Saturday, 8 April 2017

Tau thla Ni 8, 2017, Issue No. 14

PAGE - 1
TUALCHHUNG :
Damlo :  Lalhriatpuia S/o Lal\anpuia, Damvea Sec. a mi chu kawthalo leh luak avangin State Referral Hospital, Falkawn-ah Admit niin he thu buatsaih lai thleng hian enkawl mek a ni.
##    Pi Mami W/o Pu Thangkama, Damvea Sec. a mi chu Ashma avangin Aizawl Hospital-ah Admit niin he thu buatsaih lai thleng hian Hospital lamah enkawl mek a ni.
##    Zohmingthanga S/o Zosangzuala, Saichhuma Sec. a mi chu Electric man avanga a hmai ser chu April ni 3, 2017 (Thawh\anni) khan Civil Hospital ah zai a ni.

Tuak thar :  Lalrinhlua S/o Biakdiki, Saichhuma Sec. a mi leh Vanlalhruaii D/o Lalthianghlima, Buala Sec. a mite chuan April ni 6, 2017 (Ningani) khan damchhunga nupa ni turin ‘tiam tlat e’ an ti.

##    Lalnunsangzuala S/o C.Lalhmingthanga, Kapdaia Sec. ami leh Mercy Lalhriathlui, Lungsen khua te chuan April ni 7, 2017 (Zirtawpni) khan damchhunga nupa ni turin ‘tiam tlat e’ an ti.

UPHC Report : April ni 1 - 7, 2017 chhunga UPHC Hlimen pan dan hetiang hi a ni e :
OPD - 41    Naupai enzat - 6
Emergency - 6    Dressing - 16                     
    April ni 3 & 4, 2017 khan Doctor hi IPPI (Zenghri danna) Sub- Centre leh Clinic a an neihna hmunah a tel ve avangin OPD khar a ni. Tin, April ni 6, 2017 khan ULB's leh MAS member te Staff te nen UPHC Hlimen ah Meeting an nei ho a,damdwi in hmasawnna tur sawi ho ani.
    April ni 11-13, 2017 chhung hian Traning neih a nih dawn avangin OPD khar ani ang.

Church Clerk leh Zirtirtu la thar : Hlimen Presbyterian Kohhran chuan Church Clerk atan Pu Lalmuanawma Ralte Lalsavunga Sec. a mi an la thar a, tin, Presbyterian English School, Hlimen chuan Teacher atan Ephraim R. Vanlalnunpuii D/o R. Lalengzauva (L), Damvea Sec. leh Asst. Teacher atan Zorammuani D/o Lalremruata Vawmphunga  Sec. a mi an la thar bawk.

Pension in chhuak : Pu Laibata Hlimen High School a Craft Teacher chu kum 37 zet Hlimen High School a a thawh hnuin March thla khan pension in a chhuak ta.

HEADLINE :
BIALTU MLA LO KAL
Hlimen a Multi Sports Complex tur en


    April ni 7, 2017 (Zirtawpni) khan Bialtu MLA Pu KS Thanga chuan Hlimen rawn tlawhin Hlimen Local Council, Branch YMA, MHIP, MUP, G&SA, Hlimen Badminton Club leh Hlimen Congress Unit ten YMA Hall-ah an lo dawngsawng.
    Bialtu MLA leh heng pawl hrang hrang hruaitu te hian Hlimen-in Multi- Sports Complex kan neih theih nan hmalak dan tur an sawiho a ni. Bialtu MLA hian Zothantluanga Consultancy Firm a an hotu leh Engineer te a rawn hruai a, anni hi Plan & Estimate siam tu tur an ni. Multi Sports Complex atan hian Hlimen Thlanmual-I a thlan laih theih lohna lai chu ruahmanin a hmunah an enho nghal a ni. Consultancy Firm ten Plan & Estimate an siam hmangin Central lam sum a he Sports Complex hi siam tum a ni. He Sports Complex a hlawhtlin theih nan hian Bialtu MLA chuan theihtawp chhuah a hmalak zel a tum thu a sawi.
    Multi Sports Complex ah hian sum hmuh tur a zirin Sport Item hrang hrang khelh theih tura siam tum a ni. Multi Sports Complex din tum hi a hlawhtlinna hmel hmuh ngei a beiseiawm a, hetiang kan nei thei a nih chuan infiamna lamah hma kan sawn chak hle in a rinawm. Tin, hemi ni hian Hlimen Indoor Stadium tihchangtlun dan tur te sawiho a ni bawk a, Bialtu MLA hian Indoor Stadium a Dressing Room leh inthiarna siam nan Sports Council kaltlangin sum a ngaihtuah tur thu a sawi bawk a ni. Kan vengin infiamna lama hma kan sawn zel theih nan Bialtu MLA in hma min lak sak hi a lawmawm hle a ni.  Tin, veng hmasawnna atan hmalakna hi a hlawhtlin theih nan khawtlang mipuite pawh kan \anrual a pawimawh hle.
    Infiamna (Sport) hriselna atan mai bakah eizawnna tak tak tling a ni chho ta zel a, kan venga infiam mite pawh ruihtheihthil a fihlim a, Discipline ngaipawimawh a,  mahni tuina zawn \heuh a tun aia nasa zawk a in buatsaih a, theih tawp chhuah a; infiamna hmunhma \ha zawk neih phu ngei a in buatsaih deuh deuh a pawimawh hle bawk awm e. Aizawl khawpui chhung hi a chep sawt em avangin hmun pawimawh tam tak te chu hmun dangah siam/ sawn an ni dawn chauh niin a lang a, kan veng pawhin engenge emaw kan nei zel turah ngai ila, chutihrualin, midang te dawngsawng thiam a, tlawh nuam tak veng kan nih zel theih nan mipui te pawh kan hak kan tih zauh deuh deuh  a, kan \awngkam leh chevel ah pawh hma lam pan zel a pawimawh hle bawk awm e.

PAGE - 2
EDITORIAL :
           RINAWM A PAWIMAWH
    Khawvel hnam changkang leh ropuite hi hnam rinawm an ni duh hle a, sumdawnna lama mi hlawhtlingte pawh mi rinawm an ni fo bawk. Chutiang bawk chuan sorkar hna leh kuthnathawh lamah pawh mi hlawhtlingte chu an hnathawh a mi rinawm tak an ni chawk a ni.
    Mi rinawmlo, mi pamhamte hi a chang chuan hlawhtling angin lang mah se an daihrei lo duh hle. Khawvel ram changkang tak tak tlawhkual \hinte pawh hian an rinawm zia leh an hnathawh thleng pawha sorkar tana an inpek zia hahipin an sawi \hin.
    Hei hi khawvel kalphung a ni chiang a, tin, kan Bible min zirtir dan pawh a ni bawk. Chuvangin Mizo hi inbihchiang ila, Hlimen khaw nu leh pate pawh hi i inbihchiang teh ang u. Rinawm taka hna kan thawhna ah hian nge hlawhtlinna tak tak kan neih a depdê taka kan thawhna-ah hian tihte pawh mahni \heuh inbih ta ila; a chunga kan sawi takte khi a dik zia kan hmuchiang hle ang. Chuvangin thil tihna kawng tinrengah hlawhtlinna nei tur chuan mahni thawhlai hna \heuhah rinawm takin thawk \heuh ila, chu chuan hlawhtlinna a hring thei a ni tih i zirchiang \heuh ang u.
    Tin, kan nitin nunphung leh khawsakho naah rinawm lo, thutiam a ding thei lo leh dawt sawi mai mai ching kan tam hle niin a lang. Kan \henawm khawveng; kan bulhnai a mite hian hnung lam a\angin min nuih tih inhriat a \ha. Thufing pakhat chuan, “rinawm taka a thutiama a din ngheh tlat avangin miin engmah hloh a nei ngai lo” a ti a. Keimahni, kan chhungkua leh kan khawtlang tan hian rinawmna hi a pawimawh tak zet zet a ni.

ADVERTISEMENT...
R.D. SEPTIC TANK service
    Septic Tank khat paihfai,  commode block, pipe line \halo, soak pit thar siam leh a hlui repairing pawh kan ti thei reng a kan sulhnu a felfai a, senior leh rintlak kan ni e, kan rate a tlawm bawk.

    RDA,  Ph: 9436199884,
(6-5)    9612510887

Emmanuel Drugs Store
    Damdawi chikim zawrhna dawr kan hawng thar ve ta e. Keimahni ina hawng kan nih avangin englai pawhin dawr theih reng kan ni. Min rawn pan ve teh le.

    Prop. Toki
(4-3)    Hlimen, Damveng, Near UPHC

Thleng thar
    School Session thar a i inbuatsaih nan Stationary Item chi hrang hrang a lo thleng leh ta. Exercise Book leh Pencil Box, Name Plate leh a dang duh thlan tur a awm e. MRP leh Vishal rate vek a pek a ni !!
    Tin, Lamination pawh kan tih chhunzawm reng e, min rawn pan ve teh.

    Prop. Mka
(2-2)    MK Business, Hlimen, Venglai

Cement Mixture
    In in sakna/ i hnathawhna ah Cement chawhna kawngah buaina/harsatna i nei em? Cement Mixture khawl tlawm taka Hire tur ka nei e.
A hawh man hi nikhatah ` 2000/- chauh a ni e.

(5-2)       Marinmawia, Venglai Hlimen, Ph No: 9862221774

Hrisel duh tan
    Hrisel duh tan in ngei ngei chi, zunthlum leh cancer, tha nâ, ek khalte tana damdawi \ha tak mai Green Tea chu Pi Zosangi dawrah lei theihin a awm ve ta.
    A bawm lian ` 150
(1-1)    A bawm tê ` 80

Archaw |ha
    Aizawl a âr chaw \ha bera an sawi \hin nena A.H. & Vety Deptt. Lab. a khaikhin pawhin \ha zawka ngaih chu Hlimen Poultry Farming Co-op. Society chuan  Pi Nuzawni, Damveng inah bag 1 (50 Kgs) `  2,000 in lei tur kan nei reng e.

    Contact    :    9436388406, 9862376309
(1-1)            9862712029, 9856561485

Septic tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Komode Block leh pipe fitting pawh kan ti thei bawk e. Rate chu inbiakremna ang a ni ang.

(6-1)    VL-a,  Ph.No : 9402344486
 
PAGE - 3
HRIATTIRNA :
M/S - I  hriattirna
     Kum 2017 - 2018 Session atan Govt. Middle School-I ah Class V - VIII Admission a tih theih ta e. Admission Free a ni ang. Govt. Middle School-I, Hlimen -ah hian zirna mai bakah rilru leh taksa hriselna atan Instructor thiam tak hnuaiah Magic Bus neih \hin a ni. Class-V tan Uniform Free a ni ang.
    Admission hi Pu R.Thangmawia, Ph. No 9612175324, Lalsavunga Sec. hnenah a tih theih e.
    Sd/- Headmaster, Govt. M/S-I Hlimen

Hriattirna
    Pi/Pu VANLALSANGI ROKHUM S/o, D/o R.K.HMANGAIHA of BUNGKAWN hian a LSC/House Pass/Shop Pass/Stall Pass/P.Patta No. AZL 1535 OF 1986 of Hlimen Veng ami hi a tibova rawn insawiin Office-ah re-issue a rawn dil a. A dil anga tihsak a rem lohna tur chhan eng pawh hria chuan Chanchinbu a chhuah a\anga ni 30 hma ngeiin a hnuaia address ziakah hian hriattir tur a ni. Hetianga  LSC/House Pass/Shop Pass/Stall Pass/P.Patta pek chhuah leh a lo nih chuan  LSC/House Pass/Shop Pass/Stall Pass/P.Patta hmasa chu cancelled nghal a ni.
    Sd/- Director
    Land Revenue and Settlement
    Mizoram : Aizawl

Taxi welfare hriattirna
    Hlimen to Kulikawn Taxi Welfare te chuan an fare/rate chung chang ennawnin taxi contribution fare/rate hi chhun lamah chuan a pangngai ` 20 a la ni anga, khaw thim hnu (zan) lamah erawh chuan mi pakhat tan ` 30 zel a ni tawh dawn a, mipui an inhriattir a ni e.

LOCAL COUNCIL hriattirna
    Adhaar Card a lo thleng thar leh a, Local Council Office ah Office hawn hunchhungin lam theih a ni e.
    Bawlhhlawh paihna man AMC lamin an tum ve tur sum an rawn tih hniam tak avangin mipui tum ve tur rate tihsan a \ul ta a, thlakhatah ` 50 zel a khawn a ni ve tawh dawn tih kan in hriattir a, hei hi bawlhhlawh paihna fee khawn leh hmasa ber a\anga hman \an tur a ni ang.
Sd/- Lalhmingliana, Chairman, L.C

Damveng Welfare hriattirna
    Damveng Welfare te chuan sualna leh ruihhlo Do chungchangah chak takin hma a la thar leh dawn a, Damveng huamchhungah ruihhlo zawrh leh ruih khap tlat a ni a, a tilui kan awm a nih chuan Welfare in hma a la nghal zel dawn a ni.
    Sd/- Secretary, Damveng Welfare Committee.

LPS (SMNET) hriattirna
    Digital signal tihnun/ a nih dan tur pangngai a hman \an a ni a, channel 61 leh 165 hmu theih lo te chu Ph No : 9612612881 ah in Report turin kan in ngen e.

LAWRKHAWM :
CYMA in Cement Mistiri Training a buatsaih leh dawn
    Central YMA chuan May ni 1 - 30, 2017 chhung hian Central YMA Office Complex-ah Cement Mistiri Training a buatsaih leh dawn a. Training hi mi 50 tan chauh a nih avangin, thiamna tak tak duhte tan dil theih a ni ang a, DA nikhatah ` 150 pek an nih bakah, chhun thingpui ngaihtuah sak an ni ang.
    Dilna hi 20th April, 2017 thleng Central YMA Office-ah Office hun chhungin thehluh theih a ni ang. Mahni Branch YMA te hriatpuina a ngaih avangin,  a duh tak tak leh eizawnna atana hmang ngei tur chuan Branch YMA hruaitu te hriattir tur a ni.  CYMA chuan \um danga experience a lo neih tawh a\angin thiam tum tak tak lo an awm \hin avangin Training turte hi a duh uluk hle a ni.
    Training tura diltute hi April ni 21, 2017 Dar 11:00am-ah Interview neih a ni ang a, April ni 26, 2017-ah result tarchhuah a ni ang. May ni 1, 2017 dar 10:30 Am-ah Central YMA Hall-ah Training hawnna neih a ni ang.

Centenary lawm na hun hmang dawn

    Chhandamna Sipai Pawl - India Eastern Territory chuan tunthla hian kum 100 a tling dawn a, hemi lawmna leh Palm Sunday (Tumkau Ni) pualin Hlimen Corps te chuan tun Pathianni chawhma inkhawm leh chawhnu inkhawm inkar hian Venglaikawnah mual inkhawm an buatsaih dawn a, a duh apiang tan chhim theih a ni ang.
    Tin, he hunah hian theitui pawh a duh apiang tan a thlawnin an sem dawn niin kan thu dawnna chuan a sawi.

Volleyball Club hriattirna
    April ni 11, 2017( Thawhlehni) zan dar 7:30 hian 2017 Hlimen Volleyball Club hruaitu tur thlanna neih tur a ni a, Hlimen Volleyball Club memberte kim taka kal tura hriattir kan ni a, a hmun erawh remchan dan anga inhriattir leh tur a ni e.

Kawngchhia siam
    Hlimen to Kulikawn Taxi Welfare te chuan tunkar chho khan Hlimen veng chhunga kawngpui chhe lai siam\ha in hnatlang an nei. Taxi Welfare Member te hi kawng khuar chhe lai hnawh mam hian an service loh ni a piangin an in hnatlan chhawk \hin a ni.

headmistress thar nei
    Hlimen High School Headmistress Pi Lalrampari chu Pension a a chhuah tak avangin Pi Lalnuntluangi, Thakthingtlang a mi chu Headmistress thar atan sorkarin a rawn dah fel ta.  Pi Lalnuntluangi hi Hlimen High School ah hian tunhma lamin a lo thawk tawh \hin a ni.

Hlimen Football Club hriattirna
    Hlimen Football Club kum 2017 exe. Committee vawikhatna April ni 7, 2017 a neih chuan Club member lak nise a ti a, member hi mi 1 ah ` 10 lak nise a ti a, kum bithliah awm lovin Football a tui tawh phawt chu member a nih theih a ni.
    Tin, April ni 10, 2017 (Thawh\anni) zingkar a\ang hian regular tak a Practise neih \an tum a ni a, Football khel \hin zawng zawng te Practise tur in kan in hriattir e.

PAGE - 4
KEIMAHNI :
Hlimkhawpui Budget
    Hlimkhawpui  Jan. & Feb. 2017  thla Budget  pe tla tawh te:
1.    Kapdaia Sec.    2. Damvea Sec.
3.    Saichhuma Sec.    4. Buala Sec.
5.     Vawmphunga Sec.    6. Lalsavunga Sec.
    Tin, Kapdaia Sec. ten March - April Budget an tlak ta bawk.

Kuang nawrna siam|ha
    April ni 1, 2017 (Inrinni) khan kuang nawrna chu Pu Maenga Fabrication-ah siam \hat a ni a, Pu Maenga hian a thlawnin a lo welding sak a, a chungah YMA hruaitu ten lawmthu an sawi.

Thlanmual chung chang
    Hlimen Branch YMA chuan Thanmual-II ah thlan number a pe zo tawh a, thlanmual-I ah pawh number pek leh tur a ni a, hemi avang hian thlan chhinchhiah loh la awmte arang lama chhinchhiah vat turin an chhungte hriattir in ni e. Hemi hnu a thlan chhinchhiah loh la awmte chu thlan ruak anga ngaih tur a ni ang.

Kapdaia Section
    April ni 11, 2017 (Thawhlehni) hian Kapdaia Sec. te chuan sumtuak nan sangha zawrh an tum a, chhungtin ten lo leisak turin Sec. hruaitu ten an ngen tak meuh meuh a ni.

Buala Section
    Pu Lalbiakvela te chhungkua chuan mitthi an awm a, an nihna tlangpui tarlanna - Alco Signboard \hatak mai min pe a, an chhungkaw chungah lawmthu kan sawi e.

Kumpuan hawng
    April ni 7, 2017 (Zirtawpni) zan khan Dinthar Branch , Aizawl -ah Pu R. Lalngheta Asst. Secy CYMA chuan kumpuan a hawng. Kan Branch a\angin Pu Lalhmuchhuaka bakah  CEC member pahnih in an \awiawm a ni.

Lalsavunga Park Duty tur te
April ni 9, 2017 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David vanlalhuma 6.Pu Zolianchhunga 7. Pu Lalbiaksanga. 8. Tv. Lalromawia. 9. Pu B. Lalbiakmawia

April ni 16, 2017 (Pathianni) : 1. Pu Lalrinmawia. 2.    Tv. R. Lalrindika 3. Pu Vanlaltluanga 4. Pu Zoramhmangaiha 5. Pu Laldawngliana 6. Pu Biaknghinglova. 7. Tv. Lalpekthanga (KD) 8. Pu Jerome Lalduhbika (BS) 9. Tv. Lalnunsiama (BS)

April ni 23, 2017 (Pathianni) : 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Zonunsanga. 7. Pu Lalrinchhana. 8. Pu Andrew Lalrinchhana.

April ni 30, 2017 (Pathianni) : 1. Pu Lalhmuchhuaka. 2. Pu H. Ralkapthanga. 3. Pu Lalhmingliana. 4. Pu Lalremmawia. 5. Pu F. Zosangzuala. 6. Pu N. Zoliansanga. 7. Tv. Lalkhawmawia.  8. Tv. Lalnunmawia.
Duty tur ruatna siam a ni lova, hei hi ruatna a ngaih tur a ni.

LAWRKHAWM CHHUNZAWMNA.....
Central YMA hmalakna
31.3.2017 : YMA Mission Veng Branch ten kumpuan hawn programme an hmang a, Pu R. Lalngheta, Asst. Secretary-in kumpuan hi a hawng a, Pu R. Vanlalsawma CEC, Pu Lalrinawma CEC leh Pu Fabian Lalfakawma CEC ten an \awiawm.
3.4.2017 : Model Veng Branch ten kumpuan hawn programme Model Veng KTP Inkhawmah an hmang a, Pu Lalbiakzuala, President, Pu Laldawngliana CEC, Pu Jeffrey L. Fanai CEC, Pu Lalhmingmawia CEC leh Pu C. Vanlalsanga CEC ten an hmanpui.
3.4.2017 : Skill Development lama thawhho dan zawngin Niranjan Singh, Director, JCRE leh Sam Freemon, Country Manager - India Queensland Skill & Education Consortium, Australia te chu Central YMA Office-ah an lo leng a, Pu Lalbiakzuala, President, Tv. Lalhmachhuana, Gen. Secretary leh Pu Lalthanfela CEC ten an lo kawm.
4.4.2017 : Vaivakawn Branch ten kumpuan hawn leh Music Video tlangzarh programme an hmang a, Pu Lalbiakzuala, President-in kumpuan hawngin Music Video a tlangzarh a, Pu R. L. Zomawia CEC, Pu Lalsangzuala Sailo CEC ten an \awiawm.
5.4.2017 : Tawitlang Group YMA Conference Chhingchhip Venghlunah neih a ni a, Pu R. Lalngheta, Asst. Secretary, Pu R.L. Zomawia CEC, Pu R. Vanlalsawma CEC, Tv. Zochhuana CEC, Pu M.C. Siamkunga CEC leh Pu V.L. Siama CEC ten an hmanpui.
5.4.2017 : Bawngkawna Vishal Mega Mart hawn danah thil dik tawk lo a awm ngei nia hriat a nih avangin, Central YMA OB ten Home Minister chu a Pisa-ah an hmu a, thil awm dan an sawipui.
6.4.2017 : Vanva Group YMA Conference Mausen-ah neih a ni a, Pu Roneihthanga CEC, Pu R. Lalduhawma CEC, Pu R.L. Zidinga CEC leh Pu Fabian Lalfakawma CEC ten an hmanpui.
7.4.2017 : Sub-Hqrs. YMA, Kolasib chuan Kawnpui-ah Rorel Inkhawm an hmang a, Tv. Lalhmachhuana, Gen. Secretary, Pu V.L. Chhuanga CEC, Pu B. Rothangliana CEC, Tv. Zochhuana CEC, Pu Lalngaihawma CEC, Pu Malsawmkima CEC, Pu R. Lalduhzuala CEC ten an hmanpui.

Hlimkhwpui man
    Tunlaiin cheng sawm thir (Coin) hi a hmanralna ah harsatna a awm avangin Hlimkhawpui chanchinbu man atan cheng sawm thir lo pe tawh lo turin chhungtinte kan in hriattir a, Agent te leh a khawntu te pawhin lo dawn tawh kan lo nei a nih pawhin kan khawn leh  hunah chuan cheng sawm thir hi dawn/lak tawh loh tur a ni e.

Intuai tharna nei
    April ni 8, 2017 (Inrinni) hian V.D.P te chuan intuaitharna neiin YMA Hall-ah hun an hmang a, tlailamah chawhlui an kil ho nghal. Hun hmandan kimchang erawh he chanchin buatsaih lai hian hriat a ni lo.Kan veng VDP te hian khawtlang then thianghlimna kawngah chak taka hmalak zel an tum a ni.

Saturday, 1 April 2017

Tau thla Ni 1, 2017, Issue No 13

PAGE - 1
TUALCHHUNG :
Damlo :  Pi Lalsangzuali H/o Vanlaltluanga, Vawmphunga Sec. a mi chu zun kawnga hnai awm avangin Aizawl Hospital-ah Admit niin enkawl mek a ni.

##    Pi Biakmawii W/o Rokima, Saichhuma Sec. a mi chu zunthlum avangin State Referral Hospital, Falkawn-ah March ni 28, 2017 khan Admit a ni.

##    Pu Lalrindika H/o Lalnundiki, Saichhuma Sec. a mi chu a chetsualna lamah a kut zung\ang pathum a ruh a tliak a, Aizawl Hospital panpui niin Admit a ni a, March ni 31, 2017 khan a lo chhuak leh ta.

##    Malsawmdawngzela S/o Lalmuanawma, Saichhuma Sec. a mi chu kaw\halo leh luak avangin BN Hospital, Kulikawn-ah March ni 28, 2017 (Thawhlehni) khan Admit a ni.

Silai kah thiam :  Pu R.Zoliansanga S/o Vankhuma, Saichhuma Sec. a mi chuan  Mizoram Open Air Rifle Shooting Competition, Mualpui a neih zawh takah 70 Metre-ah Gold Medal lain 15 Metre-ah Silver Medal a la bawk.  Lawmman atan ` 50000 man silai \ha tak a dawng bawk.

UPHC Chung chang : Feb. ni18 - March ni 31, 2017 chhunga Hlimen UPHC report :-
 OPD - 208, Naupai enzat-4, Emergency -17, Dressing-99, Inpatient-2
    March ni 31, 2017 khan Saikhamakawn  Presbyterian Sunday Sikul Hall ah Free Clinic neih a ni a, UPHC Hlimen Doctor bakah Eye Specialist Dr. Mac Lalnuntluanga rawih bawk a ni. Hemi ni hian mi 190 an inentir bakah  mi 19 in zunthlum an test bawk. PMSMA chungchang April ni 9 hi sunday anih avangin ni 7 hian naupai thla 4 chunglam inentir leh tura hriattir in ni e.

MHIP in hlan : Mizo Photographer Society buatsaih 2017 Kût Lady  Top 10  Nl. Lalnunthari Kapdaia Sec. lawmpui nan MHIP Hlimen Branch chuan ` 1000 an hlan.

Medal hawn : Mizoram Open Taekwondo Championship Electric veng Hall- a khelh zawh takah CMTC Hlimen chuan Player 5 khelh tirin medal 4 an rawn hawn a, hetiangin- Lianthangpuii - Gold , Naom Lalbiakpuii - Gold, Vanlalruati - Bronze, K. Lalrinpuii - Bronze. Competition awm leh turah Player tam zawk chhuak turin an in puahchah mek bawk.

HEADLINE :
HLIMEN BRANCH YMA COMMITTEE NEIH A NI

    March ni 28, 2017 (Thawhlehni) zan khan Hlimen Branch YMA Committee vawi 4-na YMA Hall-ah neih a ni a. Hemi huna thurel tlangpuite chu hengte hi a ni e :-
1. Branch Finance Report : Branch YMA Treasurer Pu Lalrinmawia hnen a\angin Branch Sum ` 1,03,664 a awm thu ngaihthlak a ni.
2. Chhiatni Fund Report : Pu H.Ralkapthanga, Branch YMA Chhiatni Fund Treasurer hnen a\angin sum ` 27,490 neih mek thu ngaihthlak a ni.
3. Kum 2017 YMA kumpuan, Branch tih tur tihhlawhtlin dan tur chung chang : (A) Ruihhlo Dona kawnga vengchhung hmalakna-ah zû leh damdawi ti \hinte hming list lo lakhawm a, an chungchang ngaihtuah a nih theih nan heng mite hi Branch Committee a thehlut turin heng mite hi ruat an ni :-
    Leader        :   Pu Lalrinmawia
    Members    : Pu Zoramhmangaiha(BS), Pu R.Lalbiakmawia(DV), Pu Lalrinchhana(KD), Pu Lal\anzuala(LSV), Pu N.Zoliansanga(SCS), Pu Zolianchhunga(VP)
(B)    YMA Kumpuan ‘RAM LEH HNAM HUMHALH’ pualin veng chhunga School hrang hrangah Campaign neih ni se tih a ni a. A hun atan April ni 18, 2017  ruat a ni a, Headmaster/Principal etc. te nen la indawr tura tih a ni. Hetiang hian kal dan tur ruahmanna siam a ni.
        HLIMEN HIGH SCHOOL :
Team Leader    :  Pu Ro\huama, Adviser.
Team Members :  Pu K. Lalremruata, Pu Zolianchhunga,     Nl. B.J. Zonunmawii, Pu Zosangzuala, Pu Lal\anzuala,          
        MIDDLE SCHOOL - I :
Team Leader    :   Pu Lalhmuchhuaka, President.
Team Members :  Tv R. Lalawmpuia,  Pu Biaknghinglova,     Pu R. Lal\anpuia, Nl. Melody Zodinpuii,
MIDDLE SCHOOL - II :
Team Leader    :  Pu H. Ralkapthanga, Secretary.
Team Members :  Pu Lalroliana,  Pu Andrew C. Lalrinchhana,    Pu R. Lalbiakmawia,  Pu Zosangzuala, Pu Vanlalliana.
PRESBYTERIAN ENGLISH MEDIUM SCHOOL :
Team Leader    :   Pu Lalremmawia.
Team Members :  Pu Robuanga, Pu David Vanlalhuma,      Pu Lalrinchhana, Tv C.Lalnunmawia,  Pu Lalthantluanga,         PRIMARY SCHOOL - I :
Team Leader    :   Pu Lalrinmawia, Treasurer.
Team Members :  Tv R. Lalrindika, Pu R. Zoliana, Pu Zoramhmangaiha,  Pu J. Vanlalbiakdika, Pu Laldawngliana.
PRIMARY SCHOOL - II :
Team Leader    :   Pu C.Lalhmingthanga.
Team Members:   Pu N. Zoliansanga, Tv Zonunsanga,    Nl. Lallawmkimi, Pu Zairemthanga
PRIMARY SCHOOL - III:
Team Leader    :   Tv. Lalkhawmawia
Team Members :   Nl. Zochuanpuii, Pu Lalhmingliana,   Pu Vanlaltluanga, Pu R. Lalchhandama, Nl Lallawmzuali.
 
PAGE - 2
EDITORIAL :
DAN ZAWM ILA
    He leia kan awm chhung hian chhungkua ah leh kan khawtlangah hian dan zawm tur a tam em em a. Ziaka dan ai mahin ziak loh dan zawm tur a tam zawk niin a lang.
    Tunlai khawvel intlansiakna leh duhamna a kan khahna ah hian dan zawm harsa kan ti hle mai a. Hetih lai tak hi dan zawm a \ul hun a ni tlat bawk si. Tualchhung inrelbawlna chung changah kan khawtlang \hatna turin kan khawtlang hruaitu Local Council te chuan dan zawm tur an siam ta nual mai. Bawlhhlawh chung changah te, ran khuahkhirh chung changah te, lirthei kan dahna hmun chung changah te leh thil dang dangah dan zawm tur kan nei mek a ni. Hengte hi kan khawtlang tan a ni a, danin hremna a kentel hlauh vang mai ni lovin kan zawm ngei a \ulna hrereng chungin kan khawtlang hruaitute dan siam hi i zawm hram ang u.
    Dan hi ram changkang leh hnam fing apiangin an zah thiam a, nun pawh a nuam \hin. Keini khawtlangah pawh hian Local Council dan siam emaw, sorkar dan siam emaw zah thiam reng reng chu mimawl an awm ngai lovang.
    Mihring hi awmho lo thei lo kan nih avangin chumi atan chuan dan tam tak kan mamawh a, kan zawm thiam leh keimahni tan a nuam dawn a ni. Mahni ngaihdan ngawt hmanga dan leh kalphung pawh ngaihtuah lova kan tal chuan khawtlang tana hnawksak kan ni ngei ang. Hawh u, dan i zawm \ha ang u.

ADVERTISEMENT......
Admission notice
    Emmanuel English School, Durtlang Leitan ah 2017 - 2018 Academic Session atan Nursery to Class X (School & Hostel) Admission hawn a ni ta e.
    HSLC Result : 2016 - 98%, 2015 - 100%
    Sd/- Principal  
(4-4)    Ph.No : 9856090601 / 9862554946

ADMISSION OPEN
    Biakliana Memorial Higher Secondary School, Kulikawn BN Hospital bulah kum 2017-2018 Academic Session  atan Cl-IX - XII Admission ( Day & Hostel) hawn a ni ta e. School hawn thar a ni a, nikum Special Matric ah khan 100% an pass a ni.
    Pi Lalrempuii(Mapuii) Buala Sec. hnenah Application Form lakchhuah theih niin zawhfiah tur nei chuan zawhfiah theih a ni bawk e.
  (4-4)              Contact No. : 98621756137 /   9862356886

Septic tank khat tan
    Septic tank a harsatna nei tan  paihfai, Commot Block, Soak Pit hlui leh a thar kan siam theiin Commot thar kan fit thei bawk a, Pipe fitting kan ti thei nghal bawk e.
    Rate : Inbiak remna
    Regd. No. MSR 524 of 15.07.2015
    Mawitea Septic Tank Service  
(10-10)           Ph.No : 8729934266 / 8575868418

R.D. SEPTIC TANK service
    Septic Tank khat paihfai,  commode block, pipe line \halo, soak pit thar siam leh a hlui repairing pawh kan ti thei reng a kan sulhnu a felfai a, senior leh rintlak kan ni e, kan rate a tlawm bawk.
    RDA,  Ph: 9436199884,
(6-4)    9612510887

New hope academy
Upper Republic Aizawl
Admission Notice

    2017-2018 Session atan Cl-IX - Cl-XII (Arts) Admission hawn a ni ta. Experienced Teacher ten an zirtirnna hmun, School Building nuam leh Class room nuam tak awm na kan nei e. Board Exam tur leh Cl- X leh Cl- XII tan Study Camp kan neih pui \hin a, zirlai chak lo te tan beiseina thar nen theihtawp kan chhuah pui \hin.
Hrechiang duh tan -New Hope Academy, Upper Republic Aizawl,
                                                            R. Hautluanga Building,
Contact : 9862810672,8257035798    Near Sikulpuikawn

Septic tank khat tan
    Septic Tank ah harsatna i nei em le? I neih chuan min rawn bia la, i harsatna zawng zawng kan lo sutkiansak ang che. Fai taka paih leh Soakpit hlui leh a thar pawh kan repair thei a, Komode Block leh pipe fitting pawh kan ti thei bawk e. Rate chu inbiakremna ang a ni ang.
(6-6)    VL-a,  Ph.No : 9402344486

Emmanuel Drugs Store
    Damdawi chikim zawrhna dawr kan hawng thar ve ta e. Keimahni ina hawng kan nih avangin englai pawhin dawr theih reng kan ni. Min rawn pan ve teh le.
    Prop. Toki
(2-2)    Hlimen, Damveng, Near UPHC

PAGE - 3
HRIATTIRNA :
Hlimen H/S hriattirna
     Govt. Hlimen High School a lut turte chuan April ni 4, 2017 dar 10:00 Am-ah Govt. Hlimen High School Office-ah Admission tih tur a ni a. Admission Fee - A  lut tawh tan ` 820, a lut thar tan ` 920 a ni ang. Hengte hi Xerox Copy nen ken tur a ni :-
    1) Birth Certificate
    2) Transfer/Testimonial Certificate
    3) Marksheet

M/S - I  hriattirna
     Kum 2017 - 2018 Session atan Govt. Middle School-I ah Class V - VIII Admission a tih theih ta e. Admission Free a ni ang. Govt. Middle School-I, Hlimen -ah hian zirna mai bakah rilru leh taksa hriselna atan Instructor thiam tak hnuaiah Magic Bus neih \hin a ni. Class-V tan Uniform Free a ni ang.
    Admission hi Pu R.Thangmawia, Ph. No 9612175324, Lalsavunga Sec. hnenah a tih theih e.
    Sd/- Headmaster, Govt. M/S-I Hlimen

Health Clinic hriattirna
1.    RSBY Health Care renew, Mizoram State Health Care renew leh APL Health Care ti thar duh tan Office hunchhungin ti zel theih a ni e.
2.    India ram pumah 4th April 2017 (Thawhlehni) hi naupang kum 5 chin hnuai lam zawng tan zeng hri danna ei runpui neih leh tur a ni a, kan tu leh fate kan eitir vek dawn nia.
Booth awmna :
(1.) Pu Chalngaiha In Damveng - Zing dar 9-ah
(2.) Clinic Building (|helretkawn) - Zing dar 7-ah
(3.) Pu Laldawngliana In Central Workshop  - Zing         dar 7-ah
3.Thlatin kar 2-na Ningani a naupai leh naupang Vaccine pek \hin kha April 2017 atan chauh 7th April 2017 (Zirtawpni) atan sawn a ni e.
4. Rsby leh APL registration renew tawh Receipt pek loh zawng zawng ten receipt lam leh vek tur a ni e.

PES hriattirna
    April ni 3, 2017 (Thawh\anni) dar 9:30 am - 12:00 Noon chhung hian KG-I - Class IX admission hawn a ni leh dawn a, Admission ti tur ten a hun chhung hian tihfel tum tur a ni. Tin, Thawh\anni hian lehkhabu (KG-I - IV) a lakchhuah theih bawk ang. School luhni- April ni 10, 2017 (Thawh\anni), Dar 8:00 am.
    Sd/- Principal, PES, Hlimen

Advertisement......
Thleng thar
    School Session thar a i inbuatsaih nan Stationary Item chi hrang hrang a lo thleng leh ta. Exercise Book leh Pencil Box, Name Plate leh a dang duh thlan tur a awm e. MRP leh Vishal rate vek a pek a ni !!
    Prop. Mka
(2-1)    MK Business, Hlimen, Venglai

LAWRKHAWM :
Badminton Tournament khelh zawh ni
    March ni 21-24, 2017 chhunga F. Zoliansanga Invitation Badminton Tournament , Hlimen Indoor Stadium a neih chu khelh zawh a ni ta a, Category hrang hranga result hetiang hi a ni :-
1.    Mens Singles :
    Champion    :    K.Lalmalsawma
    Runner Up    :    John V.L.Hruaitluanga
2.    Mens Doubles :
    Champion    :    Lalbiakmawia & Zonunkima
    Runner Up    :    Lalrinawma & Laldintluanga
3.    U - 19 :
    Champion    :    John V.L.Hruaitluanga
    Runner Up    :    K.Lalmalsawma
4.    U - 15 :
    Champion    :    Saithangpuia Sailo
    Runner Up    :    R.Lalrintluanga
5.    45+ Doubles :
    Champion    :    Aibawk BC
    Runner Up    :    ITI BC
    He Tournament hi Pu F.Zosangzuala te chhungkua in Sponsor in ` Nuai 1 an thawh a, an ni bakah hian Pu K.S.Thanga MLA in ` 15,000, Social Welfare in ` 10,000 leh Pu Lalrindika Ralte in ` 5,000 an thawh a ni. He Tournament ah hian player 94 zet an tel a ni.

Football Club lawmthu
    Hlimen Football Club ten MLA Cup Samlukhai khua a kan khelh zawh takah vengchhung pawl \henkhat ten pawisa fai min pe a, kan lawm takzet a ni.- (1) G&SA - ` 2,000  (2) Hlimen Congress Unit - ` 5,000 (3) Local Council -  ` 1,000 (4) Pu F.Laltlanmawia Ball man ` 1,000
    Tin, March ni 27, 2017 (Thawh\anni) a Lungleng a kan Champion lawmna chaw eikhawm kan neihna-ah Pu Lalrinmawia, President G&SA in ` 1,750 min pe a a chungah leh phal taka an in min hmantirtu Pu Lalzarzoliana te chhungkaw chungah lawmthu kan sawi tak meuh meuh a ni e.
    Tin, veng aiawha khel, player zawng zawngte chungah lawmthu kan sawi tak meuh meuh bawk e.
    Sd/- Lalpekhlua, Secretary. Hlimen Football Club

Lalsavunga Park Duty tur te
April ni 2, 2017 (Pathianni) : 1. Pu Lalroliana. 2.    Tv. R. Lalbiakmawia 3. Pu Vanlalliana 4.    Pu K. Lalremruata 5. Pu Lalthantluanga. 6. Pu Lalnunhlimpuia (DV) 7. Pu Lawmtluanga (DV) 8. Tv. Lalchhanhima (DV).

April ni 9, 2017 (Pathianni) : 1. Tv. R. Lalawmpuia 2. Pu R. Zoliana 3. Pu R. Lalchhandama. 4. Pu Lal\anzuala 5. Pu David vanlalhuma 6.    Pu Zolianchhunga 7. Pu Lalbiaksanga. 8. Tv. Lalromawia. 9. Pu B. Lalbiakmawia

April ni 16, 2017 (Pathianni) 1. Pu Lalrinmawia. 2.    Tv. R. Lalrindika 3. Pu Vanlaltluanga 4. Pu Zoramhmangaiha 5. Pu Laldawngliana 6. Pu Biaknghinglova. 7. Tv. Lalpekthanga (KD) 8. Pu Jerome Lalduhbika (BS) 9. Tv. Lalnunsiama (BS)

April ni 23, 2017 (Pathianni) 1. Pu Robuanga. 2. Tv. C. Lalhmingthanga. 3. Pu Zairemthanga. 4. Pu R. Lal\anpuia. 5. Pu J. Vanlalbiakdika. 6. Tv. Lalkhawmawia. 7. Pu Lalrinchhana. 8. Pu Andrew Lalrinchhana.

April ni 30, 2017 (Pathianni) 1. Pu Lalhmuchhuaka. 2. Pu H. Ralkapthanga. 3. Pu Lalhmingliana. 4. Pu Lalremmawia. 5. Pu F. Zosangzuala. 6. Pu N. Zoliansanga. 7. Tv. Zonunsanga. 8. Tv. Lalnunmawia.
Duty tur ruatna siam a ni lova, hei hi ruatna a ngaih tur a ni.

PAGE - 4
KEIMAHNI :
Hlimkhawpui Budget
    Hlimkhawpui  Jan. & Feb. 2017  thla Budget  pe tla tawh te:
1.    Kapdaia Sec.    2. Damvea Sec.
3.    Saichhuma Sec.    4. Buala Sec.
5.     Vawmphunga Sec.    6. Lalsavunga Sec.
    Tin, Kapdaia Sec. ten March - April Budget an tlak ta bawk.

Buala Section
    March ni 29, 2017 (Nilaini) khan Section intuaitharna hun kan hmang a, hemi-ah hian Pu Lianhmingthanga, Pu Ramsanga leh Tv. Lalramhluna ten phal tak leh pawisa pawh chawi ngai lovin, a thlawn liau liauin an motor min hmantir a, an chungah Section hruaitu ten lawmthu kan sawi tak meuh meuh e.
    Sd/- Leader, Buala Section YMA

Hlimen Branch YMA member dinhmun
    Hlimen Branch YMA 2017 Member dinhmun hetiang hi a ni :-
    Section    Mipa    hmeichhia    Total
1.    Buala    215    186    401
2.    Damvea    173    158    331
3.    Kapdaia    202    198    400
4.    Lalsavunga    66    48    114
5.    Saichhuma    181    164    345
6.    Vawmphunga    96    88    184
    Total    931    842    1775

chhiatni fund hman na
    Kum in Jan. - March thla chhunga Chhiatni Fund hmanna te:-
January 2017 :
1.    Guiter hrui leina    -    `    250
2.    Pi B. Lalbiaktluangi thihna senso    -    `    385
3.    Chhiatni Fund Committee senso    -    `    150
4.    Kuang siam hnatlang senso    -    `    470
Febuary 2017 :
1.    Pu F. Hrangkhuma (Lumen)    -    `    2,695
2.    Thlanmual bungrua tuaihriamna    -    `    400
3.    Tv. P.C Lalnunzira (Lumen)    -    `    2,675
4.    Gas thil a senso    -    `    120
March 2017 :
1.    Kuang linning-na puanthan Roll leina    -    `    2,500
2.    Kuang siam hnatlang senso    -    `    855
3.    Tv. Lalhruaimawia &
    Pu Lalthlamuana (Lumen ve ve) 
         -    `    5,035
    Total    -    `    15,535.
    Kumin chhung atan Chhiatni Fund khawn mek a ni a, kum hlui a kan Chhiatni Fund thawhkhawm a\ang khan Balance ` 27,490 la neih mek a ni.
    Tin, Pu Zautea thingzai, kuang tur phek 71 a ba in lak a ni a, Chhiatni Fund kan pek kim hunah thing phek man hi pek tur a ni. Kan mamawhna te min hriatthiam pui a, a ba a thingzai min lak tir avangin Branch YMA chu Pu Zautea chungah a lawm hle a ni.
 

(Phek hma chhunzawmna............)
    Heng baka YMA Kumpuan bawhzuina kawnga Branch YMA hmalakna tur awm chi te chu a tul ang zela bawhzui ni se, Hlimkhawpui Chanchinbu lamah pawh tih chhuah chhunzawm zel tura tih a ni.

4. Y.M.A. Hall hnuai dawr chung chang :  (i) YMA Hall hnuai Dawr kaw tin te hi thlakhat luah man `  600/- a ni a. YMA chu YMA a nih angin, dawr dang te nen khaikhin leh luahman sang tak chhiar a rem ve lo va; chuvangin, sang tak ni lovin `  100/- erawh chuan pun ve ni se tiin April,2017 atang chuan dawr luah man hi thlakhat ah ` 700/- ah san a ni.

5. Executive Engineer, PHED Aizawl Water Distribution Division South, Aizawl Mizoram hnen atanga veng chhunga Fire Hydrant dah humhalh leh ven\hat kawnga YMA te mawhphur tura ngenna chu committee chuan pawmin theih tawp chhuahpui tura tih a ni.

6. Aizawl South Joint Operation Secretary Pu C.L. Biaknithanga hnen atanga, Joint Operation tha tih chak nan Branch-in ` 1000/- thawh tura ngenna chu April Ni 14, 2017 hma ngeia hlan tura tih a ni.

7. Buala Section leh Kapdaia Section ten Branch YMA-a Section sum tuak (inhlawh) nan Lalsavunga Park-a duty an rawn dilna chu sawiho leh ngun taka ngaihtuah a nih hnuah, hun remchang siam sak ni se tih a ni a. Branch O.B. ten ruahmanna lo siam tura tih a ni.

8. Buala Section ten Section Intuaitharna hun hman an dil chu an dil anga phalsak a ni.

9. PEM LEHKHA :  (i) Ramhlun Vengthar atanga Pu Zoliankunga te hun engemawti chhung an rawn awm lailawk/Pem Lehkha (Testemonial Certificate) kan dawn chu Committee chuan a pawmpui a ni. An ni hi an nupain Buala Section-ah an awm a ni.
(ii) Bethlehem Branch YMA atanga Tv Johan Vanlalnghilhlova (VLA) rawn pemna lehkha  dawn pawh pawm sak a niin ani hi Pi Biakdangi In luahin Saichhuma Sec.-ah a awm a ni.

10. SECTION RAMRI TIHCHIANNA :  Kapdaia Section leh Saichhuma Section inrina lai hi : Venglai atanga Quarry zu luh chiah, quarry tawntirh, tunhma Pacoz quarry kawr - khurpui dung zui thlain, hei hi section inrina lai a ni tiin he section pahnih inrina lai hi tihchian a ni.

Lawrkhawm chhunzawmna....
Hlimen V.D.P. hruaitu
    Kum 2017 chhunga Hlimen Village Defence Party(VDP) hruaitute heng mite hi an ni e :-
    President    :    Pu Lalhmuchhuaka, Ph.9436197119
    Vice President    :    Pu Vanlalhruaia, Ph.9862090227
            Pu J.Hnuna, Ph.9612233116
    Secretary    :    Pu R.Zoliana, Ph.9862367760
    Asst.Secretary    :    Pu Lalrinmawia, Ph.9862221774
    Treasurer    :    Pu Lalroliana, Ph.8974243362
    Fin.Secretary    :    Pu Lalhmingliana, Ph.9436142302

Kumpuan hawng
    March ni 31, 2017 (Zirtawpni) zan khan YMA Mission Veng Branch chuan kumpuan hawnna hun an hmang a, Pu R. Lalngheta Asst. Secy CYMA chuan kumpuan hi a hawng a ni.
    Kan Branch a\angin Pu Lalhmuchhuaka, President leh CEC ni bawk chuan a \awimawm a, kumpuan hawnna ah hian member kal an \ha hle niin thu kan dawng.