhriattir.

ADVERTISEMENT..

Sptic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Komode Block leh pipe fitting pawh kan ti thei bawk e. Rate chu inbiakremna ang a ni ang.

(6-1)    VL-a,  Ph.No : 9402344486

LAWRKHAWM :

Gold Medal lawmna hun hmang
    June ni 10, 2017(Inrinni) chawhnu dar 2:00 hian Lalfakzuala S/o Lalhmingmawia Saichhuma Sec. a miin Bhutan International Taekwondo Championship a Gold Medal a lak lawmna chu an chenna inah neih a ni a, he hunah hian Pu KS Thanga, Bialtu MLA, Local Council leh NGO hruaitu hrang hrang chu sawm an nih angin an kal a,  he hunah hian Over All champion an nihna lawm tel nghal a ni bawk.
   
Lalsavunga Park Duty tur te
June ni 11, 2017 (Pathianni) 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Zonunsanga. 7. Pu Lalrinchhana. 8. Pu Andrew Lalrinchhana.
June ni 18, 2017 (Pathianni) 1. Pu Lalhmuchhuaka. 2. Pu H. Ralkapthanga. 3. Pu Lalhmingliana. 4. Pu Lalremmawia. 5. Pu F. Zosangzuala. 6. Pu N. Zoliansanga. 7. Tv. Lalkhawmawia.  8. Tv. Lalnunmawia.
Duty tur ruatna siam a ni lova, hei hi ruatna a ngaih tur a ni.

Ball leh Net pe
    Sports Minister Pu Zodintluanga chuan YMA Day Volleyball intihsiakna a hman turin Volleyball \ha chi 2 leh Volleyball Net 1 chu Hlimen Branch YMA hnenah a pe. Hlimen Branch YMA hruaitu ten lawmthu an sawi tak zet zet a ni.

MPF |hukhawm dawn
    June ni 11, 2017 (Pathianni) chawhnu inkhawm ban hian MPF, hlimen te chuan YMA Hall ah thu pawimawh ngaihtuah in an \hukhawm ang. Kohhran hrang hrang aiawh te leh NGO aiawh te an kal khawm ang. An thuchhuak hi he chanchinbu buatsaih lai hian hriat hman a ni lo.

UPHC REPORT
    June ni 3 -9, 2017 chhunga UPHC Hlimen report hetiang hi a ni :-
1. OPD    -    69    2. Naupai enzat    -    11
3. Dressing    -    15    4. Emergency    -    8
    June ni 9, 2017 khan PMSMA hman niin naupai 11 an inentir.

UNIT PAHNIH AH SIAM
    Hlimen-ah Congress Unit pakhat awm \hin chu Unit pahnih ah an in siam ta. Kawngpui thlanglam zawng Unit 1 niin kawngpui chhak lam leh Kapdaia Sec. zawng chu Unit II an ni dawn a ni. Hlimen a Congress Unit pahnih te hian hruaitu pawh thlang nghalin mi 3 ve ve thlan chhuah an ni a, hun remchangah nihna (post) an insiamrem ang.
UNIT - I :    Pu R.Lal\anpuia (SCS), Pu Lalbiakvela (BS)         Pu F.Laltlanmawia (BS)
UNIT - II :    Pu Lalremmawia (LSV), Pu F.Zosangzuala (DV),         Pu Ramhmingthanga (VP)

Ngaihtuahawm hle
    Quarry veng a\anga Quarry chim area tawn tirh kawng thlang lam chu a min hek zau in PHED Pipe line lian leh te chu a inkhai tawh a, hetiang a kawng thlang hi a min hek zel a nih chuan kawng tan leh Pipe line tan a pawi thei hle dawn niin a lang .

PAGE - 4

KEIMAHNI :

Hlimkhawpui Budget
    Hlimkhawpui  March & April 2017  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.    4. Lalsavunga Sec.
    Kapdaia Sec. ten May leh June thla Budget an rawn  tlak leh ta bawk.

Puan pe
    June ni 1, 2017 a boral Pu J. Vanlalkima C/o Rualkhuma Damvea Sec. ami chhungte chuan YMA in a \ul apianga  hman turin Branch YMA ah puan an pe.

Ral dawn
    Branch Committee Member Pu Andrew C. Lalrinchhana chu a Pa, Pu Lalkunga’n a boralsan tak avangin Branch YMA Exe. Committee ten ralna hun an hmang dawn a, hetiang hian Programme ruahman a ni :-
    A hun    :    June ni 13, 2017, 7:30Pm  
    Hruaitu    :    Tv. Lalkhawmawia
    Hunserh    :    Pu Zolianchhunga
    Ralna hlantu    :    Pu J. Vanlalbiakdika
    Thuchah    :    Pu H. Ralkapthanga  

MPF a Branch YMA aiawh
    Mizoram People Forum, Hlimen Local Forum hruaitu thar thlan a lo hun leh dawn ta a,  kan Branch aiawhin heng mite hi tel tura ruat an ni- Pu Robuanga, Pu H. Ralkapthanga, Tv. R. Lalawmpuia, Pu Lalrinmawia leh Pu Lalroliana.

YMA Day Volleyball
    YMA Day puala Section te inelna Volleyball chu June ni 8, 2017 tlai dar 2:00 a\ang khan khelh chhoh \an a ni a, khel hmasa berah hian Saichhuma Sec. leh Lalsavunga Section hmeichhia khel tura tih chu Lalsavunga Sec. te an inlan loh avangin Walk Over in Saichhuma Sec. te hi an chak a ni. Khelh hnihna ah hian Buala Sec. leh Vawmphunga Sec. hmeichhia te intumin Buala Sec. ten 3-1 in hnehna an chang. Tin, June ni 9 a khelh hmasa zawkah Buala Sec. leh Saichhuma Sec. mipa te inkhelin 3-0 in Buala Sec. ten hnehna an chang a, khelh hnihna a intum tur Kapdaia Sec. leh Vawmphunga Sec. mipate chu khuain a bumro avangin a tuk inrinni lama khelh tura ruahman a ni a, he thu buatsaih lai hian inkhel result hi kan hre hman lo a ni.

Lawrkhawm chhunzawmna....
Lawmthu sawina
    Kan nau, J. Vanlalkima thih chung changah Hlimen khawtlang mipui, Local Council leh NGO hrang hrang - YMA, MHIP leh MUP te kan nau chungah duhsakna kawng tinrengah lantirin tha leh zung tam tak in sen bakah puan, pangpar leh sum te \hahnem tak mai kan dawng hi in chungah kan lawm em em a ni.
    YMA in a kuang mawi tak min siamsakin, Motor kalna tur thlengin min ngaihtuahsak a, mi engemawzatin a ruang Khawrihnim thlenga in rawn zui kan hmuh te hian kan thla a muang tak zet zet a, engkim mai kan chet ngai miah lo in khawtlang leh \henawm khawveng ten min ngaihtuah sak a, min tihfel sak vek mai te hi in chungah kan lawm tak zet zet a ni. A mal mal a lawmthu kan in hrilh theih loh avangin chanchinbu kaltlang lawmthu kan sawi hi khawngaih taka min pawmsak turin kan ngen che u a, kan tana in insensona zawng zawng ah a let tam takin Lalpan malsawmna in vur let che u rawh se. 
    In khawngaihna dawngtu,
    Lalhruaia te unau Khawrihnim leh
    Rualkhuma te chhung Hlimen.

Central YMA hmalakna
5.6.2017 : Chief Minister Conference Hall-ah Joint Meeting of Sub-Committee & State Level Committee on Green Mizoram neih a ni a, Pu Lalbiakzuala, President leh Pu R. Lalngheta, Asst. Secretary an tel.
5.6.2017 : Thingsulthliah a Central YMA Ram (Zawlbuk Ram) chu kawngpui zauhna turin a lak hek dawn avangin Revenue Deptt. te nen a lak hek tur ram zau zawng teh fel a ni a, Central YMA aiawhin Pu V.L. Chhuanga Chhangte CEC leh Building Sub-Committee member K. Laltanpuia leh H. Lalhriatpuia te an kal a, Zawlbuk Group YMA hruaituten an lo tawiawm.
7.6.2017 : Assam Rifles Lodge House-ah Healthy Mizoram Campaign programme hman a ni a, Pu J. Lalsailova, Treasurer a tel.
7.6.2017 : Mizo tlangval pahnih C. Lalhmangaihsanga leh R. Lalmalsawma Lunglei Electric Veng, Guwahati Downtown University-a zirlai te tualthih chungchangah Assam Sawrkar hotute kawma thil awmdan zirchiang turin NGO Co-Ordination Committee te an kal a, Central YMA aiawhin Pu Lalbiakzuala, President leh Tv. Lalhmachhuana, Gen. Secretary an kal.
9.6.2017 : Green Mizoram Day thingphun hnatlangah Pu R. Lalvensanga CEC hovin Pu H. Lalrammawia leh Pu K. Zohmangaiha Science & Environment Sub-Committee member-te an hnatlang.
9.6.2017 : Financial Literary Week RBI ten an hman mek chu Pu R.S. Lalrinsanga CEC, Pu M.S. Ralte CEC leh Pu John Kima CEC ten an hmanpui.

YMA in râl
    June  ni 7, 2017 zan khan  Branch YMA chuan Pu Lalkunga, Saichhuma Sec. a mi ralna hun a hmang a, a ralna pawisa tling khawm ` 8,020 chu a chhungte hnenah hlan a ni. Pu Lalkunga chhungte hian a \ul apianga Branch YMA in a hman atan puan -pahnih chu YMA -ah an hlan let bawk.

Nikir thla Ni 3, 2017, Issue No. 22

PAGE - 1

TUALCHHUNG :

Boral :  Pu R. Thantluanga H/o Pi Dengchhingpuii, Lalsavunga Sec. a mi chu Asthma avangin May ni 31, 2017 (Nilaini) zing dar 9:45 khan a boral. A ruang hi lumenpui niin a tuk June ni 1, 2017 (Ningani) chhun dar 12:00 khan vuiliam a ni.
    Pu R. Thantluanga hi a chhungte ngenna angin Hlimen Branch YMA chuan a vawi khatna atan a vuina hun a kaihruai a, in lamah Pu Lalhmuchhuaka, President Hlimen Br. YMA in vuina hun hmangin Thlanmual lamah Pu Robuanga, Vice President Hlimen Br. YMA chuan vuina hun a hmang bawk a ni.

##    Pu J.Vanlalkima C/o Rualkhuma, Damvea Sec. a mi chu June ni 1, 2017 (Ningani)  chhun dar 12:00 vel khan a chenna In (Society Building) ah thi a hmuh a ni a, a ruang hi an Inpui awmna Khawrihnim lamah phurhthlak a ni. Branch YMA chuan kuang mawi tak a siamsak a puana tuamin a thlahliam a ni.

Damlo :  C.L.Ruatfela S/o Zolianchhunga, Vawmphunga Sec. a mi chu khawsik avangin May ni 29, 2017 (Thawh\anni) khan Alpha Hospital Kulikawn-ah admit a ni.

Nau nei thar :  Pu Lalengmawia leh Pi Zodinpuii te nupa Buala Sec. a mi te chuan an fa hmingkoh atan New Life Hospital ah June ni 2, 2017 khan naute mipa duhawm an nei thar.

Training nei :  May ni 29, 2017 (Thawh\anni) khan AMC Auditorium, |huampui ah Aizawl chhunga Local Council tin te kohkhawm niin Aizawl khawpui inrelbawl dan, vantlang sum enkawl dan leh bawlhhlawh sawngbawl dan te zir ho in Training pawimawh an nei a, kan veng a\angin Pu J. Zothanpuia , Pu Lalhmingmawia  leh Tv. C. Lalhmingthanga ten he training hi an chhim a ni.

UPHC thuchhuak: June ni 9, 2017 (Zirtawpni) hi PMSMA hman hun a ni a, raipuar thla 4 chin chunglam inentir leh tur a ni e.
    June ni 5 & 6, 2017 hian Doctor hi hna thil ah a buai dawn avangin OPD khar a ni ang. June thla chhungin Samtlang, N. Lungleng leh Lungleng-I ah te Doctor Specialist ruaiin Free Clinic neih an tum niin thu kan dawng.

Tual Upa thlang thar: Hlimen Presbyterian Kohhran chuan heng mite hi tual Upa atan an thlang thar - Pu Lalnghakliana (SCS) , Pu Lalengmawia (BS).

HEADLINE :

YMA DAY ROPUI TAKA HMAN A NI DAWN
    Kum 2017 YMA Day vawi 82-na chu Hlimen Branch pawhin ropui taka hman tumin ruahmanna a kal pui mek zel a, kumin YMA Day chhunlam leh zanlam  Programme pawh a duang lawk a ni.
    YMA Day puala Section inelna lian ber tur a ngaih Volleyball chu June ni 8, 2017 (Ningani) chawhnu dar 2:00 ah khelh \an tur a ruahman a ni a, ruahman lawk ang chuan June 13, 2017 ( Thawhlehni) ah Final khelh a ni ang.
    Tin, YMA Day, June ni 15, 2017 ( Ningani) hian Mualzawlah - heng a hnuaia tarlan Mizo infiamna hrang hrang nen Section inelna neih a ni ang.

(a) Inhruipawh - Mipa leh hmeichhia a ni anga, Section tinah Team khat tel tur niin Team khatah mi 8 tel tur a ni.

(b) Lungden - Section tin a\angin mipa 3 leh hmeichhe 3.

(c) Kalchhet intlansiak (Mipa) Section tin a\angin mi 3 zel chhuah theih a ni ang.

(d) Kawi inkahsiak (hmeichhia) Section tin a\angin mi 5 aia tam lo a chhuah theih ang.

(e) Insuknawr (mipa) Pa tê leh pa lian Category-ah \hen tur a ni ang a,  patê Category-ah hian kg 65 chin hnuai lam a ni anga, palian Category-ah hian Kg 66 leh a chunglam a ni ang. Section tin a\angin mi 2 chhuah theih a ni ang.

(f) Insangharngullawn leh sakuhuilut - Section tin a\angin Team 1, Team khatah mi 8 an awm ang. YMA chhang pual a ni ang.
    Heng infiamna hrang hrang hi Medal Tally a point lak a ni ang.
    Tin, Zan lamah hian YMA Hall-ah  Programme-hman a ni ang a, kumpuan thupui hmanga thusawi, Section tin report, Branch Secretary Report, Bialtu MLA in HSLC leh HSSLC passed te hnena lawmman a buatsaih semna te, Tv. Zoramthanga S/o Ch.Lallianzuala Ph.D hmuh lawmpuina Citation hlan leh zaimawi tak tak ngaihthlak tur a awm ang. Tin, YMA Day chhun lam leh zan lamah hian Mizo inthuamna inbel nise tih a ni.  Heng baka \ul leh pawimawh dangte chu Branch O.B. te kutah dah a ni.
    YMA Day zingkar hian Section tin ten mahni Section huamchhung \heuh tifaiin an hnatlang ang a, Tin, YMA Day pual hian Referral Hospital, Falkawn-a damlo awmte hnenah eitur sem a ni bawk ang.
    Kumin hi tuna Branch YMA hnuaia Section hrang hrang in an Section  hming an put (1992-2017) a\anga kum 25 an tlinna - Silver Jubilee a ni a, hemi kuma Section inelna a champion nih chu thil chhinchhiah tlak tak pawh a ni awm e.

PAGE - 2

EDITORIAL :

             KUT TLINGLO SÛM
    Tunlai khawvel hi rinawm lohna khawvel a ni ta ringawt mai. Sentana’n rô a rêl nasa a, bumna khawvelah kan cheng mêk a ni. Mizote pawh hemi boruak hian min nuai ve tho a, kan bang chuang lo.
    Mizote hian engnge kan ngaihhlut ber ti ta ila, kan hun hman dan leh kan khawsak zia han thlir hian ‘SÛM’ a tih theihin a rinawm. Kan sum duh luattuk na lamah kan mihring puite lakah kan rinawm lova, sorkar lakah kan rinawm lova, Pathian lakah pawh kan rinawm thei ta lo a nih hi. Pâwn lam landanah pawh kan rinawm tawh lo a nih chuan chhungríl lam chu kan rinawmlo hmasa a lo ni \hin.
    Mizorama piangthar tawh zawng zawng hi Mizoram mipui aiin kan tam tawh zawk an ti \hin. Piangthar nawn an tam vang a ni ngei ang!! Kan khawtlang, chhungkua leh mimal nun erawh chuan vankâi nun a kawk si lo. Mihring leh mihring kan inen pawhin kan rinna hian vanram min thlen phak kan inrinpui meuh lo chu a nih hi.
    Kan rinawm lohna zawng zawng hi a bul\hut chu Pathian laka kan rinawm loh vang a ni mai lo maw? Hei hian kut tling lova sum lakluh pawh a hrilhfiah chiang hle awm e. Piangthar kan tama, piangthar dik; vanram kai ngei tur, Pathian hrin, dik taka sum lalut kan tlem a ni.
    Civilization kan hmelhriatna a la rei lova, khawvel hian min nuai chak bawk si a, kan nghet hman lova, rual kan awt a, kan hmanhmawh \hin a ni. Chu chuan kut tling lova sum lakluh pawisak lohna min neihtir a, kan piantharna chu kil khatah kan hnawl tâwm ta \hin a ni. Mihring hlau lo, Pathian pawh hlau lo kan tam ta lutuk hi a lungchhiatthlak hle mai a, kan inenfiah a ngai tak zet zet a ni.

************************************************************************

 Pu R.Thantluanga In lama vuitu kan Branch YMA President Pu Lalhmuchhuaka leh Thlanmual lama vuitu kan Branch YMA Vice President Pu Robuanga te.....

ADVERTISEMENT.......

Admission Notice
    New Hope Academy Upper Republic kumin HSSLC Examination 2017 ah Arts stream a Mizoram pum a Pathumna (3rd Position) kan neih avanga lawmthu sawi nan Calss XI tan Admission kan FREE a. Tin,  Class -  X leh Class - XII Fail tan seat tlem kan la nei e.
(2-2)                          Contact : 9862810672,      825703598

Thei |ha |iak mamawh tan
1. NONI (Fruit Of Life) thi zen zen tawh lo tur, (Poly Pot) kung tlem te a la awm e.
2. AVOCADO (Butter Fruit) |HA MI, a kung kum 20 chuanga upa, a kunga hmin tih \iah (Poly pot) kung tlem a awm bawk.
Rate - ` 100 per Polypot
    Dindina leh Puipuia Pu
    Hlimen Venglai
 (1-1)    Contact : 9862537844

Airtel Sim Card hmangtute tan kawng awlsam
1. Airtel Sim Card leh Adhaar Card link (Thlunzawm) duh tan Office kal kher ngai lovin mahni in lumah pakat tan ` 50 chawiin kan pan thei e. Ph No : 9862527368 leh 8729985259. Post Paid hmang tan link hi tih a ngai lo.
2. Airtel Sim Card Book thar duh tan man tlawm tein ka tihsak thei e.
3. 4G upgrade duh tan pawh Office kal kher ngai lovin man tlawm te in ka tihsak thei.
4. Tuna I sim Card hman lai (Company dang) Airtel a i thlak duh pawhin a number ngaiin man tlawm zawkin ka pui thei che.
5. Post Paid Bill Office a pek ngai lovin man tlawm te in ka pek sak thei che.
6. Mahni hminga Sim Card awmlo mahni hminga thlak duh tan pawh kawng awlsam tak man tlawm zawkin ka lo buaipui sak ang che.
7. Sim Card tichhia leh tibo tan pawh a Number ngaiin man tlawm tein ka tihsak thei.
    In \hian,
    K. Lalremruata
 (1-1)    Contact : 9862527368 leh 8729985259

PAGE - 3

HRIATTIRNA :

Local Council hriattirna
    Zophei hmunah hian LAD te, Green India Mission leh Local Council te chuan nasa takin ram ngaw \ha (City Forest) a awm theih nan thing leh mau awmsa te a humhalh bakah thingte phun belhin hma nasa tak a lak a ni a, hriattirna pawh tarchhuah (Notice Board) a ni a, heng Notice Board te hian kut an tuarin an hmelhem nual mai a, hei hi Local Council chuan \ha a ti lo takzet a, tunhnuah chuan hetiang thil hi ti tawh lo turin kan in hriattir e.
    Tin, GIM hnuaia thingphun tur te (Beneficiaries) phun tur thing\iak chu Pu Vanlalhruaia Vice Chairman LC te in ah lak theih a ni tih kan in hriattir e.
Sd/- Lalhmingliana, Chairman. LC

Civil Pensioners hriattirna
    Kum 2017 atan Hlimen Civil Pensioners chuan Annual Membership fee, Headquarters Budget leh Branch Budget a hnuai a mi ang hian member tinte hnenah a rawn khawn dawn a, Membership fee la pe lo tan pawh pek nghal theih reng a ni. Tin, endowment fund  la pe lo te pawhin pe thei tura lo inbuatsaih turin kan inngen a ni.
1. Headquarters Budget  - ` 100
2. Annual Membership fee  - ` 40
3. Member thar tur tan Membership fee - ` 40
4. Chhiatni fund - ` 50  (Member chhiattawk kan awm chuan kuangah pangpar ` 500 aia hniam lo dah nise tih a ni.)
5. Branch fund - ` 50 (Branch in a \ula hman atan)
6. Endowment fund - Hei hi \umkhat chauh pek tur a ni a, nikum lamah mi \henkhat chuan kan pe nual tawh a, la pe lo ten pek tum vek turin kan  ngen e.
Sd/- Ro\huama, Secretary
MCPA, Hlimen Branch, Ph. No : 8415921549

Births & Deaths hriattirna
1. Vengchhung mahni in a nau piang leh thi an awmin an chhungten Births & Deaths Registrar-  Pu Zonuntluanga hnenah kalin an in report ngei ngei tur a ni.
2. Thih / pian a\anga ni 21 chhunga in register chu a Free a tihsak tur a ni.
3. Ni 22- 30 chhunga in report chauh an nih chuan Late fee ` 100+10 chawi ngei ngei a ngai.
4. Ni 30 hnulam chu vengchhungah a tih theih tawh loh, Office ah kal a ngai a, tlai dan a zirin      ` 1000 thleng chawi a ngai.
5. Nau piang / Mitthi / innei an awmin laina, \hiante leh \henawm ten in bengvar pui a, in report vat tur a in hrilh \heuh i tum ang u.
6. Innei te chu Pi Lalengmawii hnenah in Register tur a ni e.
7. Report dawnin hming ziah dan dik tak, nu leh pa hming chian hmasak a, UID an neih chuan a 3 in ken tel nise.
    Sd/- Zonuntluanga
    Registrar, Births & Deaths Hlimen

LAWRKHAWM :

Bhutan-ah che |ha
    Bhutan International Taekwondo Championship khelh zawh takah Chalkunga Memorial Taekwondo Club Member \henkhat chu India ram aiawha kalin an che \ha hle. Lianthangpuii D/o Lalhmangaiha, Kapdaia Sec.  chuan U-19 Girls Individual & U-19 Pair ah Gold medal ve ve a la a,  Lalfakzuala S/o Lalhmingmawia, Saichhuma Sec.  pawhin U-19 Boys Team ah Gold medal a la bawk. Tin, veng danga mi CMTC Member Kaplianzawni leh Lalinpuia te pawhin Gold Medal an rawn hawn bawk.
    Bhutan International Taekwondo Championship-ah hian ram paruk - Nepal, Bhutan, Bangladesh, India, Korea leh Indonesia te an tel a. Heng ram 6  a\ang hian Team 32 te an inel a ni.

Lalsavunga Park Duty tur te
June ni 4, 2017 (Pathianni) 1. Pu Lalrinmawia. 2.    Tv. R. Lalrindika 3. Pu Vanlaltluanga 4. Pu Zoramhmangaiha 5. Pu Laldawngliana 6. Pu Biaknghinglova. 7. Tv. Lalpekthanga (KD) 8. Pu Jerome Lalduhbika (BS) 9. Tv. Lalnunsiama (BS)
June ni 11, 2017 (Pathianni) 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Zonunsanga. 7. Pu Lalrinchhana. 8. Pu Andrew Lalrinchhana.
Duty tur ruatna siam a ni lova, hei hi ruatna a ngaih tur a ni.

CBSE Class XII Passed
    Central Board of Secondary Education (CBSE) hnuai a Class XII passed Hlimen mi hriat theih chinte :-
1.    Zosangliani    Dist.  (L-In Pol. Sc.,     Eng.,        D/o F.Zosangzuala (DV)                      Phy. Edn.)
2.    Lalruatdiki    I Div.      (L-In Geog)
    D/o Ngurchhuana (DV)

Damveng Welfare hruaitu thlang
    Kum  2017 chhung atana Hlimen Damveng Welfare hruaitu thlan thar te :-
    Chairman    :    Pu K. Vanlalsanga
    Vice Chairman    :    Pu R. Lalrinawma
    Secretary    :    Tv. Lalnunmawia
    Asst. Secy.     :    Pu R. Lalchhandama
    Treasurer    :    Pu Lalzamliana
    Fin. Secy.    :    Pu J. K. Lalengzauva

UPHC REPORT
    May ni 27 - June ni 2, 2017 chhunga UPHC Hlimen report hetiang hi a ni :-
1. OPD    -    72    2. Naupai enzat    -    2
3. Dressing    -    18    4. Emergency    -    10
5. Inpatient    -    3    6. Naupiang zat     -    1

Chhiattawh a chunga lawmthu sawina
     Kan pa, R. Thantluanga’n min boralsan chung changah lawmthu sawi tur kan ngah hle mai. A boral tih hria a engkim kan tih ve ngai lova min buaipuitu YMA nula leh tlangval bakah khawtlang nu leh pate chungah thinlung takin lawmthu kan sawi a, Lalpa’n a let tam takin malsawmna in vur che u rawh se tih hi kan \awng\aina a ni e.

    In khawngaihna dawngtu,
    Dengchhingpuii leh a tu leh fate,
    Lalsavunga Section

PAGE - 4

KEIMAHNI :

Hlimkhawpui Budget
    Hlimkhawpui  March & April 2017  thla Budget  pe tla tawh te:
1.    Kapdaia Sec.    2. Saichhuma Sec.
3.    Damvea Sec.
    Kapdaia Sec. ten May leh June thla Budget an rawn  tlak leh ta bawk.

Thlanmual sam hnatlang
    Branch Exe. Committee in a lo rel tawh angin June ni 10, 2017 (Inrinni ) zingkarah Thlanmual-I tifai leh kawngte siam a hnatlang neih tur a ni a, Buala Section ten bawngtuthlawh thawhchhuahpui tur a ni a, Section dang ten chem ken tur a ni. Chhungtin a\angin mi pakhat tal thawkchhuak \heuh turin kan in ngen e.

Chhiatni Report
    Pu R. Thantluanga puala buhfai leh pawisa khawn khawm dan, thlanlaih dan leh tlaivar ziaka hmuh theih chin :-
Section    Chhung    Pawisa    Buhfai    Thlan-    Tlaivar
        kua            lai  
    Buala    112     980    129    25    20            Damvea    94     920    96    7    16
    Kapdaia     124     1,100    133    5    12  
    Lalsavunga    33     310    33     1    28  
    Saichhuma    106     970    114    10    9
    Vawmphunga    60     520    65    9    11
    Total    529    4800    570    57    96
    Lalsavunga Sec. hi chhiattawk Section an ni.

YMA in râl
    June  ni 2, 2017 zan khan  Branch YMA chuan Pu Thantluanga, Lalsavunga Sec. a mi ralna hun a hmang a, a ralna pawisa tling khawm ` 7390 chu a chhungte hnenah hlan a ni. Pu Thantluanga chhungte hian a \ul apianga Branch YMA in a hman atan puan -pathum chu YMA -ah an hlan let bawk.

Kapdaia Section
    Section Property tihchangtlun nan leh Silver Jubilee pualin May ni 30, 2017 khan Dekchi lian 11 Kg & 9 Kg, Alco Sign Board , Tea Urn 20 Ltrs & 15 Ltrs, Tui Um 21, avaiin ` 20,000 man OB ten an lei thar.
    Pi Chalmawii te chuan Section YMA mamawhna hriain Gas Stove 2 lai mai Section tan min  pe a, an chungah Section hruaitu te an lawm hle.
    Tin, Nl. Lianthangpuii D/o Lalhmangaiha chuan Bhutan International Taekwondo Championship ah Gold Medal la in Section member a nihna ah Section YMA chuan a lawmpui tak zet zet a ni.

Champion lawmna hmanpui
    Pu R. Lalngheta, Asst. Secretary- CYMA chuan May ni 30, 2017 Aizawl FC-in R. Dengthuama Indoor Stadium, Mualpui Salem Vengah I- League a champion lawmna hun a buatsaih chu a hman pui a, Pu Ngheta hnen a\ang hian kalkhawm mipui ten thu \ha tak an ngaithla a ni.

KAN THEN TAK

 
R. Thantluanga Kum 71:
    Pu R. Thantluanga hi Pu Tekawnga (L) leh Pi Rualchingi (L) te inkarah June ni 15, 1946 khan Kulikawnah a lo pianga, an unau hi hmeichhia 3 leh mipa 5 niin a naupang ber dawttu a ni.
    Kum 1966 khan Pi Dengchhingpuii nen innei in fa mipa 4 leh hmeichhe 4 an nei a, Pu R. Thantluanga hian tu 24 leh tu chhuan 4 a nei tawh a ni.
    Kum 1964 khan Boys ME School (Sikul sen) ah a lut a, chumi hnuah St. Paul ME School ah a lut leh a, Cl VI a zawhin Hiogh School ah lut lo in Assam Regiment ah a lut a, Sipai chawlh a rawn hman lai hi 1966 rambuai lai tak a ni a, a tleirawl chak lai te a ni bawk a, MNF sipai (Underground) ah a lut leh a, rei pawh \ang lo in a rawn bansan leh a ni.
    Tuna an khawsakna ah hian kum 1975 a\angin an cheng \an a, kuthnathawkin Mistiri a ni a, cement lam leh thing lam leh insak hi a eizawnna ber a ni.
    Kum 2010 a\angin thawhah (Asthma) neiin a insawisel \an a, Doctor te rawnin inlamah theih ang angin enkawl a ni a, kum 2014 a\ang khan a thawhah a zual chho a, \henawm khawvengah te pawh a chhuak peih ta meuh lo a, inchhungah erawh hi chuan inleng te lo chhawn tu ber leh lo kawmhlimtu; \henrual pawl thiam tak a ni. May ni 30, 2017 zana a mu chu a awm chhung a sâ tiin a insawisel a, a tuk May ni 31, 2017 (Nilaini) khua a lo var chuan damdawi inah kal an rel a, kal tur a an inbuatsaih mek laiin zing dar 9 :45 khan chatuan ram min lo pansan ta a ni. 

Keimahni chhunzawmna.....
Damvea Section
    Damvea Section te chuan an member Tv. Malsawmzuala damlo chu May ni 28, 2017 khan an kan a, a \ul apianga hman atan ` 1,000 in an kan a ni.

Football Jersey
    Inter Branch YMA Football Tournament a Branch YMA Football Jersey ha; a la kawl ten a ranglamin Pu R. Lal\anpuia hnenah thehluh tur a ni tih kan in hriattir e.

Buala Section
    May ni 27, 2017 (Inrinni) a Section hnatlang kan neihah kar hmasa lama lawmthu kan sawi bakah heng mite hnenah hian lawmthu kan sawi leh bawk e - Branch Asst.Secy. Tv. R.Lalawmpuia’n theitui min tumsak a, Pu R.Lalzuala leh Pu Lalthanpuia ten rawra min tumsak bawk a, Pi Maziri’n Balu min pe bawk a. Tin, heng bakah hian Section chhunga nu leh pa ten min phurpuiin a theih ang angin Section hnatlang an lo puibawm a, lawmthu kan sawi tak meuh meuh a ni.
    Sd/- Secretary, Buala Sec.