Sahmulphah thla Ni 25, 2017, Issue No. 47

PAGE - 1

TUALCHHUNG :

Damlo : Pu Lalrindika H/o Nu-i Saichhuma Sec. a mi chu taksa chaklohna avangin BN Hospital-ah enkawl mek a ni.

##    Malsawmzela S/o R.Lalhmunsiama, Damvea Sec. a mi chu khawsik, kaw\halo leh luak avangin Nov. ni 22,2017 (Nilaini) zan khan Civil Hospital panpui niin admit a ni.

##    Lawmsangkimi d/o Vanlalrawna Lalsavunga Sec. a mi chu pumpui Ulcer avangin Alpha Hospital ah enkawl mek a ni.

Chesual : Nov. ni 23, 2017 (Nilaini) khan Lalthanpuia H/o Zorami Buala Sec.a mi chu   a hnathawhna hmunah chetsualin a ke ruh a tliak a. Kar leh lamah a ke hi zai tur niin investigation tih mek a ni.

Tuak thar : Samson Zorammuana S/o H.Lalnunzira, Damvea Sec. a mi leh Lalrindiki, Bethlehem veng te chuan Nov. ni 23, 2017 (Ningani) khan dam chhung a nupa ni turin ‘tiam tlat e’ an ti.

Khiangawi : Zoremmawii D/o K.Vanlalsanga, Damvea Sec. a mi chu Nov. ni 22, 2017 (Nilaini) khan dam chhunga nupa ni turin B.Lalthawmmawia, E.Lungdar a mi tawnah khiang a awi ta.

##    R.Lalrinkimi D/o R.Deng\huama(L), Lalsavunga Sec. a mi chu Nov. ni 23, 2017 (Ningani) khan dam chhunga nupa ni turin Lalkrosmawia, Thingkah a mi tawnah khiang awiin a liam ta bawk.

Hlimen lirthei : Hlimen ah hian chhungkua 650 (approx.) vel kan awm a, lirthei 411 chu chhinchhiah theih niin chung lirthei te chu mi 310  hminga ziah luh mek an ni. Chhungkaw hnihin lirthei 1  aia tam hret (1.2 vel) in\awm ang kan ni.

Kohhran hmeichhe Ni hmang : Nov. ni 24, 2017 khan Presbyterian Kohhran Hmeichhia din ni a ni a, Hlimen vengchhunga Presbyterian Kohhran hmeichhia te pawhin a lawmna hun nilengin an hmanga, chawhma lamah thupui zir in chawhnu lamah Variety Programme an hmang a, tlai lama ruai buatsaih te pawh an awm bawk a ni.

In sak zo : Rokhawlhna dang a awm loh chuan tun inrinni hian Branch YMA in Pi Lalsawmliani in a sak sak chu luah theih a peih theih rin a ni a, kar lehlamah chuan an insuanluh theih ngei beisei a ni.

HEADLINE :

Branch Y.M.A. Executive Committee neih a ni
    Nov. ni 21, 2017 (Thawhlehni) zan khan Hlimen Branch YMA Exe. Committee vawi 12-na YMA Hall-ah neih a ni a. Hemi huna thurel pawimawh zualte chu ahnuai a tarlan hi a ni e :-
1.    Lalsavunga Park Duty chung chang : Lalsavunga Park-a Duty \hin chu December thla laihawl vel a\ang chuan a \ul angin nitn Duty tura la inbuatsaih nise tih a ni.

2.    Nungcha humhalh : Nungcha humhalh kawngah Branch YMA chuan tun aia chak zawka kan veng ram chhungah hmalak nise a ti a, khawmual nungcha leh sava bakah luidung  nungchate humhalh a nih theih nan Information mike leh Hlimkhawpui-ah te puan chhuah \hin tur a ni a. Branch YMA Committee Member te pawh a \ul anga Duty thei tura lo inralring turin an inhriattir nghal a. Tin, Silai, Sairawkherh leh ru, tur leh chinai bakah hmanraw dang hmangte a nungcha suat leh veh \hinte chungah na taka action lain thuneitute hnena thlen chi chu thlen hmiah hmiah nise Committee chuan a ti a. heng bakah kan \henawm Samtlang V/C leh Branch YMA hnenah hemi kawnga hma min lo lakpui tur leh mipui hnena hetiang ti lo tura lo puangzar turin ngenna siam nise tih a ni.

3.    Thlanmual sam : Dec. ni 16, 2017 (Inrinni) ah Thlanmual I & II  sam hnatlang neih tura tih a ni a, Thlanmual sam hma hian mahni chhungte thlan lo tifai \heuh turin hriattir nise, tin, Kapdaia Sec. ten Thlanmual-II hi lo hma se, Pu Lalroliana, Pu Zoramhmangaiha leh Pu R.Lal\anpuia te Branch Committee aiawh a Thlanmual II lama kal turin ruat an ni.

4.    Thlanmual-II lama hman turin kuang nghahchhan (Stand) leh kuang chehbehna (clip) siam tur a ni a, Pu H.Ralkapthanga Secy. leh Pu Lalroliana Fin.Secy. te mawh lo phur tura ruat an ni. 

5.    Branch YMA hruaitu thlan : Kum 2018 Branch YMA hruaitu thlan chu Dec. ni 8, 2017 (Zirtawpni) zan dar 7:00-ah YMA hall a neih tur a ni a. Inthlan-ah hian Floor nominate mi 3 neih theih a ni anga, mi 6 thlanchhuah a, R.O hova nihna la insiamrem tura tih a ni. Hruaitu atan hian minominate mi 32 siam an ni. Tin, Inthlan buaipui turin heng mite hi ruat an ni :-
    R.O.    -    Pu Lalhmingliana, Chairman, L.C.
    P.O.    -    Pu R.Lalngheta, Pu H.Ralkapthanga,
Pu Duhthusama, Pu Ro\huama, Pu Lalremmawia, Pu C.Lalhmingthanga, Pu Lalengliana, Pu Lallawmzuala, Pu C.Zothanliana, Pi Zonunkimi (MHIP President)
    Heng baka \ul leh pawimawh chu Branch OB te kutah dah a ni.

6.    Central YMA Sub-Committee member tur mi 3 CYMA a\anga rawn inruat tura lehkha hmuh angin Pu Lalrinmawia Treasurer leh Pu Lal\anzuala, Nl. BJ Zonunmawii Br. Committee te ruat an ni.
- Phek 2 na-ah chhunzawm a ni...
 

PAGE - 2

EDITORIAL :

           VANGLAI NUN ULUK
    Kan Bible in, “|halai te u, in \hatlai nî chen rawh u, in \hatlai hun a rei dawn si lo” a lo tih ang hian kan \hatlai leh kan vanglai hian kan hmabak a tih tur awmte uluk taka tiin insawrbing \hin ila. Kan \hatlai hun hi a \ha lam zawngin kawng tinrengah âm taka kan hman loh chuan kum upa lam kan nih hnu chuan bul\an \hat leh  a har tawh \hin a ni.
    Kan \hatlai, kan vawiin nun hi a pawimawh em em a, vawiin ah ngei hian kan hringnun hman dan i inenfiah teh ang u. Kan upat hnu a inchhirna in min tlakbuak loh nan kan vanglai nun kan hman thiam a pawimawh a. |anpui ngai a kan awm hun a thleng thei, chuvangin, i \hat lai hian mite \anpui \hin ang che.
    Kan vanglai nun timawitu ber pakhat chu ‘RINAWMNA’ a ni a. Rinawm takin awmla, \hian rinawm i nei ang a, kawppui rinawm i nei bawk ang. Rinawm taka kan awm hian kan hringnun hi a zahawm a, kan thlarau in he kan lei taksa a chhuahsan hunah pawh mite thinlungah thlanlung reh theih tawh lo chu kan ziak dawn a lo ni.
    Kan vanglai hun leh kan \hat lai nuna mawi em em mai chu ‘THIANGHLIMNA’ hi a ni a, chu chu kan rohlu a ni. Kan hmangaihte hnena kan pek theih hlu ber chu thianghlimna a ni an lo ti \hin. Chu thianghlimna ngei mai chu kan \hatlai hian kan neih a ngai a, kan hmangaihte hnenah pawh kan \hatlai ngei hian pekchhuah i tum ang u.
    |halai te u, tun hun \ha i la neih lai hian i tih tur awmah chhel takin ke pen la, i hmachhawpte hlawhtling ngei turin theihtawpin bei ang che. Kan lo upat hnu-ah chuan nunhlui kan chhuikir ang a, chutih hunah chuan kan inchhir loh a; kan nuih ver ver theih nan hun i la neih lai hian i nun uluk ang che.

Phek hma chhunzawmna....
7.    Central YMA a\anga Workshop on Psychosocial in Disaster Management-a Branch aiawh a kal tura mi 1 inruat tura tih a nih angin Pu Lal\anzuala ruat a ni.
8.    Kum 2017 Krismas vuakvet a halpuah, Halmawi leh Silai lem a mu kap chhuak thei hal/hman leh zawrh khapna thupek dawn chu YMA information mike a puan leh Hlimkhawpui Chanchinbu a tihchhuah bakah veng chhung Dawr hrang hrang-ah te zuarlo tura lehkha pek tura tih a ni.
9.    Kapdaia Sec. O.B post \henkhat insiamremna Branch pawmpui tura ngenna dawn chu pawmpui a ni.
10.    Digital India Project chung changa thawhhopui a sawmna dawn chu pawmpui niin Hlimkhawpui Chanchinbu lamah a \ul anga tarlan tura tih a ni.
11.    Saichhuma Sec. hnen a\anga vengpawn a Silver Jubilee Section in lawm an dilna chu pawmpui niin Br. OB te telpui tura an sawmna pawh tihhlawhtlinsak nise tih a ni.
12.    Inthlan zanah Branch YMA Committee kalkim lawmman ` 200 man aia sanglo leh hnatlang kalkim lawmman ` 500 man aia sanglo buatsaih a sem tur a ni a, mawh lo phur turin sum vawngtute ruat an ni.
13.    Local Council Award : Branch Committee chuan Local Council Award, 2017 (Mipa leh Hmeichhia) dawng tur Sub-Committee kaltlangin a thlang a, Committee hmasa lama rel tawh angin Sikpui Kut a sem tura tih a ni.
14.    Sikpui Kut : Khawtlangah chhiat tawhna te awm \hin bawk mah se Sikpui Kut hlim taka hmang turin Member te inbuatsaih sauh sauh tur leh a tihlawhtlingtu ni \heuh turin mitinte Branch Committee chuan a ngen.
    Committee zan hian Branch Sum report Pu Lalrinmawia Treasurer hnen a\angin ngaihthlak a ni a, tin, Pi Lalsawmliani In sak mek chung chang Tv. R.Lalawmpuia Treasurer Building Committee hnen a\angin ngaihthlak a ni bawk.

Advertisement.....

F.K. SEPTIC TANK service
    Septic Tank khat paihfai,   soak pit hlui leh a thar kan siam theiin, pipe fiting, commode block kan thawk thei reng e. Motor kan nei a, kan rate a tlawm.
    Rate - Inbiak remna
    Regn. No.: MSR 524 of 15.07.13
(10-5)    F.K.A  Ph: 8258058563, 9615920739

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-5)    VL-a,  Ph.No : 9402344486, 9615266170

SCHOOL ADMISSION NOTICE
ZOMUANSANGA ELEMENTARY SCHOOL,
Mission Veng Bazar (Dam Veng Road).
    November ni 6, 2017 atangin KG I leh KG II zir tur tan admission hawn tan a ni dawn e.
    He School hi experienced leh highly qualified teachers te enkawl ni in, English Medium School tam tak aiin admission fee and monthly tuition fees a tlawm vek zawk ang. Lawi len awlsam leh class rooms zau \ha tak a duan a ni.
(2-1)                Contact: 9862357549

PAGE - 3

HRIATTIRNA :

Local Council hriattirna
    Quarry a lirthei dah duh te chu Local Council office ah in report theih a ni ta a, in report hmasa te chu duhsak an ni ang. Tin,Hlimen ramchhunga thing leh mau leh nungcha eng chi pawh humhalh tlat a ni a, a tihluma, tichereu zawnga khawsa kan hriat chuan action a \ul anga lak theih a ni a, tin, khawtlang hruaitute pawh hrilh hriat ran \hin tur a ni.
Sd/- Lalhmingliana, Chairman. LC

Halpuah, halmawi leh silai lem
    Mizoram Sorkar chuan kum 2017 Krismas leh 2018 kumthar vuakvetah halpuah, halmawi leh silai lem a mu kapchhuak thei zawrh leh hal a khap a. Hengte hi mihringte tana \angkaina neilo, hriselna tichhe thei, a lo thlawn a sum tam tak sen ralna a nih bawk avangin kum dangah pawh a lo tih tawh angin Central YMA chuan zuar lo tur leh hal lo turin mitinte a ngen a ni. Sub-Hqrs, Group leh Branch zawng zawngte pawh mahni huamchhung \heuh a hma lo la turin ngen an ni.

Internet hi Speed Cable
    Prime Minister Digital Project hnuaiah Internet Hi Speed Cable chu kan veng chhungah phum a ni dawn a, a khur laih a; vur leh tur a nih avangin  kawng sirah dah lailawk a ngai dawn a, engemaw changin motor kalte pawh bahlah hlek chang a awm thei a, he project hun reilote thawh a nih chhung chu mipui ten lo hrethiam hram turin min ngen tak meuh meuh a ni e.

Hlimen Sazuar Assn. thuchhuak
    Hlimen vengchhungah sawrkarin a siam ang aia to in tuman sa zawrh loh tur a ni a, sa thianghlim chauh zawrh tur a ni. tin, sazuar member ni lo in tuman sa talh zawrh phal a ni lo a, member ni ve lo tan in report theih a ni lo ang.
Sd/- Secretary, HSA

ZDU hriattirna
    Hlimen ZDU member, member fee pek ngai te khan Assembly hma ngeiin pek vek tur a ni a, Pu Laikunga leh Pu Hrangchhuana hnenah pek theih a ni e.

Buala Sec. ngenna
    Buala Sec. huamchhunga kawngpui kamah leh a bikin |helretkawn ah insakna bungrua dahtu ten kan dah rei deuh \hin, ngaihsak zui miah lo pawh kan awm \hin a, tin, a tihfai lam kan hlamchhiah deuh bawk \hin. Tunhnuah chuan kan bungraw dah te a ranglama senghawi thuai \hin turin kan in ngen e.

Election thuchhuak
1. Nov. ni 15-30, 2017 hun chhung hian Eletoral roll a in thun luh duh te tan hun hawn leh a ni. Jan. ni 1, 2000 hma lama piang te tan dil theih a ni.
2.  Electoral roll chungchanga siam dik duh/ ngai tan pawh siam dik theih a ni.
3. Paih ngai/paih duh tan pawh inpaih theih a ni.
4. In Transfer theih a ni e.
    Sd/-C. Zothanliana    Sd/-Lallawmzuala
    BLO-I    BLO-II

LAWRKHAWM :

Chhiatni Report
    Pi Nuchhungi puala buhfai leh pawisa khawn khawm dan leh thlanlaih dan ziaka hmuh theih chin :-
Section    Chhung    Pawisa    Buhfai    Thlan-            kua            lai  
    Buala    108     980    120    18            

Damvea    120     1,150    127    10  
    Kapdaia     124     1,060    139    6            

Lalsavunga    36    330    35    -            

Saichhuma    115     1,010    128    13  
    Vawmphunga    55    530    60    5  
    Total    558    5,060    609    52  
    Lalsavunga Sec. hi chhiattawk Section an ni.

UPHC Report
    Nov. ni 18 - 24, 2017 chhunga UPHC Hlimen pan dan hetiang hi a ni :-
OPD    -    52    BP sang    -    5    Kaw\halo    -    1
Kum 6 hnuai lam en zat - 15
    Nov. ni 21-23 chhung khan Doctor hi a training avangin OPD khar a ni.

HBC lawmthu
    Nov. ni 13 - 24, 2017 chhunga Mizoram Badminton League, Hlimen Badminton Club ten kan khelhah heng ahnuai a tarlante hnen a\ang hian thilpek kan dawng a. An chungah lawmthu kan sawi tak meuh meuh a ni.
1. Local Council ` 2,000    2. Branch YMA ` 3,500
3. MUP ` 1,000    4. MNF Unit ` 1,000
5. Pu Lalremsanga, MCS ` 1,000
6. Pu R.Lalrinawma ` 1,000
7. Pu Chalhnuna ` 1,000    8. Pu Lalsangbera ` 500
9. Pu Lalbiaknunga ` 500    10. Pu Lawmtluanga ` 500
    Heng thilpek kan dawn bakah hian Thanpuii (TPi) leh Pu Chalhnuna ten inkhel entute kal nan phal takin an Bus min thawhsak a, an chungah lawmthu kan sawi tak zet zet a ni. Tin, player te \an tur leh inkhel en tura vengchhung a\anga min \awiawmtu zawng zawngte chungah lawmthu kan sawi tak meuh meuh a ni.
    Sd/- Secretary
    Hlimen Badminton Club

Lawmthu sawina
    Nov. ni 23, 2017 (Nilaini) a kan pa Lalthanpuia,  a hna thawhna hmun a a chetsual chung changah a ke ruhte a tihtliah avangin che thei lovin a awm a, chu chu a \hianpa in midangte punin a hre hmasa apiangin a chet sualna lam panin \anpui turin an tlan nghal a. He kan chetsual tawhna a YMA Member \halaiten ramhnuai a chetsualna hmun a\anga damdawi in thleng a min buaipuina leh motor min tumsak a, a \ul ang zawng zawng kan tih ngai lova min buaipuina-ah kan lawm tak zet a. Mimal tin chungah lawmthu kan sawi seng lo, hei hi in chunga sawi a min lo ngaihsak mai turin kan ngen che u a ni e. Pathianin malsawmna tam takin vur che u rawh se.
    In khawngaihna dawngtu,
    Zorami te chhung,
    Buala Sec. Hlimen

PAGE - 4

KEIMAHNI :

Hlimkhawpui Budget
    Hlimkhawpui  Sept. & Oct.. 2017  thla Budget  pe tla tawh te:
1.    Kapdaia Sec.    2. Vawmphunga Sec.
3. Saichhuma Sec.    4. Damvea Sec.
5. Buala Sec.    6. Lalsavunga Sec.

Lalsavunga Park Duty tur te
Nov. ni 26, 2017 (Pathianni) 1. Pu Lalrinmawia. 2.Tv. R. Lalrindika 3. Pu Vanlaltluanga 4. Pu Zoramhmangaiha 5. Pu Laldawngliana 6. Pu Biaknghinglova. 7. Tv. Lalpekthanga (KD) 8. Pu Jerome Lalduhbika (BS) 9. Tv. Lalnunsiama (BS)
Dec. ni 3, 2017 (Pathianni) 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Zonunsanga. 7. Pu Lalrinchhana. 8. Pu Andrew Lalrinchhana.

Kapdaia Section
    Sec. bungrua Silpouline,Brite,No leh Tui-um chhiattawhna lamah a la awm ni a hriat a ni a,Sec. hruaitu ten min hriattir thei ula a lawmawm ngawt ang.
    Dt.25 khan Sec hruaitu ten Sec bungrua enge maw zat an lei thar.
    Dt.8.12.17 Zan Branch OB thlan zawh hian Sec chhung miharsa pualin Carol neih tur a ni a,member te a tam thei ang ber kal turin kan in hriattir a ni e.            

 Dt.23.11.17 khan Sec Committee ten Information Mike siam\ha in hnatlang an nei.

Buala Section
    Nov. ni 23, 2017 (Ningani) zan khan Buala Section chuan kumtawp committee an nei a, he hunah hian Committee kal kim mi 6 te hnenah lawmman an sem a, arsa tuihnai tak an ei ho bawk.
    Tin, hemi zan hian Lalvulliana award - Section huamchhunga kum 2017 chhunga YMA activity kawng hrang hranga thawhhlawk a, \angkai ber mipa ah - Tv. Ramnghahmawia S/o Lalramenga leh hmeichhia ah- Nl. Zothankimi D/o Lalrammawia te hnenah citation mawi tak hlan an ni bawk.

Pi Lalsawmliani insaka thil petute
    Issue hmasaa tarlan bakah heng mite hian Pi Lalsawmliani insak meka thil petute :-
Pu Lalthanpuia (BS) ` 500, Pu Lalniliana (VP) ` 300, Lalthanpuii (KD) ` 500, Pu Vanlaluapa (VP) - kawngkhar, Pu N. Zokunga (VP) - Burma Ply 3nos, Pu Lalhmuchhuaka (BS) Cement 1 bag, Pu B. Lalbiakmawia (KD) Electric wiring a a \ul zawng zawng, heng mite bakah Stone Crusher nei tuten rawra leh balu engemawzat an pe bawk.
    Thilpek petute zawng zawng chungah leh eirawngbawlna hmun atana an hmunhma te phal tak min hmantirtu Pi Rozami  leh a \ul \ul kan banna ber Pu Zangenga te chhungkua chungah Branch YMA chu a lawm hle bawk a. Tin, hnatlanga thawkchhuak member zawng zawng te chungah thinlung takin Branch YMA chuan lawmthu a sawi bawk a ni.

Chhiartute ngaihdan :

##    Hlimen Damveng changelkawr kamah hian zan rei dar 11 a\anga dar 3 vel thleng; zu rui, mi tana bengchheng em em an awm \hin a. Engtia tih mi nge? An bengchheng leh a nih chuan an hming tarlan a ni tawh ang.
- Damveng Pa

##    Tunlai hian kawng chhia sawi a tam hle mai. A bikin vengthlang chuan hnuai hi a siamna la rei loh ngaihtuahin a chhe chak hle mai a, mi \hahnem ngaite hmalakna leh ram neitu ten an ram hlu tak an pek avanga lirthei hi lut thei a ni. Vantlang kawngpui a nih avangte, kan vai atana \angkai leh chhawr \angkai a nih reng theih nan a tichep zawng emaw mite tana harsatna siam khawp a engmah dah lo turin rilru i siam thar teh ang u. Kawng\ha neih a har em mai.
- Vengthlang valupa

Lawrkhawm chhunzawmna.....

Lawmthu sawina
    Nov. ni 22, 2017 khan kan monu in pawisa a tibo a, mangang taka kan awm laiin kan \awng\aina chhangin Lalengmawia C/o Biakdangi lo chharin kim takin min rawn pe let leh ta mai a, kan va lawm tak em.
    Tunlai khawvel nunphung kan hria a, hetianga tlangval fel leh rinawm kan la nei hi a lawmawm takzet a ni. Lalpan taksa leh thlarau lamah malsawmna tamtakin vur rawh se tih hi kan \awng\ai sakna a ni e.
- Saikapkunga, Vegthlang.

Thlanmual sam hnatlang
    Dec. ni 16, 2017 (Inrinni) ah Thlanmual I & II  sam hnatlang neih tura ni a, Thlanmual sam hma hian mahni chhungte thlan lo tihfai lawk \heuh tur a ni a, tin, Kapdaia section ten thlanmual -II samin , a bak Section dang zawngin Thlanmual-I samfai tur a ni ang.

Sikpui Kut 2017 hnai ta
    Hlimen Branch YMA huaihawtin Dec. ni 2, 2017 hian Mualzawl-ah Sikpui Kut chu hman a lo ni dawn ta a, chhunlam Programme hi dar 9:30Am a\angin hman \an a ni anga, mipa inelna bikah-inhruipawh, Lungden, insukherh, kalchhet inkalsiak (1.5 fts) leh Sack race a awm anga, hmeichhe tan - inhruipawh, kawi inkahsiak, buh inthleisiak (kum 25 hnuailam tan) leh Musical Stool a intihsiakna tur a awm bawk ang. Tin, chawhmalam hian Section ten hnamlam an entir anga, solo ngaihthlak tur a awm dawn bawk a ni.
    Tin, zanlamah pawh Mualzawlah Programme hman tur niin dar 7:30 a\angin hun hman \an a ni leh anga, programme hawnna atan Hlado chhama tlangtlir a ni ang. Zaihonaa te pawh neih tur niin Section tinte chu an duh anga 7mins chhung sapatalna hun pek an  ni bawk a. Tin, Debate ngaihnawm tak ngaihthlak tur a awm dawn bawk a ni.
    Tin, hemi zan hian Local Council Award - Male & Female thlanchhuah te hnenah chawimawina pek a ni bawk ang a, zai mawi tak tak ngaihthlak tur a la awm cheu bawk ang. Sikpui kut hmang turi hian tam thei ang ber kal turin Branch YMA chuan mitin te min sawm a ni.

Sahmulphah thla Ni 18, 2017, Issue No. 46

PAGE - 1

TUALCHHUNG :

Boral : Pu F. Laltlanmawia (42) H/o Zomuanpuii Buala Sec. a mi chu Nov. ni 12, 2017 (Pathianni) tlailam dar 4:20 khan thin \halo avangin a boral a, a ruang hi tlaivarpui niin a tukah vuiliam a ni. 

##    Pi Nuchhungi (85) W/o Sikula (L) Lalsavunga Sec. a mi chu Nov. ni 16, 2017 (Ningani) zing dar 3:40 khan Stroke avangin a boral. Hemi ni vek hian vuiliam a ni.
    Heti hian kum chhungin Hlimen-ah mi 26 te chuan chatuan ram min lo pansan ta a, heng bakah hian hlamzuih pakhat a awm bawk.

Damlo : Pu Lalnunthanga H/o Hmingthanmawii Kapdaia Sec. a mi chu a kal \ha lo avangin Shillongah engemaw chen enkawl a nih hnuin Nov. ni 17, 2017 khan a lo haw leh ta. 

##    Pu H. Lal\anpuia H/o Lalnundangi Damvea Sec. a mi chu rannung seh avangin Nov. ni 13, 2017 khan Kulikawn civil hospital ah admit a ni.

Tuakthar : Zoramsanga S/o Zoramhmangaiha, Buala Sec. a mi leh Melody Zodinpuii D/o Hmingthanga, Damvea Sec. a mite chuan Nov. ni 17, 2017(Zirtawpni) khan damchhung a nupa ni turin ‘tiam tlat e’ an ti.

##    Vanlalpeka S/o Lal\anzuala Lalsavunga Sec. leh Salemthari D/o Denghmingthanga Vawmphunga Sec. a mi te chuan Nov. 11, 2017 khan damchhunga nupa ni turin tiam tlat e an ti.

YMA in ral : Nov. ni 14, 2017 zan khan  Branch YMA chuan Pu F. Laltlanmawia ralna hun a hmang a, a ralna pawisa tling khawm ` 8, 630 chu a chhungte hnenah hlan a ni. PU F. Laltlanmawia chhungte hian a \ul apianga Branch YMA in a hman atan puan 2 an hlan let bawk.

Tha lut zat : Nov. ni 16, 2017 thlenga Pi Lalsawmliani insak meka tha lut zat chu tha 149 a ni. 

Practise tan : CMTC hnuaia Admission ti te chuan Taekwondo an Practise \an ta a, Admission la ti duh ta chuan hruaitute biak mai tur a ni e.

Lirthei zat : Tunthlenga Local Council a Hlimen a lirthei neitu in report zat chu 206 niin lirthei 301 ziah luh mek a ni. La in report lo an awm nia hriat a ni bawk.

Gas Card :  Gas hmang ve si, Consumer Card la neilo te chu Vanbuangi Gas Agency te chuan Gas Card hi an tihsak (Regularize) thei dawn.

HEADLINE :

JOINT MEETING NEI
    Nov. ni 9, 2017(Ningani) zan khan Hlimen Local Council leh Branch YMA Office bearer te chuan Local Council Office-ah Joint Meeting an nei a, thurel \henkhatte :

1. Ui khuahkhirh chung chang : Ui chuang :  Hlimen vengchunga ui Local Council leh Branch YMA siam Ui Locket awrhlo chu UI CHUANG anga ngaih nghal a ni ang.
(a). Ui man theih te : (a) Hlimen vengchunga ui eng chi pawh Local Council leh Branch YMA siam Ui Locket awrhlo chu Ui chuang a ni a. Man theih a ni.
(b) Ui Locket awrh pawh nise khawlaia ui chhuak - a neitu in a kaihchhuah nilo chu man theih a ni.
(c). Ui khuahkhirh hi chak zawk a kalpui a nih theih nan Branch YMA in Section  6- Buala, Damvea, Kapdaia, Lalsavunga, Saichhuma leh Vawmphunga  te chuan an Section area \heuh ah thuneihna sang tak an nei anga, a \ul angin thu tawp pawh siam in an kengkawh ang. Ui chhuak, ui neitu in a kaihchhuah nilo man a neituin a tlanna Rs. 500 pawh Section kutah alut anga, hei hian a mantu chan Rs 300 a huam lo ang. A mantu in Rs. 300 a chang anga, Section YMA in Rs. 200 a chang ang. Tin, Section hnatlangin emaw Section hminga man a nih chuan Rs. 500 chu Section YMA kutah a lut vek ang. Ui khuahkhirh chungchangah Ui mantu emaw Section YMA ten harsatna engemaw an tawk a nih chuan a \ul angin Local Council leh Branch YMA in hma la in ui khawlaia chhuak ngei mantu te hmaah a ding zel ang. Ui mantu chuan a ui man an hmun Section a hrechiang tur a ni a, Section hruaitute a hriattir hmasa \hin ang. Tin, Ui chhuak man a nih a, a neitu hriattir a nih a\anga darkar 12 ralhma a a neitu in a khul lo a nih chuan ui chuang man anga ngaih a ni anga, ui chungah engpawh thleng se a nei tuin a sawi buai thei lo ang.
    Tin, ui khawlaia chhuakin Accident/tawhsual tawk palh nih chuan a neitu in a sawi buai thei lo ang. Ui khawlaia chhuak hmu an awm anih chuan a hmutu in Social media a  duh chuan a theh darh thei anga, hei erawh ui man anga ngaih nghal an ni kher lo anga, a \ul angin Section YMA in hma a la ang.
    Ui khawlaia chhuahpui tute chuan ui chu an kai ngei ngei tur a ni . Khawlaiah ek tir mai lovin, polythene emaw hmanraw dangin \hatakin a thiar sak ngei tur a ni. Ui khawlai chhuak man an nih chuan vantlang Information Mike ah puanzar \hin a ni ang. Ui khuahkhirh \halo,  a neitu timawh leh hmalakna ti\huanawp zawnga khawsa lui an nih awm chuan Local Council ah thlen \hin tur a ni.

2. Ramngaw leh nungcha humhalh : Hlimen  ramchhunga Thing leh mau, nungcha - lui lam leh khawmual a mi te hi humhalh tlat a ni a, phalna nei lova thing leh mau, khawmual a nungcha, sava leh luidunga nungcha damdawi leh tura hrai, chinai hmanga man te  a ni a, a\ul angin nghafuan ven pawh a huam ang. Chutiang tilui kan awm chuan an chungah Action a \ul anga lak \hin a ni ang.

PAGE - 2

EDITORIAL :

HLIMNA
    Hlimna duha kan zawn dan hi a inang lo hle. A \hen chuan hlimna hi khawvel takin kan zawng a, khawvel kan chen a ni. Zû leh ruihtheihthil hmangin kan zawng a. Kan zawn ber hlimna chuan min kiansan telh telh si! Kan hlimna hi midang hlimna ah a innghat a, midang te hnenah hlimna thlen ila, keini pawh kan hlim ve mai dawn a lo ni. Hei hi alawm Mihring damchhan chu. Hei tho hi ani lawmni; nang pawhin i zawn chu?
    Nun hlimna kawng hi eng emaw zat a awm thei ang. Mipat hmeichhiatna lama hlawhtlinna te, sum leh pai lama hausakna te, hriselna te, larna te, hmel\hatnate hi kan hriatlar pawl tak a ni. Sakhaw tarmit a\anga kan thlir chuan Krista a nunthar neitute hi mi hlim ber a tih theih bawk awm e.
    Mi tam tak kan hlim theih lohna hi chu: kan duham a; kan neih tawkah kan  lungawi lova; midang neih kan hmuhin kan awt a; a nih loh vek leh mahni hma kan sial lutuk a, midang ngaihtuah lo lekin kan khawsa \hin . Hetiang chung hi chuan nun kawng\ha chu kan zawh hleithei lova, hlimna tak kan nei thei hauh lovang. In leh lo ram thu ah te, sum leh pai thu ah te, silhfen te thleng hian neihbelh zel kan duh a, tawk tih reng kan nei thei lo. Mi \anpui pawh duh ve thin mah ila, lo let leh tur thlir chung lo chuan harsa tih chang kan nei fo mai.
    Thil pekchhuah reng reng Pathian hnenah a ni emaw, rawngbawlna peng dang emaw, \anpui ngaite hnenah a ni emaw, lokir leh hi a awm tih a chiang em em a ni. Pe chhuak thin te hi an tlachham ngai lova, tlakchham a hnehin pek tur an nei zel zawk a ni. Harsa zawk leh mirethei zawkte khawngaiha \anpui \hin te phei chuan Pathian an puktir \hin zu nia. 

Kan Then tak

 
F. Laltlanmawia (Kum 42)
    Pu F. Laltlanmawia hi Pu F. Lalhmingliana (L) leh Pi Lalthianghlimi-te fa hming koh niin August 21, 1975 khan a lo piang a. An unau hi mipa 4 leh hmeichhia 2 an ni. A pa Pu F. Lalhmingliana hian September 7, 2016 khan chatuan ram a lo pansan tawh a ni.
    June 30, 2009 khan Zomuanpuii nen inneiin fa Lalrinfela an nei mek a, tunah hian an fa pahnihna tur an pai leh mek a ni.
    Amah hi pa tlawmngai, fiamthu duh leh fiam pawh dawl tak a ni a. Mi thil phal tak niin a u leh nau, a nupui leh fate tan leh \hiante tan engmah ui nei lo mi a ni. |hian siam thiam leh rualpawl thiam tak a ni a, mite ngainat pawh a hlawh hle.
    Infiamna ngaina tak a niin football hi a tuina ber a ni a. Veng aiawh leh a luhna School aiawh pawhin a lo khel ve fo tawh \hin. Inkhelh a chawlhsan hnu hian Games lam kalsan lovin, member thar zawkte hip khawmtuah \angin Hlimen Games & Sport Association-ah leh a hnuaia Club hrang hrangah a phak tawkin \halai zawkte a huikhawm \hin. Hlimen Games & Sport Association-ah hian General Secretary kumhlun niin kuminah hian harsatna avangin he a post hi chelh lovin Exe. Member nilai mek a niin Hlimen Football Club-ah incharge niin player-te a \ulna apiangah a hruai \hin. Aizawl South Zone Football Association-ah 2007-ah Committee Member a kum leh ah Fin. Secy. term hnih a chelh leh a. 2011 a\anga Aizawl South Zone Football Association \hiah a nih kum 2014 thleng khan Joint Secretary nihna a chelh a ni.
    A phak ang tawk tawkin YMA-ah in hmangin Branch YMA Exe. Committee Member nihna te, Section Leader bakah OB-ah post hrang hrangte chelh kualin hun rei tak chhung Branch YMA Chanchinbu HLIMKHAWPUI-ah Cir. Manager nihna a lo chelh tawh bawk. Tin, YMA bakah KTP-ah pawh a theih ang anga in hmangin Hlimen Branch KTP hnuaia Group-ah Fin. Secy. nihnate a chelh tawh a. Amah hi mi chengvawng tak  nih avangin sum enkawlna lamah mawh lian tak an lo laktir ve tawh \hin a ni.
    Ram leh khawtlang tana a phak ang tawka inhman duh mi a nih avangin Congress Party zawmin a theih ang angin nupui fanau enkawl chungin a thawk ve thin a. Hlimen Congress Unit hi Unit I & II-a then a nih hma hian |halai President hun engemaw chen  niin chumi hnuah Unit Secretary nihna chelh lehin, Unit hniha \hen a nih tak hnu hian Unit I-ah Treasurer nihna chelhin a thihni thlengin he nihna hi a chelh a ni.
    October 2017 thla laihawl vel atangin Doctor-te pan kualin investigation-te tih a ni a. October 30 zan khan a pum rawn na vakin Civil Hospital panpui a ni a. In lamah hawpui leh a niin a tuk October 31-ah Civil Hospital panpui leh a niin Falkawn Referral Hospital-ah refer a niin admit a ni a. Hetah hian thin \ha lo, kal \ha lo leh mitliam a nei tih hriat chhuah a ni.
    Doctor leh Nurse te’n theih tawpa an enkawl hnuah hma a sawn theih loh avangin November 2 tlai lamah Newlife Hospital panpui leh a niin admit a ni a. Hetah hian \hat lam a pan theih loh avangin November 6, 2017 (Mon) zing dar 9:00 velah ICU-ah dah luh a ni a. Doctor leh Nurse te’n theihtawpa an enkawl hnu pawhin \hat lam aiin zual lam a pan hret hret zel a. November 12, 2017 (Pathianni) tlai dar 4:20 khan chatuan ram min lo pansan ta a ni.

PAGE - 3

HRIATTIRNA :

M.H.I.P.  hriattirna
    MHIP Hlimen Branch te chuan an Member pui boral ta Pi Nuchhungi chu Nov. 19, 2017 (Pathianni) chawhnu inkhawm ban hian an ral dawn a. Member atam thei ang ber kal turin hruaitu ten an ngen a ni.

Local Council hriattirna
1. Quarry a lirthei dah duh te chu Local Council office ah in report theih a ni ta a, in report hmasa te chu duhsak an ni ang.
2. Kawngpui a lirthei silna thli luan tir thei zawnga lirthei engchi mah sil phal a ni lo a, a bikin veng chhunga tuipump/tuikhur a lirthei sil thin ten hei hi zawm ngei tur a ni.
Sd/- Lalhmingliana, Chairman. LC

Election thuchhuak
1. Nov. ni 15-30, 2017 hun chhung hian Eletoral roll a in thun luh duh te tan hun hawn leh a ni. Jan. ni 1, 2000 hma lama piang te tan dil theih a ni.
2.  Electoral roll chungchanga siam dik duh/ ngai tan pawh siam dik theih a ni.
3. Paih ngai/paih duh tan pawh inpaih theih a ni.
4. In Transfer theih a ni e.
5. Tun\umah hian Election Commission Of India chuan Voter tinte Mobile number leh Mobile type (Kan phone hmanlai symbian, Andriod etc.), Email (neih chuan) te hriat an duh avangin Electoral roll a awm zawng zawng ten BLO - I & II ah in report vek tur a ni a, Nov. ni 15-25, 2017 chhunga kan in report thei a nih chuan a lawmawm ngawt ang. Chhungkua ang pawhin ziahsa a report theih bawk e.
    Sd/-C. Zothanliana    Sd/-Lallawmzuala
    BLO-I    BLO-II

Public Notice
    AMC in a enfiahna a\angin AMC area huam chhungah dan lova hoarding /Advertisment tar tam tak a awm tih hmuhchhuah a ni a, heng dan lova tar AMC in unauthorized a mark te leh  dan lo a tar hmuhchhuah te chu 1st january 2018 hnulamah chuan senghawi /\hiah fel vek tur a ni.
    Dan lova Hoarding Advertisment tar te chuan 31st , dec, 2017 hmain lakthlak vek emaw AMC a phalna lak vek tur a ni ang. Heng Hoarding Advertisment tamtak te hi a neitu address hriatchian theih tawh loh te a awm avangin hei hi hriattirnaah ngaih nghal tur a ni.
    Sd/- Dr. Lalthlangliana, Municipal Commissioner
    Aizawl Municipal Corporation

Lalsavunga Park Duty tur te
Nov. ni 19, 2017 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David Vanlalhuma 6.Pu Zolianchhunga 7. Pu Lalbiaksanga. 8. Tv. Lalromawia. 9. Tv. Zonunkima
Nov. ni 26, 2017 (Pathianni) 1. Pu Lalrinmawia. 2.Tv. R. Lalrindika 3. Pu Vanlaltluanga 4. Pu Zoramhmangaiha 5. Pu Laldawngliana 6. Pu Biaknghinglova. 7. Tv. Lalpekthanga (KD) 8. Pu Jerome Lalduhbika (BS) 9. Tv. Lalnunsiama (BS)

LAWRKHAWM :

Chhiatni Report
Pu F. Laltlanmawia puala buhfai leh pawisa khawn khawm dan, thlanlaih dan leh tlaivar ziaka hmuh theih chin :-
Section    Chhung    Pawisa    Buhfai    Thlan-    Tlaivar
        kua            lai  
    Buala    130     1,150    146    10    27        Damvea    69     730    72    8    17
    Kapdaia     130     1,090    142    8    20        Lalsavunga    38     310    38    4    4        Saichhuma    103     950    108    9    20
    Vawmphunga    60     580    65    3    9
    Total    530    4,810    571    42    97
    Buala Sec. hi chhiattawk Section an ni. Tin, Damvea Sec. a\anga chhiatni thil khawn si; hmuh zawh loh palh awm a, chu chu tarlan tel theih a ni lo a ni.

UPHC Report
    Nov. ni 11 - 17, 2017 chhunga UPHC Hlimen pan dan hetiang hi a ni :-
OPD    -    67    Emergency    -    5    Dressing    -    11    Naupiang zat    -    -
Naupai en zat    -    1    Refer    -    -    BP sang    -    -    Zunthlum    -    2
Khawsik    -    3    Kaw\halo    -    5
Hritlang    -    5    Kum 6 hnuai lam en zat     -     13

Lawmthu sawina
    Kan nu Thngkungi’n Nov. ni 2, 2017 a min boralsan chungchangah leh a damloh chhung zawnga min khawngaihna; tha leh zung, sum leh pai, \awng\aina leh thilpek hrang hrang min hlantu zawng zawngte chungah keini chhungkua leh tu leh fate chu kan lawm tak meuh meuh a ni. Lalpa’n malsawm vek che u rawh se.
    In khawngaihna dawngtu,
    Zonuntluanga te chhungkua, Saichhuma Sec.

Phunchawngzawl Quarry
    Nov. ni 11, 2017 khan Local Council leh Phunchawngzawla Quarry neitu leh hemi kawnga awm chhungkaw aiawh ten Meeting an nei a, kawngchhe lutuk siam dan tur te an sawi ho a, hemi hnu hian Local council leh Quarry neitu te \hufual lehin mipuite him zawk na ngaihtuahin hetiang hian lunghal hun siam rem a ni- Zing karah - 5:00 Am- 6:00 Am, chhun lamah - 12:00 noon - 1:00 Pm a ni a, mipui te pawhin lunghal hun hi ngaihchan \hin tur a ni. Tin, Local Council   kaihhhruaina hnuaiah hian Phunchawngzawl Quarry Welfare din a ni a, hruaitu te :
    Chairman    :    Tv Lalremliana, Ph : 708546531
    Secretary    :    Pu Vanlalrawna, Ph : 9862355492
    Treasurer    :    Pu F. Vanlalruata

Central YMA in man
    Tun hnaiah eirawngbawlna gas tihchingpen a hluar nasa leh hle tih CYMA chuan a hriat avangin Nov. ni 16, 2017 zan khan heng mite man chhuak tur hian CEC member mi \hahnem tak an thawkchhuak a, Sairang leh Kawnpui khaw inkar kawngdunga cheng chhungkaw 2 a\angin Gas tihchingpenna hmanrua leh gas phur Truck a\anga an ruahchhuahna gas bur leh chutianga hman an tum gas bur engemawzat an man chhuak. Tin, hemi zan hian Gas an lo ruak chhuak lai bur 4 chu lak sakin an hrensak rih bawk a ni. 

PAGE - 4

KEIMAHNI :

Hlimkhawpui Budget
    Hlimkhawpui  Sept. & Oct.. 2017  thla Budget  pe tla tawh te:
1.    Kapdaia Sec.    2. Vawmphunga Sec.
3. Saichhuma Sec.    4. Damvea Sec.
5. Buala Sec.    6. Lalsavunga Sec.

Buala Section
    Vengchhungah chhiat tawk kan awm avangin Section Executive Committee chu a hmun ngaiah Nov. ni 21, 2017 (Thawhlehni) zan 7:00 sawn a ni tih kan in hriattir e.

Miharsa insak kal mek zel
    Pi Lalsawmliani insak chu chhunzawm zel a ni a,Nov. ni 14, 2017 khan Damvea Sec. te hnatlangin bangrel vuah, inchhun siam, chokut siam, inchhun hlan leh chum vuah te an thawk a ni. Tin,  Nov. ni 16, 2017 khan Vawmphunga Sec. te thawkin a rel siam leh kawmchhak laih te an thawk a, Nov. ni 17, 2017 ah Kapdaia leh Saichhuma Sec te hnatlangin an thawkchhuak a, anni hian bangpin, skriting brick rem, lei laih leh choka nem puk rel siam hna te an thawk a ni.  Nov. ni 18, 2017 hian Buala leh Lalsavunga Sec ten a chung chih, kawmchhak laih, ekin khur laih leh Skriting brick rem te chu thawh tura ruahman niin he thu buatsaih lai hian an hnathawh dan hriat hman a ni lo.
    Nov. ni 20, 2017 hian Damvea leh Vawmphunga Sec. te an hnatlang leh ang a, hnathawh dan tur chin hriat a la nih loh avangin la in hrilh hriat tur a ni ang. Hnatlang te hian rawra, balu, cement leh brick thiar hna te an thawk zel bawk a ni.
    Thil pek hlan tute :- Pu Lianhmingthanga (BS) - ` 1000, PHED Chhimphei Section - ` 1000, Hlimen sazuar Assn. - ` 2000,  Pu Zonuntluanga (SCS) - ` 1000, Pu Ro\huama (BS) - `1000, Pi Ngai\huami (KD) - ` 500, Pu Lalthantluanga(VP) - ` 500, Pu Lalramchuana (BS) - ` 100 + chartin 2, Pu Zautea (VP) - Chartin 1. Pu Lalnghakliana (SCS) - chartin 1, Pu V. Thanchhinga (SCS)- dui dui 2, Pu Rozuala (SCS) - Cement 2 bags. Heng bakah hian hnatlang hman lo inhlihna ei leh in bakah pawisa thawh engemawzat an awm bawk.

Advertisement.....

Bluesky Communication
    Broadband tariff :
    Monthly Plan    Download &Upload    Rate (Rs)
    512Kbps    Unlimited    550
    1 Mbps    Unlimited    950
    2 Mbps    Unlimited    1900
    3 Mbps    Unlimited    2800
    4 Mbps    Unlimited    3800
    5 Mbps    Unlimited    4750
    6 Mbps    Unlimited    5700
    7 Mbps    Unlimited    6650
    8 Mbps    Unlimited    7600
    9 Mbps    Unlimited    8550
    10 Mbps    Unlimited    9500
Optical fiber P2P thlang tan ` 5200 sen ngai a nih laiin ` 3000 in kan tih sak thei e. Tin, Wireless (RF) thlang tan ` 5350 a nih laiin ` 3000 bawk in kan tih sak theih bawk  e.
Contact :9612738845  Add : Upper Khatla , MG Road
(2-2)    Email : blueskycommunicationsp@gmail.com

Kan Then tak

 
        Nuchhungi  kum 85
    Pi Nuchhungi hi kum 1932 khan Pu Than\huama(L) leh Pi Zauthangpuii(L) te inkarah an fa 7-na ni turin a lo piang a, an unau hi 8 niin mipa 1 leh hmeichhia 7 an ni.
    Sept. ni 24, 1964 khan Pastor Liangkhaia kutah Sikula nen inneiin fa 6, mipa 3 leh hmeichhia 3  an nei a,   tu 11 an nei bawk.
    A pasal Sikula nen hian Pathian hruaina in nupa kawpchawi rem tak an ni a, an inneih Golden Jubilee pawh Sept. ni 24, 2014-ah khan a tu leh fa ten an lawmsak nghe nghe a ni. Hetih lai hian a pasal Sikula chu damlo chak lo tak a nih tawh avangin hemi kum vek Oct. ni 5-ah chatuan ram a lo pansan tawh a ni.
    Pi Nuchhungi hi mi taima tak mai a ni a, hna thawk lova awm thei lo a ni. Kut hna thawkin a tu leh fate a chawm seilian a,  huan lo ram enkawltu ber a ni. Pathian rinna lam kawngah pawh a phak ang tawk tawka inpe ve mi a ni a, Biak In a thlen theih lohna hi a rei hle tawh a, nikum June thla a\ang phei kha chuan a pawnchhuak thei ta meuh lo a ni.
    Hun rei tak a\ang khan thisen sang a nei \hin a, May, 2016 khan Stroke in a awm a, June ni 6, 2016 khan Bethany Hospital-ah karkhat vel enkawl a ni a, hemi hnu hian In lamah enkawl chhunzawm a ni a, a fanu tê ber Zoparmawii te in Model Vengah damdawi tlan te pawhin a va awm \hin a ni. |hatchhuah tak tak erawh a nei thei lova, zawi zawiin a hniam hret hret a, chaw erawh tlem tlemin a ei ve reng a,  Nov. ni 15, 2017 zing chaw a ei ta lova, biak theih lova awm chhunzawmin Nov. ni 16, 2017 zingdar 3:40 -ah hahdam takin min lo chawlhsan ta a ni.

Advertisement....

Archaw |ha
    Pi Nuzawni Bldg. Damvengah Archaw quality \ha chi hrang hrang Bag 1 (50kgs) ` 2,000 in kan zuar e. A Kg-a duh tan pawh 1kg ` 45 in kan nei bawk. Vawkchaw atan pawh duhthusam a ni e.
    Sd/- Secretary
    Hlimen Poultry Farming Coop. Society Ltd.
(2-2)    Hlimen

F.K. SEPTIC TANK Service
    Septic Tank khat paihfai,   soak pit hlui leh a thar kan siam theiin, pipe fiting, commode block kan thawk thei reng e. Motor kan nei a, kan rate a tlawm.
    Rate - Inbiak remna
    Regn. No.: MSR 524 of 15.07.13
(10-4)    F.K.A  Ph: 8258058563, 9615920739

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-4)    VL-a,  Ph.No : 9402344486, 9615266170

Sahmulphah thla Ni 11, 2017, Issue No. 45

PAGE - 1

TUALCHHUNG :

Damlo : Pu Lalthangpuia H/o Zothanpari, Saichhuma Sec. a mi chu khawsik avangin Urban UPHC, Hlimen-ah enkawl a nih hnuin Civil Hospital ah refer a ni a, thawhtanni lamah Admit tur a tih a ni.

##    Pi Lalzawni W/o Lalthianghlima, Buala Sec. a mi chu Typhoid avangin Nov. ni 8, 2017 khan State Referral Hospital, Falkawnah admit  niin enkawl mek a ni.

##    Pi Lalsangi W/o Vanlalnghaka, Vawmphunga Sec. a mi chu Nov. ni 8, 2017 khan State Referral Hospital, Falkawn-ah a rilphir zai a ni a, tunah in lamah enkawl mek a ni.

##    Pu Ramherliana H/o Lalnunpuii, Vawmphunga Sec. a mi chu Nov. ni 8, 2017 khan Greenwood Hospital-ah a Spinal Chord zai niin Hospital lamah hian enkawl mek a ni.

Medal la : Mizoram State High School Games neih mekah Lalremsiama S/o Lalmuanpuia, Kapdaia Sec. a mi chuan Long Jump-ah Gold medal lain Tripple Jump-ah Bronze medal a la bawk. Lalremsiama hian Aizawl District High School Games ah pawh medal pathum ngawt a lo la tawh a ni. A hlawhtlina kan lawmpui tak zet zet e.

Mizoram aiawhin : National Senior Taekwondo  Championship Nov. ni  23-26, 2017 a Jammu & Kashmir a khelh turah CMTC, Hlimen Player Lalfakzuala S/o Lalhmingmawia leh Lianthangpuii D/o Lalhmangaiha te chu Mizoram aiawh a khel tura thlan niin Nov. ni 19, 2017 ah an kal ang.
    He Game hi Asian Game selection a ni nghal dawn a ni.

Lirthei parkna : Local Council ten lirthei dahna mumal nei lo te tana a buatsaih Quarry a parking place an siam chu khawih mek zel a ni a, Quarry kawng chu chhak lamah laih zuah niin a \hen chu a chawrdawrh deuh tura ruahman a ni a, harsatna dang a awmlo a nih chuan tunthla chhung ngei a peih hman an tum niin thu kan dawng.

Hlimen Shuttlers : Hlimen Shuttlers te chuan MBL 3 a an Match hmasa berah Nov. ni 13, 2017 (Thawh\anni) zan dar 5:00 hian Tuikual nen Electric YMA hall ah an inkhel dawn a, veng mipui atam thei ang berin i \awiawm ang u.

HEADLINE :

Mi harsa insak a ni
    Pi Lalsawmliani Kapdaia Section a mi chu sawrkar duhsakna dawngin an chenna tur insakna (Housing for all Sheme hnuaiah) atan sum an dawn tir ve a. Mahse, in han din tur meuh a an tha leh ngaihtuahna in a tlin dawn lo a an hriat avangin YMA kutah a rawn tlu lut tawp a, YMA chuan mangangte \anpui chu a tih tura ngaiin Committee chuan sak sak ngei nise a tih angin hma a la ta a ni.
    Branch YMA hmalakna hian veng chhunga mi \hahnemngai leh inphalte, YMA Member mahni hna \ul kalsana thawkchhuak te zarah miharsa in hi engemaw zat sak a lo ni tawh a, tun\umah pawh hian mi inphal leh \hahnemngai te zarah tluang taka thawh a nih ngei Branch YMA chuan a bei sei tlat a ni.  Pu Duhthusama Adviser, Branch YMA leh Pu Ngurchhuana Mistiri, Damvea Sec. a mi te kaihhruaina hnuaiah Pi Lalsawmliani in tur hi sak mek a ni.
    Section hnatlang a inthawh chhawk zel niin member thawkchhuak pawh kan \hain kan thawkrim hlawm hle mai a, a thawk leh zel tur te pawh \hahnemngai taka thawhchhuah tum nise, abik takin Mistiri te he hunahhian kan pawimawh hle a ni. Nov. ni 9, 2017 (Ningani) a\angin thawh a ni a, hemi ni hian Kapdaia Section te bul \anin a hmun hma tifaiin ban thlang 3 phunin bungraw thiar ngaite an thiar a, a tuk zirtawpni ah Branch Committee leh Buala Section thawk lehin ban khur laih leh lung thiar leh thlang lam lungrem te an thawk a ni. Inrinni hian Saichhuma Section ten an chhunzawm leh a ni.
    Sum leh pai an dawn te \hahnem tak a nih loh avangin thilpek (pawisa, thingzai, hnatlang ei leh in tur) pe duh kan awm anih chuan hruaitu te hnenah pek theih reng a ni.
    Hetiang hian kar lehlam a Section te inhnatlan chhawk dan tur ruahman a ni:-
    Nov. ni 13, 2017 (Thawh\anni)    -    Damvea Sec.
    Nov. ni 14, 2017 (Thawhlehni)    -    Vawmphunga Sec.
    Nov.ni15, 2017 (Nilaini)    -    Lalsavunga Sec.
Pi Lalsawmliani in hi a dung 24 Fts, a vang 12 Fts a lian a sak tur a ruahman niin a ban hi RCC a chhun a ni a,  a chhuat chu leichhuat, Cement a zut tur a ni anga, a Skirting chin chu Brick a rem tura ruahman a ni bawk.
    He chanchinbu buatsaih lai thlenga tha lut tawh zat chu tha 69 a ni. A chunga tarlan anga natlan dan tur routine siam a kual zawh hnua insak hi zawh a la nih loh chuan hruai tuten ruahmanna thar an siam leh ang. 

PAGE - 2

EDITORIAL :

      LAWMTHU SAWI HI
    Chhiat/\hat kan tawh changte, buaina leh harsatna kan chunga a lo thlen changte a min thlamuan a min puibawmtu te hi an hlu \hin teh e tiraw??
    Kan lawmthu \awngkam thiam takin kan sawi mawlh mawlh a, \henkhat chu \awngkam thiam lo leh zakzum, lawmthu sawi chhuah mai ngaihna pawh hrelo an tam bawk. Mihring zia a inang lova, kan inhriat thiam tlan pawh a \ha hle awm e.
    Ka’n sawi duh ber ta chu, lawmthu hi kan sawi anga, kan la sawi zel bawk ang. Amaherawhchu, \awngka mai hi tawk lo sela, kan lawmthu chu thil tiha kan lanchhuahtir hi a pawimawh hle. Kan chunga an \hatna te kan rulhletna \ha ber a ni bawk.
    Chhhiat/harsatna kan tawh a kan tana fel leh \ha, mi tlawmngai tak takte \anpui an ngaih ve hunah kan thlahthlam thiang lovang. Lawmthu sawi hluak hluak a, kan lawmthu sawinate kan ngahsak zui leh \hin si lo hi a pawi a ni.
    A bikin chhiat tawh (thihna) kan chunga a lo thlenin \awngka leh chanchinbu-ah te kan chhiat tawh a chungah lawmthu kan sawi chiam \hin. Rulh let nachang hria erawh kan tlem hle mai. A bikin YMA chungah lawmthu kan sawi chamchi \hin a, kan lawm takzet a nih chuan YMA Activities hrang hrangah a hma aiin kan tel tam tur a ni ang. Kan \henawm khawveng chungah lawmthu kan sawi a nih pawhin tunhma aiin \henawm \ha nih kan tum tur a ni. Chu chu lawmthu sawi dan dik tak tur chu a ni.

Y.M.A. CENTRAL CO-ORDINATION COMMITTEE (CCC) MEETING VAWI 85-NA neih a ni
    Nov. ni 8, 2017(Nilaini) khan Central YMA Hall-ah Central Coordination Committee neih a ni a, mi 167 an tel. Hemi huna thurel pawimawh zualte chu ahnuai a tarlan hi a ni e :-

II. 71st 2017 YMA General Conference thlirletna : 71st YMA General Conference chu thlirletna hun hman niin thlirletna atangin hengte hi chhinchhiah ni se,  thlirletna hre reng hian Conference Programme siam theih ni se -

1.    Conference Programme hi a rei deuh, Solo Item hi tihtlem deuh ni se.
2.    Rorel Palaite kan teirei peih lo deuh.
3.    General Conference-a chanvo insem dan hi ennawn leh \ha  tih a ni.
4.    Finance Report a rei deuh.
5.    Conference felfai tak hman a ni thei kha a lawmawm.
6.    Hruaitute \hutna siam chungchangah hruaitute tan kokim zawka \hutna insiam sak theih ni se.
7.    Conference kalte a paltlang Branch YMA ten min lo buaipui \hin hi a lawmawm.
8.    General Conference uar leh zuala kal tura infuih thar ni se.
9.    Central YMA Office Bearers inthlan chungchang kan thlirlet a, tluang takin inthlanna hun hmana ni thei a, thianghlim taka inthlanna neih zel theih nan fimkhur tlan zel ni se  tih a ni.
10.    General Conference hlim leh muanawm taka hman a ni kha a lawmawm.

III. YMA General Conference thurel bawhzui chungchang :
A. YMA KHAWIH :
(1) ‘Mizo Lengkhawm khawhar hla kan neihte hi \hangthar ten a thluk an hriatreng theihna turin Solfa-a a thluk dan dah a nih theih nan Central YMA-in hma la rawh se’ tih chu sawi ho niin CEC-in fimkhur thei ang berin hma lo la se tih a ni.
(2) ‘Hlo tur leh rannung thahna hlo  hmandan hi fimkhur tak leh a nihna tur ang taka hman anih theih nan Central YMA in hma la rawh se’ tih chu sawi ho a ni a, sawihona hrerengin CEC-in hma lo la se tih a ni.
(3) ‘Ruihhlo ngaite chhanchhuahna tur Rehabilitation Centre tha leh changtlung tak neih a nih theih nan Central YMA-in hma la rawh se’ tih chu sawiho a ni a, CEC-in hma lo la se tih a ni.
(4) ‘Mizoram chhunga Central leh State Institution hrang hrang awm ah hian Mizoten Seat tam zawk kan chan theih nan leh kan Seat neih sa te kan luahkhah ngei theih nan Central YMA-in hma la rawh se’ tih ch sawi ho niin CEC-in chak takin lo bawhzui se tha tih a ni.
(5) ‘Mizoram hmun hrang hranga inkalpawhna kan neihte hi tun aia \ha leh changtlung zawk a siam anih theih nan Central YMA-in hma la rawh se’ tih chu CEC-in hmala  se tih a ni bawk.

B. SAWRKAR KHAWIH :-
(1) ‘Tun aia kan lo intodelh theih zawk nan, thingtlang a\anga thlai tharte khawpui chhunga zawrhna tur, Sawrkarin ngaihtuah rawh se,’ tih chu  sawiho niin CEC-in hma lo la rawh se tih a ni.
(2) ‘Mizoram leh Bangladesh ramri khauh taka venhim a nih theih nan, Sawrkar-ah ngen ni rawh se,’ tih chu ngun taka sawiho niin CEC-in hma lo la rawh se tih a ni.
(3) ‘Dan lo anga din, Chakma Autonamous District Council (CADC) hi dan anga \hiah a nih theih nan, Central YMA-in hma la rawh se,’ tih chu sawiho niin CEC-bawhzui atan dah a ni.
-Phek 4 na-ah chhunzawm a ni.

PAGE - 3

HRIATTIRNA :

LC hriattirna
1. Kar leh atang hian quarry a lirthei dah duh te chu Local Council office ah in report theih a ni ta e.
2. Kawngpui a lirthei silna thli luan tir thei zawnga lirthei engchi mah sil phal a ni lo a, a bikin veng chhunga tuipump/tuikhur a lirthei sil thin ten hei hi zawm ngei tur a ni.

Sd/- Lalhmingliana, Chairman. LC

Hriattirna
    Pu Laldailova S/o  Darngena (L) of Hlimen, Aizawl hian a LSC/House Pass/Shop Pass/Stall Pass/P.Patta No. AZL -970 of 1983 of Hlimen Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetianga  LSC/House Pass/Shop Pass/Stall Pass/P.Patta pek chhuah leh a lo nih chuan  LSC/House Pass/Shop Pass/Stall Pass/P.Patta hmasa chu cancelled nghal a ni.

    Sd/- Director
    Land Revenue and Settlement
    Mizoram : Aizawl

Hriattirna
    Pu Laldailova S/o  Darngena (L) of Hlimen, Aizawl hian a LSC/House Pass/Shop Pass/Stall Pass/P.Patta No. AZL -32 of 1985 of Hlimen Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetianga  LSC/House Pass/Shop Pass/Stall Pass/P.Patta pek chhuah leh a lo nih chuan  LSC/House Pass/Shop Pass/Stall Pass/P.Patta hmasa chu cancelled nghal a ni.

    Sd/- Director
    Land Revenue and Settlement
    Mizoram : Aizawl

Advertisement....

Zosang Clinic
    Nerve \ha lo, Ruhseh, Zeng, Kawng na, Khup na, Tha na, Tihrawl na, Nghawng na, Ban na..
hetiang lama harsatna nei tan
PMR Doctor Specialist
tlai dar 4 a\angin a rawn theih e.
Physiotherapy leh Pharmacy a awm nghal e.
Below Punjab Bank, Near SAMSUNG PLAZA
Sikulpuikawn, Mission Veng
(1-1)

Kan zuar e
Brick No. 1 pakhat (1) ` 11 in kn nei reng e. Tin, Bagha Balu \ha |in 1 `  50 zelin leitur kan nei bawk e.
- Rozuala
Hlimen, Venglai.

LAWRKHAWM :

Chhiatni Report
    Pi Thangkungi puala buhfai leh pawisa khawn khawm dan leh thlanlaih dan ziaka hmuh theih chin :-
      Section                Chhungkua    Pawisa    Buhfai    Thlanlai
                       
    Buala                         134           1220         149           29           

    Damvea                     107            900         110            11
    Kapdaia                     130            940         124           14
    Lalsavunga                 36            330           37             5
    Saichhuma                117         1,020        134             8
    Vawmphunga              39           350          41              2
    Total                          563        4,760       595            69
    Saichhuma Sec. hi chhiattawk Section an ni.

UPHC Report
    Nov. ni 4 - 10 Nov., 2017 chhunga UPHC Hlimen pan dan hetiang hi a ni :-
OPD    -    135    Emergency    -    3    Dressing    -    19    Naupiang zat    -    nil
Naupai en zat    -    12    Refer    -    1    BP sang    -    6    Zunthlum    -    2
Khawsik    -    20    Kaw\halo    -    5
Hritlang    -    24    Kum 6 hnuai lam en zat - 23
    Nov. ni 9, 2017 khan PMSMA hman a ni a, naupai 12 an inentir.

Chhiat tawh a chunga lawmthu
    Kan ni Zoramthangi’n Oct. ni 31, 2017 a min boralsan chung changah leh a damloh chhunga in \hatna leh in mi hmangaihna zawng zawngah lawmthu sawi tur kan va ngah em. Mahse sawi sen a ni si lo. Tar kum 80 tling tawh ni mah se a boral ni a \halai ang maia in chawimawi dante, a thlahna/vui ni a in \hat dan leh a hnu vawiin/tun hun thleng a kan khawhar hlau a in mi hmangaihna in lantirna sum leh pai mai bakah in hun hlu tak in sen tam zia te kha kan hre reng, mahse kan rul let thei dawn si lo. Kan lawm em em a ni tih hi YMA, Kohhran leh khawtlang mipuiten in hnen a sawi angah min lo pawmsak mai teh u.
    In khawngaihna dawngtu,
    Zohmangaiha te chhung
    Saichhuma Section

Lawmthu sawina
    Aizawl South III Bialtu MLA Pu K.S.Thanga, Minister ni bawk chuan a Fund a\angin Zun in siamna tur ` 50,000 min pek avangin Vengchhak Football Club ten lawmthu kan sawi a. Zunin hi Pu N.Zodinpuia te kawmchhak kawng sirah \ha taka siam a ni.
Sd/- President
Vengchhak F.C.

|anpuina lut |an
    Pi Lalsawmliani insak mekah heng mite hnen a\ang hian \anpuina sum Branch YMA chuan a dawng :- Pu Lianhmingthanga ` 1000, PHED Chhimphei Section ` 1000. Heng mite bakah hian ei leh in tur thawh mi engemaw zat an awm bawk.
    Tin, \anpuina pawisa hi thawh theih kan awm chuan Branch YMA hruaitute hnenah a pek thei reng a ni.

PAGE - 4

KEIMAHNI :

Hlimkhawpui Budget
    Hlimkhawpui  Sept. & Oct.. 2017  thla Budget  pe tla tawh te:
1.    Kapdaia Sec.    2. Vawmphunga Sec.
3. Saichhuma Sec.    4. Damvea Sec.
5. Buala Sec.    6. Lalsavunga Sec.

YMA in ral
    Nov. ni 4, 2017 zan khan  Branch YMA chuan Pi Thangkungi ralna hun a hmang a, a ralna pawisa tling khawm ` 7,515 chu a chhungte hnenah hlan a ni. Pi Thangkungi chhungte hian a \ul apianga Branch YMA in a hman atan puan 2 an hlan let bawk.

Buala Section
    Nov. ni 14, 2017 (Thawhlehni) zanah Section kumtawp Committee Tv. Lalkhawmawia te Inah neih tur a ni a, Section inthlahna leh lawmman semna hunte neihnghal tur anih avangin Committee member ten ngaipawimawh turin kan inngen e. Kohna hmu lo palh kan awm nih pawhin hei hi kohna a ngaih tur a ni e.
    Tin, Section chhunga ui vulhtu ten Locket la lo kan la awm a, khawlaiah  Locket awrh lo ui hmuh a nih chuan ui chuang a ngaih a ni tawh dawn a, ui chungah eng thil pawh thleng se a neituin a sawi buai thei lo ang.

Article chung chang
    Thuchhuah tur dang pawimawh tak tak a tam \hin avangin Article chhuah tur kan dawn te pawh kan rawn tichhuak thei lo va. Hunremchang hmasa berah tihchhuah tum a ni e.

Advertisement....

Archaw |ha
    Pi Nuzawni Bldg. Damvengah Archaw quality \ha chi hrang hrang Bag 1 (50kgs) ` 2,000 in kan zuar e. A Kg-a duh tan pawh 1kg ` 45 in kan nei bawk. Vawkchaw atan pawh duhthusam a ni e.
    Sd/- Secretary
    Hlimen Poultry Farming Coop. Society Ltd.
    Hlimen

Bluesky Communication
    Broadband tariff :
    Monthly Plan    Download &    Rate (Rs)
        Upload
    512Kbps    Unlimited    550
    1 Mbps    Unlimited    950
    2 Mbps    Unlimited    1900
    3 Mbps    Unlimited    2800
    4 Mbps    Unlimited    3800
    5 Mbps    Unlimited    4750
    6 Mbps    Unlimited    5700
    7 Mbps    Unlimited    6650
    8 Mbps    Unlimited    7600
    9 Mbps    Unlimited    8550
    10 Mbps    Unlimited    9500
Optical fiber P2P thlang tan ` 5200 sen ngai a nih laiin ` 3000 in kan tih sak thei e. Tin, Wireless (RF) thlang tan ` 5350 a nih laiin ` 3000 bawk in kan tih sak theih bawk  e.
Contact :9612738845  Add : Upper Khatla , MG Road
    Email : blueskycommunicationsp@gmail.com

Lawrkhawm chhunzawmna....
Lalsavunga Park Duty tur te
Nov. ni 12, 2017 (Pathianni) :  1. Pu Lalroliana. 2. Pu R. Lalbiakmawia 3. Pu Vanlalliana 4.Pu K. Lalremruata 5. Pu Lalthantluanga. 6. Pu Lalnunhlimpuia (DV) 7. Pu Lawmtluanga (DV) 8. Tv. Lalchhanhima (DV).

Nov. ni 19, 2017 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David vanlalhuma 6.Pu Zolianchhunga 7. Pu Lalbiaksanga. 8. Tv. Lalromawia. 9. Tv. Zonunkima

Joint Meeting nei
    Nov. ni 9, 2017 (Ningani) zingkar khan Local Council Office ah Local Council leh Branch YMA O.B te chuan ui khuahkhirh chung changah Meeting an nei a, an thuchhuak hi karleh lamah tarlan tum a ni.

CCC Meeting thurel chhunzawmna.......
IV. FIR Thehluh thu :
    Paristo Chakma in YMA ten Chakma Autonomous District Council (CADC) \hiah zawh hnua dik lo taka kan unaute Lai leh Mara Autonomous District Council \hiah tum nia Social Media-a a thehdarh thu chu CCC Meeting vawi 85-na chuan \ha lo a ti a, dik lo taka YMA Social Media a YMA puhtu Paristo Chakma lakah hian FIR (First Information Report) thehluh ni se tih a ni.

V. KUMPUAN - RAM LEH HNAM HUMHALH :
Kumpuan ‘Ram leh Hnam Humhalh” chungchang sawiho a ni a, CEC-in lo bawhzuiin Kumpuan kaihhruainate pawh lo siam se tih a ni bawk.
    CCC Meeting ei leh in hi Tuikual South Branch YMA-in a buatsaih sak a, A lawmawm hle.

Advertisement....

Sahmulphah thla Ni 4, 2017, Issue No. 44

PAGE - 1

TUALCHHUNG :

Boral :  Pi Zoramthangi W/o Selkima(L), Saichhuma Sec. a mi chuOct. ni 31, 2017 (Thawhlehni) khan Lungna avangin a boral, a ruang hi lumen niin a tuk Nov. ni 1, 2017 khan vuiliam a ni.

##    Pi Thangkungi M/o Zonuntluanga, Saichhuma Sec. a mi chu Nov. ni 2, 2017 (Ningani) khan Cancer natna avangin a boral. hemi ni vek hian vuiliam a ni.

Damlo :  Pu F.Laltlanmawia W/o Zomuanpuii, Buala Sec. a mi chu thin lam \ha lo avangin State Referral Hospital, Falkawn-ah hun engemaw chen enkawl a nih hnuin Newlife Hospital-ah sawn niin enkawl chhunzawm mek a ni.

##    Lalmuanpuii D/o Lalroliana, Kapdaia Sec. a mi chu Pneumonia avangin hun engemaw chen UPHC ah enkawl a ni a, tunah inlamah enkawl chhunzawm mek a ni.

Hmala \an :   Oct. 31, 2017 a\ang khan SIPMIU ten kan veng chhungah pipe phum hna an rawn thawk \an ta a, vengthlang chuanhnuai an khawih mek a ni.

Pipe siam tha :  Quarry lam chawmtu pipe line chhia chu Nov. ni1, 2017 khan PHED thawktuten an siam\ha leh ta a, siam\hat a nih hma ni chiah hian Local Council, PHED thawktute leh Kapdaia Section member \henkhat ten hnatlang neiin hnatlang tha bakah Pu Lalhmingliana, Chairman L.C JCB  in Pipe line hi hailangin siam\hat mai thei a dah a ni.

Bial Rally :  Nov. ni 3-5, 2017 hmangin Salvation Army te chuan Central Corps, Kulikawnah Central Corps CO Bial Rally an nei a, Hlimen Corps a\ang pawhin kal an \hahnem hle. 

YMA in ral : Oct. ni 28, 2017 zan khan  Branch YMA chuan Tv. Pazawna ralna hun a hmang a, a ralna pawisa tling khawm ` 6,870 chu a chhungte hnenah hlan a ni. Tv. Pazawna chhungte hian a \ul apianga Branch YMA in a hman atan puan 2 an hlan let bawk.
    Tin, Nov. ni 2, 2017 zan khan Branch YMA chuan Pi Zoramthangi ralna hun a hmang a, a ralna pawisa tling khawm ` 7,920 chu a chhungte hnenah hlan a ni. Pi Zoramthangi chhungte hian a \ul apianga Branch YMA in a hman atan puan 2 an hlan let bawk.

HEADLINE :

Sikpui kut hman a ni dawn
    Branch YMA Committee in a lo rel tawh angin Dec. ni 2, 2017 hian Mualzawl-ah Sikpui Kut hman a ni leh dawn ta. Infiamna hrang hrang hmangin Section tinte inelna buatsaih a ni dawn a, zing dar 9:30 ah Programme \an tur a ni anga, Section tin a\angin hnamlam an duhzawng \heuh an entir dawn a, Tv. Rosangzuala leh Nl. Zothanpuii te zai ngaihthlak tur a awm bawk ang. Section tinte intihsiakna tur chu hetiang hi a ni e :-

ITEMS  : MIPA
1. INHRUIPAWH : Section tin atangin Mi 8 inthlan chhuah tur a ni ang a, an rihzawng belhkhawmin Kg 540 a khum/pel tur a ni lo thung. Incharge : Pu R.Lalbiakmawia & Pu Zoramhmangaiha.
2. LUNGDEN : Section khat atangin mi 3 zel a chhuah theih ang. Incharge : Pu R. Laltanpuia & Pu R. Zoliana.
3. INSUKHERH  : Section tin atangin mi 2 zel a chhuah theih ang. Incharge : Pu Lalroliana & Pu Lalremmawia.
4. KALCHHET INKAL SIAK  : Section tin aiawh mi 2 chhuah tur a ni ang a; kalchhet hi section ten mahni intum tur a ni. Kalchhet san zawng hi Incharge te berawna siam tura tih a ni. Incharge : Pu Lalrinchhana & Pu Laldawngliana.
5. SACK RACE  : Section tin atangin mi 3 chhuah tur a ni a, Buara hi mahni section theuh intum tur a ni. Incharge : Tv Zonunsanga & Tv C. Lalnunmawia.

ITEMS : HMEICHHIA
1. INHRUIPAWH : Section tin atangin Mi 8 inthlan chhuah tur a ni ang a, an rihzawng belhkhawmin Kg 480 a khum/pel tur a ni lo thung. Incharge : Pu R.Lalbiakmawia & Pu Zoramhmangaiha.
2. KAWI INKAH SIAK  : Section tin atangin mi 5 theuh chhuah tur a ni. Kawi hi mahni section intum theuh tur a ni ang. Incharge : Nl Zochuanpuii & Nl Lallawmkimi.
3. BUH INTHLEI SIAK  : Section tin atangin hmeichhe kum 25 hnuaiaia upa lo mi 3 zel chhuah tur a ni. Incharge : Pu Lalhmuchhuaka & Pu C. Lalhmingthanga.
4. MUSICAL STOOL : Section tin atangin mi 2 zel chhuah theih a ni ang. (Musical Chair tih kha, a chair lai tak aiah Stool ti-a thlak a ni e) Incharge : Pu Robuanga, Nl B.J.Zonunmawi & Pu Andrew C.Lalrinchhana.
    Hemi zan dar 7:30 hian Mualzawlah Programme hman tur a ni ang a, Tv. R.Lalawmpuia Asst.Secy. in a kaihruai ang a, Nl. BJ Zonunmawii Br. Commtt. Member in hunserh a hmang ang. Tv. Zonunkima, Saichhuma Sec. in Hlado a chham anga, Section tin aiawh mi 1 \heuh ten Silai kapin tlang an tlir ang. Tin, Pu Lalhmuchhuaka Preisent thusawina hun a hmang anga, Tv. Lalhriatpuia (VP), Nl. Laltlannungi(LSV), Tv. Lalrempuia(DV), Pu Laltleipuia(BS) leh Tv. Vanlal\hasanga(KD) te hnen a\angin zai ngaihthlak a ni ang. Hemi zan hian Buala Sec. te zai an kaihruai ang a, Section pual Item, Local Council Award sem leh Debate ngaihthlak a thlir tur a awm bawk ang.

PAGE - 2

EDITORIAL :

             KHUA LEH TUI |HA
    Khua leh tui \ha ni tur hian thil tam tak leh harsa tak tak kan va tih hi a ngai  ber awm love, khua leh tui \ha kan nih theih lohna nachhante hi thil dang vak a ni lo in a lang. Kan nitin nuna midangte nena kan khawsak hona ah te, kan in\henawm khawvenna ah te, \anpui ngai \anpui kawngah te midangte khum a chet a har a ni mai thei. Mahse mi ruala kal erawh thil harsa niin a lang lo. Hetiang a kan nun kan hman hian khua leh tui \ha kan ni mai lo maw??
    Khua leh tui \ha ni tur chuan dan hriat a pawimawh em em a. Thilsual titu hremna dan ‘Indian Penal Code’ a awm a, thil sual lian tham titu te man dan tur kaihhruaina ‘Criminal Procedure Code’ a awm bawk a, a tenau deuh man dan tur kaihhruaina ‘Civil Procedure Code’ a awm bawk a ni. Kan nitin khawsak phungah thil hote anga kan ngaih; dan anga hrem tuar theihna khawp thil a awm nual thei a, dan hriatna lamah hian kan beng kan chhit a ngai hle mai.
    Tin, khua leh tui \ha ni tur chuan dan leh thupek kan zah a, kan zawm a ngai a. Khawtlang tana hnawk leh buaipui ngaiin kan awm tur a ni lovang. Khawtlang hruaitute zah thiam ila, khawtlang leh \henawm khawvengte tan hnawksak leh phunnawina siamtu ni lovin khua leh tui kan nih angin kan chunga tih tur lo tla chu kan hlen \hin a pawimawh hle a ni. Mitin ten khua leh tui kan nihna kawngah eng dinhmunah chiah nge kan din tih inchhut nawn fo ila, midangte tana malsawmna ni turin theihtawp i chhuah ang u.

KAN |HEN TAK :
Zoramthangi (Kum 83) :

 
Pi Zoramthangi hi May ni 5, 1935 khan Pu Khuangduha (L) leh Pi Lalnghinglovi (L)te inkarah a lo piang a, an unau hi mipa 6 lehhmeichhia 2 an ni a, a upa ber dawttu a ni.
    Kum 1954 khan R. Selkima nen an innei a, an pa hian kum 1995 March ni 29 khan a lo boralsan tawh a ni. Pi Zoramthangi hi mi ngilnei leh hmangaihna ngah tak a ni a, mi sawisel leh hauh hi a nei ngai lo a ni. A pasal R.Selkima hi Assam regiment a nih avangin a hun tam zawk hi State dangah, a pasal awmna apiangah a awm ve \hin avangin Hlimen ah hian a awm tam lo hle a ni. A pasal pension hnuin Hlimen-ah in leh lo neiin an inbengbel ta a ni.
    Kum 2008 khan kawtlaiah tlu sual palhin a ke rek ruh a titliak a; kum 2011 khan inchhungah a chesual leh a, a khel bawr a sawhna a, hun engemawchen a bawksawp hnuah natna dang - thisensang leh zunthlumin a tlakbuak leh a, damdawi inah pawh admit niin a \ha chho viau a, hemi hnu hian lunglam \hat lohna te a neih belh zel a, a zunthlum leh thisensang pawhin zual lam a panzel avangin amah pawh che hlei thei lovin inlamah theih ang anga enkawl a ni a. Oct. ni 23, 2017 (Thawhlehni) khan State Referral Hospital Falkawn panpui niin admit a ni a, theihtawp chhuah a enkawl a nih hnu pawhin hniam lam a pan zel a, Oct. ni 31, 2017 (Thawhlehni) chawhnu  dar 12 :10 khan min lo hahchawlhsan ta a ni.

Thangkungi (Kum 87) :

 
    Pi Thangkungi hi June ni 6, 1930 ah Upa Zotawna (L) leh Laihnuni (L) te inkarah a lo piang a, a nu hi kum 1932 ah a boral hlauh mai a, tichuan, a pi leh a nu Darneihthangi ten duat takin an enkawl ta a ni.
    An unau hi mipa 3 leh hmeichhia 8 an ni a, a upa lam a\anga pathumna a ni. Jan. ni 28, 1955 ah Phirthanga nen inneiin fa hmeichhia 3 leh mipa 2 an nei a, tu 29 a nei bawk a ni. An nupa hian kuthnathawkin an fate puitling takin an enkawl a, a pasal Phirthanga hian kum 1992 ah a boralsan a, Hlimen Venglaiah a fate bulah a awm a ni.
    Feb. ni 10, 2017 tlailamah pumlam nawmloh avangin chaw a ei peih lova, BN Hospital panpui a ni. Feb. ni 13, 2017 ah Aizawl Hospital panpui leh a ni a, hemi zan hian zai nghal a ni. Damdawi in a\anga a chhuah hnu hian \hiante pawh \hatakin a kawm leh thei a ni. August thla a\angin khum betin a na \an a, October thla-ah a bet zual deuh deuh a, Nov. ni 1, 2017 a\angin nat zual tak takin a na \an a, tichuan, Nov. ni  2, 2017 zing dar 8 ah chatuan ram min pansan ta a ni.

Advertisement...

F.K. SEPTIC TANK service
    Septic Tank khat paihfai,   soak pit hlui leh a thar kan siam theiin, pipe fiting, commode block kan thawk thei reng e. Motor kan nei a, kan rate a tlawm.
    Rate - Inbiak remna
    Regn. No.: MSR 524 of 15.07.13
   
(10-3)    F.K.A  Ph: 8258058563, 9615920739

PAGE - 3

HRIATTIRNA :

Hlimen Civil Pensioners hriattirna
    Kumtina kan tih \hin angin tun November thla hian Treasury ah LIFE CERTIFICATE thehluh leh tur a ni a. Certificate hi Pu Lalngaihzuala Vengthlang hnenah lama, Local Council Chairman Sign tir tur a ni. Tunkar chhung hian Pu Lalngaihzuala hnenah thehluh kim leh vek tur a ni e.
    Sd/- Ro\huama
    Secretary, MCPA Hlimen Branch.

Local Council hriattirna
1. Quarry a leivung paih tur reng reng ten Local Council hriattir hmasa lo chuan paih tawh loh tur a ni a, Local Council te hriattir hmasa lova paih te chungah a \ul angin Action lak a ni ang.
2. PropertyTax la pe lo zawng zawng te chu a ranglama pe thuai turin kan in hriattir bawk e.
Tin, kan venga lirthei engchi pawh nei te chu neih zat leh a lirthei type, Registration No. leh phone No. nen Local Council Office in report tur a ni. Tin, Local Council hriatpuina ( certificate);  lirthei document a tel ngei ngei (khawpui chhunga tlan luh theih leh theih lohna ) tur a awm avangin lirthei neitu ten in report hi ngaih pawimawh tur a ni. Hei hian kan venga mi lirthei neitu te chauh a huam rih ang. Tin, Parking chungchanga harsatna nei te tan Quarry chim area ah Local Council chuan lirthei dahna tur a buatsaih mek tih kan in hriattir bawk e.
Sd/- Lalhmingliana, Chairman. L.C

ADMISSION HAWN A NI
    CMTC Hlimen ten Teakwondo zirna thla thar a\ang hian an hawng leh dawn ta. He khawvel sualna sang zelah ruihhlo lakah leh pawngsual laka inven dante leh tawh sual/misual laka lo inven thlengin kan him theih nan Admission tih theih a ni e.
    Coach : Alan-a & Puitea
Admission tihna tur    :    Pu Lalrinmawia, Manager, Pu Zoramhmangaiha, President, Pu Zolianchhunga, Secretary.

MHIP hriattirna
    Nov. ni 5, 2017 (Pathianni) chawhnu inkhawm banah  an member Pi Zoramthangi ralna hun an hmang dawn.
    Tin, Nov. ni 6, 2017 (Thawh\anni) zan dar 7:00 hian Pi Thangkungi ralna hun an hmang dawn bawk a, member te kim tak kal turin hruaitu ten an ngen a ni.

LAWRKHAWM :

Chhiatni report
Tv. Pazawna puala buhfai leh pawisa khawn khawm dan leh thlanlaih dan ziaka hmuh theih chin :-
          Section          Chhungkua    Pawisa    Buhfai    Thlanlai
                       
    Buala                      113               940         130           14           

 Damvea                     118            1,150         127            2
    Kapdaia                  121            1,040         132            2
    Lalsavunga              24               220           25             -   
    Saichhuma               89              830           92             5
    Vawmphunga           61              470           74             2
    Total                       526           4,650         580            25
    Buala Sec. hi chhiattawk Section an ni.
Tin, Pi Zoramthangi puala buhfai leh pawisa khawn khawm dan, thlanlaih dan leh tlaivar ziaka hmuh theih chin :-
      Section                  Chhungkua     Pawisa    Buhfai    Thlanlai    Tlaivar
   Buala                             128             1,150       144          15            25        

Damvea                            119             1,090       134            5            15
    Kapdaia                        121                990      123            6            16        

Lalsavunga                       33                 330        33             3             5        

Saichhuma                      114                880       126            3            17
    Vawmphunga                57               560         68            4             4
    Total                            554            4,820        610          36           82
    Saichhuma Sec. hi chhiattawk Section an ni.

Sub Committee Chairman-ah
    CYMA Executive Committee chuan Pu Lalhmuchhuaka, Hlimen Branch YMA President chu CYMA hnuaia Sport Sub Committee Chairman atan a ruat thar. Sub- Committee Chairman leh Secretary te hi Central YMA Executive Committee (CEC) member an ni nghal a ni.

UPHC Report
    Oct. ni 27 - 3 Nov., 2017 chhunga UPHC Hlimen pan dan hetiang hi a ni :-
OPD    -    105    Emergency    -    8    Dressing    -    22    Naupiang zat    -    nil
Naupai en zat    -    4    Refer    -    1    BP sang    -    3    Zunthlum    -    2
Khawsik    -    18    Kaw\halo    -    4
Hritlang    -    6
    Nov. ni 9, 2017 hian PMSMA hman leh tur a ni a, naupai thla 4 chunglam inentir leh tur a ni e.

HYAC Anniversary
    Hlimen Youth Adventure Club chuan an kumkhat tlinna (Anniversary) pual in Nov. ni 2, 2017 khan zingkar khan Venglai kawn leh achhehvel tifaiin hnatlang an nei a, hemi hnu hian Lalsavunga Park leh a chhehvel ah intuaitharna leh trainning neiin tlailamah chawhlui an kilho nghal bawk.  HYAC te hian Nl. Lalrintluangi, Mount. Everest pawh lo lawn chhuak tawh chu sawmin Anniversary hi a rawn hman pui a, Hlimen Youth Adventure Club member atan lakluh nghal a ni bawk. Tin, Training hi Lal\hafamkima SYS a miin a rawn pe in member 24 an kal a ni.
    Tin, HYAC te hian sumtuakna petu Pu Lalkunga (L) te chhungkaw chungah te, an thlam phal taka hman tirtu Pu Zairemthanga chungah te leh a thlawna Lalsavunga Park luh phalsaktu Pu Lalduhsanga chungah te lawmthu an sawi tak meuh a ni.

PAGE - 4

MEIKAHNI :

Hlimkhawpui Budget
    Hlimkhawpui  Sept. & Oct.. 2017  thla Budget  pe tla tawh te:
1.    Kapdaia Sec.    2. Vawmphunga Sec.
3. Saichhuma Sec.    4. Damvea Sec.

Special Meeting kohna
A hnuaia hun leh hmun ruat ah hian Branch YMA Exe. Committee Special Meeting koh a ni a, Committee Member ten i ngaipawimawh ang u.
    A hun    :    Nov. ni 5, 2017, 7 :40 PM
            (Inkhawm ban)
    A hmun    :    YMA Hall.
    Sd/- H.Ralkapthanga, Secretary

Kapdaia Section
1. Oct. ni 27, 2017 khan Section Silver Jubilee lawmna hun Palai Picnic Spot ah hman a ni a, member za vel kalin kan hlim tlang hle.  Kan Section jubilee hlawhtlin nan a hun \ha min siamsaktu Branch Committee chungah leh Bus man tlawm taka min hman tirtu Pu F. Zosangzuala (DV) leh Lalthanpuii (KD) te chungah lawmthu kan sawi a, Pu Lalbiakvela (BS) in kan eitur buhfai Bag khat min tumsak bawk avangin a chungah kan lawm tak zet zet bawk e.
2. Pi Chalmawii te chhungkua in Jubilee pualin an chhungte boral ta hriatreng nan steel Almirah \ha tak Section ah an rawn hlan a, an chungah kan lawm hle a ni.
3. Bialtu leh Minister ni bawk, Pu KS Thanga chuan a fund a\angin ` 30,000 information mike tihchangtlun nan min pe a, he fund kan hmuhtheih nana Branch OB te leh Pu Lalremmawia (LSV) ten tha leh zung min sen sak avangin Section YMA te kan lawm hle a ni.
4. Nov. ni 1, 2017 hian Section OB ten Vengthar a dah tur Information Mike an lei thar.
5. Kapdaia Section Secretary Tv. Lalpekthanga chuan engemaw harsatna aneih avangin Secretary hna a chelh chunzawm theih lohavangin Asst. Secy Pu Lalbiakmawian kawp maise kan ti.
6. Ui Locket la tlan lo ten  Section Leader hnenah ` 25 in a ranglam a tlan tur a ni.
7. Nov. ni 10, 2017 zan a\angin Sikpui Kut hman hma zawng chu Pu RC Lalroliana kawtah hnam lam zir tur a ni a, member te kal \heuh turin kan in hriattir e.
8. Kapdaia Section chuan kumin chhung hian Property tihchangtlun nan hian ` 20000 kan lo hmang tawh a, tunah hian ` 30000 senga Property tichangtlung leh turin hmalak mek a ni a, member te\an la thar zel tura inbuatsaih turin kan in ngen e.
9. Section huamchhunga miharsa \anpui nise kan ti a, hemi pual hian Carol neih tur a nih avangin member te zirtawp zan apianga hnam lam zir pahin hla hi zir tel a ni dawn a, lo in buatsaih lawk ila a \ha ange. 

Lawrkhawm chhunzawmna....
Lalsavunga Park Duty tur te
Nov. ni 4, 2017 (Pathianni) : 1. Pu Lalhmuchhuaka. 2. Pu H. Ralkapthanga. 3. Pu Lalhmingliana. 4. Pu Lalremmawia. 5. Pu F. Zosangzuala. 6. Pu N. Zoliansanga. 7. Tv. Lalkhawmawia.  8. Tv. Lalnunmawia.
Nov. ni 11, 2017 (Pathianni) :  1. Pu Lalroliana. 2. Pu R. Lalbiakmawia 3. Pu Vanlalliana 4.Pu K. Lalremruata 5. Pu Lalthantluanga. 6. Pu Lalnunhlimpuia (DV) 7. Pu Lawmtluanga (DV) 8. Tv. Lalchhanhima (DV).

Mizoram Badminton League
     Nov. ni 13-24, 2017 chhunga Electric veng YMA hall a Mizoram Badminton League khel tur ah Hlimen Shuttlers te chuan team list an tichiang ta.
    Oct. ni 27, 2017 zana Player Auction neih ah heng mite team tana khel turin an lei :-
1. Lalmuanawma, Hlimen. 2. Malsawmsanga, Hlimen. 3. Zothansangi, Tuithiang 4. Lalnunpuia, Lunglei. 5. Joseph VL Ringngheta, Kulikawn. 6. Raghu M, Bangalore.
    Tin, heng mite hi Team Official dangte an ni:-
Manager - Rochungnunga, Asst. Manager - Lalawmpuia, Coach - R. Lalbiakmawia, Asst. Coach - Lalruatkima, Physio -  Remruatkima.
    Veng mipui ten kan veng team te khelh hun apiangah atam thei ang berin i \awiawm \hin ang u.

Mitthi pual thil khawn chung chang
     Mitthi an awm a chhungtina ` 10 leh buhfai khawn \hin hi chhungkua tam dan a\anga chhutin a lut  \ha lo hle mai a. Mitthi an awm tih hriat chuan in awmte hnenah mitthi puala thil an rawn khawn tur dahna chang hria ila. A khawntu te pawhin a khawn hun kan hriat a pawimawh hle mai.

Advertisement....

Septic Tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Commode Block leh pipe fitting pawh kan ti thei bawk e. Rate chu inbiakremna ang a ni ang.

(6-3)    VL-a,  Ph.No : 9402344486, 9615266170